紅葉茶屋 (T.O.P This is Our Place) (已結業)

同朋友係旺角新之城行完街就黎左呢個新商場，見到紅葉茶屋既食物幾吸引就攞左飛等位，大概15分鐘就有位。朋友叫左個照燒三文魚定食，定食有一碗湯、兩個前菜。三文魚份量幾大，亦都煎得幾香，魚肉唔會乾。連埋白飯吃就算大食既人都會幾飽。南瓜前菜個人覺得好好味，少少南瓜蓉既感覺。我就叫左個海鮮四色茶漬飯，有三文魚、吞拿魚、甜蝦同三文魚子。魚生好新鮮，幾有驚喜。食左少少就加左茶，雖然茶既味道幾香，但同魚生一齊食有少少唔夾，個人黎講唔加茶好味啲。食完主食已經好飽食唔落甜品，但下次都有興趣再去試下佢既甜品。整體而言價錢幾抵食，食物質素都好好。

由於大家都是半飽狀態，所以找一間有甜品的食店填補胃部空間。雖然店鋪不算大，但食品種類多，可以照顧到不同要求嘅朋友，有魚生定食、烏冬，多款甜品和飲品，環境寬敞光猛，食具都有特色，價錢大眾化，要食到一餐完整滿足晚餐，呢間食店合格，約朋友食飯做搞手都絕對穩陣。

叫左個牛肉壽喜燒，呢度係預先同係燒好啲牛，一上菜就食得啲漬物好得意，秋葵果個玩落好似口水媽，但食落係好食既，成個壽喜燒配合飯好好食，隻流心蛋直接用黎撈飯仲好食😂🤣呢間可以再戰

摘去鮮花 然後種出大廈，然而，旺角的中心旁邊自我記憶以來都沒有鮮花，只是，原本灰色建築物外的圍板卸去後，換上橙紅新衣，也蓋不過內裏那種黑。作為領展首個在旺角插旗的商場，T.O.P. This is Our Place的命名手法與前領展商場H.A.N.D.S. Have A Nice Day Shopping 如出一轍；高手過招，「高」比「手」更勝一籌。每個發展商都希望自己可以makes a difference，沒有悠久歷史的領展，包袱比其他發展商輕鬆得多；雖然驟眼一看，T.O.P. 猶如仿照曼谷的Siam Center 打造出來，但至少，T.O.P. 的individuality 是在香港獨有的。新商場自然需要「香港首家」的氣勢。紅葉下小鎮鎌倉的茶屋落戶T.O.P.，兩者沒有相對亮麗的背景，卻可另有一種synergy。茶屋裝潢明亮，一貫日式簡約風格。除了招牌抹茶甜品外，茶屋也有供應小食及主食。主食包括定食、麵、烏冬及丼，價錢實惠，約$70 - $90。香辣燒牛肉定食 $84定食包括了湯，兩款前菜隨燒牛肉奉上。前菜是醃製的菜及蘿蔔。前者爽口不會太咸，後者清新，但略嫌份量太少，滿足不到

為咗快食，早啲點餐，無諗過咁快上，可能因為人少。不過話後上嘅甜品則等咗好耐，侍應雖然話係單多，又的確多咗好多人，但係明明叫咗個女侍應幫忙跟進，先見到叫人做個甜品，應該係之前個男侍應應咗人就無咗回事...終於都係遲到。小食終於唔係芥辣菜，好感動...唔想食但偏偏幾次都係...想戒熱氣，今次食燒雞和豚肉定食~(燒雞其實都有點熱氣，皮有點脆口)兩個餐嘅賣點除咗食材，仲有啲醬汁配搭得好，沙律菜嘅汁酸酸甜甜，跟肉放一齊毫無違和感~為咗試個特製抹茶芭菲，所以咁快又再黎食果然好正佢嘅抹茶軟雪糕真係好好食下面係抹茶忌廉~底層係抹茶啫喱啱哂我呢啲茶控~不愧為推介甜品，配搭上好有心思，一食便知!近排食太多雪糕，所以今次唔敢叫兩個，下次先試個推介新地，好期待

有水飲，坐得舒服，啲嘢又好食嘅地方~不過要走多幾個位避開風口，之後幾次有人入黎都話個風好大...唔想一路食一路被凍風吹住個頭呢個三炙三文魚茶漬飯如果可以揀全部都係火炙三文魚就好啦～老公鍾情於牛肉壽喜燒~不過咸咗啲，唔適宜食咁多，飯後要飲多啲水...揀自選，綠茶朱古力勁似蕨餅，正奇怪一軟一硬嘅?個人覺得ok，但唔係特別好食。最唔鍾意啲無味cream...底層啲啫喱又係無味...最鍾意都係個軟雪糕，令人回味老公話配焦糖最正~(好似係黑糖)又係自選，好鍾意個藍莓忌廉仲有牛奶軟雪糕朱古力漿和雪糕都唔錯~又係最唔鍾意嗰啲無味cream下次要試餐牌上兩大推介芭菲和新地~

今日行top 睇下有咩食。行到頂樓見到有日本野， 諗住應該ok 就入左去。叫完野食， 黎到先知個份量， o 左嘴。佢既份量真係太少了，唔夠我食飽。 走果陣仲餓餓地。我諗我下次唔會再去了。

紅葉茶屋旺角新開左TOP商場，開左好多食肆。朋友特別推介我去食呢間糽葉茶屋，因為佢知我係抹茶控，所以叫我去試食佢特色之一-抹茶🍵餐廳環境好好，本人覺得好適合朋友聊天，而且行街累了，可以來食個甜品休息下抹茶餅新地$542球抹茶雪糕+新地+紅豆容我覺得都幾重抹茶味，但如果佢主打抹茶，佢又唔夠濃郁，而且分量好少，特別係紅豆容，可以再多少，甘就會好好多朋友叫左個dinner set 野菜炒豬肉$79味覺好夠味，分量亦都剛剛好，仲配左芝麻比你加係飯

🍵紅葉茶屋🍁～～～～～～～～～～～～～～～～～～行街行到又餓又攰，最啱食D野…牛肉壽喜燒定食（$89）份量足夠，可以兩個人share食，牛肉質地都okay, 豆腐唔夠滑，湯底挺濃，一定要配飯一起吃。牛奶抹茶（$29）有驚喜嘅牛奶抹茶，奉上好耐冇食過嘅石頭朱古力，抹茶真係濃，啱曬抹茶控嘅口味。～～～～～～～～～～～～～～～～～～紅葉茶屋地址: ‪旺角彌敦道700號T‬.O.P This Is Our Place 3樓309-310號舖

日前在旺角一個新商場發現這間來自鎌倉的過江龍「紅葉茶屋」，雖然上次在鎌倉遊玩時冇留意過此店子，但看見門面簡約光猛，便坐下來一個下午茶。看menu都好多食物選擇，鹹食及甜品看相片都好美，但作為下午茶，那個傳聞是此店最受歡迎的甜點抹茶提拉米蘇，便成為我的首選。首先order一個傳統抹茶，賣相不俗。有一個紅葉小碟放上一些石仔，雖然只屬裝飾，但配上用日式茶具裝上的抹茶，紅綠相襯，至少看得人心曠神怡。而茶湯本身濃淡適中，冇傳統茶道那麼多泡沫，反而啱港人口胃。抹茶提拉米蘇出來了，它放在一個日式方型木盒，十分優雅。吃一口，那些軟芝士呈流質狀態，感覺若有若無，但滑溜感足，上面所鋪的抹茶粉不厚但味足。反而底部的蛋糕層稍薄。若一口由面到底吃下，感覺是滑如絲那種，但你若追求飽滿感的話，這可能不是你杯茶。另外，提拉米蘇上有一粒紅葉狀的東西，應該是寒天之類的東西吧，令整個製成品變得更配合餐廳主題。 整體而言，此店給我的印象不錯（只談甜品），可以再來。

路過旺角見到新商場開幕，即上OpenRice 睇下有咩好食，見到呢間裝修食評不錯，即上去試下等位。新張開關係禮拜六七點多都只需等候十幾分鐘👍🏻我地每人點一份餐 - 牛肉壽喜燒定食&吉列豬扒丼，點餐不到十分鐘服務員巳上菜，賣相不錯配菜也不是一般的漬菜，讚再驚喜是🥣不再是味增湯而係清淡的蘿蔔湯，我的豬扒飯味道不過不失但份量十足。Menu上其實係多款甜品，不過肚皮無quota ,要等待下次再encore

係附近整完指甲，黎呢個新商場行下⋯雖然呢個新商場好似無乜野行，但難得有間日式餐廳係到望menu 似乎係甜品比較吸引啲，但由於太肚餓的關係，點都要叫個主食黎填飽個肚可能係整指甲整得太耐，過黎果陣已經差不多9點，餐廳都唔算多人⋯我叫左個鰻魚滑蛋丼$89不過不失，份量都算大碟，但啲配菜略咸，而個餐湯味道就太淡奇怪地唔知點解比多左碗飯，難道我個樣望落真係太肚餓？🤣不過呢間下次如果再黎食我會想試下佢地啲甜品，似乎真係幾吸引

旺角開咗新商場，仲有韓國ge 搞鬼設計插/動畫人物公仔展覽，咁就約friend一齊去睇。睇exhibition之前我去搵野食醫醫肚。可能商場太新，其實眼見都有好多鋪仲係裝修階段未開，食肆亦然。但我又唔想出出入入，所以係較高樓層見到呢間已開ge日式餐廳就入去試試。其實menu都有唔同拉麵烏冬、丼、定食同甜點選擇，而我最後揀咗四色茶漬飯，貪佢一飯二食，啱晒貪食貪玩的(小)朋友😜第一食當然就係加wasabi同豉油當普通刺身飯咁，而第二食就係將飯，刺身放入碗度再加茶壺入面嘅熱湯，同依個人口味加wasabi。一飯幾食係日本我試過好幾次，其實做埋第三食都好簡單（去日本發掘下啦），但有好多食肆一味只求開店缺少新意，所以見到呢度做二食加上menu有清晰指示讓顧客可以好好享受食物同過程已很不錯。而且佢D刺身雖然唔算厚大，但都OK新鮮，湯味道煮得淡，不過足夠突出到刺身的鮮！但唯一爭D ge就是店內其實人客不多，侍應人數都3、4個，但有一個女侍應長期黏係出菜位但唔係幫手出菜，齋企⋯⋯我試過幾次，明明見到我舉手想order，問野或者攞湯匙，佢都扮睇唔到，好彩有另一男店員比較主動回應，見佢行來行去做野，感覺難爲

一心諗住呢間係專食甜品嘅~但原來都唔係,係有正餐架無得book位~要walkin晚飯時間,朋友一早去到拎位,但未齊人未齊人都比入(雖然門口寫住要齊人先入得)亦無話限住你坐幾耐店員比咗個坐得幾舒適嘅位我哋~就咁睇menu啲相都幾靚仔~我一見到 牛肉壽喜燒定食 張相~唔洗諗~即刻就揀咗呢個嘩~將啲牛點落啲蛋度再連同飯一齊食成盤嘢,我全部食晒係全部~而朋友就揀咗 照燒三文魚定食 · 朋友話好好味~但我沉醉於個牛肉壽喜燒定食當中~所以無試食完個定食都幾滿意~所以決定叫埋佢嗰甜品~朋友叫咗 紅葉茶屋抹茶提拉米蘇 幾靚仔~朋友話都幾好食嘅~而另外朋友就叫咗 香蕉朱古力窩夫~賣相幾靚~但我真係食唔落~因為我仲要清自己個甜品我就叫咗 士多啤梨朱古力新地其實好難唔好食嘅而嘢飲方面分別叫咗~忌廉牛奶抹茶朋友話好creamy朱古力牛奶抹茶雜果紅茶凍同熱各一杯見個雜果紅茶張相咁靚,所以就叫佢~但原來嚟到唔同咗樣,亦都唔太好飲太酸喇,一啲甜都無,得啲雜莓味下次再嚟會揀飲其他

係旺中隔離新開左個商場--TOP一於就去下覓食商場有條橋連住旺中 咁都幾方便商場低層就係foodcourt不過覺得坐得麻麻地 所以一於向上繼續覓食上到3樓就比間白色為主裝修的日式茶館吸引(因為成個商場都以黑為主)本人係日本都幾中意食茶漬飯同刺身所以比佢個刺身四式茶漬飯吸引到魚生四式有三文魚吞拿魚甜蝦蟹子 仲會有個餐牌教你點食第一可以點豉油同山葵食新鮮魚生👍的確幾新鮮🍱第二可以把小量的飯同刺身放入小碗再加入熱湯👍真係另一番風味暖暖的湯拌入刺身飯令到鮮味更提升及有淡淡的茶香味友人就點了黑蒜油豚骨拉麵🍜一來到黑蒜油真係好香湯底不會太濃 好香豬骨同黑蒜油味而拉麵亦有咬口(本人比較中意)豚肉好大塊 但略嫌有d“鞋”總括黎講: 味道同質素不錯，位置坐得舒服在鬧市中可以好好hea個假日的好地方👍人均消費: 100.00 (午餐)