紅葉茶屋 (T.O.P This is Our Place) (已結業)

My friend brought me to this cafe which was recommended by Youtubers.The decoration of this cafe was wooden in style. The pity thing was that the tables were too close and I kept listening other ppl's chats. For the food, the main courses are photogenic but the taste was less yummy than the desserts. There choices of dessert were more than the main courses too.

尼間日式餐廳除左有主食外，仲有甜品特色飲品。環境大而舒服。晚市6點半左右到，大約有4至5枱食客。7點開始就坐滿人。叫左鰻魚滑蛋飯($89)，海鮮四色茶漬飯($99)。鰻魚肥美厚肉，個皮好彈牙厚身，而且細骨都冇。燒汁味唔濃，剛剛好，甜甜地。滑蛋嫩而且冇煮過熟，半生半熟，送飯一流。跟餐有個湯，胡椒味重，飲完幾保最，湯入面仲有片雞肉，清淡之選。四色茶漬飯既四色來自三文魚，吞拿魚，大大粒三文魚魚子，藻(?)。三文魚新鮮人口甜，而且厚切後非常有口感。三文魚魚子既口感最得意，就好似爆爆珠，一咬d海水鹹味出哂黎。茶漬飯既味有d似麵豉湯，第一次食，有湯有飯一齊配，嘗試下都幾過癮。2個餐都配有2款配菜，分別係南瓜，菜。南瓜非常甜，不過如果煮得硬少少會更有口感。整體，用托盤裝哂所有食物，感覺好靚。份量可能對於男仔黎講唔夠食，但食物水準及選擇多元化。

週日中午來到，餐廳只得兩三枱客人，跟朋友二人坐進闊落的四人卡位，太舒適了！翻看了整本Menu，跟朋友異常有默契地都對茶漬飯有興趣，她點了四色海鮮，我就點了三文魚。我的三文魚，四片魚生及四片炙燒，魚幾新鮮肥美，是靚的三文魚！倒入那小茶壺盛著的湯跟飯一起吃，啊！好鮮味呀！😋😋😋 整餐飯不停把飯及魚生移入小碗，然後"斟"湯，忙得不亦樂乎！四色海鮮飯都好靚！吃罷，肚子還有空間，就叫了個綠茶 tiramisu 跟朋友 share 這個甜品好難share，因為太稀喇！朋友笑說這個texture 似是糊仔多過tiramisu！奶味好重，綠茶味淡，唔覺好有芝士味，唔係唔好食，只係個名好誤導下囉😅

話説黎過呢間餐廳兩次，第一次係要到附近上堂隨便hea食、一次係食甜品。hea食果次係因爲肚唔舒服，唔想叫D禁油膩同肉食，所以叫左豆乳湯野菜烏冬$59。個樣真係幾好睇，又有兩個小菜，蔬菜都好多。但食落去，所有蔬菜都好生、椰菜重sharp sharp聲，完全只得草青味道。我重對豆乳湯底有少少期待，點知我都係錯既。完全無豆乳味、又唔夠味，同清湯無咩分別>< 簡直係一個失望！好在小菜既南瓜沙律係幾好食。第二次係因爲第一次見到D甜品都ok，同fd行行下想休息一下就俾多一次機會去左食。叫左招牌抹茶提拉米蘇、朋友叫左忌廉牛奶抹茶。抹茶提拉米蘇上面抹茶粉都幾濃，單食有少少苦，不過同埋下面食，剛剛好！唔會太甜，都幾推薦！總括俾個OK啦，咸食真係唔得，但甜品ok

來到旺角top shoppong.mall想試下呢度啲餐廳，就入左呢間紅葉茶屋。呢間日式茶坐，地方闊落。位幾好坐，午餐時唔算多人。我叫咗個眼足照燒雞肉飯配上麵豉湯。個面豉湯好足料，無味精。雞肉好嫩口彈牙，醬汁味濃郁，送白飯一流。配菜有蘿蔔絲，西生菜。蘿蔔絲切得幼細，爽口。洗衫菜配上小小糖，清甜美味。客戶服務員有送餐服務，全程殷勤招待。雖然沒有配上飲料，但也有白開水。埋單才80元，旺角區的午餐來講算係幾抵食。

第二次食今次試左個刺身飯Umm 同我預想嘅有啲唔同本身見到個外貌覺得好吸引 點知一食就.........😓可能因為做埋茶漬飯嘅關係佢個白飯仔係熱辣辣嘅普通白飯....😓所以我覺得呢個加豉油已經好難食所以我就轉做茶漬飯個味都係好淡即刻冇乜胃口跟住啲刺身都唔好食放喺啲熱嘅白飯上邊😓都變到暖暖地 好難食 🥶嗰幾塊吞拿魚先最恐怖 好似膠咁樣咬極都咬唔到 不過啲職員都好好 我都費時煩到人 所以就算啦不過佢啲定食真係好ok架！下次都會再幫襯 不過食反定食😂

It’s us again. It’s our first time to try this Japanese restaurant. It’s located on the third floor of TOP shopping mall. It’s not hard to find this out. We ordered a chicken bento and a beef bento. The chicken meats are very soft and tasty, which I really like it. The beef is alright because the taste is normal.

鑑於我又同朋友食既關係，完全唔記得影menu，其實唔係第一次食，但甜品真係第一次🤩然而兩個都係朋友點既關係，我連名都唔記得🤣第一樣上既係佢！好靚！面一層有抹茶粉，中間好多cream，底層有蛋糕，成份份量唔多，但岩岩夠過口癮！到個蕨餅新地，蕨餅好好味！煙韌適中，微甜有抹茶香，配雪糕紅豆蓉非常好味。而個殼都非常好食！既有奶香又鬆脆，好味！總結而言，每份甜品約$60，以外觀同味道黎講絕對物有所值，適合幾個女仔黎食下甜品打下卡

喺旺中隔離TOP商場搵到間坐得舒服嘅餐廳我去嗰陣唔多人 唔使等位鋪頭環境都好舒服 位置都好鬆動所以坐得好舒服😌我叫咗一個牛肉壽喜燒定食$89+1 埋單$100到呢個定食有埋湯同前菜 前菜有南瓜蓉同埋一啲雜菜擺盤都好靚😍😍個湯有少少胡椒味 入邊仲有啲菜 味道唔錯有一個飯同溫泉蛋 去到主菜 牛肉份量都唔少 好足料 👍🏻👍🏻味道唔會太甜或者太鹹 啱啱好同埋上菜嘅時候真係熱辣辣 👍🏻價錢唔算話超平 但質素真係唔差 同埋一個人食都好夠飽🤣下次會再去試其他嘢😍

上次食麵見一般般🤢今次去到叫個花魚定食試下果然有點驚喜比我😂超喜歡食魚的我見到就第一時間叫左之前係出面試過好多日本餐廳食魚🐟啲魚都會煮得好乾澀吾好食今次呢個又喜出望外左😚魚又夠滑肉又夠鮮嫩再配合飯一齊食真係好正而且佢啲配菜又幾好食有一個係南🥗有一個係雜菜🍃兩個都唔差👌🏼不過我自己覺得南瓜嗰個好食啲甜甜地撈落啲飯到都幾好味呀🤩不過個湯就差少少😂當水飲都OK不過其實我見呢間店多數啲人都係飲佢啲嘢同食甜品🍮

黎到旺角其實有好多嘢食，但係發現最近有個新嘅商場，入面原來都有好多餐廳，所以就試一試啦。呢間餐廳好似唔係連鎖店，六點幾去到唔駛等位，我哋兩個人過咗個番茄忌廉雞肉烏冬，一個牛肉鍋同埋綠茶芭菲。芝士番茄忌廉湯底幾好味，同埋Q彈嘅烏冬，唔錯。不過雞肉就冇乜味道嘅。你個牛肉鍋定食都好豐富，湯底清甜，牛肉唔會好肥，同埋新鮮嘅玉子，好夾呀。最後食埋個甜品，佢底層係粟米片，上面嗰層係忌廉，在上面就有玉子同埋綠茶厥餅，個軟雪糕超滑溜，。值得encore!

大年初四即興約咗男朋友出黎食飯，6點半左右，我地又冇訂檯，旺角四圍都係人，打算去TOP或者726望望。 見到紅葉茶屋冇乜人，啱好大家食咗幾日大魚大肉胃滯滯地，就入去試下呢間嘢。 叫咗個生薑燒豚肉定食，一個豪華海鮮蝦湯茶漬飯。 前菜兩份嘢食一樣，一個野菜漬，冇乜味，d菜都稍微淋咗d冇咩咬口，另一個南瓜蓉咸咸地甜甜地，味道一般。 生薑燒豚肉定食，豚肉幾厚生有d咬口，味道算唔錯，本身有薑香味，旁邊另有d薑蓉可以沾，整體味道可以，d伴碟沙律冇汁，我係沾d肉汁食，有碟仔芝麻，我當飯素加入去飯幾香。 豪華海鮮蝦湯茶漬飯，d三文魚吞拿魚認真麻麻地，吞拿魚好多筋，腥腥地，不過明白黎得呢d地方食嘢要求係唔可以咁高，但d甜蝦、三文魚籽味道反而算鮮甜、蟹膏味道香濃伴飯味道不錯。 盛蝦湯的壺很厚重，估計沒有預熱，所以蝦湯倒出來好似已經被個壺吸曬d熱，有d可惜，你會覺得個湯係有蝦味，但因為溫度問題，香味同鮮味都差一截。 總體來說，以這個價錢，這兩道菜算是符合期望，沒有特別的大驚喜。 oh... 樓面得兩三個staff，唔好在好難叫人落單，好在食完佢地唔得閒趕你走。

又一間過江龍，日本鎌倉的紅葉茶屋，以抹茶提拉米蘇出名，之前係T.O.P商場經過以想試好耐，相約食之戰友一齊試下。 平日的7點多，不太多人。 Menu，有不少定食，本身想食壽喜燒，但見到茶漬飯又好吸引呀。 茶漬飯有兩款食法： 1.先食刺身和飯，配山葵及醬油。 2.再把熱湯倒進碗內，加入少量山葵。 海鮮四色茶漬飯，$99。 有四款刺身，份量適中，刺身尚算新鮮，茶漬飯，加入高湯，更易入口，有清香的味道，不俗呀。 黑蜜牛奶抹茶，$39，豐厚的忌廉，味道香甜，抹茶味道濃郁，甘苦，都不俗呀。 鎌倉紅葉茶屋抹茶提拉米蘇，$49，用木盒盛載，甚有和風之感，面層抹茶粉味道濃郁，提拉米蘇口感軟滑，味道不俗。 食物味道不俗，下次可試其他甜品。

行TOP行到有點餓，經過紅葉茶屋，從門外一看，感覺環境舒適，餐牌價錢也相宜，決定入內一試。當日雖然是平日夜晚，人流卻不多，不用等就能入座；餐廳環境寬闊，有空間感，裝修偏向日式簡約，燈光充足，整體氣氛柔和，餐枱的距離適中，不會太容易聽到旁人的對話。我們點了兩款餐， 吉列豬扒滑蛋丼和親子丼。吉列豬扒滑蛋丼店員整個餐盤送上，外觀良好，除丼外還有湯和小食，份量算多，雞蛋嫩滑，不會太老，但令到吉列豬扒變淋；吉豬肉則普通，沒有太大驚喜。親子丼外觀也討好，份量算多，也有湯和小食，雞肉和蛋均嫩滑，味道不錯，但也沒有太大驚喜。以上兩款食物質素可以接受，雖然不算以旺角晚餐而言價錢合理，而且環境舒適，也無限時，適合傾計，值得再黎！

經開旺角見到個新商場走去行下順便食埋野見到呢間幾靚試下佢！係我好喜歡既日式裝修新淨位置多 可以有排坐價錢大眾化我地嗌咗個明太子忌廉烏冬（$74+$8）同埋辣牛肉定食！加兩杯black coffee!一黎到好靚呀！呃like一流可惜一食前菜又細又好難食個菜正常有少少酸味架麻佢係無味之餘仲有種隔夜菜味....另一個南瓜蛋沙律？都一樣係怪味.......其實咁無誠意不如cut咗個前菜減幾蚊好過啦好正正餐好食咋！個烏冬好彈牙！明太子同忌廉比例岩岩好又幾唔錯啵！另一個辣牛肉定食前菜一樣唔講啦湯好飲！係野菜清湯！而牛肉都幾好食！香口！但就無乜辣味男友話飯太少 唔太夠飽😂唔難食但又唔係好想返轉頭個種囉不過男友話呢間店感覺健康佢想再黎窩，我就唔會嘞！總恬黎講不是驚喜既店鋪如果想傾計好坐d，食得健康d而預算係一百蚊左右呢度幾岩！但味道沒有驚喜，是普通出去食既味道如果前菜可以好食d不過咁服務同環境幾好！旺角區黎講（無乜好坐又乾淨唔洗等既餐廳）佢值得有笑！不過如果佢生存起尖沙咀或銅鑼灣就無笑笑架啦