紅茶冰室 (已結業)

聽係呢頭返工嘅朋友講呢間日日都爆多人，某次開會前買咗個下午茶食。下午茶嚟講唔貴，而且睇落都係飽肚嘅。不過我就揀咗特餐，沙嗲牛肉麵。（期間我問收銀有無下午茶餐牌可以直接order，佢叫我自己去座位自己睇，呢點奇怪啲。）有個counter係買麵包蛋糕，期間都見多人買。係等緊嘅時候，周圍望下環境，都幾大㗎，座位睇落都多，難以想像lunch要排哂隊嘅情況。等咗15分鐘就有得拎外賣啦。沙嗲牛嘅牛係靈魂之一，佢嘅牛唔會好靭，麵煮得剛剛好。丹麥多士係幾特別，好好味。而個奄列，蛋煎得唔錯，飽到尾嘅。整體四十幾元，都唔錯啦。