紅茶冰室 (已結業)

早餐團嘅同事話成日食嚟食去都係嗰一兩間,不如今次試下叫紅茶外賣啦~上次試過一次堂食都OK,仲要另外個同事話原來沙嗲牛肉先至係呢間舖嘅招牌菜喎......哈哈咁唔該要個早餐B丫~呢個set認真豐富：招牌沙嗲牛肉麵,配西煎雙蛋加鮮牛油多士,奉送咖啡或茶一杯$32蚊。唔想食麵嘅話可以好似我咁轉做米粉,炒蛋亦都可以轉做煎蛋,服務果然夠周到。雖然因為外賣嘅關係令到塊多士已經唔脆,不過搽夠牛油依然好香好食,個沙嗲牛肉確實真係招牌喎,牛肉片幾夠滑,成個餐食哂真係飽到工都唔想開

喺觀塘番咗工咁耐,見到呢間人氣茶餐廳<紅茶冰室>都已經開咗一段時間,但係每日嘅中午時段仍然都仲係大排長龍,人流不絕,睇嚟都真係得到唔小人嘅鍾愛。但係聽見食過嘅同事講,其實味道都唔係話咁出眾,所以我自己就唔會排喇,係見今日朝早比較空閒,同埋早餐時分佢就唔洗排隊嘅,咁不如試下佢哋嘅早餐先啦。 堂食嘅關係,一入到去有位坐已經可以感受到呢度嘅員工服務態度好好,有笑容又講早晨,睇完餐牌之後,叫咗個A餐：鮮味仿鮑魚絲火腿通,另配西煎雙蛋同埋自家製鮮油餐包,包一杯熱飲(咖啡或茶),咁樣都係$31蚊,都係合理嘅收費。 Um......食完嘅感覺係唔錯嘅,味道算做幾好,但係又未去到話好世界級正咁囉,所以係可以encore嘅,但又未至於話令到我要排隊排半粒鐘都必要嚟食咁囉。唯一一個缺點就係呢度嘅咖啡口感偏鞋,味道較澀,扣咗小小分咯。

同細妹到官塘的診所作身體檢查。醫生說需一小時！囑我在外面接待處等候，我今早怕遲到連早餐也沒吃便趕帶細妹來檢查！現在可趁機開小差到樓下醫肚。樓下只有兩間連銷店。龍城同紅茶！龍城滿坐。雖然上次紅茶燒味飯失水準。只是某部份，所以求其選了這一間！非常多的選擇. 不想大碗麵！最後叫咗兩份歐陸早餐！一份魚柳一份薄牛扒！伴德國腸仲有炒蛋同多士我食脆脆魚柳伴德國腸配香滑炒蛋。牛油厚多士！相當豐富，賣埸好吸引。炒滑蛋同澳牛有得揮 ！好滑 有好香濃既忌廉味同牛油味。食落口雞蛋軟滑配搽咗牛油既厚多士真係一流德國腸質素略比一般的中國雞肉腸好腸仔肉頗煙韌，煎香後更可口但絕對不是頂級貨。魚柳係炸得幾靚！面積就大D。而且比較厚身！食落熱辣辣脆卜卜 有魚味 而且食落都算新鮮 完全無腥味試試細妹的牛扒。牛扒是一件很薄的西冷。沒有給鬆肉粉折磨過的經歷！也不算韌，但起碼不用開刀力切。味道也可！咖啡不錯，是我喜愛的濃度。飲完咖啡番上樓上睇醫生剛剛好！

下班後和男朋友在公司附近吃晚飯，這間紅茶頗闊落，坐得舒服，而且食物款式也很多！我揀了🐟魚湯龍躉泡飯，作為魚湯愛好者，這個魚湯有驚喜喎！奶白色加上魚味濃郁！龍躉肉厚，沒雪味，份糧也算多。鮮魚湯龍躉泡飯男朋友揀了常餐🐽豬扒通粉，配炒滑蛋、丹麥多士。豬扒煎得香口又大大塊，唯獨是通粉湯底很淡。炒蛋不過火，真的很滑和有蛋汁，而丹麥多士外脆內軟，很少茶記會配丹麥多士呢！常餐 金寶豬扒湯通粉茶記來説食物質素和餐廳環境中上

今日去觀塘做嘢，早左出門口，出到去觀塘見未夠鐘就梗係去食個靚早餐，充滿能量去對抗當日嘅事。早餐其實度度都差唔多，咪又係啲咩粉同麵。呢個都唔例外， 沙嗲牛肉公仔麵 + 多士炒蛋 + 餐飲 (冇影相)，食得沙嗲牛肉都預左濃味，之但係個麵底又真係普通過普通。而個炒蛋都算炒得滑嘅，個多士熱辣辣食牛油超邪惡!

觀塘區有好多餐廳，冰室都好多，但每日一到lunch time 就會有人龍既就係呢間。我時不時都會黎食，但無試過lunch time 黎食，平日我只會來食tea，tea 無咁多人，唔駛排隊紅豆冰紅豆算大粒呢個好邪惡既菠蘿油，因為有芝士同雞蛋，所以又鹹又甜咁，我覺得其實應該就咁菠蘿油重好食，因為加左芝士同雞蛋反而少少怪，有少少亂既配搭但個菠蘿包係幾脆幾好食之前有次同朋友重食過佢既沙嗲牛肉麵同丹麥多士都唔錯的下午茶係一個好地方

食左紅茶冰室好多次 但食佢既早餐都係第一次 價位介乎約$27至$50跟埋餐飲咖啡或茶 我叫左招牌沙嗲牛肉麵餐$32 朋友就叫左脆脆魚柳伴德國腸餐$37 同樣配香滑炒蛋+鮮油厚多士 沙嗲牛肉麵湯底好濃郁非常惹味 牛肉好香口 麵煮得軟硬度適中炒蛋的確整得好滑流口感不錯 厚多士烘得夠脆卜卜 魚柳炸到外脆內軟 如果德國腸係用煎既方式整會更加好 下次會想試下全日早餐有吉列魚柳 牛仔腸 黑松露炒蛋 煙火腿 茄汁豆配丹麥多士都好吸引餐廳裝修光鮮環境好寬闊乾淨 座位舒適 價錢不算貴

今次已經係第二次光顧此茶餐廳，上次經朋友介紹及食午飯關係，要等10分鐘才有位，今日可能天雨關係及下午茶時段，今日人流相對比上次較少，一入餐廳已經有位置安排我們坐下。我們兩人分別點了常餐及湯飯。本身想試蛋撻，店員表示已經售完，希望下次有機會試試。常餐當中的麵包有牛油味，炒蛋可以，豬扒就稍微有點Overcooked.而朋友點了鮮魚湯雜錦湯飯，湯底清甜，材料新鮮，可以一試。下次有機會再嘗試其他款式湯飯。價格算中等，如在觀塘區都可以一試。

整個星期的奔波，也真太倦！早上只想喝一杯夠勁一點的咖啡！就來了這間紅茶！這裡的早餐是企理又大份！早餐B$32 包括以下招牌沙爹牛肉麵，香滑炒蛋！牛油厚多士！沙爹牛肉麵，單睇顏色好濃！聞到沙爹味香溢！沙爹牛肉亦都夠入味！但牛肉就是碎了一點！咬落尚欠一點口感公仔麵是趕工製作的，煮時間未夠，食落有點硬！不過還是可以接受炒滑蛋伴多士炒蛋本身是做得很好！碟頭擺設簡單也很美觀。睇到已令人垂涎欲滴份量也不少 入口蛋香也不錯！且滑滑的本來已經飽哂！但係又坑拒唔到多士誘惑！結果當然食埋佢啦，不過得半份！牛油塗得平均，多士又洪得剛剛好！咖啡是香濃的，也夠勁道！頂得住一下子此店都光顧多次咖啡奶茶都出色之餘三文治及麵包都烘得好！水準也不低提外話香港地工作壓力大！做到經常都心情不佳！甚至有時想找個地方坐一坐。我會隨意找一間茶餐廳！來一杯咖啡或是奶茶！感受一下避世般的悠閒！

今日早餐見有d時間就來到紅茶幫襯，平時呢間lunch 條隊排到勁長，好誇張，唯有試下佢早餐而家好多餐廳都轉用餐牌，但呢度係放入台入面隔住塊玻璃，令我唸反起細細個每朝係屋企樓下間餐廳食早餐叫左太陽蛋，走包來到勁驚喜，2隻蛋有成隻碟甘大，雞蛋都好有蛋味，入口d蛋汁流岀來，好正熱0水只有3片檸檬，但足夠檸檬味題外話，可能個人未訓醒，想食B餐指左A餐店員2話不説即刻幫我換過，而且再來B餐速度都好快，公仔麵煮得剛剛好，唔會太腍同太硬剩係睇個湯都知沙爹牛肉味濃，都有5,6塊牛肉，而且牛肉食落腍身

由佢新開張到依家，每次lunchtime都會見到佢排晒長龍，今日終於的起心肝走去試。.都等佐差不多三十分鐘，不過條龍算係郁得快既，因為入面其實都幾大，接待員都好funny😂 一有位就會話有好消息😂 .A餐肉眼扒配焗薯+餐湯+餐飲 $52好鐘意食焗薯所以覺得好好食，雖然無乜汁😂 牛扒都有兩塊而且都幾林 起碼唔會話好多根好難切.King餐(腸芝士撈丁、滑炒蛋、多士）$49好傳統冰室既set，亦都好有水凖，芝士撈感覺好似韓國某牌😂 想更加有風味好似食沙嗲牛好啲.總結都幾滿意，價錢同食物成正比😚，如果可以唔洗排咁耐就更好😂，下次再試下西多士同泰式面先！

去觀塘附近搵朋友，佢話帶我去一間性價比高的茶餐廳，話日日lunch time門外都大排長龍。我心諗：茶餐廳都要計性價比高唔高？到真係黎到我就明白佢點解咁講啦。以茶餐廳黎講，呢間紅茶餐廳裝潢同一般茶餐廳都幾唔同，成個感覺好乾淨企理，而且係覺得有design過。但係價錢同普通茶餐廳都係差唔多。我點左個焗咖哩薯仔雞扒飯，大概10分鐘就有啦。表面鋪滿咖哩汁好香，撈埋飯食非常好味，而家飯粒唔會好硬。值得一讚雞扒份量都幾多，唔會得一兩塊。唔怪得朋友話呢間餐廳性價比高啦。

早排去左馬來西亞出trip幾日，返到香港最掛住都係茶餐廳，好掛住港式凍奶茶呀～今日喺觀塘做野，順便到「紅茶」食個靚早餐，平時經過見到lunch time超多人排隊，真係冇誇張，係超級多人平時，今日星期六早餐時間總算一入去就有位，（但其實依度地方好大，相信排隊都唔會太耐）侍應做野好爽快出餐又快！好鐘意杯奶茶茶底好濃奶都香，我叫左小甜但都略嫌過甜，下次我會叫超級小甜！佢地既抄蛋蛋味好濃又滑，多士雖然唔夠熱但好香牛油味呀，真係烘溶牛油先上枱，沙嗲牛米既沙嗲汁夠多，每啖米粉都食到沙嗲香，依個早餐我都好滿意😋連凍飲係$35👍🏻

之前經過見到排晒隊食早餐既一間茶餐廳, 其實係好耐之前既大窩口已經食過佢,嗰時都未有分店,食過真係好食既, 有質數,要知道,港式早餐食黎食去都係呢啲。今日觀塘呢間見到唔洗排隊,又試下佢。經典港式早餐之一, 沙爹牛麵,好食既, 麵食落去唔係浸熟既, 牛有味黎個煎熟蛋同油多, 我覺得佢既炒滑蛋出色好多。另一經典, 火腿通, 好味之餘夠份量煎雙蛋, 走左個包, 轉左嗌佢既出爐麵包呢個就一般般, 食開其他好食既,呢個要進步下,佢比較實價錢合理啦,以前即磨咖啡唔洗加錢,而家要加三蚊,無加lu一人都係三十頭蚊,有質數晚早餐,

午飯時間來到紅茶 人龍長到去街尾咁濟但又不算會等好耐 有個奇怪設定你愈多人反易愈快入到去款式種類好多 揀左一陣先揀到 主要係樣樣都好似唔錯咁 我揀左燒味雙拼配米粉 燒肉配燒鵝一黎到 大碟到呢 燒肉皮脆 夠哂香口 燒鵝都出色 仲配兩個醬比你 一d都唔hea