紅茶冰室

营业中

休息中

黎親荃灣做嘢都會去幫襯「媽咪」，是日行經荃灣廣場附近，無理由唔食紅茶可能時間仲早，12點鬆啲，唔駛點等。可惜嘅係午餐三款都唔啱食，所以叫左個特餐—沙嗲牛肉麵+火腿奄列+丹麥多士正呀喂。午餐平時有三款，1中1西1焗，任君選擇，性價比區內黎講算非常高不過今次有少少失準，丹麥多士燶左，冇平時咁香咁好味個沙嗲牛肉麵就咸少少外，算係冇得挑剔，個麵唔駛轉一丁都已經好味道少少挑剔就係落親野飲少甜少冰，都係同正常飲一樣，可以改善一下值得試嘅茶記

服務態度差到冇人有，見門口有人排隊，食完個飯，杯野未飲完，即刻收晒枱面嘅野，見你仲未識做，就走過黎抹你兩次枱面，又係側邊同其他同事，講埋d難聽說話，話咩唔趕有排坐，之後仲走過黎擺埋幾set新餐具係你面前！不知所謂！咁嘅待客之道，唔駛指意再賺我錢！

晚上涼了好多，九點多才工作完，平時已打道回府，今晚特想吃飯。想起早上經過，原來新開了紅茶，心中忐忑，還是去了。觀塘分店光顧多次，質素穩定中上，以茶餐廳來說，做得相當不錯。為人所不悅多與服務有關，受者就是快靚正，不受者嫌無禮貌。偏偏每次經過大排長龍，其實自有獨特之處。早上經過，大排長龍，不知道星期五六日會旺得如何？晚上到來還好，九成滿，一位還是有的。點了焗鮮茄豬扒飯，我的情意結。等了十多分鐘，合理時間。外表靚仔焦脆，碗碟熱辣，新鮮焗起。一般廚房焗爐分兩種，一種只有上火，目的是快速加熱上面，取色，一種是正常焗爐，焗飯用後者較好，有飯焦，熱辣辣，紅茶一睇便知是後者。焗飯一到，一般我會先起豬扒，以免水氣太多，令飯不香。炒飯爽身，金黃色澤，可惜是沒有調味，自己補鹽。豬扒不是生煎，有過油，粉太厚，甩皮了。猶可調味醃得好，厚度均秤，斬件舖滿飯面，所以豬扒又較貓扒貴。鮮茄汁調味也好，舊底味道。整個焗飯熱到燙咀，但食得好滿意。整體而言，以茶餐廳來說，價錢也比觀塘店要貴，但食物質素好，優於附近同類，也難怪人如此多。地方也算整齊，店員其實都是爽快的人，茶餐廳不就應該如此？

第一次寫食評，唔好意思冇相片, 只想記錄過程. 4個人消費$347.米飯偏硬.外賣份量偏少.星期日晚大概晚上7點, 當時環境沒有當場睇清楚就拎走外賣. 返到屋企先發現溜了一份餐. 打返舖頭, 當時經理話可以第日拎返錢, 咁好啦我信佢. 到第2日, 大概下午2點-3點. 返去問係咪可以拎返錢, 點知個個職員都話唔得, 叫我即場叫野食補返俾我. 咁我沒有叫. 因為好飽! 整個過程我感覺好似俾人騙去信任. 都係大窩口個間紅茶冰室好食啲, 職員都好少少

早前的某個星期日在紅茶冰室吃了一份挺滿意的午餐，過程中車爸爸更加插了爆笑又甜蜜的片段可按此笑點！真心羨慕他那份天跌下來當被冚的性格，無憂無愁在這亂世中最舒心！ 在荃灣大壩街開了不久的紅茶其實早已在太子嚐過，記憶中質素不俗怪不得行經多次亦大排長龍！這天只有數人排隊不消5分鐘已可入座。 被安排坐於半邊卡位真的挺迫夾，但沒相干茶餐廳勝在快吃快閃嘛！安座好後跟車爸爸各選一份茶餐，他點了特餐＄48內有招牌沙嗲牛肉麵、火腿奄列、香酥丹麥多士、及熱飲一杯，押上招牌沙嗲牛肉麵的味道果然有料到，跟公仔麵簡直是天作之合，而牛肉車爸爸亦頗為滿意呢！ 很喜歡這兒用上香酥丹麥多士，烘得香脆加上牛油的襯托下更加吸引，而火腿奄列返而較為遜色！蛋有點老火腿亦比得較孤寒！ 而我當然要捧自己場所以點了常餐＄48，內裡包括有金寶豬扒湯通粉、嫩滑炒蛋、香酥丹麥多士，豬扒厚度恰好醃味入味可口，煎得香口而且肉質淋滑，湯頭比坊間的普通味精水優勝，通粉烹得煙韌彈牙最重要是沒坑的(生平最憎吃有坑通粉)！ 而炒烹調得十分出色嫩滑中更富蛋香，配合酥香多士同吃很滋味耶。 我例牌喝凍檸檬茶走甜凍飲須另加＄3，茶味挺香

我都幾喜歡飲港式凍奶茶，以前係大窩口果間食早餐都成日飲，果日行過荃灣廣場對面見他們開左就去食個下午茶，杯凍奶茶似凍奶多過似奶茶，茶餐個薯角又凍，不過個包都ok幾好食，但總括來講，有些失望囉！

超高速度茶記哩間開左大概一個左右，外面看好光猛，星期日8點幾去到，都已經有9成座位滿了，星期日一早有咁多客人，應該吾錯。一入門口，已經有人招待，坐低見到所有夥計都好落力，做野好快。落單都吾夠1分鐘，野食來曬，有無咁快啊？沙爹牛肉公仔麵餐要爽（$34）（3分）- 沙爹牛肉有差不多6大塊，數量幾多幾大塊，質感有D鞋，麵系吾淋但口感系屬於硬.-炒蛋睇起來比較生，有蛋味但吾滑。-丹麥飽同牛油吾香。沙爹牛肉腸仔爽拼米（$34）3分-沙爹牛肉和上面一樣，腸仔是炸的，吾係幾鹹，米粉好似係超力銀絲米粉，比較細同口感吾滑

第一次寫食評，本來都無寫開，新開張態度已經咁差！忍唔住要寫翻個comment! 以後都唔再幫親！食過大窩口個間紅茶冰室，本來印像都唔錯，見再開左間，咪試下4個人消費$295食落野食正常冰室咁囉，環境都比較逼！但老闆態度勁惡劣！第二次叫個服務員拎餐具，已經發脾氣黑曬面話「你要啲乜，一次過呀！」咁樣對待客人！個下真係嬲到爆，畀錢仲要受氣，一問之下，原來係老闆個仔，身為太子仔都咁樣對啲客人，點做員工榜樣？食物再好食都無用，更何況只係正常餐廳水平！

今日特登同屋企人去食早餐，之前食過幾好既，但今日食，感覺大大打左折扣，我想單點一個金寶曆扒湯通粉，侍應話唔夠11:00唔做，佢話寫明了，但我地睇menu係冇寫，佢話唔做就唔做，講真，佢比岩岩開時食物質素已下降了少少，咁既態度，直頭是趕客

有種節日後遺症 以為自己放緊悠長假期😖其實⋯放埋聽日就番工😕·🍴全日早餐（$52）成碟都好油膩😟 本身香酥丹麥多士已經用上好多牛油製作，但上碟時再放牛油係多士表面🤖肥仔餐🤖最後太飽滯 放棄左一半·🐮美國西冷牛扒（$41）爸爸都被多士油膩度擊倒🤣·📍紅茶冰室荃灣大壩街49-51號庚發樓地下

成日星期六日經過近大窩口嗰間紅茶冰室都見佢好多人所以一直都冇食過！點知最近荃灣廣場對面開咗分店，終於搵個weekend去試吓！雖然茶餐廳同冰室食嘅嘢都係大同小異，但係始終都會有想食同埋試新野嘅衝動！沙嗲牛肉麵沙嗲牛肉好入味好濃郁，牛肉嫩口，唔會咬唔開. 個面底軟硬程度啱啱好，啱我食，哈（我唔鍾意有啲茶餐廳會將個面煮兩下就放上碟，勁硬果種）配奄列同埋丹麥多士奄列反而我就覺得一般，因為過熟但係佢哋個丹麥多士我就好鍾意啦甜甜地，外層酥脆，都幾厚身熱奶茶沖得好飲個茶底唔會過濃，而且好滑身雖然坐得擠迫左少少，但係我覺得喺荃灣黎講，呢間冰室茶餐廳算係數一數二架！

悠閒的早上，想來個美味的早晨～想在荃灣廣場買點東西，路過這間紅茶 餐廳，看了門口的醒晨早餐，被丹麥多士吸引了。和家人各點了醒晨早餐套餐，看到沙嗲牛肉麵是這店的招牌，立即點了！ 但來到有點失望，沙嗲牛肉的味道比較淡，牛肉也不太入味。反而跟餐的香酥丹麥多士有驚喜，很香的牛油味～也很酥化的(^o^)/ 嫩滑炒蛋，挺滑也有蛋香味：）另外點了西冷牛扒伴德國腸，同樣是跟了嫩滑炒蛋與丹麥多士( ﾟ▽ﾟ)/ 西冷牛扒配搭了蒜汁比其他餐廳的較厚和多汁～ 而德國腸的皮也很脆，但味道一般，點上蒜汁會好點～食物與環境比起平時的茶餐廳也不錯，但服務態度真的有待加強，有位男員工給餐具是丟過來的，明白早餐時間人多，速度要快，但也不用連刀也丟在桌上，單又是丟過來，食物上枱又是一整碟丟來，感覺好像很不滿。而且整間餐廳的氣氛也是很急促，令到自己也急起來不能好好享受，希望他們能好好地不要丟餐具、丟食物來已經好好了。應該沒有下次。

是日晚餐 掂😊去到荃灣剛剛過了六時，原本準備吃下午茶餐但遲了少少。於是我哋叫了是日晚餐 是厚切豬髀 配焦糖蘋果，唔錯喎，焦糖蘋果甜甜的帶着焦糖味，燒豬脾樣子已經很吸引，似稔滑那款，果然用刀切開的時候已感到它的肉質夠稔，味道很好而且燒得夠香，配上焦糖蘋果一齊吃，中和了肉的油膩感，很好。餐湯我選擇了忌廉湯，都很滑 味道唔錯。另外叫了一個星洲炒米粉，炒得很香口，內有洋蔥 蝦仁 雞蛋 芽菜 及肉絲等，還有家長白芝麻增加香味，不錯。

我同男友一直都好中意紅茶，絕對係粉絲😍知道荃灣開左新分店，咁岩係附近行完街緊係要去食下👏🏻最中意食係招牌黑椒牛柳配薯菜order 左五成熟✋🏻第一之上菜時一切發現係全熟（無影）😅😅😅同左侍應講，會話佢明明寫左係五成熟應該廚房搞錯左，幫我地換過第份到第二次上菜，薯菜變左飯😑😑侍應再拎去換返做薯菜終於食得啦，已經好餓點知一切。。。。。又係全熟，另一件九成熟我地只好無奈接受。。。。。。。☹️☹️☹️雖然侍應態度好好👍🏻食物味道都唔錯，但煮牛煮到全熟真係唔OK仲要係招牌😐😐😐

今早要去練波 一早便起床了，和隊友一同去吃早餐，這間冰室我是第一次幫襯，看看他們的食物水準如何。隊友真係隊友，我們大家都選了早餐A，鮮味仿鮑魚絲火腿通粉、配西煎雙蛋和自家製鮮油餐包。仿鮑魚𢇁火腿通粉 幾好吃，他們的湯底比其他冰室多了金寶雞湯的味道，我覺得幾好，隊友就說鹹了一些，但整體餸多，通粉質地也ok。煎蛋不會太多油，自家製餐包因為新鮮特別好吃，又香又鬆軟，我們都讚。餐飲大家都是熱奶茶，有茶香，濃濃的，花奶和紅茶的份量很平衡，不錯。