紅茶冰室

营业中

休息中

今早要去練波 一早便起床了，和隊友一同去吃早餐，這間冰室我是第一次幫襯，看看他們的食物水準如何。隊友真係隊友，我們大家都選了早餐A，鮮味仿鮑魚絲火腿通粉、配西煎雙蛋和自家製鮮油餐包。仿鮑魚𢇁火腿通粉 幾好吃，他們的湯底比其他冰室多了金寶雞湯的味道，我覺得幾好，隊友就說鹹了一些，但整體餸多，通粉質地也ok。煎蛋不會太多油，自家製餐包因為新鮮特別好吃，又香又鬆軟，我們都讚。餐飲大家都是熱奶茶，有茶香，濃濃的，花奶和紅茶的份量很平衡，不錯。

和朋友第一次嚟幫襯。由於我們比較花心，所以用了幾分鐘的時間討論在吃什麼。突然身旁的男服務員走過來，以不耐煩及粗聲粗氣的態度問：你哋嗌咗嘢食未呀！？ 那種語氣一聽便感到被催促及不友善， 第一印像已經大打折扣！再者在同一時間，那名不知是老闆還是只是一位較高級的男服務員， 持續用相同的語氣 對其他服務員呼呼喝喝，完全沒有半點尊重。 食物方便是ok的。價錢比普通街坊茶餐廳貴點。早餐的魚柳分量ok，香腸和丹麥麵包也做得不錯。新鮮出爐的雞尾包也可以。但服務真是完全扣曬分。冇下次。

是日經過本身想食車仔麵，點知見到新開嘅「紅茶」，好奇心驅使下就黎排隊等位喇（多人排多數唔會差）等左十分鐘左右啦就入得喇，都坐得幾舒服嘅，雖然要搭台，但位置都足夠花多眼亂，樣樣都想試，就一份晚餐+個鮮魚湯龍躉泡飯啦（呢個好似好少見）1.晚餐就晚晚唔同，鮮牛油餐包熱嘅，好味道，有紅、白、中湯揀，加杯凍飲就加3蚊都ok啦，少少翠x 嘅感覺但平廿蚊左右，整體黎講不過不失，叫做抵食2.鮮魚湯龍躉泡飯，湯都濃郁、龍躉片有咬口實淨，唔似金x園，斑球扮龍躉球份糧都算可以，夠飽肚，值得「安哥」下次再黎試其他，值得一試嘅餐廳

早上到荃灣工作，大壩街好多餐廳，在小巷轉出來的時候，紅茶就在眼前。這店挺大的，30張枱吧。服務員見我在店外張望，忙出來招呼。上班時間剛好滿員，就差不用排隊，不過一個人位置好找。這裏早餐是一般的選擇，但不貴，點一份餐蛋面，才34元，加3元轉一丁，一杯奶茶，也就是37元。餐牌上寫著優質午餐肉，令我好奇有多優質。果不然口感不錯，半厘米的厚度，也不太薄。煎蛋賣相更是一流，半生熟的雙蛋，入口蛋黃流出來。一丁另附麻油值得一讚。奶茶微澀，是不是我要求高了。

荃灣既呢條街好多餐廳，熱到冇咩胃口食就同朋友是但入左去呢間啦！夜晚6點幾唔洗等位就可以入座👍👍👍餐廳既環境算係寛闊，而且座位舒適，係同朋友傾計既好地方🥳食物方面:1，焗咖哩薯仔雞扒飯 $63焗既程度剛剛好，而且焗完令到咖哩味更加香口，而且雞扒唔會「鞋拾拾」仲已經切左塊，好細心呀～2，皇牌吉列豬扒飯 $68呢個價錢包埋豬扒既肉質嫩滑，炸得好脆好香口。仲有足夠既白汁👍令到成個飯好吸引3，雞扒火腿蛋飯 $68$68包左主餐、餐包同埋野飲，好抵!而且雞扒煎完好香口， 雞皮好脆、 肉質嫩滑。

諗住新開張 ，入去試下，叫咗蹀野都未食完巳經有服務員過嚟問收蹀！重要接二連三！之後重好冇禮貌叫我坐過對面坐讓位給其他客， 根本我個座位容納唔到其他客！ 仲要接二連三騷擾本人食嘢！是否趕客？ 服務員質素極之惡劣！ 貼錢買難受！ 不會有下次！

吧KING Recommendation 11:30am後供應的常餐幾特別，主食外還配有嫩滑炒蛋+ 香酥丹麥多士，好有意思，我第一次吃丹麥多士，丹麥包我就吃得多，做多士都係第一次，包本身已很香，焗後又香又脆好好吃，炒蛋也好香滑。金寶豬扒湯通 豬扒有二件，很稔但我覺得太稔太鬆、冇肉味。通粉個湯其實幾好味，但太油了。

荃灣廣場附近開了一家新的冰室，舖位頗大，室內裝修簡潔，座位頗寛敝，有時候進食的條件是坐得舒適，否則吃了好東西也不知其味。今天試了他們的是日午餐，夏威夷烤雞扒 還有餐湯及 餐飲。金必多忌廉湯是一個傳統的西餐湯，裏面有好多蔬菜材料 如洋蔥、大蒜、胡蘿蔔、芹菜等再加上火腿，味道很好，湯身夠滑也有飽肚感。夏威夷烤雞扒 也做得不錯，雞扒煎得很香，肉質鮮嫩 配上有菠蘿的汁很醒胃，蔬菜也足夠。餐飲叫了熱奶茶，顔色也可以，但飲落帶少少苦唔夠滑，這個差咗少少，希望下次飲時有改善。