紅茶冰室

营业中

休息中

茶餐廳內常見長龍，諗住排一陣試一試，點知轉幾個頭就入到去，坐在入面，看見外面的人，都係企一陣就入到嚟，客人快食快走快入，勁 ! 餐廳內裝修沒有特別華麗，可能因為樓底高，感覺寬敞舒適。可能因為多人，人流動率高，店員講嘢大聲，但係唔代表惡，反而爽快！叫了一個早餐F餐，魚柳超大塊，揸得啱啱好，有肉汁，沒有腥味，不會太乾，加上非一般長的法國腸，軟琳琳的炒蛋，在家非一般多士酥 ，超正 ！好食過人哋嘅 All day breakfast ! 友人叫了沙嗲牛肉公仔麵，煎雙蛋，加埋多士酥，一般茶餐廳早餐，卻異常好味。中間因為見到蛋撻出爐，多手叫了一個，熱辣辣的蛋撻翡翠餡靚，不得了，推介！

紅茶冰室喺好多地方都有分店 淨係荃灣區都有兩間😎 想輕鬆食個下午茶亦都係一個唔錯嘅選擇嚟㗎 之前食過晏晝覺得食物質素唔錯㗎😺店舖門口有出爐麵包可以選擇 又有蛋撻之類嘅食物 真係有好多港式經典啊🤭冰火脆皮菠蘿油我覺得最好食係呢碟😋 雖然只係簡單嘅菠蘿包再配一片牛油🧈 但係菠蘿包非常軟熟啱啱出爐熱辣辣 再用到切開菠蘿包 放入呢片厚厚嘅牛油 真係滿口幸福嘅感覺🥰 雖然係好邪惡啊 但係非常推介 呢個冰火菠蘿油仲配紅豆冰㗎🥤脆炸雞髀伴薯皇價錢雖然唔算特別平 但係呢度嘅食物真係有一定嘅保證 雞髀炸到外脆內軟 再配埋喺外面少有嘅薯皇真係好開心🍗脆炸雞翼伴薯皇呢碟同雞髀有啲相似 只係雞髀轉咗兩隻雞全翼 鍾意吮骨嘅朋友應該會鍾意呢啲多啲🙈 我就覺得兩碟嘅食物質素都唔錯啦蛋撻呢碟係額外追加 一樣係新鮮出爐 係酥皮蛋撻嚟嘅 食完呢碟更加覺得呢度嘅麵包類食物都非常出色😌 如果大家唔係太肚餓又想簡單食個下午茶☕️ 真係好推介嚟呢度食個出爐麵包或者蛋撻啊

三點三下午茶，你今日食咗未？🥳⋯⋯上星期同妹妹行完街，行到累，搵地方食嘢醫肚。🤩我諗住去紅茶食，貪佢快靚正👍點知去到就好多人排隊，興趣大減，我就行咗一個圈，睇吓有咩好食！本來想食車仔麵，點知見到紅茶冇晒人龍，就走去排隊啦！入到去坐底點完餐後，10分鐘左右就上餐啦😋😋😋🟡酥皮蛋撻+熱菜蜜-酥皮：雖然不是層次分明，但焗得好金黃。撻邊有點厚不過撻底都好薄，質感鬆化輕巧，不油膩👍-蛋心：蛋漿份量超足，好嫩滑，有啲似布丁質地，不過蛋香未夠突出。❤️豬扒包+炸薯皇+熱阿華田個包好軟熟，豬扒醃🉐️好夠味，不過就有啲薄，我之前喺旺角食，好厚又大塊！😎炸薯皇，外脆內軟，口感好正，仲食到有種香味，原來加左香葉落去一齊炸，唔怪之得咁好食啦👍👍👍👍🔥華田，甜度適中，都几滑，可能太耐冇飲，覺得好好飲😄

上上個星期日突然想食紅茶個丹麥酥所以打電話叫早餐外賣先生提我要問下有無丹麥酥先好落單，因為上次佢叫左但俾左普通多士，職員無同佢講無貨就咁轉左一接通，我問左有，職員仲話有丹麥酥好耐啦Ok, 開始落單…我：早餐沙嗲牛轉米粉，轉煎蛋，飲熱檸水職員：ok, 一個b餐，轉米粉煎蛋，熱檸水，就咁？我：仲要多個b餐，都係米粉，但要炒蛋，飲熱奶茶 （之前睇左餐牌，知道b餐=沙嗲牛麵+炒蛋+丹麥酥+飲品）職員：（覆單）2個b餐… blah blah blah (所有內容一樣），外賣49號-去到，已經拎得，但出錯單，變左一個A餐一個B餐，但其他轉既野，飲野一模一樣收銀員：我覆左單係一個A一個B餐我：但你地覆我2個B餐架喎…跟住佢示意下一位俾錢當時仲有一個職員企旁邊，無理過我我對下單時間，其他落單內容一樣除左個A同B餐，我只想食B餐咋…我走番埋去再同佢講，先話轉既話要等，心諗：擺明你落錯單又唔認，唔通次次買外賣錄音咩…最後想講，食物質素下降左，尤其係個丹麥酥態度方面…

今天為大家介紹一間快餐，平常在午膳時間，這間餐廳必定大排長龍。這是我跟朋友一起排隊時試試，誰不知只需5至10分鐘的等候時間，便能進入餐廳。午餐有三個，我選了其中一個西冷牛扒配提子汁，小編選了配薯菜，當這個餐來到的時候才驚覺是焗薯而不是薯條，真的驚喜。相信這間餐廳不少人都吃過，不過小編一直懶得排隊所以從未吃過，今天感覺還好，在吃牛扒前，已有餐湯，不過不失吧，紅湯菜料較多。牛扒不過落過多鬆肉粉，提子汁其是普通燒汁加提子乾，想不到效果挺好。除此以外，焗薯有少許忌廉，整體焗薯仔夠腍及軟，容易入口。

今日開始疫情嚴重 食食下早餐 突然沒有詢問下被職員安排一個陌生人座在我對面 中間完全沒有膠板隔離 想找職員反映 但職員完全扮聽不到 只好被逼即時埋單 埋單時問及職員說他們4人枱就是這樣 我說至少都要詢問一下食客意願 4人桌是一入去我就被吩咐座下 完全沒有提及過要跟人同桌 職員表現好像是理所當然 不知道是否想趕客離開 這是第一間荃灣紅茶分店令另我最不有好感 有感他們衛生防疫意識很差 我只座食了15分鐘都迫著離開 今日評語是希望店長意識到問題 請尊重每一位食客 令食客食得安心放心

星期六帶貓貓到診所睇醫生，未夠鈡接貓於是就到附近茶餐廳食個下午茶，左揀右揀於是去咗間叫「紅茶冰室」因這𥚃有我最愛酥皮蛋撻。當品嘗完後發覺這些酥皮蛋撻原來係咁樣做出來即時想嘔番出嚟🤢🤮我見到整蛋撻工人呻完鼻冇洗手又冇帶口罩繼續用那雙污糟的手整蛋撻皮好嘔心呀！現在仍然疫情嚴重環境下竟然咁唔保持衞生，真係要公開惡行。

晨早去紅茶冰室食早餐，點了招牌沙嗲牛肉通粉，配餐包和煎雙蛋，飲熱奶茶和凍檸茶。沙嗲牛肉味道好濃，牛肉 嫩滑，不會韌，係好食嘅，所以咁多人排隊。熱奶茶香滑，都是高水準！不過服務態度真係好差，茶餐廳基本不會要求好有禮貌，但係幫手落單個員工態度真係好惡劣，我叫員工落單，佢只係用眼掘實我，示意我要開始講嘢，我未講完，佢已經走開，一路講佢一路走，都唔知佢聽唔聽到，我等機會趁佢行到我附近時，我再重複我的餐，問佢落得啱唔啱，佢只係點一下頭就走咗，從來未試過有如此差的經驗，好似去乞食咁希望餐廳注意下！

今日到了紅茶吃晚餐，是日晚餐是「夏威夷菠蘿煙肉豬扒」。要了兩個晚餐，一個要紅湯，令一個要白湯。餐湯普普通通冇乜特別，反而哥夏威夷菠蘿煙肉豬扒非常好味，建議菠蘿同煙肉要同豬扒一齊食，個味道非常夾，感受到廚師的用心。厚切豬扒味道很好，肉汁鮮味，完全沒有雪藏味。仲包左一個餐包同飲品。咸餐包非常鬆軟，好好味！熱奶茶當然係好飲啦。如果唔係平時就唔會成日好多人排隊等入去啦。座位坐得舒適，唔會迫夾，服務OK，下次會再嚟。

😋呢間餐廳由朝到晚都好多人排隊🧐今朝行過見唔係好多人😅排咗5分鐘左右⏰就有位可以入去試吓佢嘅早餐喇❤️..🧂環境好乾淨座位亦都好舒適👍招呼亦都好週到👍服務員反應好快又好勤力👍最緊要係今朝叫嗰兩份早餐性價比好高☺️❤️正呀。雖然我平日真係唔係好鍾意排隊食嘢，但係排隊去食呢個早餐我覺得今朝係值得㗎👍👍👍😋😋😋..🍽早餐A🔥鮮味仿鮑魚是火腿通粉 $37😋包餐包和餐飲，炒蛋好滑呀，麵包亦都好新鮮👍一絲絲嘅😋..🍽早餐G🔥西冷牛扒半德國腸 $43😋呢個麵包係丹麥酥，又香又新鮮，好邪惡但係真係好好食😋值得一讚係佢塊牛扒真係好大塊👍唔會好似出邊嗰啲咁有啲「根」食唔到❤️正呀👍..☕️餐飲：我飲熱奶茶❤我算係奶茶精😋呢杯奶茶亦都唔錯，奶同茶好平均，熱辣辣👍..🍍🍞見到好多人食完早餐都加多個菠蘿油 $12🧐一場嚟到我都試咗一個😋個菠蘿包好大個好新鮮好脆口，非常之好食😋我覺得一定要是試菠蘿油呀😋😋👍👍..服務：🌟🌟🌟🌟🌟食物：🌟🌟🌟🌟🌟環境：🌟🌟🌟🌟🌟..💰$92 / 2人 (早餐)..📍荃灣大壩街39-51庚發樓地下

在荃灣廣場睇完戲又想食小小嘢。行去後面出口，見到呢間叫做紅茶。外面有新鮮出爐蛋撻和麵包，價錢又唔貴。走咗入去。試咗個炸雞肶餐，店員好窩心，解釋要等二十分鐘。果然係即炸。熱辣辣，大大只，最緊要，冇雪味。加埋凍檸茶，茶味夠。果然冇改錯名🤣

唔好以為茶餐廳就乜嘢都有得食，今晚我就中咗伏喇。本來諗住食個蒸鷄飯諸如此類嘅嘢，搵間比較大嘅連鎖店諗住冇衰，誰不知就係冇，唔單止冇蒸飯，甚至乎冇排骨，冇肉餅，冇雞柳，港式西餐係多選擇嘅，不過今晚唔想食，千揀萬揀，揀咗個香蔥蝦仁炒滑蛋飯。點知飯一嚟到，玻璃蝦嚟嘅！雖然個蛋炒得唔錯，可惜玻璃蝦已經扣晒分，其實唔介意俾多啲錢食啲好啲嘅食材，$56食個玻璃蝦炒蛋飯真係唔係好冧囉！仲有，呢間餐廳要排隊入座㗎，排咗我10分鐘，出面仲成浸臭臭味，唔知係咪樓上爆屎渠，感覺衛生環境好差！

是日放半日忙裏偷閑同屋企人荃灣shopping, 行左2個鐘又攰又餓就揾個地方下午茶休息下啦！荃灣廣場行出黎大壩街一過馬路就係，好方便，同埋可能係平日，唔洗等位，不過客人都唔少！一家三口揾到卡位坐低，黎到梗係要食佢地既鎮店之寶～冰火脆皮菠蘿油+紅豆冰真係外脆內軟好好味，阿囡到話，而且$30好抵食！再叫左炸雞翼+薯條茶餐！$41+3(凍飲) 呢個正常野，不過我地覺得薯條太少食飽休息過後行多陣就返屋企喇！大家下次黎開荃灣廣場行到攰可以考慮下！

今日又黎荃灣行街睇戲,一向都好鐘意食紅茶ge我本身諗住今日食第二啲餐廳,但行街行到忘曬形都唔記得左要食飯,得返九個字就夠鐘入場睇戲,睇完場戲又過左十點無得堂食,一於又黎紅茶食,快靚正不過今次張枱就污糟少少,有條菜係度,食之前都忍唔住要自己再抹一抹張枱先今次又係食特餐,岩我口味又夠飽肚特餐經典組合，沙嗲牛肉麵配丹麥多士同火腿奄列 ，平靚正花生醬厚多士多士脆，花生醬特多，仲要係我最鐘意嘅粗粒👍,花生醬仲要暖笠笠,食到流到成手都係,認真足料

今日放假，想帶孩子行吓一田，所以就喺附近食早餐。呢間紅茶冰廳，有新鮮出爐麵包供應，印象中都幾好味😋。記得上次大排長龍，可能今日係平日，竟然唔使等位就直入。我哋嗌左兩個早餐再加一個菠蘿油。鮑魚火腿通粉，味道正常，湯底濃郁。榨菜米，就好辣，我唔係好食到。😢不過真係要讚下佢個滑蛋，炒得好香好滑。比孩子搶咗八成去食。奶茶還可以，不過如果奶多啲口感會更好。餐飲幫孩子轉鮮奶（加$6），佢一飲就知道係北海道奶，非常開心。🥰啲夥計好勤力，成日都想收我哋啲餐碟，即使係未食完嘅時候。呢方面真係要留意吓，其實我哋都唔係坐咗好耐，而且門口冇人排隊，咁樣會好騷擾我哋用餐的感受。