紅茶冰室

营业中

休息中

是日放半日忙裏偷閑同屋企人荃灣shopping, 行左2個鐘又攰又餓就揾個地方下午茶休息下啦！荃灣廣場行出黎大壩街一過馬路就係，好方便，同埋可能係平日，唔洗等位，不過客人都唔少！一家三口揾到卡位坐低，黎到梗係要食佢地既鎮店之寶～冰火脆皮菠蘿油+紅豆冰真係外脆內軟好好味，阿囡到話，而且$30好抵食！再叫左炸雞翼+薯條茶餐！$41+3(凍飲) 呢個正常野，不過我地覺得薯條太少食飽休息過後行多陣就返屋企喇！大家下次黎開荃灣廣場行到攰可以考慮下！

今日又黎荃灣行街睇戲,一向都好鐘意食紅茶ge我本身諗住今日食第二啲餐廳,但行街行到忘曬形都唔記得左要食飯,得返九個字就夠鐘入場睇戲,睇完場戲又過左十點無得堂食,一於又黎紅茶食,快靚正不過今次張枱就污糟少少,有條菜係度,食之前都忍唔住要自己再抹一抹張枱先今次又係食特餐,岩我口味又夠飽肚特餐經典組合，沙嗲牛肉麵配丹麥多士同火腿奄列 ，平靚正花生醬厚多士多士脆，花生醬特多，仲要係我最鐘意嘅粗粒👍,花生醬仲要暖笠笠,食到流到成手都係,認真足料

今日放假，想帶孩子行吓一田，所以就喺附近食早餐。呢間紅茶冰廳，有新鮮出爐麵包供應，印象中都幾好味😋。記得上次大排長龍，可能今日係平日，竟然唔使等位就直入。我哋嗌左兩個早餐再加一個菠蘿油。鮑魚火腿通粉，味道正常，湯底濃郁。榨菜米，就好辣，我唔係好食到。😢不過真係要讚下佢個滑蛋，炒得好香好滑。比孩子搶咗八成去食。奶茶還可以，不過如果奶多啲口感會更好。餐飲幫孩子轉鮮奶（加$6），佢一飲就知道係北海道奶，非常開心。🥰啲夥計好勤力，成日都想收我哋啲餐碟，即使係未食完嘅時候。呢方面真係要留意吓，其實我哋都唔係坐咗好耐，而且門口冇人排隊，咁樣會好騷擾我哋用餐的感受。

今晚朋友相約了我放工行荃灣廣場同Aeon百貨，主要是行Aeon百貨，因星期三所有貨品都有8折，我們是會員额外再有折，真得很平，我們行荃灣廣場第一時間想起那兒有不太貴同舒服的坐位，一想就想到去紅茶冰室，這間吃過了幾次，味道不錯，這晚等了一會，已有位給我們，平時我自己會叫常餐吃多，今次我自己冇叫常餐，朋友叫了豬扒湯米，常餐包括了炒蛋同多士，豬扒很霖同嫩滑，多士烘得香口同脆，自己今次叫了菜遠脆脆魚柳炒河，河粉炒得軟硬適中，很有口感，魚柳炸得很脆，很有魚香味

呢個星期終於有返丹麥多，唔食洗再食牛油多點知早餐B價錢由34蚊加至37蚊，如果外賣再加2蚊，就要成近40蚊一個早餐，已經唔抵食了食物質素方面，丹麥多士得之前既一半大細，沙嗲牛肉麵味道也比之前淡，食食下見到隻小強周地走，真係乜味口都冇晒

今日6月16號放工之後同我朋友行過荃灣廣場對面有一間紅茶其實之前呢喺各區都見到有紅茶呢間餐廳一直都想試今日就入咗去試試佢個常餐，跟住我哋坐喺卡位度嗌左個常餐豬扒米粉加煎蛋火腿同埋多士做乜埋杯嘢飲都係$48蚊而我朋友帶咗個菜遠脆脆魚柳炒河佢話呢度有炒河都好好味好大碟，加$3有杯菜蜜，朋友嗰份呢總共係$61，我發個紅茶餐廳呢度嘅常餐嘅豬扒好大塊放入口都係好有豬肉味，如果煎蛋都係好滑好香呢，加埋個火腿啦同埋嗰個多士呢都係好鬆脆好香口，今晚食完呢個宵夜都唔使食😌😌

一直念念不忘它的“丹麥酥多士”，坐下來，不用多說，先來常餐！常餐中“金寶豬扒湯通粉”的賣點，不但是那塊煎豬扒及濃郁的湯底，更抵死的是那通粉！通粉的最大優點是像船一樣，可把湯承載著，一口一口的通粉連湯送進口中！正呀！但不知為何，只隔了一個寒暑，丹麥酥多士已變成普通厚多士，雖然它味道也不錯，但還是極度失望！失望還需要繼續，但有選擇困難症的娘娘，如常要用十分鐘才決定寵幸這“焗黑椒雞扒飯”，話雖如此，常餐吃罷了15分鐘這個焗飯才上檯，但就是這15分鐘，已令這只吃得半飽不餓的我，更期待這焗飯，看著飯面的芝士汁撲通撲通的跳動著，熱騰騰的，很新鮮、很味美，彌補缺少了丹麥酥的那份遺憾！

我們於1/5（六）約早上八點到達餐廳，入面已經有很多人，我們叫了3個餐：脆脆魚柳伴德國腸；西冷牛扒伴德國腸；全日早餐。❶脆脆魚柳伴德國腸（$40）配炒蛋及鮮油厚多士❷西冷牛扒伴德國腸（$42）配炒蛋及鮮油厚多士❸全日早餐（$52）：吉列魚柳，昆布蘭腸，黑松露炒蛋，煙肉，茄汁豆，鮮油厚多士鮮油厚多士：多士係厚，但冇乜牛油味，也不是熱的。吉列魚柳：很大塊，就算放到最尾食也還是熱騰騰的，而且又有嫩魚肉，非常好吃。西冷牛扒：有足料茸蓉醬👌🏻黑松露炒蛋：不太能吃出黑松露味另外，看得出來待應很忙但服務態度尚好，以冰室來說，可以接受。

下午時分,想不到吃什麼,就到附近茶記吃午飯。這家茶記都頗為出名,每每到午飯時候,外面都排長龍的。店內環境不錯,惟座位有點迫。每次我都是點常餐,這次看到每日精選午餐 – 紅酒汁肉眼排。可惜遲來,肉眼排剛賣光,所以餐牌轉了薄牛排。以為薄牛排不好吃,但味道和口感還可以的呢。牛排口感都嫩口,配上燒汁,味道不錯。是次是叫了配意粉,但如果是配白飯會更好。這個午餐set 有配湯及飲品的,是次叫了中湯,但湯方面就偏鹹。但熱奶茶往往就是我必叫的。

平日中午時間排曬隊今次終於有得一試4人叫了炒河炒粉炒粉無影到😢但整體多材料，又不多油夠香口重點係河炒比其他食店炒得夠鑊氣之餘仲食到香口感。最讚個魚柳無雪味細細件有4到5件好滿足，更無反炸感覺。唯一就係等得耐🤣

今次係本人第一次寫食評。真係唔寫唔得！中午嗌左個咖喱飯 食到一半啊仔竟係話食到硬物！即刻一望 先知道係鋼絲刷的碎塊。。。個飯還剩反一大半但係都唔敢食了。。。真係離曬大譜！還有，近幾次叫外賣午餐 紅茶都自行改餐牌但係又唔通知顧客！開咗來睇先發現個飯錯嘅！卡邦尼汁變左茄汁！西冷牛扒又變雞！但又照收我同一價錢！今次又無比餐具 仲竟然食到啲異物！一向都幾中意呢間餐廳，好食還好食但質素真係下降了！！！唔會再食了真係！！！

今晚約了朋友在荃灣廣埸百老匯戲院看戲，所以擇了近戲院的餐廳吃，紅茶冰室，是不二之選，我們叫了常餐，豬扒湯通粉配炒蛋多士，快靚正，吃得飽，豬扒通靚底好入味，塊豬扒很溶，炒蛋好香，多士很鬆化

話說我行入去企係門口話叫外賣，企左成分鐘無人理，到收錢果個問要咩，我咪講囉，講完隔左幾秒又想食蛋撻，咪加埋囉！呀靚女話：下次唔該一次過講我話：我咪一次過講囉，中間爭左幾秒咋喎呀靚女話：我問你仲有無野要，你又唔講！我話：咁你係咪加野都話唔得𠺢？呀靚女話：你自己行去隔離賣蛋撻呀姐比錢買跟住繼續好多句頂心頂肺嘅說話講其他服務員好好𠺢，係呢位靚女比較心急囉我自己都做服務行業，我真係唔敢咁樣幾秒都要鬧個客。重要唔係有客排緊隊，好野！比個勁你！

平時中午紅茶門口都排長龍，今日平日下午茶時間黎到，唔使排隊就即刻有位坐。🧈冰火菠蘿油（$11）下午茶時間，菠蘿包新鮮出爐，菠蘿包個皮係脆架，塊牛油又夠大塊，暖暖既菠蘿包配上一塊冰凍既牛油，外脆內軟，食完想再encore，所以次次黎都會叫個菠蘿油！真係好邪惡但又好好味！🍜吉列豬扒烏冬（$40）下午茶餐，都幾抵食。吉列豬扒好大塊，係新鮮炸起，仲燙口，而且好脆。烏冬就彈牙，唔會好淋，個湯睇落去有D清，但食落都好濃味。🍛焗咖喱薯仔雞扒飯（$63）紅茶既咖喱焗飯都好好味！今次叫左個焗咖喱薯仔雞扒飯。個飯黎個陣仲聽到吱吱聲，熱辣辣，好香咖喱味但又唔會太辣。炒飯底，炒到金黃色，好靚，仲食到有少少脆飯焦，正！

記得以前經過大窩口，成日都見到有班人排咗喺間茶餐廳出面，有一次好奇去食完，從此就愛上左呢間茶餐廳。不過其實去大窩口好唔方便，好彩而家荃灣都有一間紅茶冰室，喺荃灣廣場隔離，以後去開附近買嘢都可以去食😍.我最鍾意就係食呢度嘅沙嗲牛面，佢哋個沙嗲牛真係好香濃，個面煮得啱啱好，硬度適中，係我最鍾意食嘅茶餐廳味道😋.另外仲有佢個菠蘿油，又邪惡又好味，次次都忍唔住要加多個嚟食😂.仲有就係呢度嘅炒蛋都好滑😍 同埋佢哋個多士係用丹麥吐司整嘅，特別好味😋