紅茶冰室

唔好以為茶餐廳就乜嘢都有得食，今晚我就中咗伏喇。本來諗住食個蒸鷄飯諸如此類嘅嘢，搵間比較大嘅連鎖店諗住冇衰，誰不知就係冇，唔單止冇蒸飯，甚至乎冇排骨，冇肉餅，冇雞柳，港式西餐係多選擇嘅，不過今晚唔想食，千揀萬揀，揀咗個香蔥蝦仁炒滑蛋飯。

點知飯一嚟到，玻璃蝦嚟嘅！雖然個蛋炒得唔錯，可惜玻璃蝦已經扣晒分，其實唔介意俾多啲錢食啲好啲嘅食材，$56食個玻璃蝦炒蛋飯真係唔係好冧囉！

仲有，呢間餐廳要排隊入座㗎，排咗我10分鐘，出面仲成浸臭臭味，唔知係咪樓上爆屎渠，感覺衛生環境好差！