紅茶冰室

营业中

休息中

屋企附近有d口痕，想食下午茶🫖，諗緊紅茶☕️同三多二㨂一，最後揀咗紅茶☕️。下午茶🫖時間唔多人，其他時段要排隊難得坐到卡位，試過繁忙時間真係塞6個單身男人入6人枱，好逼未入嚟前已揀好招牌芝士流心西多士（$38）配熱鴛鴦招牌芝士流心西多士，好多牛油🧈同糖漿，兩塊麵包🥯中間夾咗流心芝士🧀好邪惡😈食咗呢份餐真係唔想食晚飯🥣，我仲叫咗「大火」，上次有個阿姐唔知🤔咩係大火，要我解釋熱鴛鴦有d苦，要落包糖性價比高，推

第一次寫食評。放工心思思想食芝士焗飯，第一次幫襯紅茶冰室。平日晚餐時段幾乎滿座，好彩唔使等位，一入門口就有人招呼及入座。繁忙時間六人枱都只係坐兩組客人，所以唔會坐得太迫，侍應仲貼心地提我可以將隨身物品放喺對面張凳。叫咗芝士魚柳焗飯，即叫即整，落單嗰陣侍應已經講咗要等15分鐘，食物上枱嗰陣係熱辣辣嘅，食到最後一啖都仲出緊煙整體來講食物質素OK，侍應服務態度都好正常，同埋做嘢好快手，坐門口收銀嘅員工都係有禮貌嘅，價錢合理，貫徹茶記嘅特色：快、靚、正，值得再encore。P.S. 缺點係廁所衛生一般。

餐廳當中紅茶一定是我不二之選，差不多各區的紅茶也有品嚐過，而荃灣呢間則是第一次。今晚因為要去睇毒舌，趕時間的我，就挑選當晚的精選晚餐-板燒牛肉骨，相信必定最快最正。怎料一進入餐廳，同事服務的態度已經很差，大聲呼喝就坐位置，下單時黑面且沒有尾音。本人點的板燒牛肉，牛肉骨是血淋淋的，但又燒燶了，而意粉份量好大碟，但整份餐是冷的沒有溫度。而先生則點了炒豬扒公仔麵🍜，它的豬扒又是烤燶了且又薄又乾，炒公仔麵則正常，但溫度偏凍，總言之知，這間紅茶質素較差。

無論午餐、常餐都越做越差 面唔夠熟 湯又少 午餐選擇又少 份量少 今次叫左常餐 先講炒蛋 凍嘅！同伙計反映態度又差 客多都要保證食物品質 餐包比較硬 公仔麵唔夠熟 唯一正常就係飲品 、 出晒名態度差 只收現金 新年期間收加二無問題但係要先同客人講明或貼出提示 叫完野出單先知加二 食物等成20分鐘都唔出 所以凍左唔出奇 但係反映後等得仲耐 、下次都係諗下先再去 Hope the restaurant can improve their food quality esp 3 out of 4 food delivered are not warm and waiting time was too long

久不久中午時間幫襯，搭枱都好正常，但個餐飲一路未上咪再等下，咁忙丫嘛。但後尾來搭枱既都上埋咪追下侍應囉，應該忙到漏左啦，舉手見到侍應望過嚟，隔兩三張枱遠，完全無意慾行埋嚟，咁我咪拎起張單示意跟下，佢完全無回應無行入廚房直接擰轉頭做其他野，咁應該係好忙啦，點知轉頭重要聽到果位侍應話，啲人啞架，xxxyyzzz….哇！咩事呀你隔咁遠又人多要我咆哮大聲講你地漏野去跟下啦，咁樣咩？嬲到丫，本身附近打工仔食餐飯姐，真係以後唔會再幫襯。分享完畢

貴店侍應服務態度極差極度不負責任！在臨近last order 晚上時段到貴店用餐，用餐後結帳漏了條頸巾在貴店坐位上，離開貴店不足五分鐘，本想回來取回頸巾，但回到店後發現坐位上已經沒有了頸巾，當時即時向貴店職員查詢會不會有發現或者收起咗保管，只見貴店職員用愛理不理的態度及眼神閃縮的神態直接回答「冇見過！」，繼續自己的店舖收尾流程，貴店侍應服務態度極差極度不負責任，當時本人回來後其實發現客人已經全部離開，不會是有其他客人取走，所以肯定在貴店內，請問當時會不會可以幫手向店同事問一句有冇發現過，或者會不會已經在貴店職員執枱時一齊清理走，相信貴店可以有更好的處理方式，而不是不問不理直接回應冇「冇見過！」，結帳後不是就不用理會客人，這樣叫客人如何再有信心回來貴店用餐。

夜晚想食平平地，所以去左冰室開餐，紅茶冰室一向都係性價比高既冰室。今次就叫左個扒餐黎据下。首先個套餐有餐湯，紅湯白湯中湯，我就選擇左白湯，唔錯的夠creamy，配合埋個餐包，其實食完呢兩樣都已經半飽😂。之後來到主菜，据扒。塊扒既都好大塊，其實唔怕唔夠食，同埋質素比一般凍肉舖好，唔會話整到好「鞋」，我就選擇左配合意粉，意粉就比較淡味，而且蕃茄醬都唔夠，所以呢度要扣下分，最後加多杯凍檸茶，成個餐就CP值Very Good。

我錯了，係我唔啱，下午三點經過見唔使排隊便入內用餐，打擾正在聊天嘅尊貴的接待師要接待我入座。我錯了，明明下午茶時段，我又去叫正價嘅豬扒旦餐，干擾咗廚師嘅運作，所以豬扒凍嘅、通粉湯係微微温的、旦係凍的。我錯了，見到麵包師高聲叫吞拿魚包出爐， 一個人食個餐咪好囉，衰貪心，舉手同接待師講唔該想加個吞拿魚包，佢用眼神望一望我然後去電腦枱按掣，我等了差不多十分鐘，再次舉手問接待師，我剛才叫了吞拿魚包未到，再等了幾分鐘才送上，原來他們關心我，擔心一出爐食麵包會熱氣，攞了一個全不熱的吞拿魚包俾，真多謝了。我錯了，你們辛苦為我送上食物，我冇雙手接，麻煩咗你地每次離遠近似將食物飛埋將枱上，真是我錯了。千錯萬錯都係我錯，下次我唔敢入嚟打擾你哋了。

見下午茶時間，於是去tea 一tea 先😀😀好想食炸髀同沙律。。於是就去食～如果食炸髀的話。。大概等20 mins..應該佢地即時炸～ .豬扒包配薯角 $43 另外凍飲+$3 😋好味度：⭐️⭐️⭐️個包都幾硬，加上有骨豬扒始終食果陣都好唔方便😂😂無咩醬。。所以好dry 成個包食落🙈🙈.炸髀配沙律 $43 另外凍飲+$3 👍好味度：⭐️⭐️⭐️⭐️皮好香脆，肉都好juicy 同嫩滑👍👍而且都好入味。。😀👍

見外面有人排隊 ， 本著試一試 心態 ， 點知出事 。..............................可以不用再去 ， 免受氣。..............................又嘥錢， 員工問非所答，答非所問。 ..............................按照這價錢，食物質素及分量 一般。 ..............................附近選擇很多， 中餐，西餐，日式， 泰式， 下次不會 選擇 再去。

價錢加左，份量縮水，質量開始下滑。以前廚房出既嘅份量都好平均，近幾個月就好求其，同一個餐既份量可以相差一倍，明顯係求其出餐，我個餐件牛扒同坐對面位客人對比明顯細，我嗰份係我食過出面餐廳最細份嘅扒，我同侍應反映個侍應都知道唔對路。

👭🏻孖妹一家人去食晚餐，事關琴日食完大餐，今日要陪👨🏻去食最熟式既味道 - 港式茶餐廳我地叫左兩款套餐，每個餐都包哂牛油餐包、餐湯（可以揀中湯/西湯）、主菜、飲品🥢是日餐湯🥣💭係蓮藕湯，有好多湯渣例如蓮藕、紅蘿蔔🥕、豬肉等等💭味道偏重，同埋有味精👭🏻評分：🌕🌕🌑🌑🌑🥢牛油餐包🍞💭麵包好鬆軟, 牛油🧈就由廚房搽左下去💭飲啖湯食個包😂👭🏻評分：🌕🌕🌕🌕🌗🥢燒汁牛仔骨 💰78💭有3️⃣大塊，茶仔黎講算幾瘦而且好香油脂味🥓💭醬汁係標準茶仔螢光汁💭主食可以揀飯、意粉、薯菜，👭🏻孖妹揀左薯菜, 係焗薯上面淋左芝麻汁好開胃☺️對瘦身人士係個好選擇㊙️👭🏻評分：🌕🌕🌕🌕🌗🥢韓式醬牛柳 💰118💭有4️⃣舊大小不一既牛柳，牛味重夠淋身💭醬汁收得啱啱好唔乾，帶少甜味💭👭🏻覺得鹹既程度低返d會更好💭另有生菜🥬蕃茄🍅做沙律，解一解油膩感😇👭🏻評分：🌕🌕🌕🌕🌑❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ✍🏻總評：👭🏻推薦指數：⭐️⭐️⭐️⭐️🌟👭🏻回頭指數：🌸🌸🌸🌸💰人均消費：$50 - $100

有個好朋友出咗bonus，所以就帶佢食餐豐富嘅，順便可以一齊聚會傾吓計❤️就揀咗呢一間銅鑼灣嘅餐廳食嘢，一入到去呢度嘅氣氛環境好正，好舒適可以坐低慢慢咁傾偈真係幾好！我嗌咗一份咖喱牛腩飯意外地有啲驚喜，質地相當鮮嫩，肉方面好juicy，入味好香，必食推介💯

態度差！！！！午餐原先同同事三個人食，但未知個同事確定來否之後就話兩個人入坐食野先，之後同事再確定來，我們諗住加個餐具位，我們是坐四人坐位，所以隔離其實係有位，但服務員拒絕，態度仲好差話不可加人。你地二人入座就二人食。。。服務員吾識變通，可能疫情關係有錢也不想賺！！！

焗豬扒飯，豬扒梅梅地，有陣味～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯星洲炒米，炒到d粉清晰食到咖喱粉嘅粉粒，食咗一半冇食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯乾炒牛河，啲牛臭既，我哋同埋前面嗰張枱都換左其他野食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯換咗咖喱吉列豬扒飯，還好，但係啲飯好乾，劣食～⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯不過真心講句，唯獨是炸雞髀係真係唔錯既～