紅茶冰室

营业中

休息中

紅茶（荃灣）🍅沙嗲牛肉公仔麵/米粉🍜紅茶真係間間分店都咁多人，荃灣都唔例外。好在茶餐廳大家都快食，即使前面有六七個人，大約等10至15分鐘已可以入座。去食早餐，茶餐廳來說，沙嗲牛肉算中上水平，如果沙嗲可以多少少花生就更好。公仔麵和米粉都煮得啱啱好。當然，以滋味計，一定係夾公仔麵；要健康就米粉。🍅炒蛋🍳炒蛋幾滑，都有蛋香，應該加咗少少牛奶或者忌廉去一齊炒。🍅丹麥多士🍞丹麥多士係最好食嘅，微脆，又有牛油香。

嗌3份早餐，落漏單嚟到變咗2份早餐，加單點一杯$22嘢飲 已經好搞笑因為出餐算快，所以都唔介意等多陣嗱嗱臨食完埋單點知個收銀拒收我張紙幣 (話唔可以找俾客!?)張紙幣無巢、無穿、無爛、無被人塗污係有歲月痕跡 但無脫色所以舊銀紙就唔收 ？(嚇得我仲以為舊銀紙而家唔喺市面通行即刻拎去7-11實測，呀姐望完話完全無問題 照收)一間連鎖餐廳 只收現金 係有啲唔方便但你貼咗告示，我可以揀入唔入去所以尚可接受但竟然咁串，舊嘅銀紙唔收我就bye bye 唔會再入啦費事八達通又唔收，又拒收我啲紙幣到時要我再去專登㩒錢就煩

前幾日到尖沙咀見到有一條長長的人龍，原來正是紅茶冰室的排隊入座人龍，有些驚訝。今日路經荃灣大壩街的紅茶冰室，沒有人龍但也想試一試他們的出品。今日午餐set選了「香煎牛扒配法蘭克福腸配薯菜」正常餐食沒有特別，餐湯出得比較慢，我選忌廉湯裏面有好多紅蘿蔔碎、肉碎等也不錯。「麻辣嫩雞拌麵」這個辣味十足，香麻很出。他們的奶茶也不錯。

到底點解紅茶有咁多人排隊⁉️｜係唔係真係咁好食🤔｜感受多國語言同氣氛之選🤗今日咁啱經過，見比較少人排隊，就去食吓啦！🔆早餐時段最後等咗2分鐘就有得入去啦✔️其實服務都算OK嘅，姐姐都安排咗張四人枱俾我哋兩個人坐。但係一坐低就係咁問我哋食乜嘢。🧐隔籬左右幾張枱都講唔同嘅語言，有韓文，普通話等等。感覺好熱鬧🫨🌟早A-鮮味彷鮑魚絲火腿通｜$41+$3｜7.8/10火腿通🍲基本嘢啦，好難唔好食，個湯都濃郁既。鍾意食佢個牛油餐包🍞，有輕微暖暖地同埋溶溶地嘅牛油。👍🏻煎蛋🍳都唔錯，冇煎到好燶，蛋白係滑既，冇油淋淋既感覺。凍奶茶正常水準+$3其實啲嘢食味道都係唔錯嘅，但係要排隊排好耐隊就不了。

Lunch time時間咁岩得咁橋行過紅茶冰室，紅茶聽就聽得多，每次見到好多人排隊就直接放棄😂 今次終於見唔係太多人排隊，仲唔拿拿臨去試下😂⭐泰式海南雞飯+熱鴛鴦既然講得係泰式海南雞飯，梗係要配返個泰式醬汁先match😋 雞既份量都好足料，肉質又肥美又唔會鞋😝 加埋杯熱鴛鴦又香又滑⭐紅酒燒汁雜扒飯+凍檸茶一黎到就比大大塊既雞扒吸引住🤭 雜扒飯當然唔少得塊豬扒，但最估佢唔到既係有一條司華力腸再配埋紅酒燒汁，令到成個飯性價比超高🥳凍檸茶仲有4塊檸檬片⭐焗咖哩牛肉飯咖哩汁好濃好入味，D牛肉又好淋再加上係炒飯底，正❗⭐脆皮菠蘿包菠蘿包個皮果然真係脆卜卜，個包暖暖地食落口非常軟

成條街係呢一間茶餐廳有好多人排隊👫👫👫通常我都會食常餐，大大塊嘅豬扒通粉、用忌廉雞湯底，配丹麥酥和炒滑蛋🍳加埋杯黑白淡奶茶☕️ 好有茶餐廳味道👍 另外佢嘅午餐都平靚正啊🤎🤎🤎💟常餐：豬扒通粉+炒蛋、丹麥酥+熱奶茶 $56豬扒夠大塊煎得香口，濃郁忌廉雞湯底，通粉不會太淋好吃，食埋炒滑蛋和丹麥酥，已是很滿足嘅一餐☺️💟午餐：日式咖喱一口牛焗飯+例湯+凍奶茶 $61+$3一口牛有啲筋不夠淋，炒飯底又幾好食喎

好耐之前食過一次, 覺得都幾好食, 今晚經過咁啱有位唔使排隊, 就入佐去, 安排佐卡位俾我地坐, 但超熱, 好似開佐暖氣咁. 欣賞佢地有是日晚餐揀, 幾好唔使諗食咩.餐包入面有少少牛油, 一個紅湯, 一個中湯, 紅湯好飲啲, 中湯好鹹.雞扒鰻魚薯菜, 雞扒大大舊, 但味道麻麻, 鰻魚都幾好味, 薯仔麻麻地.紅豆冰唔錯, 係太甜.

很有水準的冰室，其實是很地道的港式茶餐廳，食品種類繁多，中西港兼備，價錢公道，個人覺得是近年難得有高水準的茶餐廳。服務有效率有求必應，唯一不足之處是冷氣不夠涼快。

送完阿女返學，搵早餐食，試下紅茶叫左個沙嗲牛肉麵，配左丹麥酥同滑蛋首先個沙嗲牛肉麵，麵唔會太淋，食落爽口，牛肉都算滑另外個蛋好滑，丹麥酥外脆內軟，食到多層口感👍🏻好唔錯既早餐😋

Lunch叫左個咖喱牛腩，本身牛腩數量已經唔多得3-4嚿細其他都係薯仔，仲要嚿嚿都係柴過乾柴，完全咬唔到吞唔到，聽到隔離枱都食到吊哂鬼。你d牛腩唔得就咪賣啦，定係拍板呢條友收左著x？有批靚牛肉賣？真係差到極點，做起左開始賺黑心錢？

睇戲前見冇人排隊就入去食，以前食過一次，預左要搭枱，同好迫好嘈。不過雞蛋三文治附送咁大塊蛋殼就真係過份D囉！！！不過佢菠蘿油同杯凍咖啡係唔差既唔知真係以為落左澳牛，想我極速落單。。。俾多少少時間諗下都得掛

黎到荃灣想食個快飯，所以去食紅茶，星期日晚上6點幾黎到唔洗等位直入。叫左個精選晚餐$78包左個餐包，正正常常，不過太少牛油🥲湯有三款可以揀，紅湯、白湯同中式湯紅湯都正正常常，幾好！個餐勁快黎到，但係個蝦球估唔到係咁（比想像中細舊），同埋塊雞扒同意粉都唔熱，汁都比較少，覺得個餐麻麻地。建議大家都係食反其他野好過🤣🤣另外叫左個楊州炒飯$63，個飯即刻炒，熱辣辣，同埋有好多粒蝦，好食😋飲品叫左凍奶茶，大大杯又夠凍，奶味比較多（本人鐘意飲奶重），所以覺得幾好！最後建議大家唔好叫精選晚餐，覺得佢一早整定哂，所以唔會熱辣辣。叫反d炒野同焗飯會好好多（之前都成日食佢地既焗飯都覺唔錯）。服務方面員工做野手腳幾快同埋都有禮貌🙂🙂

本人今日到紅茶（太子分店）午餐，点了一個肉絲炒麵和一杯熱鴛鴦。我對紅茶食品品貭一向有信心，麵炒得非常鬆脆好食，杯鴛鴦亦好有水準，咖啡同奶茶比例恰到好處，好好饮。但講到待應招呼，要用非常超級極差來形容。話說當碟麵送埋我檯時，我禮貌問送麵的待應有無醋同辣醬，當時一位短髮圓面肤色偏黑的女待應大聲並勞氣回答：醋？無醋架喎，隨後佢從我背後靈空拋丟两包辣醬在我檯面。我真想問，這是呢間紅茶冰室連鎖店培訓店員招呼客人都態度？客多得制，要趕客？本人時有到大圍，尖沙咀光顧紅茶冰室，招呼雖然不至好好，但應有基本的態度都是滿意的。但呢間（紅茶太子店）態度實極差，在進食時又聽到另一位待應由左呼叫到右，呼喝客人說：唔係呢張檯呀，果張檯呀，20號果張檯呀！我真係唔明白点解個待應唔引領個客埋去20號檯，而是喝個客過去！莫非這樣的趕客招呼就是呢間紅茶冰室的特式色？本是一間廚師掂，食品有質素，環境亦唔错的茶餐廳。但招呼差。簡值浪費了廚師辛苦和老板的投資。

晚上930前入座，男侍應話1000 close (OR 登係1100 close)，所以930最後落單。我地話ok。點知連餐牌都未睇，已經有個女侍應行埋嚟，係咁篤枝筆，同我地講快啲落單，即刻落單。老人家話食晚餐，女侍應話淨得燒汁，老人家聽吾清楚再問多句，呢位侍應即黑面兼不耐煩再答。跟住再篤筆再講: 快啲，要截單，係咁架喇其實已想拍枱走，不過因有老人家有細路費事同佢嘈。結果讓步餐牌都吾睇，全部叫晚餐。轉頭嚟左餐包，又有個收銀埋黎摧理單，好冇禮貌咁抛張單喺枱，話要埋單，轉頭就走左去。過左一陣返黎用好冇禮貌既語氣話要埋單喎，即刻埋，個個都係咁架啦。反到收銀櫃仲要手指指我哋張枱，老人家突然起身出去鬧佢，即時嚇親，未見過老人家咁勞氣。男侍應調停話對吾住，呢餐吾收錢。咁既情況，吾收錢都吾食啦。都怪我吾睇清楚其他食客留言，原來呢間野服務態度差出哂名。真係失覺哂! 茶餐廳選擇咁多，奉勸大家吾想受氣就咪試。

岩岩去紅茶拎外賣自取一入去已經見到收銀的兩件月巴坐喺收銀度傾偈 同你地講攞外賣，講咗兩次先至聽到我講嘢 ，你啲員工真心西！👎🏻👎🏻👎🏻👎🏻👎🏻👎🏻👎🏻