紅茶冰室

营业中

休息中

第一次寫食評。放工心思思想食芝士焗飯，第一次幫襯紅茶冰室。平日晚餐時段幾乎滿座，好彩唔使等位，一入門口就有人招呼及入座。繁忙時間六人枱都只係坐兩組客人，所以唔會坐得太迫，侍應仲貼心地提我可以將隨身物品放喺對面張凳。叫咗芝士魚柳焗飯，即叫即整，落單嗰陣侍應已經講咗要等15分鐘，食物上枱嗰陣係熱辣辣嘅，食到最後一啖都仲出緊煙整體來講食物質素OK，侍應服務態度都好正常，同埋做嘢好快手，坐門口收銀嘅員工都係有禮貌嘅，價錢合理，貫徹茶記嘅特色：快、靚、正，值得再encore。P.S. 缺點係廁所衛生一般。