紅磡雞蛋仔

营业中

休息中

之前行過成日都見到好多人排隊，但每次都係食飽左野先經過，今次難得未食野，就當然要試下啦見到個個都推薦淨芒果班戟，唔洗驚選擇困難症，直接order左個淨芒果班戟一試究竟。伯伯人好nice，邊整班戟、雞蛋仔、格仔餅，邊同食客傾下計，重點係記到邊個要邊樣，勁啊！哩啲可能就係小店既人情味掛雖然門口有好多人等，但叫左冇耐，就有得食啦！睇相好似冇人地果啲咁澎湃，啲芒果未至於多到跌出黎。但其實食落覺得芒果份量都幾多，好大方，真係要小心食，唔係既話會跌曬出黎。班戟係厚實既班戟黎，食落質感軟熟，佢唔似熱香餅咁食落得陣風，有咬口既，同埋散發陣陣蛋香，正芒果食落去啖啖肉，係無渣既。大部份芒果都夠熟，香甜，但有一兩舊就酸酸地，但可以接受，都好食既白色既醬係酸酸地既，我估係沙律醬。有人會覺得加左沙律醬都幾match，我個人黎講就覺得個沙律醬既酸會蓋過左芒果既香甜同班戟既蛋味，下次再食我會叫走醬。我欣賞個班戟既厚實質感同食落有蛋香、軟熟既口感，下次會想試下原味既，可以單純咁享受佢既濃濃既蛋香格仔餅同雞蛋仔都好想試下雖然價錢唔算好平，但都接受到。作為一個驚肥既人，會想繼續試啲高卡格仔餅同雞蛋仔，就知味道係唔錯同值得

去過紅磡既朋友仔一定記得，伯伯日日無停手咁煎班戟，街坊學生排哂隊等食，伯伯仲係會同每個人傾下計好親切，唔怪得附近學生都要走落黎買。伯伯不停咁無停咁煎，一次過三塊都絕對悠閒咁同你傾計，仲表演下拋餅，整左咁多年真係熟哂手，睇住整既時候仲好似睇表演咁。食左《奶油甜班戟》($8)，全部即叫即整，花生醬煉奶一啲都唔孤寒係咁落，班戟都好鬆軟。見到芒果班戟都好正爆哂芒果出黎。店名：紅磡雞蛋仔地址：紅磡大沽街寶利閣2號舖餐牌:

紅磡一向係掃街嘅天堂，呢間紅磡雞蛋仔我已經幫襯左好多年！👍🏿以前鍾意食格仔餅，但近幾次發現，都係蛋白肉鬆鹹pancake最好食！新鮮熱辣煎好嘅蛋白pancake，伯伯會搽少少牛油，少少花生醬同少少煉奶落去，之後就會大羹大羹咁樣不啲肉鬆入去🤤咸嘅肉鬆配落香軟又甜甜地嘅pancake好好食，次次食都要好小心，如果唔係就會跌晒啲肉鬆落街㗎啦！😱之前睇雜誌話，伯伯係一手一腳負責成間鋪嘅所有嘢，好犀利呀！地鐵通車後，難免對紅磡舊區嘅小店帶嚟加租影響，希望伯伯生意長做長有，業主高抬貴手呀😭😭

已經有好幾個月沒有去紅磡黃埔那邊。難得今次做義工經過紅磡雞蛋仔。咁當然要試一試啦。上一次光顧時，我單手接不到雞蛋仔叔叔遞芒果班戟，結果掉晒啲餡落地😭。叔叔好好人咁再俾返啲餡我，超有人情味的！😊😊😊今次我想來食格仔餅。果然就算非放工時段嚟到這裡都係好多人排隊。不過嚟到依度始終都係一個問題：就係唔知道喺邊度排隊！格仔餅的餡料很足，厚到我好似食緊漢堡包咁，張大嘴巴都咬唔晒。不過今次醬料塗得比較少，我食到一半已經覺得自己好似食咗一大舊麵包咁，有啲口乾同飽肚。

👫今次又嚟到紅磡雞蛋仔，👱🏽‍♂️👱🏻‍♀️係嚟食返上次無食到嘅芒果班戟㗎！排左一陣隊就即刻有得食，正呀❤️#芒果班戟 <$18>拎上手嘩左聲，勁多芒果鋪係班戟面，仲要大大粒熟曬嘅芒果，所以食落去勁香甜😍 Pancake就暖暖地，軟軟熟熟咁，仲有少少唔知忌廉定沙律醬搽左係面，食落去又幾夾，勁好味！果然係店鋪嘅皇牌👍🏻 經過紅磡嘅朋友仔一定要去食呀🤩🗣：芒果好多，食個陣唔多方便，要小心啲，唔係跌左就好可惜啦😢

我喺大學讀嘅科目較少外籍學生， 所以讀到第三年都冇咩特別機會同外國學生文化交流， 參加咗學校一個叫做language partner 既計劃， 可以一對一咁配對學生， 互相認識， 仲有$$資助去掃街，體驗香港飲食文化添！ 講真住咗喺香港咁多年我都好少去掃街... 所以呢個對我嚟講都係一個幾特別嘅體驗😂😂😂早已聽聞紅磡雞蛋仔嘅芒果pancake， 是但一直只係有得睇冇得食， 今日終於有機會啦！😜💕💕pancake比想像中多芒果， 芒果粒粒都咁大， 橙黃色咁明顯已經熟透， 食落果然好香甜！ 我諗加加埋埋呢度最少有半個芒果😎😎 至於個pancake暖笠笠， 軟熟得來唔會太淋散開曬， 方便揸住食， 店主仲喺pancake上塗上些少忌廉， 雖然一啖咬落去唔多覺有忌廉嘅存在... 但整體好滿意！跟住就叫咗個雞蛋仔啦， 我知道啲餅朱古力雞蛋仔其貌不揚， 但佢絕對係高質地道美食， 每一粒雞蛋仔裏面都有唔少朱古力碎， 朱古力味幾突出😘， 就係爭緊啲外皮嘅香脆， 我諗如果我哋唔好咁心急，等雞蛋仔攤凍一陣，外面會crispy d!不過講到尾佢只不過係加咗朱古力碎嘅雞蛋仔， 賣到十八蚊一餅其實有啲貴， 我諗試

成日係學校見到同學食芒果pancake都流晒口水，走去偷食兩啖，今日難得放break得閒就緊係要過去買，自己食晒一大舊！間舖細細間，冇得堂食，不過都冇所謂啦，反正兩啖就食晒🤤所有items其實都好reasonable，仲要樣樣都好想食，睇落好吸引🤤糾結左一陣，最後都係揀返芒果pancake🙈個pancake皮係啱啱煎好，熱辣辣，煙煙韌韌，好有咬口，仲要唔油又唔係好甜，啱晒我呢啲日日都減肥又想食甜野既人🙈芒果好多好甜，不過就太大粒了，食個陣有啲麻煩😂啲沙律醬岀奇地同個pancake好夾，好好味🤤🤤🤤

👫男朋友👱🏽話呢到間小食鋪好出名，最受歡迎係芒果班戟，但好可惜我地去食個日無芒果😿 為左醫肚就叫左其他嘢食😽#朱古力原味抹茶雞蛋仔 <$18>即叫即整，要等大約5分鐘，一拎上手熱辣辣，老闆好好人知道我地要影相就攤開左塊雞蛋仔比👱🏻‍♀️影😽 咬落飽滿鬆軟，雖然唔太甜，反而突顯到蛋香，👱🏻‍♀️最鍾意就係抹茶味，可能係3隻味之中最濃味同最特別👾 而且性價比高，$18就有3隻味！#沙律雜果香蕉班戟 <$11>雖然入面啲雜果只係罐頭開出嚟，同埋香蕉都係就咁加入去，一啲沙律醬都無，食落普普通通，但最好食嘅係班戟塊皮，又係即叫即整，所以食落好香稔又熱辣辣，下次要食埋馳名嘅芒果班戟先得！🗣：老闆服務態度好好，如果食雞蛋仔想食芝麻可以加㗎，會仲香口😻

每次買雞蛋仔我都希望可以食到新鮮熱辣辣岀模果底，原因當然係好味d，摸上手熱騰騰嗅到陣陣蛋香自然加哂分。。。話說回頭，此店岀品雞蛋仔就冇蛋香而且比較彈口，價值17元一底不算太便宜。買時見到一底底整好哂晾係鐵架上心想這樣做難道不會影響口感嗎？ 果然雞蛋仔已經涼了沒有外脆內軟口感，沒有蛋香只有一粒粒彈口的糕點食品。雖然老闆好好笑容和藹可親的樣子亦只能為雞蛋仔加點服務分總括來說，再光顧機會微弱，希望老闆不要只賣涼涼的雞蛋仔。

之前見網上成日見人講呢到既芒果班戟好好食 但黎親都咁岩冇開 今日lunch經過見有開 二話不說即刻買個黎試喇 可能係閒日時間 唔多人買 唔洗等即刻有d芒果好大粒裝到好滿同夠冰凍 不過可能唔係當造季節 芒果偏酸入面仲有d沙律醬 夾埋芒果味道幾得意 但亦可能未必人人鐘意至於個班戟皮好好食 好少有既煙韌口感 因為今次個芒果影響令到個班戟扣左分 所以會想再黎試多次肉鬆咸班戟

試食肉鬆班戟和芒果班戟，班戟皮微暖剛剛好，餡料很多，好滿足！------------------------------

去完美味佳食串燒，行過少少就嚟到紅磡雞蛋仔星期六既下就，唔算話等太耐，只需要等10-15分鐘就有嚕見到好多人買完都係到係咁影相，加上無坐位，買完都只可以企係到食所以附近都有唔少人係到😛一間小店，無坐位，大家買完都係企係隔離食班戟都係$20內，有鹹有甜本身想試埋肉鬆，但朋友話驚太多，希望下次嚟可以試到🤓工具唔多，每次淨係可以煎一塊😲每塊都有大量芒果同沙律醬有好多芒果，夠晒冰凍，夏天食落好正唯一美中不足就係班戟如果可以再熱啲，冷熱對比更大既話應該會更加好味

經過過幾次都好多人排隊，見今日唔多人排隊，就買左個鴛鴦雞蛋仔（$17），即係一邊係原味，另一邊係朱古力味。老闆遞俾我個陣，話我知雞蛋仔加左馬蹄，個個moment未反應得切，答左句'係'就走左。一食就知原來係講緊馬蹄，難怪頭先見住落粉漿個陣比普通雞蛋仔漿'杰'咁多。雖然唔知點解要加馬蹄，馬蹄係幾甜，但加左落啲雞蛋仔到味道都無咩特別，係食落爽口啲😂講返其實唔太好味，無乜蛋香味，唔夠脆，但抵讚既係唔係空心。不過下次會想試班戟，好多人買，老闆落好多水果，見到都吸引，仲要平

中學時期最愛吃這裡的班戟，每次來吃的都不是味道，而是回憶。這裡的班戟雖然不算是用料相當高級，但看著伯伯用心的製作，吃的時候都可以感受到他的誠意以及認真。雖然因為物價的高漲導致芒果班戟不得不加價，但都不損來這裡吃班戟的意願，近年還多了不少媒體報導，還更多人知道這間小店。伯伯在煎好的班戟上加上大量的芒果加芒果的時候好像不用錢一樣，加得滿滿的，讓人看到都覺得滿足芒果鮮甜非常，簡簡單單的小吃卻還人很懷念。每粒芒果都大大粒，班戟有蛋香，果然寶刀未老～

於紅磡其中一間我最愛的小食店。第一次來的時候是因爲這裡的芒果班戟。其實也有雜果班戟，但看見別人吃著滿瀉的芒果班戟，就決定一試。老闆很親切，跟你聊天時仍然細心地準備班戟。看著他把滿滿的芒果放進班戟中已經十分滿足！最後一步是加上沙律醬。雖然班戟有點熱，但已經急不及待嚐一口，口感鬆軟，再配上鮮甜的芒果及微酸的沙律醬，味道很豐富。而且每一口都充滿芒果肉，真的非常滿足。以此份量來說，價錢很合理。