紅磡串門子 (已搬遷) 新店位置

燒到黑哂成個黑炭咁，又硬又干又難食，都唔知係唔係見我買外賣把之前燒農咗果啲俾我，又苦真係狗都唔食呀，真係用錢買難受，希望距快d汁左去啦唔好在害人啦。我真係從來未試過食咁難食既串燒，香港第一間我真係會比差評既一間串燒店，仲有我要小辣距就整到勁辣，又咸

第一次叫外賣就超時個幾鐘，咁幾好食都係假....打電話問單還好，希望真係會改進，希望唔好聽嘅時候就嘜都得，之後就嘜都唔去做。一直都支持小店，希望百花齊放，長做長有，咁作為附近居民先有口福....

首先一入到去已經唔係好對路，地下廚房好似火燭咁煙霧彌漫，上樓上嘅時候樓梯滑又窄差啲仆低。不過唔緊要上次食過一次味道都算ok。問題黎呢上到去好似焗桑拿咁，油煙飄上2樓，員工嘅口罩一戴一露，做串燒個位人兄仲冇戴罩添，心諗算啦都叫左野食食完快啲走。點知上菜仲伏叫一個牛肉香鍋啲飯都唔知放左幾耐又硬又燶，啲串燒有啲仲係臭嘅，員工仲話可能熱得滯，放埋一邊就算，完全冇道歉！！哇大佬你唔係即刻燒嘅咩咁都聞唔到，我係樓上都聞到一陣陣臭味。呢幾串臭到反胃

去咗紅磡staycation 打算叫個外賣所以睇下附近有咩見有串燒又有清酒蜆所以幫襯叫8串黎到漏咗2個串打去幾次想叫佢送番黎就算但一直無人聽個牛脷唔好食似啲放好耐既肉清酒蜆食一粒已經好似會醉酒太多 多到啲蜆好苦仲要真係得酒味

新年的時候，去到朋友屋企拜年，想食啲宵夜，見到呢間好似唔錯，就叫咗foodpanda~唔知係咪因為新年，有大量order，我哋等咗個幾兩個鐘先送到😅😅😅不過還好嘅，送到黎嘅時候啲串燒仲係熱嘅，味道OK，宵夜來講唔錯！！個人私心推介，燒玉子超好食！！玉子唔算好甜，但係燒完之後有一陣陣玉子嘅香味飄咗出黎！！

最近疫情，多咗叫外賣，一直叫呢間都係送上門服務，今日心血來潮，去自取。按照手機顯示時間，準時到達餐廳，已經覺得唔對路，門口超多人，有外賣員，有自取。見到餐廳入面，有幾個後生仔做侍應，手忙腳亂。再望入去餐廳環境，嘩！污糟邋遢！都算，問個侍應我叫嘅外賣，十問九唔應，再問，先問我幾多號外賣，睇完出嚟同我講，叫我等多30分鐘，吓！若果佢哋做唔切，應該通知客人遲啲嚟攞，完全離晒譜！我再等多一陣，見到個後生仔跌咗兩條腸仔落地下，睇都唔睇執返放入外賣盒，嘩，咁我以前食嘅外賣咪有可能係咁污糟？ ！即刻唔要走人！我勸大家以後叫外賣，唔好求其搵，要網上睇下食評先。真係要清楚餐廳嘅衛生情況，先好幫襯！

Foodpanda落單，但漏左錫紙花甲粉同秘製麻辣金針菇，反而嚟咗個錫紙娃娃菜。間野服務真係好有問題！打左幾次電話催，係咁推黎推去，叫我whatsapp影張單佢睇，睇完話打返舖頭搵人處理，又話自己唔係舖頭，同一個電話號碼聽電話同覆WhatsApp可以係分開兩個人咁搞笑。再打去又叫我等電話，送就送，唔送就唔送啦，送唔到又唔一早講，等等等等咗幾個鐘，解決問題能力好差，我都唔知等佢電話做乜，其實送返個兩份食物黎已經可以解決到。最後一次打去問送左未，聽電話嗰個男人話張單做唔到，要我去返foodpanda度做退款，隔左幾個鐘先話做唔到，唔早啲講？咁嘅服務啲客食一次都唔會返轉頭，唔怪得OpenRice咁多差評！另外，牛脷啲肉好散，同平時食開爽口嘅感覺完全係天淵之別，食物質素都好需要改善！

話說幾個朋友叫外賣 突然好想食啲臭嘢 醒起成日經過串門子 就把心一橫試試果然一試 就知 無下次！首先外賣 等接近1.5小時！8點叫 9:35分先到！好！唔緊要！嘢食如果好味 等耐啲都可以首先我地叫6串 小1串 但價錢照收串燒質素水平無特別鰻魚炒飯有倒汗水 凍哂嘅 無飯香 濕哂咁酸辣粉 份量可以 味道都可以 有大陸食嘅水準總括而言，一次咩都夠，大把選擇，唔好受呢啲不愉快經驗**後來發現係大陸人主理，門口位哥仔操流利普通話**無心情之一張相都無影到，sad。

開頭無留意到頭頂既poster係簡體字剩係見到串燒又多人等就衝左入去買 重點就黎啦一開始唔單止找錢找少幾蚊企埋一邊篤篤條數先發現張單條數本身就已經係錯，收多左$1然後說好的外賣88折呢？店家話要買滿$200而且要問先有喎果然同d poster一樣別具中國特色👏🏻👏🏻👏🏻😃然後上菜侍應又唔帶好個口罩 口鼻外露唔計五花腩 其他都係幾好食既但真係不了 絕對唔會有下次而且都等得好耐下 等左近50分鐘奉勸大家唔好學我貪方便 是是但但就腳走左入呢間black店比人呃😃

晚飯時候訂嘅，本身覺得唔錯先至訂，外賣等咗兩粒鐘都未到，跟手取消咗埋個訂單，餐廳電話又打唔通。疫情艱難大家都知，惟以為有得食結果冇得食帶來嘅信用缺失最嚴重，想唔比差評都好難咯。

We ordered the food from online delivery platform at 7pm and the system said the food will arrive in 7:50, but we haven’t received the food after TWO HOURS!!!!! And when I was negotiating with online delivery platform customer service, I received the canceling notification form the merchants!!!! We try to contact the merchant directly but no one answered the phone!!!! We wait TWO HOURS FOR NOTHING and everyone is starving!!!!!!! What Ridiculous is I have a friend who ordered 20 minutes late

We ordered the delivery from online delivery platform,  and the restaurant had us wait for 2 hours not showing any abnormal on the app,  but suddenly cancel the order without any apology, this is super annoying and impolite. What was more ridiculous is that is another friend also ordered the food here after our order, however he got the food in time, we got nothing but canceling order and super angry.

話說星期六夜晚8點幾9點想食串燒送啤酒 唸住叫外賣食下 咁岩睇到呢間籃店串燒店就試下 因冇乜選擇 2個人都order左300幾蚊 算唔少啦 兩個人份量黎講好啦 網上外賣平台話送餐時間表示 50-1個鐘 我地就繼續飲住等 點知 等到4-50分鐘都預應該差唔多到 睇下部電話 佢咁岩就取消左我張單 你取消張單唔緊要 點解要人等4-50分鐘後先取消 你唔一早取消？ 我唸住打電話去問點解要人等咁耐先取消唔一早取消 打左成5-10次 打極都唔聽 好冇責任 點樣做生意 極之籃店

紅磡有好多好嘢食～但最令我喜愛的是。。串門子！門口就聞到好香串燒味！煙下煙下好吸引～入去坐喇，門口細細，但係內裏大大！坐好就點餸喇！Tick 下 tick 下都唔少～先黎。。燒矮瓜！灑上了孜然粉及香蔥～食一口，好香口呀！熱辣辣又夠飽肚～接著。。來點燒菇串！切得薄薄的，一樣灑滿了孜然粉～有冬菇又有白菇還有薯仔片！好爽還帶少少彈牙～好好味！之後有不是燒的。。涼拌粉皮！青瓜好清新！粉皮好冰涼，溝埋麻醬好味道呀～來點熱的，玉子燒！面頭燒得香～吃一舊，甜甜香香，充滿蛋味！好香呀～主角出現，燒蠔！仲咋咋聲ga!加上蔥及孜然粉去燒，一定好好味！Mmmm...唔腥又野味～一兩啖就成完全個！之後有錫紙包裝的。。金菇雜菜！打開香噴噴呀～焗得淋淋的，好味！兩款配得好好，和醬汁調和得好好呀！另一隻錫紙包裝，魷魚鬚！即食一條～爽口唔韌！仲有青椒紅椒Tim 呀～混和著一齊食就最滋味喇！

台灣風格，好有穿越感，明明喺香港，感覺好似飛咗去台灣（可能係舖頭loop緊周杰倫啲歌嘅關係）。舖頭唔大，但人唔算多所以唔覺得逼夾。環境安靜，適合三五知己聚餐傾偈(隔離枱）。食材好新鮮 , 味道都好啱我嘅路線 , 撈丁 、 加工肉類味道一流。尤其係個雙重芝士撈丁，撈咗少少辣汁再加大量芝士，拉絲效果非常過癮。本來打算再叫多份，但太邪惡，罪惡感叫停咗我。惹味小饅頭都係一個特別嘅菜式。將饅頭對半切開，再沾滿特別調配嘅燒烤粉，燒到微焦，食落有法式麵包嘅硬外表，內𥚃依然係軟熟白饅頭。最後嚟返個甜品，燒棉花糖夾餅。初頭睇menu，以為係雞蛋仔舖嗰種夾餅（格仔餅），點知原來係夾梳打餅。 要趁熱食，如果唔係會好黐牙。值得讚賞嘅地方: 可能係因為疫情，每台之間都隔住好遠嘅安全距離，出餐速度亦都好快。服務員只有一兩個，有時候會好忙,但態度都OK嘅。一份單品大概30蚊樓下左右, 唔貴。