紅磡串門子 (已搬遷) 新店位置

叫左 超過 廿串 串燒 炒米粉 小食 ，食物都係一般 感覺味道同美味佳 差唔多 但價錢就貴一啲。 所有串燒都係同一個味！ 雪櫃 啲凍飲 唔凍既 ！ 呢樣都算！ 同埋無人收單 要自己攞去樓下， 整體感覺係污糟 同污糟 同污糟 叫左包金菇、 食到中間有一隻小強。我頂。 扣左份金菇 兩人食左$340 ！ 我都係睇食評去試。最後試完先知中伏！ 如果俾我再揀 我零願去 美味肥婆雞，反正一樣 但兩個人次次食 啲差唔多既野 食飽到嘔 埋單都係 $200 內！ 食完返到屋企仲要 痾餐死。真係咪攪了。想影相你睇 但無得upload

惹味辣汁燒花甲 $42花甲size唔大 燒得有點過火 唔夠juicy同鮮味 不過上面既蔥蒜加上少少麻辣感 的確幾惹味!😈😈燒紐西蘭羊架 $35好厚肉 唔會太肥 軟熟 羊羶味道岩岩好😋其他串燒肉類 燒茄子燒韮菜都不過不失啦 甜品試左朱古力燒棉花糖多士同埋燒蕉!!😹 不過要預左野食等得比較耐 同埋入面幾大油煙😼

放工已經好夜，黎左食串燒做宵夜。燒茄子有大量蒜蓉同支然，重口味得黎幾好味。燒田雞就幾有驚喜，成串都幾z 手下，好多肉下，特別係腿嘅位置，肉質滑嫰多汁。另外，雞軟骨好細粒。海鮮就係呢到做得最弱嘅地方。蟶子仲細過我隻手指尾，雖然食落都叫做有啲汁。麻婆豆腐都有得食，講唔出係用咩黎調味，又麻辣又港式溝埋咁樣。食落都有少少麻味，而且好熱好暖胃。

難得去紅磡搵friend食宵，之前出名既串燒都食過唔少次，就諗住試下新野，咁岩行過一條街就見到呢間串門子就行左入去。 去到就點左燒茄子，燒韭菜，雞軟骨，雞腎。等左大概10分鐘就已經有得食。呢幾款都燒得幾入味幾好食，又唔太乾身 ，最重要係又唔貴🤤。下次去紅磡可以再去食多次😜

第二次来了，因为加班到太晚，朋友又说想试试黄埔的烧烤，所以约在这家！不得不说很适合爱吃辣的人的胃口，没有小小甜味。海南女友也不是第一次来，说生蚝比较新鲜没有烤太老，并且推荐烤芝士年糕，入口软糯Q弹，朋友吃完又加了一份。除了牛舌有点点硬，其他肉串素菜都消灭地很快。最后的棉花糖烤饼干好酷炫，一致怀疑是老板自创的！特别夸下老板，是个很随和的人，让我们在这家小店感受到深夜食堂的氛围，开心又满足。下次还会来～

這間餐廳超好。如你有無限時間等待。只需等超過2小時即可享受食物。你同邊個有仇，即可介紹。正！追佢，佢唔理你，吹咩?正，正，正！電話係唔聽你。一於好少理。絕對推介！

紅磡出名串燒多，上網睇呢間餐廳都幾多推介，所以就黎食啦。串燒即叫即燒，加上四川風味，非常有吸引力！******************由於店內已有眾多食客，我們被安排坐角落位，但我們沒有因此被忽略，反而侍應不時入內詢問，服務殷勤。******************燒粉絲大元貝果然好大隻，仲大隻過部電話，元貝上撒上蒜粒並鋪滿粉絲，略帶辣味。據店員說，海鮮為“即日鮮”，意思是海鮮每日從街市運來，以確保鮮味。燒紐西蘭羊架食羊最怕羊太過於騷，而這裡的羊膻味剛好，鋪上蔥蒜，味道超正，沒有違和感。王老吉食完串燒加上一罐王老吉，即刻解味。

又係假期啦，可以出去放縱下自己個肚啦！之所以成日選擇依間同朋友聚餐，係因為依度d野食全部即叫即燒，所以好新鮮。肉類肉質鬆軟，蔬菜清甜，海鮮新鮮惹味。肉類的話，我鐘意食豬腩肉、豬頸肉、一口豚、牛利心、牛仔骨，全部大大啖肉好滿足。（有d冇影到相）蔬菜類最鐘意食翠玉瓜，好清甜多汁，唔會燒得好乾。海鮮冇沙唔腥，加上自家製的蒜蓉後仲加惹味。如果驚只係食燒烤唔夠，仲可以order多份芝士撈丁或者酸辣粉，芝士濃郁夠讚👍🏻 非常好的體驗👍🏻

收工後朋友帶左我去紅磡醫肚，黎到了位於蕪湖街的串門子🎈，雖然位於蕪湖街，但位置比較偏僻，唔太起眼，要行到靠近何文田地鐵站先到達餐廳，早知搭地鐵在何文田站落，會方便好多！😝餐廳整潔，樓下設有兩檯共八至十人用膳🍢餐牌分門別類，夠曬清楚，串燒種類好多，加埋飲品已經過百款，真係眼花繚亂，選擇困難症😱😍雞，全部都係雞🐔雞肉燒到外脆內滑，唔會好乾身，燒既時間掌握得岩岩好，十分雞翼一份兩串，外皮亦係燒到十分脆身，但裡面一d都唔乾身，而且醃製得十分好味☺雞軟骨啊！加上惹味孜然粉，燒製到兩面金黃色，串燒必點！工作完一天累到人都顛，睡前同朋友食幾串啤啤佢，爽！總括而言，店內食品水準在中上，服務態度亦都好，下次會再黎寫一次全牛🐮篇。

朋友臨時有事當飛機，但已經book咗檯唔想浪費，就開始一個人既浪漫。入店就有職員安排入座，檯面呢筒野好得意！裝修方面比較簡約，半日風格，少少居酒屋feel。食物方面十分推薦試下台灣腸，這也是職員推薦，同出面食開既台灣腸完全唔同feel，本來只order咗一條冇影相，特登encore多三條，好味！好多食物由於一上枱太吸引的關係，未嚟得切影相已經俾我食左。仲要推薦一下翡翠螺，十分肥美 沒有對比物好難睇出有幾大，大約兩隻手指弓咁大！檯面附上牙籤，食落十分方便。韭菜亦值得一讚，最怕韭菜燒唔夠有陣青草味，但又怕燒過火有膿味，但呢到韭菜岩岩好，keep到韭菜原有既爽脆又唔腥！整體食物質素唔錯，有美食相伴，一個人都可以食得好精彩。

同fd 喺Kerry Hotel 一直啪紅酒、傾左成個下午計夜晚佢帶我去食，性價比高，燒得非常正，海鮮很新鮮。 雖然服務接近冇，寫嘢要自己走落樓下搵人，但一定會再去燒得好好，好有heart，當日直情想走落去同燒緊嘢個女仔講佢燒得一手好菜，鼓勵一下唔知係咪日日都係佢燒。 我fd之前同佢老公and a鬼佬食都覺得好正叫左好多嘢，飽曬先$340 2個人（張相係影左一半菜左右，之後我地顧住喪食冇影相酒可以樓下7仔買自己帶。 樓上食煙雅座， 宵夜一流紅磡真係多好嘢食，可惜唔係住附近

Food here is nothing short of amazing! Service is top notch and super accommodating. This place however can use some outdoor air conditioning, but I'd definitely come again!

呢間鋪以前食開，兩姊妹拆伙後只係幫襯家姐，諗住未食過阿妹間鋪就試下，買外賣過對面食糖水同朋友share，買咗$100左右，食推介朋友食魚腐，點知朋友一食酸嘅，再食雞腎臭嘅，好明顯唔新鮮擺放唔好已壞，其他就食咗，拎返去話比佢知，老闆話燒過比我，我口入邊重有嗰陣酸，一諗已經有d反胃，咪同老闆講可唔可以退咗去，點點老闆話酸係你話，咁我咪話唔退由佢，永冇下次，好唔好食都算，食物壞咗重要咁嘅態度，一句唔好意思都冇，以後都係返去新邨家姐鋪好過

晚飯後再掃街之夜，喺附近食咗一間難食嘅野之後，諗住食返少少地好啲啲嘅嘢，串燒好似剛剛好。之前搭車成日經過，留意左呢間串燒好耐。好少見到裏面有人。今日難得見到有些客人，再望多兩眼出邊啲廣告同埋菜單、價位，最想試就係孜然粉羊肉串。所有食物一樣味之餘，調味料只有一個鹹味，一d層次都冇，好flat.幅圖就係北方串燒，出來跟本係普通串燒。牛同羊肉都係偏老身有筋。羊最初食唔到咩味，食多幾舊先有少少羊味。韭菜就一般般啦。雞腎、雞軟骨都冇乜特別，普普通通日本餐廳嘅感覺。waiter寸寸地咁。that’s how we spent $90 lol.成晚都食垃圾嘢所以馬上去食返夜間質素好穩定嘅糖水。下一篇會分享

最近紅磡左好多新既串燒店啊，試試呢間串門子！一入到去望落好似有啲細，但原來有兩層架，上層無咩油煙味，好寬敞，坐得舒服好多，建議大家坐落慢慢食！比起肥婆雞同埋金牌牛什，呢到多啲海鮮同特別既野食選擇。推介：特級燒肥牛、燒焦糖香蕉、燒茄子、燒五花腩都好食！燒得岩岩好，唔會好硬，味道都適中，唔會好咸（食串燒好怕太咸，好怕落好多味粉燒！）兩個人食宵夜，食到飽飽，每人$100到～ 食厭左肥婆雞可以試下呢間啊！！！