紅磡串門子 (已搬遷) 新店位置

这家店的味道真的不错，没有想到那么好吃，价格也不贵，就是有个问题环境有点不好，烟熏火燎的，不知道是不是排烟系统没做好，反正看着人都是在烟雾里，晚上开到很晚，人不多不少

黎到依間必食羊肉串！盛惠15蚊～依間的羊肉串絕對唔普通，正宗的大漠風味！同我之前去新疆果邊食的羊肉串一樣味道，不得不講係香港可以食到依d大漠風味的羊肉串好難得，最主要的係店家好慷慨，一串唔係得個兩三粒，而是完整一串！之前係第二間食的羊肉串價錢貴就算，最主要係一串得個三粒肉，而且係用牙籤穿俾我！！！唔單止羊肉串，依間的牛肉串牛味好香，牛利彈牙好味，豬頸肉濃郁。芝士扇貝芝士味夠濃，可以扯到拉絲的芝士包住帶子，好夾好滿足。墨魚咀大大粒，大條鮮魷魚味道有特色。蔬菜都燒的火候剛剛好，唔會乾身，新鮮。所以依架每晚放工經過依度都會黎依間食d串燒，晚餐同宵夜必選！

約了很久沒見的朋友，當然要慢慢傾。所以選咗依間食下宵夜飲下啤酒。燒雞軟骨/雞腎：加了孜然粉燒出黎的雞軟骨串同雞腎串好香好惹味！燒芝士大生蠔/蒜蓉大生蠔：非常慷慨的車打芝士同蒜蓉醬，燒到芝士帶點微焦，蠔肉大大粒且多汁飽滿！燒厚切牛利：牛利爽口彈牙不韌，令人回味，必食！燒紐西蘭羊架：大大隻羊架肉質嫩滑，入口充滿羊的油脂香，秘製調料調味，一點也不膻。汁燒鱔魚：皮脆，肉質鮮美嫩滑，好味！燒肥牛金菇卷：肥牛的油脂香搭配金針菇的菇味，香甜好味。燒流心芝士年糕：表皮烤的脆身，內裡煙煙韌韌，有芝士流出，芝味十足，好正！

想搵d坐的舒服d價格又實惠的串燒黎食，選咗依間試下，相對於依個價錢黎講，食物質素算中上水平，選擇又多，基本上想食得串燒依間都有，唔單止串燒，主食甜品都有齊，又有翻自己的特色，會再黎

已經係依間鋪的熟客啦，每個星期都要約埋d朋友黎聚下，野食選擇多同埋抵食，環境舒適，最鐘意食依間d烤肉串有豬頸肉串、頂級牛利心串、牛仔骨，雞軟骨、雞腎，燒的好香好惹味啊海鮮次次一定會食芝士生蠔同埋芝士扇貝，海鮮d鮮味加埋芝士d濃香味，食落好滿足。蔬菜類的薯仔片、蓮藕片、娃娃菜都好有好味。最愛芝士撈麵啊賣相同味道一流，芝士味好濃好香，份量足夠。最後食個焦糖燒香蕉同埋玉子燒做飯後甜品。因為太急住食所以有d食物唔記得影相會繼續支持依間特色的燒烤鋪

我算是這家店鋪的老客戶了，港飄多年第一次吃到這麼好吃的燒烤店，現在成為我們聚餐的根據地，環境很大很舒服！沒想到學校附近新開了這樣的店，一飽口福。位置很好找，何文田站b1出口下來一直走就是了。比較推薦的是饅頭，生蠔，茄子，烤的非常入味。饅頭的皮被烤得很脆，外酥裡軟。生蠔和茄子，蔥花香菜辣椒面撒上去之後，無敵！十分入味。還有的就是牛舌和豬頸肉，烤得比外面很多日式餐廳都好！世界杯果斷選擇這裡了，雖然這裡沒有啤酒供應，但是可以免費外帶啤酒，但是也比在酒吧看球便宜很多，而且老闆還會贈送飲料推薦平日去吃，等的時間大約十分鐘，如果是節假日的話要提早訂好，不然烤得時間會稍微長一點，我問過老闆為什麼不提前烤定呢，這樣有人點的話翻熱一下就好了，他說如果東西都提前烤好的話，你還會來嗎？因為食材如果提前烤好再翻熱的話，肉質就會變得很幹很硬不好吃，老闆寧願流失客人也不願砸了自己招牌真是難為了他等下次和小組寫完論文，又可以來約一波了

見ig food blogger介紹，一於黎試下。一去到，就坐上層，靜靜哋，又唔洗吸味👍🏻可能因為仲新，所以未有酒牌，如果想飲酒，就要自備啦！食物價錢親民！全間鋪頭，只得一個waiter，所以要食物送上黎嘅時候，先會有人收單。食食下途中，見到有其他食客上來，都要自己招呼自己，如果發現冇位，就要同其他食客搭枱啦。食物要等好耐，可能因為即燒啦，不過所有食物餣到一樣味😨一串肉，有幾啖淨肥膏😖，係牛、係羊，完全食唔出⋯⋯最後因爲等得太耐，取消未黎嘅食物就走咗。我哋話要取消嘅時候，waiter 都無黑面，態度依然好好👍🏻

難得去開紅磡梗係要睇下仲有乜好嘢食見到呢間新開嘅串燒店價錢都幾抵，於是就去試下餐廳有兩層，上層比較寬敞亦都無咁煙，但都好矇矓(可能因為暗暗嘅黃燈)我們滿心歡喜的點嘢食然後等下等下再等下心想: 是漏單了嗎？催了一下店員店員: 單很多，排緊隊然後等了個幾鐘才來第一碟串燒串燒燒得不錯沒有燒得很乾味道主要孜然粉為主但不算太多，沒有搶去本身的味道說真的這間串燒味道不錯價錢亦都比一般嘅抵但等候時間真係超級長前後差不多吃了三個鐘有一半以上時間都在等吃真心等到好眼瞓，咩mood都無晒

鮮味花甲蜆好失望😞完全無鮮味 或者係應該有嘅味道 只有調味粉粒嘅感覺😑雞軟骨味道還可以幾juicy 雞腎燒得有啲硬 大墨嘴味道實在古怪 不懂得形容 我最喜愛燒茄子🍆最失望 唔夠味 同燒得唔夠耐總括而言串燒談不上嘢未不上惹味🤦🏻‍♀️可能我太在期望了 不過距嘅雞翼都燒得幾好食 入味得黎夠juicy 環境都算舒適 服務態度幾好嫁 不過唯一唔明明明上面好多位都唔放人入去🤔可能人手不足啦 尼間可以試完無下次 希望日後味道會有所改善

係ig 見到新開，好似唔錯。而且價錢唔算貴，所以放工去試下。點知就係中伏既開始。如果你準備黎食，首先要有心理準備當食法國餐咁等。由於一早係ig睇左餐牌，所以一開始已經好快點好哂野。但等左15分鐘先得條燒茄子。眼見其他遲過我入坐既客人都有野食，於是問個員工。換黎係一句：等一下！你冇睇錯，係用普通話講的”等一下！”果一下已經著著地，算！我忍。之後等左大半個鐘先有6串雞軟骨。眼見二樓全場都係到苦等緊。堅決嬲到走人！！沒有下次！！

7點15分落order到8點15分先黎得一樣野食！遲過我地黎既客啲野食仲黎多過我地！叫個侍應追下單，佢又懵下懵下咁。總之冇下次，野食係ok，但等既時間太長，冇效率。負評blacklist!!!!!!!!!!

紅磡所有串燒舖我都試曬。。。幾個月前呢一間新開，我就即刻去咗試。由嗰一日起，呢間嘢就變咗我同我男朋友嘅新寵， 差唔多個個禮拜都過嚟食 💖😍食物: 款式比起鄰近嘅燒烤舖多， 所有嘢都係即叫即燒， 熱辣辣咁拎去你面前 ！一咬仲有肉汁添 身為熟客, 我哋發現啲嘢食亦都愈整愈好食！ 琴晚又去咗食, 嗌咗平時一定會嗌嘅 蒜蓉烤茄子， 烤生蠔 ，雞全翼，墨魚丸等等， 竟然畀我哋第一次試嗰陣仲好食咗！ 面頭新加咗蔥同椒絲！ 賣相非常好！ 不停進步，真係要讚下！食物推介： 烤肉串( 呢一個最抵食！ 15蚊有三串！) 蒜蓉烤茄子，烤生蠔， 雞全翼， 一口牛柳粒，烤芝士年糕！！！價錢： 同鄰近嘅燒烤舖差唔多， 但係質素上面，呢間會覺得抵食啲！環境： 呢一間叫環境其實最有優勢， 佢望落去好似細細間咁， 但係其實係有二樓架！！ 上面有冷氣， 而且比較靜， 如果想同三五知己食住嘢談心， 呢間就係完美嘅選擇！ 美中不足嘅就係鋪頭有啲位置裝修未夠全面， 不過佢哋新開， 其實已經好好！ 我好有信心將來會更加好！營業時間： 佢哋晏晝開到凌晨， 佢哋除左串燒之外，都有麵食同炒飯，無論你係食午餐，晚餐定宵夜都perfec

紅磡有各色各樣的串燒店，但呢間新開既串燒店真係做得好好！唔單止野食燒得一流，服務小哥更是無得頂，你有什麼要求他都會盡量滿足你。今次同公司同事聚餐特登提早訂好檯，唔係都唔知道要排到去幾時。這種四川風格的燒烤真系岩曬我呢種重口味既人，不過在場有一個同事不能吃辣，服務小哥更是幫他另外上碟，簡直vip服務，仲要冇加一服務費。我最中意食既就係呢間鋪頭既海鮮，唔單止新鮮，而且燒得岩岩好，生蠔一上檯既時候仲滾緊，十分惹味，芝士燒得十分香脆，如果芝士配上蒜蓉兩摳簡直無敵！而聖子雖然不是街市果種聖子皇，但燒完都絲毫不會遜色。第二推介就係佢地既日本一口牛，真系入口即融，同和牛有得一揮，堅系真材實料！不過由於人太多既關係，等待燒烤既時間就會長左，不過還是在我可接受的範圍內，有好野食，我就一定肯等。希望佢地可以快d請多幾個人，見服務小哥一個人真系好辛苦，加油

味道不錯但是第一次外賣等一個鐘,第二次個半鐘,第三次自取等足一個鐘仲有好多野沒得,生蚝就係呢個,打電話又唔聽,又唔打電話過來,有咁多時間嘅人可能0k，返工返屋企等個半鐘等到呢舊野點算一餐飯?

野食好，地方好，冷氣夠凍，飲品都多。野食種類多 豬牛羊，海鮮，菜，一般串燒有得賣嘅都有得食而且可以坐好奈，可以有個地方比人吹下水夜晚宵夜去同friend 食野吹水一流。