紅煮意

营业中

休息中

是日中午有set lunch ,價錢抵！叫左個肉丸螺絲粉，哩個麻麻，醬汁唔夠酸，偏甜，但好在芝士夠，中和到少少。芝士鵝肝雞排比螺絲粉好食！雞排鮮嫩，夾埋入口即融既鵝肝同芝士好好味！不過汁較淡，所以意粉麻麻，而家意粉唔係靚意粉，口感較淋。

透過openrice搵到哩間野，試過之後發覺價錢合理，食物有心思，所以一個星期去左三次😂第一次-晚餐我叫左個忌廉汁雞排螺絲粉，汁唔係麵粉汁，所以唔會好杰身，掛唔到麵，不過都夠味，雞好味，有醃過，好入味，煎得香脆！友人叫左羊架，伴菜既紫薯蓉令佢覺得好驚喜，因為佢係紫薯迷，畢竟好少餐廳會咁做薯菜，都幾特別！羊唔騷，友人評價對得住個價！芝士焗大蘑菇，雖說係大，但其實唔太大，芝士係片裝芝士，所以40蚊2隻話平唔平，話貴唔貴，不過都幾好味，焗到好juicy!反而杯比利時朱古力令我好驚喜，好濃朱古力味，帶有少少谷咕味，甜度適中，而且大大杯！

落勁大雨 避雨避到一條馬路抬頭見到樓上有一間cafe 就唔理三七廿一 上去先講坐低先發現 原來呢度夜晚會有live bandtea set價錢幾平 我叫左法式牛角酥配司華力腸 ($36)酥皮幾好味 淋淋地 但中間既涵明明係呑拿魚 唔知點解有蜜糖夾左入去(可能因為條蜜糖腸既關係) 但個sauce咁甜有點奇怪😅條腸就好好食 好脆皮 有蜜糖在面 再加少少黃芥辣醬 好味👍🏻老公叫左芝士焗意大利螺絲粉 $40老公話略嫌太濕 用匙羹都能食到 主要食到肉醬味 而芝士冇乜芝士味 (後來我地食完先發現係有卡夫芝士粉可問店員取😳)跟餐野飲 不用加錢座位夠闊 可以坐好耐 但出食物速度比較慢最適合想hea翻一個下湊既人

老實講,呢間餐廳如果唔係經朋友介紹, 我諗我未必識嚟....因為個入口好得意, 睇住寫明係新填地街...但原來係眾坊街入口上樓梯..... 反正都第一次嚟, 即管就試吓是日推介啦!!佢底下寫+$18有餐湯、麵包&飲品,本身都有ORDER...不過忘記咗相機食先, SOR...佢當晚係忌廉磨菇湯, 湯中真有粒粒菇, 飲得出係自家製on top海膽, 鮮甜帶甘!忌廉意大利飯, 剛好而不膩...入面又混合菇&洋葱落去煮, 醒胃!!!隻菇有大隻!!!食落難得JUICY...露荀, OK.佢既薯蓉, 有加入黑松露, 好香!!心機之作喎!!

一直都想試cafe, 好方便可以經網上訂位, 位置有啲避, 去到搵唔到個入口, 最尾經住宅門口入.7點鐘去到, 環境唔錯, 人唔算太多, 仲有外國MV 睇, 8點鐘之後開始多人, 因為有live music,老闆娘非常搞笑, 同食客有講有笑老闆都好細心, 會留意食客枱面啲野食, 差唔多食完, 先至上另外一道菜…時間岩岩好唯一美中不足食唔到刺身, 同埋激烈的海膽唔係成日有, 要海膽當造既日子先會有…

經過老友推介, 成日口讚不停既樓上CAFE, 今次終於有機一試喇!!當然係好好味啦!!!要立即心心眼!!!~ 佢飯身軟硬適中,味道温和, 中間有加入材料有:JUICY烤菇, 洋溢黑松露, 香口洋葱, 芝士, 忌廉等!! 絕配 食到佢好瑞士汁好獨特,肉質嫩滑, 濃得嚟又夠香,仲有少少蜜糖包住成隻雞翼, 如果食開太平館既朋友...個人覺得, 比較喜歡呢個!! 注意: 但點呢個菜既時候,由於即叫即做, 服務員姐姐會提醒過要等15-20分鐘喎。成個椰子殼上, 香濃幼滑,奶味適中, 食落成口椰子香味, 都為不錯既飯後甜品!! 佢呢度逢星期六會有音樂聽, 有飯食、有歌聽, 都幾開心 伴隨住窗景食飯, 心情舒暢!!

同朋友諗去邊食飯，意外揾到呢間餐廳，好有驚喜！如果鐘意音樂既朋友，極力推介你一試！但如果想同朋友傾下計，可以在非星期六的日子黎。因為音樂都幾大聲下，同朋友講野真係要嗌！今次同十世無見既朋友星期六來，太多野要講，食完餐飯，喉嚨嗌到有啲沙訂左枱不用排隊等位，餐廳比較細，建議訂左位先黎！二人行叫左羊架同Risotto羊架可以跟飯，意粉，薯菜(注：不是薯條，而是薯蓉)我都以為係薯條，不過薯蓉味道都不錯下，彌補到我食唔到薯條既失望！羊架只係$88, 但有三大舊！份量十足之餘，羊架非常juicy ，味道不錯！Risotto 就比較失色少少，我覺得飯冧左啲，同埋無乜味。呢間餐廳價錢合，又有live band 欣賞，這個星期六非常完美！好期待下一次黎再次欣賞另一隊組合或揾到相類似既餐廳呀！大家有好介紹嗎？

Red idea係一間位於油麻地的樓上cafe，面積唔算太大，每個星期六晚都會有live music表演，一邊食住晚餐一邊欣賞住音樂，特別relax。今個星期六，Red Idea邀請了二人組合Paper Bear演出。佢地唱嘅歌好照顧到唔同嘅年齡階層，有Beyond、楊千嬅、張學友、羅文、孫燕姿、英文歌、電視劇主題曲、連兒歌都唱埋，勁！呢度除了live music外，食物亦很不錯。我們叫了三道小食一道主菜。其中最最最好食嘅，係芝士焗有機大烤菇，芝士多到滿瀉，切下去的一刻，有好多汁流出來，好香好creamy，差d㩒唔住自己再encore多次，極度推介！第二道小食是芝士菠菜焗石蠔，亦都係推介嘅菜式。忌廉、芝士、菠菜、石蠔呢個絕對是絕配。難得石蠔焗完之後仲能夠咁juicy，d蠔汁好鮮甜，連汁都飲埋。😋至於巴馬火腿蜜桃多士，則有點兒普通，有少少乾。主菜方面，我們選了露絲瑪莉燒羊架。羊架燒得恰到好處，羊肉十分之鲜嫩，薯蓉味道亦不錯。好正嘅一間餐廳，好少食得咁滿足，呢度連餐湯同餐包都勁好食，而且價錢相宜！呢間餐廳真係又抵又好食，絕對要再encore！

呢間野, 令我對樓上CAFE 改觀, So Far 點個幾樣野都好好食。會等得比較耐, 都要十五分鐘但雞翼出嚟岩岩好,個汁好得。呢間野推介,愈食愈肚餓...意粉好爽, 汁會包住每一條意粉 。7成熟, 有準繩度,配菜仲可以揀淨菜, 好貼心!!份量多, 雞肉都好食!!但唔算太特別...

想食西餐但吾想咁貴又係市區，其實有一間不錯選擇，但只是油煙太多坐吾耐。這間之前食過味道都吾錯同價錢抵。今次2個人去食，但點知想食的法式包沒有了，但牛扒見偏硬身，所以只叫了一個晚餐（主菜加＄18有湯，包，飲品）一個湯和一個小食，除返每人百多元餐湯本來係忌廉湯，但最後沒有所以改為牛菌湯（我們想貴價湯原因是朋友叫＄38牛菌湯，所以有多才給我）。味道好濃菇菌味，忌廉湯都濃，但朋友就不覺得太有牛菌味道。粟子紫薯餅＄48：味道最好味，夠熱又吾油。紫薯香加好大粒粟子係度，超好味！～羊架意粉：意粉只係用水滾熟有點失望，羊架有2支都叫多，但味道冇咩羊味，幸好未煮到硬身。醬汁吾似燒汁，而芥辣和薄荷醬偏淡同因為比較平的薄荷醬為啫喱狀和味道不濃。最後因為油煙問題，我地坐左一個鐘都冇就走左。可以講這裡抵食甲大件，但味道就普通。服務就一般，始終人手不多，要叫幾次先有人應。

好耐無0係紅煮意食晏, 第一次食過之後都係晚飯較多。LIKE左佢地個PAGE見到每星期都有唔同既午餐一路都想試下, 終於一個唔太忙既周末做到喇。晚餐一向都非常滿意, 但係次次都掛住食無影相, 今次可以慢慢食, 仍地既午餐同一般餐廳都係跟湯包餐飲, 最唔同就係佢湯同包款成日會變, 仲有冷熱飲都唔駛加錢, 今次我奢侈少少加左8蚊轉左玻璃樽裝既果汁。食慣平時D餐包黎呢度會好開心, 因為D包全部都係熱上, 如果好彩有牛角包仲會個面脆脆地咁上, 不過我今日食既綠茶麻糬包都唔錯, 食左先記得影相, 所以得返個湯有得上鏡...至於餐湯係椰菜煙肉, 不!相係睇唔到既, 因為佢地都差唔多溶哂, 無錯, 係溶左入個湯度, 就算佢唔講呢隻係乜野湯你都會飲得出D味0個種, 睇得出係用心煮過, 唔係出湯出求期落D煙肉"DUN"下腳0個種!我同老公各自點左越式拼盤同西蘭花磨菇螺絲粉, 個拼盤有扎肉, 雞翼, 豬扒, 咖喱角同埋紅腸, 基本上女仔兩個SHARE食都可以, 魚露酸酸地, 用個杯仔裝好有心思。熱辣辣食就0岩哂, 扎肉唔炸都應該好好食, 而家炸左就香口D~我個螺絲粉算係素食, 個名我覺得應該叫多菇粉~~因

跟老朋友約好在這家大家都從來沒去過的餐廳晚飯。看過食評, 直覺告訴我這家都不會太差吧...來在百老匯電影中心老麥旁的餐廳入口, 一條亮麗的綠階梯直上二樓。地方cozy, 整潔, 十分舒適。4人簡單地點了各自的主菜:5成熟西冷7成熟西冷BB豬仔骨羊扒都加了$18轉做套餐, 包是日餐湯、麵包、咖啡/茶(凍加$3)。兩個不同熟度的西冷都異常準確, 驚喜。沒有過熟/過生的情況, 十分欣賞。羊扒肉質嫩滑, 不粗糙!BB豬仔骨夠肉, 夠嫩 (由於即叫即做, 需多一點時間, 約15分鐘), 值得等。由於是open kitchen, 始終會有多點油煙, 如能改善, 一流。有下次! 還有很多菜式未試, 期待中...

呢一間CAFE 都幾特別, 食食吓飯有LIVE聽 ...除左加一服務費之外, 都無額外Charge, 服務員姐姐話佢地老闆只為要推廣本地音樂文化,呢個理念真係支持一下先!! 汁夠濃, 雞翼滑, 仲有少少蜜糖味...即叫即整, 都值得等!!同枱有小朋友都食得好滋味 由於開放式廚房設計, 見廚師有用火燒一燒,所以出到嚟都香口, 而又不流失肉汁, 都不錯 佢地無什麼Dinner Set 既...純粹只係响主菜、意粉類度選擇+$18, 就有湯、包、飲品餐包, 不禁要嘉許一下先就係夠熱, 食得出唔係一般貨式似係用一D靚既麵粉, 不太甜帶有少少藍莓味, 驚喜是日湯就係磨菇忌廉湯, 飲落有濃郁既磨菇味, 酒店水準, GOOD!  切開用紫薯做既...炸得鬆化, 呢道菜好特別!! 樓底好高, 好似有兩層咁, 感覺好舒適, 無壓迫感!!

工作忙了一天！下班就是要好好的放鬆一下。晚餐時間，來到了這間餐廳~紅煮意。這裡是一間很用心做菜的餐廳，菜式，味道，服務就像一間私房一樣。\坐位比較寬敞，環境也很安靜，適合我想下班後，好好放鬆的要求。今天到這裡的驚喜太多，菜式都太驚喜了。\感覺到這裡用心做菜，我也必須真心的點個讚。   講咁多！睇相開飯了。 有肉汁, Juicy、有炭燒香味、讚!!感覺有點似鮮牛油, 一凍一熱的口感,几特別新鮮, 個汁直頭可以當湯飲, 超讚!!當晚的是日精選, 新鮮得嚟又價錢不太貴都係是日精選, 用椰子殼上的雪糕, 好特別..但是一個人食有點膩, 兩個人食會比較好少少

油麻地，廚房用具集中地。幫友人買商業廚具，行到我腳軟軟，本來一心去電影中心飲咖啡，但路經此店樓下，記起之前曾經見過網上介紹，讚賞此店出品。雖然唔係晚飯，試唔到真水準，但既然經過，食翻個下午茶都好吖。上樓，一條長長樓梯。到頂時竟然有個半閘咁神奇 .... 呢到好多人搬貨既咩? 整個閘來做咩呢??就係咁神奇，一心上去想食意粉。上到去，坐低，突然心血來潮，想食蛋糕 .... 藍梅芝士餅，凍咖啡。藍梅芝士餅，應該九成九係來貨，但樣式唔多似街外食開的款式，形狀是較為正三角，與一般長三角不同，鋪面的藍梅醬也比一般的厚。味道無大分別，芝士味一般，口感實而乾。凍咖啡，少甜，比起一般的茶記好多多了, 起碼少甜後不會少埋茶味和奶味, 然而, 味道都是淡淡的.員工態度良好, 服務水準可以, 雖然下午茶無咩特別, 又未試晚飯, 但我都豪氣地比個”笑臉”先啦….哈哈..