紅煮意

营业中

休息中

第一次嚟到呢度，經過table map訂座，行上樓梯，嗰晚已經人頭湧湧，原來果晚有音樂表演！由於訂座太多，所以服務員安排左近門口位置，幸好不是太嘈，慢慢俾佢嘅歌聲吸引，直頭有職業水準（個人認為，好過好多現役歌手 ）食物方面，服務員係點餐前，都好細心⋯同我地講餐牌上，主菜可以轉跟套餐，晚餐都大概有10幾款嘅選擇,啱晒我呢個咁嘴刁嘅公主但最終都冇點到👉🏻👈🏻⋯⋯因為想試多幾樣嗰醬係蜜糖芥茉醬，唔太辣、味道清新！比起一般沙律將有誠意雞鎚入口吹卜卜，裏面仲有豐富肉汁，略嫌啤酒味不足飯粒口感煙韌，黑松露味道沾滿左味蕾，呢個可以話係滿分！入口脆，有濃濃嘅紫薯味及栗子粒⋯喜歡紫薯控嘅朋友，不妨一試大致上成晚晚餐歡樂愉快，服務員有冇限時進食，仲要請我哋同歌手們合照留念，食物水準極高（黑松露意大利飯），本小姐下次必定再來

夏威夷燒雞沙律 生菜很新鮮 沒有雪櫃的冰鮮味 我懷疑是剛從農田摘下來的 燒雞即叫即煎很香口~西冷牛扒 叫了五成熟 表面香脆內裏juicy 就好似18歲的初戀咁~ (利申我A0)黑松露意大利飯 黑松露味十分濃郁 飯的軟硬度亦剛剛好 令我有置身羅馬的感覺~朱古力布丁伴雪糕 雪糕食到有果肉 朱古力布丁十分滑 放入口後就像sir滑梯般從舌頭直落個胃 朱古力的濃比我對翠如bb的愛更……

同朋友食晚餐 油麻地的選擇不是很多自己一直想試Red Idea~終於有機會喇 地址很容易搵 響電影中心旁從油麻地站/柯士甸站都係10分鐘內上到去 環境唔錯 地方都算闊落8點左右黎到 不用等位餐牌有主菜揀 加18數轉餐有餐湯配包 都幾抵~~~忌廉磨菇湯 夠creamy 如果多士大塊d就好喇~~~~西冷牛扒5成熟配飯..剛剛好 肉質好鬆軟乾蕃茄炒蜆肉意粉 味道較啖 但都唔錯既~bbq燒豬仔骨配薯角 好野味 鍾意個汁 薯角夠香口~~推介~~~加埋呢個炸雞膇配沙律醬..正呀~~3個人食左420蚊 都算抵!!可以星期六晚聽埋歌仲正!!!!!

紅煮意。一間音樂Cafe～裝飾帶出濃濃的音樂氣氛，環境乾淨、整潔；食物比預期好。很適合一般朋友聚會又或情侶傾心～更值得的是嘴巴享受食物同時耳朵也沐浴著。 番茄煙肉腸螺絲粉（$62）濃濃番茄味～推介於喜愛番茄味人！芝士焗蘑菇（$40）即叫即整～蘑菇味好重，岩曬鍾意食蘑菇既人。雖然只有一個蘑菇，不過食落會好飽！瑞士雞翼（$48）賣相好看！而且雞翼也非常入味！值得推薦！整體來說，賣相味道氣氛都不錯！值得嘗試。

上個星期 偽文青同黑面神B去咗油麻地電影中心睇戲，無意間搵到呢個小店，話憑票而有光顧滿$150，就會送一個小食🤔，貪食的我們當然要試下啦✌🏻️.我們點了兩個意粉-卡邦尼意粉$68及蕃茄醬煙肉香腸螺絲粉$62，加了套餐(+$18)連餐湯蒜蓉包餐飲，剛剛好過$150😝兩個意粉爽口，不會太腍，味道也不錯，最重要份量足👍🏻配料多😆最意想不到的是送的小食，竟然係紫薯餅*free😍💓，仲要係熱辣辣的，炸粉不多，紫薯味濃，十分正，仲要唔洗錢，勁開心，今餐勁滿意，食飽飽仲可以慢慢去睇戲😂.有時候 送既/免費的不一定是不好的喜出望外 真心欣賞 這間香港小店🙆🏼而且上菜快，店員也好有禮貌，服務周到，仲借埋私人充電給偽文青，真的十分感動😆👍🏻*謝謝你💓.紅煮意 (油麻地)油麻地新填地街151號俊逸豪園1樓B座(後座入口/油麻地警署斜對面)

一段時間冇來，感覺依舊今次來加左一D新既優惠原素，電影票尾有小食送~及帶樂器等有飲品一杯。後者仲要係“不用消費”也可今時今日商業社會仲有人關心歌影視文化，實在難得今次仲有兩個哥哥仔及一個女仔彈吉他？又話星期六先有live?原來向店員查詢後先知道他們要為花車巡遊作表演，店主借出場地给他們練習及準備，實在太好又會主動同我地講：有冇需要轉檯呀？音量會否太嘈？如要幫忙請出聲，不用客氣~等等。有種去左台灣食店的感覺雖然今次叫既食物不算太多steak 5成熟及煎三文鱼扒等轉dinner set×2（所以冇影到相）建議還是親身去感受一下~這地方客與客之間也是只談食物及音樂~因為我也是拉小提琴的小貼士：電影票尾包括任何戲院的，小食要先向店員查詢，因為店員話天天都不同，當晚係紫薯栗子餅。

某日見Facebook有張相寫咩support moment, 帶樂器去食飯有免費贈飲，胆粗粗上去試吓，點知一坐低立即有位親切服務員為我送上支果汁 跟住心情靚晒先睇睇餐牌，款式唔少喎，我最後選咗燒羊架，點菜時服務員說加18蚊可跟餐有麵包+湯+飲品，當然跟餐抵食D。 點完餐有時間望吓四周環境，不華麗但坐得舒服，場上有好多樂器做裝飾，看來老闆自己都應該好鐘意音樂，好快菜式送上，湯及麵包都夠熱，主菜羊架有驚喜喎，肉質煑得剛剛好，有三大支羊架夠份量，好喜歡配菜的薯仔，用原個新薯好好味，食得好開心 食完好奇問吓佢地點解會帶樂器上去食嘢有贈飲，原來佢地好支持本地音樂人，星期六晚仲有不同本地音樂單位來現場表演，佢希望餐廳可以凝聚一班真正喜歡音樂的支持者，下次真係要留意吓Facebook有咩聽再嚟試吓先

This is an unique cafe with very delicious food and enjoyable live music performance. You can really killing two birds in one stone. It is located adjacent to Yau Ma Tei Broadway Movie Center with comfortable environment. Also the whole cafe is embraced with musical instruments. I ordered a music night dinner set with extra juicy sirloin steak. It came with garlic bread and creamy mushroom soup. The appetizer was freshly made salad with red shrimp sashimi dressed with Japanese sesame dressin

每次上到去好似食緊住家飯一樣當好似香港人咁忙，缺少左一份健康既晚餐紅煮意絕幫到你，菜單係由大廚老闆一手一腳製造，非常用心香港人情味，絕無它選老闆真係好nice，係屋企人一樣我係講真話既，食評我唔會改既！

在夏銘記舊址旁有條樓梯上，左右都是教育中心。沒留意到餐廳有落場時間，1830才開晚市，1820就推門，吵醒了正躺在沙發上小休的老闆，真不好意思。他們也歡迎我們先入坐，而且很有朝氣地跟我們打招呼，又跟我們閒聊一下電影，很親切很溫暖的感覺。肉食主菜大約八九十，意粉就六七十，加$18有餐湯餐包同餐飲蒜蓉包就無咩味原pan上，好有小妹的煮食風格，可以洗少食碟。龍蝦除芝士外也有少許白汁增加濕潤感。「梁太」啲殼都幾軟，龍蝦肉剛好離殼，幾易食。底下是茄汁炒意粉，有些車厘茄蕃茄干紅椒絲和黑欖。炒得幾有鑊氣。餐飲+$6可以配比利時朱古力整體食物質素合格，服務滿分，下次睇戲前後都可以考慮上來坐坐。

今晚同老公去咗試吓呢間嘢，竟然有suprise！！一入到呢間餐廳，就聞到好香嘅美食味道我叫咗個卡邦尼意粉，老公叫咗個西冷；而不嬲對食有要求嘅老公見到個西冷，佢講咗句：我好耐冇試過食西冷有呢樣醬料，食西冷應該要有返呢個水平。老公都讚個西冷唔錯。而我個卡邦尼意粉味道非常好味唔在講，即使我食嘢食得其慢，到最後我食完最尾一淡個意粉仍然係暖嘅(平時喺其他餐廳食，食到一半已經凍晒)。我哋加咗十幾蚊轉set，個湯嘅味道勁好味，啱晒我最好嘅係我哋18：30鬆d去到，暫時未有其他客人，可以不受他人打擾咁享受佢播嘅音樂MV鬆一鬆。原來佢逢星期六晚20：00有live band，我下次一定要去睇，職員話Live band schedule會每月喺fb更新，次次都唔同band，唔同style，喜歡音樂嘅朋友呢間餐廳係一個唔錯嘅選擇

這餐廳在二樓，不近大街，如不是朋友推介，真不識來。環境不錯，好有情調，好舒服。芝士波菜焗石蚝，2隻48元面層好香芝士味，好有咬口，吃了面層後，內層滲滿芝士波菜汁，好水汪汪，似吃生的感覺，蚝都大隻但比較腥。芝士焗有幾大烤菇，一只40元。個樣好掂。一開二， 流心蘑菇醬汁即浸出來。蘑菇好有菇味，好厚身，勁like 芝士的我， 當然話正。主菜叫了一個西冷牛扒配黑椒汁，98元，加18元了配湯及飲品麵包。磨菇忌廉湯，感覺比較細碗，好幾好味，麵包细件，不大體。牛扒七成熟，好juice, 好有牛味，熟度好岩我心水。 薯角極脆，好有水準。由於咖啡麻麻，不介紹了。

磨菇湯味道一般。反而鴨胸有驚喜, 個皮好脆, 肉質好juicy, 只係個汁甜左啲。紅酒牛肋腩就肉質夠淋, 味道尚可!這餐廳每星期六有live music, 下次可以去聽歌食飯。

在油麻地打滾相信是讀書的時期，果欄、警署 、學校、戲院等人所共之，今次要介紹一間毫不顯眼但耐人尋味的餐廳紅煮意，上到去酒紅色的店舖感覺好“高檔”因為睇樓下既餐牌係唔洗一舊水既steak?人又咁多既?心想咩質素呀……穩陣起見叫左today special德國豬手及澳洲和牛，再加左兩個套餐$18，頂~隻豬手大過塊面香，脆皮（有D燒肉既feel）,不太鹹，有別於一段的德國餐廳，相信廚師花了不少心機，值得讚賞。另外和牛更是“平到笑”兩舊水左右好香，牛味濃郁。總結食物“功”夫了得，味道適中及偏温和，“價”超值$480埋單，又和牛又猪手又湯，法包，飲品真係功價十足。

最近POKE mo熱潮就人人都知，但要搵到好野食就難過捉精靈，搵到油麻地差館附近，又倦倦地想食小小野，在馬路旁看到了大招牌紅煮意(有得叉電)，已不妨一試的心態，先講環境:紅色的牆身配上大玻璃景色，開揚又夠時尚，點菜的時間到了，侍應主動及廚師有善的態度感覺很好，先點了一個黑醋沙律，好新鮮，黑醋帶少少甜味，不錯。再叫了主菜羊架，份量多，煎得好香好夠火喉，唔so。更可以用優惠價加18蚊有齊湯餐包drink，我點了比利時朱古力$6，有驚喜，飲落似一間高級朱古力店的雪糕一樣，好濃及好重朱古力味，不錯，最後埋單只係百幾銀落樓CP值及性價比相當高。神獸餐廳級別，報告完畢。