紅煙窗餐廳

营业中

休息中

今日同朋友去食中午自助餐，本來$248/位，但在開飯喇攞咗電子優惠券八折。 朋友先試食生蚝，果然閒日去著數在少人搶食，但生蚝無令人失望，Size雖細，食多D補番数…原來仲有隻火腿伴哈密瓜，火腿好食，亦算係貴價嘢，所以就憑上列兩樣，點都唔會抵番本啦。 其他食物，都與一般自助餐無乜两樣，但嫌蛋糕款式不多，件件係細Size，與一般酒店比下去，但有折仍會再去.

屋企人之前過都話幾ok,所以下個月再book、本人就最鍾意佢旣龍蝦啦，都算幾新鮮、其它熱食味道都幾好、不過枱與枱太貼、比較有壓逼迫感、食物放的位置尚算可以、食物加添得都幾快。

最近想瘋狂試食buffet 見紅煙窗有折就前去一試！今次有麵包蟹 長腳蟹 生蠔 鵝肝麵包蟹有好多膏 不過好快會俾人夾曬嫁長腳蟹一般 冇乜肉食 長期得幾隻腳仔生蠔就有沙。。洗得唔好。。不過如果係一出即夾到 都有幾隻肥美嘅 鵝肝都ok嘅 不過舊多士就擺左好耐 好硬好難食熱食有時唔多夠暖 沙律不錯 但甜品就真係一般喇！(得雪糕最正)整體refill得幾密 性價比高嘅(有折的話)你地如果係三五知己 咁依到都算好去處一家大細就個場好細 唔係好啱情侶拍拖去都ok嘅 (個到燈光啱影相)

第一次黎食，原價唔記得幾錢，但用任何信用卡都有75折，折後390幾1個，係一般要500幾以上既酒店自助餐黎講算係平，亦抵食有橙汁，朱古力，咖啡，熱檸水，檸茶任飲海鮮有紐西蘭蠔，蟹腳，面包蟹，青口，蝦，小龍蝦d蠔個頭少少但新鮮爽甜，面包蟹唔使講都超多膏，蟹腳亦鮮甜唔過咸，小龍蝦有陣怪味魚生都有幾款，三文魚，帶子，立魚，希靈魚，蟹柳。 三文魚都夠肥美，帶子就唔夠新鮮冷盤有煙三文魚，鵝肝醬，salami,󰀃芒果蝦沙律，芝士都有5款 有 Gouda Cheese, Emmental Cheese，Camembert Cheese , Gorgonzola cheese, Blue Cheese.Gouda 較淡，我都係鍾意濃味之選Gorgonzola 同Blue Cheese煙三文魚配埋紫洋蔥同水瓜柳一齊食，油潤唔過咸生牛肉沙律，燒南瓜沙律唔夠林亦唔夠甜仲有即切意大利火腿配哈蜜瓜，我食左好多，肉質柔軟唔會好咸熱盤都好豐富有煎鵝肝，無睇錯係有煎鵝肝，雖然薄薄地但我已好滿足了仲有清蒸比目魚，西班牙腸，西班牙蛋餅，煙三文魚薄餅，法式焗田螺，黑松露西班牙火腿多士，西班牙乳豬，西班牙海鮮飯，炸意大利蟹肉

非常滿意的一餐 lunch buffet超抵食!同晚市buffet差唔多咁多野食 ，仲有至愛既生蠔 肥美多汁 夠曬flash每次攞都不限隻數凍蝦隻隻都大大隻 肉質飽滿 清甜爽口!超滿足

復活節同屋企人去食lunch buffet , 揀咗佐敦恒豐酒店嘅《紅煙窗餐廳》。之前食過几次呢間餐廳嘅dinner buffet，感覺唔錯 ，今次見復活節無加價，跟平時假日同價 ，成人$288/位加一，小童$248/位加一，有生蠔、長腳蟹 等正嘢食，仲每人送一蛊椰汁燉官燕 ，午市都咁筍，一定要試 喇！是日一家人12點零鐘到達餐廳，場内已有不少客人, buffet一開始，更是人頭湧湧……首選生蠔、加拿大雪場蟹腳 : 餐廳一如過往慷慨，生蠔源源不絕，任攞唔嬲 ！生蠔肥美，鮮甜無沙 ！雪埸蟹腳, 肉質鮮甜爽口 但有少少鹹，無咁一流！我哋食完一碟又一碟，簡直係回本美食  ！接下來食下刺身+壽司 : 三文魚刺身/壽司 ，厚切新鮮肥美 ，油脂甘香 ，口感豐富！立魚壽司 , 新鮮唔腥。吞拿魚壽司 有魚香。玉子刺身/壽司 : 甜蛋好好味！翡翠螺、沙律 : 翡翠螺，夠新鮮爽脆 ！沙律 配料多多，生果鮮甜！熱盤種類巧多  : 蝦餃，有大大隻爽蝦 ！燒賣、牛肉球等好好食，唔會差過高級酒樓！搞到大家點心都吃多一次 , 尤其小朋友！燒牛扒 ，薄切肉質唔會韌，剛剛好！香煎

酒店晚餐自助餐有75折，好抵食！所以一於去返餐好既！冷盤o既蠔好鮮甜好新鮮，我自己比較喜歡食無咁肥既蠔，佢呢d size啱晒我心水長腳蟹都好鮮甜！唔會太咸有驚喜係有麵包蟹食蟹膏好多，好鮮甜！鵝肝多士既鵝肝煎得啱啱好，食落好林，好濃郁刺身好特別，竟然有牡丹蝦平時buffet好少有。刺身都好新鮮，好食！另外生果竟然有西柚，食得滯滯地fresh下就啱晒啦！不得不提當然係雪糕有movenpick啦！食返1、2杯即時覺得抵左！哈哈！

因為本身食過自助山buffet. 所以成日凝住試唔返其他buffet' 但openrice經常有優惠券又心郁郁想試下 今次揀左哩間..完全驚喜. 佢有生蠔 長腳蟹蟹腳 龍蝦仔 Parma 三文魚...佢唔似其他buffet 每次只限拎兩隻. 拎幾多隻都唔會話你. 因為佢係廚房開晒過晒水 一盤盤咁拎出黎. 所以唔需要等太耐 經常會refill. 👍🏻蠔身唔算大隻. 但大部分都脹卜卜肥美鮮甜如果鍾意食既. 哩幾樣都回返本. 加上食物質素真係唔差. 另外熟食款食唔算多. 有牛扒 羊扒 醉酒雞 鴨掌冬菇 pizza 燒物 等等. 有水牛芝士 車打芝士等等 . 甜品款色都多選擇 但甜品同熟食都無影相. 不過值得一試😋每人 259.2（計埋openrice 優惠券）

04/12/2015 當日我打電話去訂位時，明明就已經 confirm 好係今晚 6:30 嘅 booking，但啱啱收到餐廳嘅電話，一開始佢只係話要 confirm 明晚嘅 booking，跟住我話我係 book 今晚佢先話今晚有人包咗場，冇位俾我地，仲話 "可能" 個同事 mark 錯日子...... 呢啲係咩理由呀，你同事唔知今晚有人包場㗎咩？ 而家先講，我一早約哂朋友，而家先去 book 其他酒店都 book 唔切啦！好唔滿意呀！

之前實在花了太多時間於工作上，忽略了爸媽，於是趁假期完結前跟爸媽和姪女大拆一餐，剛巧見到佐敦的紅煙窗buffet有8折優惠，於是book了平日的lunch buffet。12:15去到，席上已坐滿了一半。一開始已經預期沒有大品牌酒店的buffet 食物水準，所以並沒有失望，以這價錢，反而有點驚喜。沙律，cold cut，刺身的選擇都頗為多。臨走前才發現corner位有我最喜歡吃的parma ham加蜜瓜，今次竟然與他擦身而過！先是刺身三文魚刺身 - 頗為新鮮的厚切，雖然不是用靚料，味道質感都不錯。吞拿魚刺身加豆腐 - 吞拿魚肉質不錯，加上軟豆腐吃，口感頗特別。煙三文魚 - 大大塊，口感不算膩，幾好。洋蔥湯 - 有很多洋蔥絲很足料，湯很香濃洋蔥味也很清甜，味道不錯。我還將沙律bar的麵包粒加入湯增加口感！清酒煮蜆 - 清酒味道不算濃烈，蜆肉也較為細粒，不過起碼沒有沙， 而且buffet較少吃到這款式。天婦羅 - 炸得金黃不錯，以為會有蝦天婦羅，魚天婦羅，怎料全是蔬菜天婦羅，不過蔬菜都頗新鮮，尤其茄子天婦羅，好味！串燒 - 有即場燒串燒，其中以燒雞翼最好味，燒到金黃而且入味。燒牛肉- 即場

第一次去到呢間紅煙窗食lunch buffet,有8折優惠，咁去試下啦， 去到見到食物選擇唔算多，各式食物都有點，海鮮得蝦，龍蝦仔，青口，好細隻的生蠔，無我鍾意的長腳蟹哦！ 有日式拉麵，但我無食到，唔係食完會好飽！ 熱食類都食過曬，味道唔算太突出，有班戟，但好細塊，而甜品類唔算多，但唔算好好食lo, 今次食完都算囉，未必有下次！

3人去食，冇人屙oK！ 在找有蠔食的自助午餐時發現了這間。 入正題，蠔ok。驚喜有温泉蛋（軟軟柔柔滑滑的)正。 刺身0K。 木瓜火腿正。甜熱香饼(有点岩巉，可能因為用机製)。 D字的雪糕，雪條正。米糠布甸ok。 芝士蛋糕只出一盤攞唔到。自助飲品(咖啡，熱朱，果汁，柠茶，水)。有8折

今日同同事嚟到位於佐敦地鐵上蓋嘅紅煙窗，環境不瀨。食物種類都算豐富，食物質素整體嚟講都ok!由於成晚都係掛住食，剩係影咗兩張相咋！咁食物種類當然唔止咁少啦，最吸引本人嘅一定係冷盤先。生蠔～新鮮！雖然比較細隻，但可以一食再食，一啲都唔腥！係欠生蠔專用叉⋯因為用大叉比較難控制。螺～非一般好味，唔知係味牛油味重呢！更易入口，質感軟彈。長腳蟹～雖然都唔係好大隻，但勝在夠鮮甜。蝦、蟹～鮮甜。蟹蓋仲好多膏。鵝肝多士～正！帶子刺身～正！⋯⋯仲有好多都不能盡錄甜品位亦好多選擇，五花百門！全晚唯獨欠龍蝦⋯係有啲失望⋯

媽媽大生日佢話要食自助餐當然要就曬她啦!原來6位以上有生日蛋糕奉送, 正合我們的需要唔駛煩有埋蛋糕切。一入去餐廳就見到黑白色的朱古力噴泉, 仲有彩色的Macroon有6款味道潻!另一邊的海鮮盆 首選當然當然要有生蠔,佢哋有兩款, 美國肥美,樣子吸引但原來很溜, 紐西蘭需細小但更鮮甜爽脆、長蟹腳長長的不廋不咸有鮮甜感, 又不顧寒不停有refill值的一讚仲有龍蝦仔, 海蝦、仲有少見的凍蜆尼D就一般般都可以試吓。刺身三文魚肥美好好味要幾多都比,帶子, 每人一粒牡丹蝦一隻呑拿魚、八爪魚無試到.熱盤法國焗田螺 - 一般清蒸比目魚亞媽大讚好好好滑滑滑好味,韓式牛肉煱少少SPICY, D牛肉好淋, 年糕都淋, 同泡菜一起煮味道有驚喜都唔錯煎鵝肝好肥, 要幾多都比, 不過唔食得太多Cup Cake好睇唔好食係正常綠茶紅豆卷至難食經典芝士餅& 榴蓮芝士餅又香又滑仲有榴蓮飄香, 香滑牛奶布甸, 木糠布甸 Movenpick Ice Cream, 都不容錯過值得再去!

本人食量不大, 但又鍾意多選擇, 見有75折 所以2星期前Book咗呢間自助餐試吓。準時6:30到了, 環境裝修簡單整潔。自助餐來說食物款式齊全, 冷盤有生蠔, 蝦,螺,青口,麵包蟹及刺身等, 生蠔一般, 刺身頗新鮮 。 熱盤有龍蝦, 鵝肝多士 (有少少乾), 串燒, Prama Ham +蜜瓜,仲有多款甜品及沙律。由於全場滿座, 職員都忙於refill食物,很有禮貌, 總括來講, 性價比高值得一試。