粥家莊 (已搬遷) 新店位置

如果係粥鋪見到我，只有一個原因，病咗！屋企最近而又好少少嘅係粥家莊，病又唔想行太遠，局住去幫襯！病到傻吓傻吓，叫錯咗碗牛肉粥添！介牛多時，又破介了。粥黎到，第一個感覺係好水！好似熱水溝米粥，另外牛肉份量比較少，好彩碗粥夠熱。原本無諗住叫油炸鬼，啱啱見到現場炸好，即刻點一條，油炸鬼夠熱夠脆，囉返唔少分數。土瓜灣有兩間粥鋪，比粥家莊更差更難食，唔再幫襯粥家莊，原因係搵到另一間比粥家莊更好嘅粥鋪，粥家莊，拜拜！

今日天氣都好熱,我同媽媽想吃些流質的食物,依希記得這附近有粥品店,最後給我們遇上這間,店舖雖然細細,但尚算乾淨企里,我們叫了以下幾樣:皮蛋瘦肉粥($13)粥底雖然唔算太綿,不過材料好足夠,印象中算是第一次吃到差不多放成個皮蛋的一碗粥肉丸粥($17)這裡的肉丸粥也不錯,細細粒,吃的時候有種香味,但吃不出是放了什麼,下次有機會再來,好想問下是否自家製造腸粉+油炸鬼($10)腸粉唔熱,油炸鬼微熱還有少少脆口,媽媽同個阿姐說腸粉唔熱時,個位阿姐只 "哦" 了一聲就行開了,後來我同媽媽說算了吧!媽媽還回了我一句:唔算又可以怎樣?這家店的食品其實幾好,價錢又合理,唯一粥品唔夠熱,如果可以改善食物的一定熱度,以這樣的價錢沒什麼可挑剔了.

逢星期六都要到土瓜灣, 剛巧帶點感冒, 胃口不佳, 於是在北帝街找了這間粥店, 清清地吃個粥來醫肚. 安頓後, 點了碗很久也沒有吃過的及第粥, 另加腸粉一碟. 先來的是腸粉, 看起來已經覺得腸粉好像有點不太滑. 吃了後証明了猜測是對的, 而且腸粉是不熱的! 微溫的腸粉, 實在很難用"美味" 去形容!! 遲一點送上來的及第粥, 粥底不算綿, 又是同一毛病 ---- 不夠熱!!!!!! 粥內的材料有豬腸, 豬膶, 豬肚等等. 不過全部都煮得過熟, 很明顯不是生滾粥! 結果就是豬膶和豬肚都很硬! 豬腸方面, 一條豬粉腸也沒有, 豬腸也是很肥, 而且全部材料丁點鮮味也沒有, 屬於水準以下!一間粥店最重要的當然是粥底靚, 連這個也做不好, 叫人怎樣回頭再光顧呢??

十二月三日, 放學後, 由於已經唔係咁舒服, 加上想帶老公嚟試吓呢間粥店, 所以順利成章行過嚟食粥!我當然都係食噃我既至愛皮蛋廋肉粥啦! 正! 好多料, 啲粥亦綿!老公就叫咗豬紅牛肉粥, 都唔錯。 仲加隻粽, 因為老公未食晚飯架! 呢度既粽都合格。呢間粥店都算係咁, 雖然應該係《坤記》好食啲, 但呢頭冇《坤記》, 呢間都頂得吓既!更詳細資料及圖片請看 : http://hk.myblog.yahoo.com/joycewai616/article?mid=11639

位於土記食街的粥家莊，最近搬到新舖處。實際上只是搬至對面街而已，很容易便找得到。新舖面積不比從前大，分別是比以前更乾淨企理而且光猛。不過對於小弟這種重視食物質素多於環境的人來說，這些改動可說是可有可無...若有選吃有味粥的，小弟通常都會揀吃皮蛋瘦。曾在舊舖吃過，覺得粥底太稀而且師傅味甚重。這次在新舖吃，水準仍是依舊沒有改進。吃完後仍是有點口渴，極難受皮蛋沒有太大異味，但當然不是甚麽溏心貨色，中規中矩；瘦肉條"碎濕濕"的，味又不很鹹香....要吃一碗稱心滿意的下火，還是要到差館里的生記才行....炸腸雖是即叫即做，卻不好吃。粉皮內猶如隔夜的油條，可解釋一切....質素雖如此，但人多得生意也來不及做。正式"冇佢乎"

7月4日，18:00南下到旺角買工具，完事後便到這食街尋寶。不少食店未開舖，但願祇是時間尚早，而她們祇開夜市。沿路仍有泰式、越式，日式食店供應下午茶餐。但最吸引的竟是簡樸的花生豬骨粥。店整潔而冷氣夠涼。要了花生豬骨粥和蝦米腸。花生豬骨粥：粥底綿而不香，花生腍香、豬骨鹹香、蠔仕甘香。蝦米腸：雖不是即拉，但仍夠滑，蝦米略少。整體有水準。但出了問題，食品和價錢不成正比，實在太超值了。可能全港無出其右。在深圳令我吃得安心的粥餐，絕對比她貴。題外話：雖被流放深圳兩年多，但仍不時要回港買零件和工具；原因是在那邊廂，有錢亦不易買到合用的材料，B貨太多。

老婆仔突登在土瓜灣買的，是我最愛的炸兩加魚片粥，雖然拎到黎已經只剩下餘溫，但食落仍不錯，魚片粥很足料，啖啖魚肉很滋味也沒有腥味，炸兩可能放太久了已經變得很淋，但總括味道都不錯！順帶一提，自備器皿是不需加外賣費的！

原本想去慶發食一盅兩件。行到北帝街，改變主意，轉而食碗粥....艇仔加炒麵。粥底唔夠熱，放入去嘅碎牛浸咗好耐都唔熟，點攪?炒麵偏濕，不合胃口...唉..之前都講過响土記食粥都係要去有利。點解今次都要撞版呢?抵鬧...

很久沒有食粥品, 記得之前經過這裡有很多客人, 外賣的亦多, 趁天氣凍便食食.滑牛豬膶粥: 即滾熱辣辣, 牛肉豬膶份量都幾多, 亦頗滑, 不會鞋身或乾身.油炸鬼: 上台時依然熱及脆腸粉: 食完所有野再等一會兒才有, 剛製好, 圓‘錄錄’, 皮是較厚的那種, 頗滑.炒麵: 麵底本身不好, 太淋, 這個不好吃因早上來食, 所有食物都是剛製好的.

食開有癮，跟住行過對面食番碗緣豆沙($7)，再加碟炸兩($6)。緣豆沙有果皮同海帶，材料十足又好味。不過炸兩就差D，因為預先整好，油炸鬼己經淋，都係上午食好D。又係平凡一間舖，但係都食得好滿足。

大大話話响北帝街入面試過唔少舖頭，大部份都係油蔴地嘅水準。呢間都唔例外...叫碗下火加炸両。料雖多，但味道平平無奇，粥底太稀，唔係我杯茶...炸両唔係即叫即做，有如被去勢嘅太監...唉...開始對呢條街嘅食肆失去期望...

服務十分差! 每次叫食物後他們的伙計便忘記是那一位食客. 而且他們每晚不理會有沒有食客也照用漂白水拖地, 因此地面十分濕滑絕不理會食客的安全. 有一次我不幸地被他們的漂白水亂濕褲腳因此變成白色, 他們不但沒有道歉而且態度十分惡劣. 請你們小心選擇!

從來都覺得肉丸粥既肉丸係肥肉加味精既化身...但今日粥家莊呢碗生滾粥真係令我改觀!我叫佢轉白粥底,因為生滾粥好多味精...白粥底加肉丸既生滾粥同original版本真係天淵之別!清好多無咁漏之餘最重要係食完唔口渴!肉丸質感好實淨好有口感!一碗6粒,$14,抵!

這間粥舖在眾多食肆的北帝街中並不起眼,但由朝到晚都有不少捧場客便知其出品有吸引之處.套相當抵食,由八至十多元不等,個人最欣賞的是腸粉,十分幼滑,炸兩亦做到外滑內脆.油器亦有水準.至於粥和糖水只是不過不失,炒麵太濕,應屬敗筆.價錢平固然重要但食物質素都要有番咁上下.而這間粥舖就可以做到平靚正,值得推介.

29/7(六) 2:30pm不想呆在風之御食垃圾,但僅餘半小時空餘時間,記得此店供應下午茶粥及糖水餐,食過其粥品腸粉不算差,今次試了$10下午茶餐:蘿蔔糕配綠豆沙.價錢實在平到發笑!蘿蔔糕(蒸)--蝦米,腊肉,冬菇蔥花等配料不算多,糕身偏實,蘿蔔味亦欠奉,似在食一團粉!綠豆沙--頗大碗,綠豆煲得夠軟爛兼起沙,甜度適中!水準不俗!街坊式服務+街坊式食物水準+街坊式價錢=可以一試.