粥家莊 (已搬遷) 新店位置

近年土瓜灣比人的感覺,如時空交替之錯綜複雜.一邊牛棚已經成為歷史文物,化成一個比文化人向大家宣揚藝術訊息的平台.另一邊十三街等舊樓,聚居新移民,印巴人同本地人,充滿Exotic風情,將其形容此地等同倫敦東部West Ham或Brixton一帶.絕不為過.地產商年來大興土木,幾個大型屋盤相繼落成,奧雲峰同農圃道一號外,還有龍城碼頭的翔龍灣,亦將近成為眾炒家熱點之一.令到土瓜灣開始中產化之連環扣之下,近年開始多左很多餐廳進駐.中日韓不在話下,連Gelato都有,實在估你唔到.北帝街係全區飲食之命脈,此小小的街道已經有雲南米線,意大利菜,甜品屋,蒙古菜,日式超市,炭爐煲仔飯,十蚊打冷等.不過光顧次數最多的,反而係一間平常街坊粥店"粥家莊".點解?好吃麼?唔係,此店炸兩算幾脆,但腸粉皮唔多得,蘿蔔糕餡料少得可憐,食膠多過食糕.炒麵淋劈劈.粥底幾綿但唔夠清,艇仔粥份量唔夠.為何仲要經常幫襯?一個字,平!這是有力証明,早餐同下午茶時間,一碗艇仔搭炸兩.$12,正常時段貴$2.當你莫財的日子,好自然對號入座.窮,也要窮得風流.如果比較鬆動少少,過隔離七喜吃個蠔豉肉片粥.或者去對面吃個廿幾銀的炭爐煲仔

因為脹胃出現問題, 所以傻鬼今晚陪我食粥清一清脹胃. 見到舖好清潔咪走入去食粥.我叫左個皮旦粥加蝦米脹($15); 傻鬼豬骨花生粥加炸面($12)- d粥都好綿. 雖然d脤粉同炸面唔係熱, 但都算幾好味. 粥d材料都好足, 最重要係無味精. 正正.

我地兩人叫左:皮蛋瘦肉粥:粥底唔錯,都足料,ok;义燒腸粉:幾好味;咸蛋肉糉料少得可憐,仲乾真真,失敗!呢度勝在夠快夠平.

今日男朋友仔帶我去這裏食晚餐，以為是一般粥舖質素，點知出乎意料地驚喜..................舖面比一般粥店整潔，每檯還有廁紙供應。我地兩個叫左炸兩($6)、腸粉($6)、炒麵($6)和白粥($4)，價錢比海X粥店平許多。炸兩竟然是即製，炸面脆口新鮮，絕對高水準。腸粉雖然是預先整好放蒸櫃，但仍十分滑口，配上甜鼓油、甜醬及麻醬，簡直又滑又香又惹味！炒麵和白粥中規中矩。男朋友仔提議食荳腐花，起初我十分反對，因為印象中粥舖的甜品通常是不值一試。但這裏的熱荳腐花卻出奇地滑，又超大碗，絕對拍得往甜品店的質素。我和男朋友仔最後吃到捧著肚子走，盛惠$37大元，每人$20有找，大家都非常滿足，很期待下次再光顧！土瓜灣果然是平民美食天堂！