粗菜館 (已結業)

其實今次係第2 次黎食, 因為好掛住佢個豬油撈飯啊, 雖然把口一路話好肥好肥, 但係都係走番黎食週六中午便來吃啦, 想不到周六的午市都無特價, 要收我正價, 真不值!!叫了一個招牌貨, 係蔡瀾話的天下美食-炒豬什, 一個魚湯浸菜芯, 再加豬油撈飯炒豬什有勁多薑同沖, 我都知呢個係用來辟味, 但係都唔駛咁多架, 豬什中的豬潤的確好香好滑, 好有豬潤味, 豬肚無咩特別, 生腸唔入味, 粉腸都ok, 豬腰好入味,但整體都好油, 令人食落好漏浸菜芯係搵笨之作, 魚湯係味精湯之餘, 菜芯唔係好靚, 好淡味, 豬油撈飯就緊係正啦, 其實我覺得係個d老抽好味, 加少少豬油好香好滑, 又易入口, 所以成碗食晒!!!!不過價錢唔係話貴但都唔係平, 菜式選擇又唔多, service又唔好, 伙記成日掛住睇馬經, 呢d真係要改下啦

如果去開粗菜館的人, 都知道它跟蔡瀾很有淵源。雖然蔡瀾不再是其老闆, 但兩個月前仍在佐敦碰到他請客, 還把吃剩的食物打包。言歸正傳, 粗菜館在佐敦和九龍城兩家店, 我都常去, 感覺上佐敦水準比較穩定。由於餐牌食物有所不同, 所以我懷疑老闆也不同了。最值得推薦的當然是豬油撈飯了, 那種風味實在沒有任何東西可以取代。佐敦店新出的鵝肝醬系列也不錯, 其他如東坡骨、栗子炆腩仔、蔡瀾鹹魚醬豆腐等都好好吃, 炒豬雜就因人而異了。

第一次來, 是四、五年前的事,味道不錯, 但對洗手間的印像不大好,今次刻意迴避.五個人, 點五菜一湯.炒通菜, 不過不失.例湯, 味精程度可以接受,乳白色湯水, 端上來, 眾歡呼.鮮魚湯浸雜菌, 雜菌鮮, 魚湯味不突出.招牌炒豬雜, 爽口味濃, 惜太多, 肉略少.蔡瀾咸魚醬蒸頭腐, 豆腐的確滑, 咸魚醬味適中, 不死咸, 佐飯一流.鵝肝醬粉絲煲, 非常可口, 粉絲吸了鵝肝醬, 很香, 一吃停不了!離開前, 女性友人到洗手間一趟,回報說, 乾淨, 但有點陰森,嘻, 決定正確.

出到佐敦, 又好想整餐高膽固醇, 雖早已聽聞佐敦粗菜館唔及九龍城老店好食, 但諗住冇理由差太遠, 上就上啦. 兩個人點一前菜一湯兩小菜:前菜- 香醋拌青瓜: 我好鍾意食醃青瓜, 去邊度食飯只要有呢味, 我就一定試. 但呢碟只可用"極之難食"形容. 似乎係用鎮江醋撈(我從未見過架, 就當我唔識食), 搶晒青瓜的鮮甜味. 又似撈左豉油, 唔酸唔甜唔香唔脆. 問個侍應, 佢用一雙無神的眼+平靜語調話: "香醋拌青瓜係咁架". (!!) 算, 求佢幫我取消算啦.例湯- 青紅蘿蔔粟米煲豬踭 : 味精湯中之霸!!! 一入口咸到無得頂, 要問侍應要杯滾水溝淡佢至飲得落, 連蘿蔔都老到起晒渣; 咁食下湯渣雞腳啦....嘩, 咁利0既?? 原來未剪晒趾甲.....一人飲左兩碗仔咋, 咁就$48!梅菜扣肉- 招牌菜, 味道好, 但扣肉唔夠林, 未到入口即浴0既化境; 相反梅菜就林得滯, 冇晒texture. 好在味道搭夠.招牌炒魚腩- 又係招牌菜, 值得一讚0既係魚腩走油無過龍, 外面少少脆, 魚肉仲好滑. 味道只係OK.唉.....下次都係搭多程車, 去返九龍城老店算啦.

昨天放學, 同男友去食, 叫0左四個餸1) 鵝肝醬粉絲煲-- 開頭食都ok, 幾好味, 粉絲亦夠滑, 但係食到差不多見底時, 發覺成煲都係油,較底層0既粉絲都幾油膩, 食唔入口2) 咕嚕肉-- 幾好味, 不過冇乜特別3) 咸魚醬蒸豆腐- 豆腐好滑, 咸魚醬好多, 但係如果照佢分開每件豆腐0既咸魚醬份量, 就比較咸4) 夫妻肺片-- 呢個算係最好味, 不過都幾棘total 埋單$172, 我覺得唔太抵

小弟最怕多人的地方，又最怕同D粗人爭食。第一次來到粗菜館，發覺格局幾似舊式小酒家，又似薺館，舊舊地但又幾乾淨。看午市餐牌大部份都是家常菜，便叫了個XX炒魚腩和XX炒牛肉，兩味菜雖不大碟但材料不俗。魚腩按骨切成一條條大炒也不碎開，用油算剛好（油太少不香口，油太多又油膩，最怕是碟底浸滿油最後的幾件吃不下去）。至於牛肉就很稔，亦沒有太重疏打味。整體ok，但白飯太硬太乾身宜改善，上菜和飯需要注意保持熱度。茶就普通算ok，都算熱而且會添，雖用膠杯但亦不會淪為洗筷水。下次試下晚市的滋味如何。

梅子蒸鱔is smaller than before. but each piece of 鱔is quite large and thick. still tasty. 牛(月展) is free by using coupon from Apple Daily. it is as hard as rock and dry as "dried meat". very poor

好幾年無去粗菜館，上周六行開佐敦，見佢重度，企得住，所以就去幫襯。打開圖文並茂餐牌，見到唔少好想叫菜名，雖然知道d食物幾油膩，但係結果都係忍唔住，點了鵝肝醬粉絲煲($55)、東坡骨($45)、一碗豬油撈飯($10) 和兩碗白飯(一碗$7)。等五分鐘左右，d飯陸續到。東坡骨碟頭唔大，但係都有好多件，兩個人分都有唔少。d肉不太肥，夠稔滑，輕輕一咬就骨肉分離，酸甜汁不太濃，味道剛剛好。鵝肝醬粉絲煲用的粉絲唔係一般食開隻，而係比較粗和透明，雖然都係幾滑，而且有d咬口，但係就冇「索」d汁幼粉絲咁正。至於豬油撈飯就有d 失望，碗油同飯都唔夠香，真係同就咁豉油撈飯冇乜分別。

梅子蒸鱔($55) and 魚湯vegetable ($32) taste good. the eel is quite large and thick. the environment is ok, although not very comfortable.

今次是第二次去試這間飯店，事源是早幾個星期去過一次，那次只叫了三個菜。第一個是炒豬雜，真的不錯，夠鑊氣，可能是因為我九點幾才去，只有三幾枱客，可能因為這樣，師傅很有心機去做菜，所有材料都很爽口、夠入味。第二個：素八仙，我是因為自己一個去的關係加上貪小便宜(在這裏一個炒菜是三十幾塊，但這個只是十八塊，便宜很多)，做得不錯，應是用水煮過的再放凍，用麻油混和，做得很清爽，麻油味來得很自然，不會太多又一不會太少。不過就出了一個小問題(素八仙內有一很大塊的魚鱗)，店員都即時幫我解決，即時幫我換過一碟，都算十分勤快。再來一碗豬油撈飯，飯不夠熱，凝固的豬未能即時溶化，又沒有乾蔥和炸過的蒜頭，比我吃過的還差少少，後來細問之下，店員說可乾蔥和蒜是可以吩咐送上的。再問店員豬油是否自己炸的，因自己炸的話，應會有豬油渣的，店員跟我說是自己炸的，如果我要的話可以給我留下豬油渣。星期天晚上，店員打電話給我，說留了一份豬油渣給我，問我何時可以去，我很爽快地跟他說：就這個星期二吧！星期二。約了一個朋友一齊去試食，因早到的關係，先點了個夫妻肺片跟腰潤粥。先上的是夫妻肺片，做得很出色，麻辣味做得不錯，不是十分麻和辣，但做

我同男友間中都0黎食晚飯,貪佢方便,試過下列小菜:1.薑蔥炒魚腩:係我同男友0既至愛,薑蔥爆得好香口,0的魚腩啖啖肉,正!2.梅子荷葉蒸大鱔:0的汁甜甜酸酸,幾醒胃;但係0的鱔唔係0個種,係急涷鱔,肉質唔太鮮甜,扣分!3.魚香茄子煲:一般貨色,勝在夠熱辣辣4.紅燒豆腐;夠清,唔肥膩!5.菜莆煎旦:好像薄餅,外圍好脆!6.炒豬什:本人唔太鍾意食內臟,有豬肚,豬腸,豬肝:我男友話味道同薑蔥炒魚腩相似!7.上湯水餃:皮薄蝦爽,係我0既第二至愛!8.蒜蓉蒸勝瓜:充滿蒜香,加埋勝瓜清甜,正!

not really good~ the best food is 咸魚醬~