粗菜館

营业中

休息中

餐廳位於九龍城，依家有屯馬綫超級方便，店舖裝修簡單, 但但坐得也舒服, 相信到來嘅客人都是被依間店的食物質素吸引，所以就帶屋企人嚟試吓叫左三個小菜同老火湯，當中仲係美食家蔡瀾推介：是日老火湯：豬踭煲西洋菜湯料好足夠，西洋菜入口溶化, 湯味濃而且好有家嘅味道，相信用咗唔少時間去煲老火湯，一大煲有五至六小碗的容量. 梅菜扣肉：色香味全具備, 肥肉部分經心炮製後沒有肥膩的感覺, 瘦肉的部分鬆軟, 配上精選的梅菜, 是一煲正宗的梅菜扣肉薑蔥炒豬雜：豬肚爽甜豬肝起沙, 豬腸沒有異味, 明顯是用新鮮的豬雜炮製而成，仲要用上薑蔥爆香去再炒埋一碟，出面餐廳好少食到是薑蔥炒魚：魚皮脆香魚肉鬆甜, 一點腥味也沒有, 皆因用了大量薑蔥炮製而成. 好香口而且好有鑊氣豬油撈飯：係一個好傳統嘅經典美食，上一輩嘅朋友都會好鍾意食呢個飯，新鮮熱辣辣香噴噴嘅白飯，再配上豬油+豉油，白飯一粒粒咁樣撈埋一齊，好正宗，不經不覺已經食咗好多飯🤣整體而言, 這小店炮製的小菜十分夠鑊氣, 上菜時間快, 送到客人面前還熱騰騰, 值得推介的一間餐廳

平時好少黎到九龍城搵野食～ 今次真係黎得好值🧡超級喜出望外☺️☺️ 餐廳每樣菜式都係即叫即整 新鮮熱辣既飯餸 🍲我最鍾意飲佢嘅老火湯😍一打開個煲蓋 啲湯全部都係超級熱 熱到起泡泡嗰種🔥 老火湯好入味 絕對唔係味精湯🤤🤤招牌炒豬雜已經好少餐廳，可以食到炒豬什呢一樣餸😎其實係將3隻唔同細豬豬既內藏炒埋齊，有豬肝、粉腸、豬心及豬肺等內臟炒埋一碟，係超級有鑊氣嘅一道菜式😍招牌炒魚腩絕對係物超所值！！每一塊魚腩都係大大塊咖😚😚好食到大蔥都比我食得一乾二淨🤣豬油撈飯已經好耐冇食過豬油撈飯🐷豬油撈飯係一定要叫！！老闆幫忙加豬油同醬油撈埋一齊 每一啖都熱辣辣，太好食🍽️粗菜館📍九龍城衙前圍道17A號地舖

記得細細個間唔中就會跟屋企人去九龍城食粗菜館，今晚收工約咗朋友喺附近食飯，一於唔再食泰國嘢，相隔多年再嚟呢度食返兒時回憶～ 今次二人份點咗三個菜同例湯，當然要試吓蔡瀾推介菜單啦！-■老火例湯係飲過最甜的清紅蘿蔔粟米湯，大大煲好足料！唔怪之得每枱食客都例牌叫一煲～瓦煲上枱保溫效果好好，食飽飽再飲多碗湯仍然好熱～■薑蔥蜆芥炒牛肉職員推介的菜式！果然牛肉炒得香嫩入味，送飯一流。■招牌炒豬雜大大件豬潤、豬肚、豬腸、豬心，非常惹味有咬口，而且豬雜係由乳豬、大豬同中豬揀岀來，非常講究。■薑蔥炒魚腩招牌菜之一，每件魚腩炸得皮脆肉滑，爆多薑葱超級香口！■豬油撈飯豬油同豉油分開上，可以自行加適當份量～雖然有啲邪惡，不過望見餐牌真係好難忍口唔叫。-能夠喺香港屹立多年認真唔簡單，除咗有一眾街坊支持，呢度仲不時有名人到訪。雖然名叫「粗菜館」，食嘅並非「粗菜」，如果經開九龍城，不妨來試吓啦。-🔖回頭指數 ✦✦✦✦✦粗菜館 (九龍城)📍九龍城衙前圍道17A號地舖......

粗菜館地址 :九龍城衙前圍道17A號地舖電話 : 23837170港鐵屯馬線全線開通後，前往九龍城十分便利，今晚去粗菜館晚飯，食店歷史悠久，由食評家蔡瀾先生推介，一入門口就見到幅由他親自題字的「炒朱什」牌匾。西洋菜豬骨湯味道鮮甜，火候十足，冇味精，家的味道。招牌薑蔥炒豬雜這款小菜是蔡瀾先生的重點推介，用豬肝、豬腸，豬腰及豬肚等配上薑葱爆炒，鑊氣十足，用料新鮮，豬雜冇異味，相當入味。招牌炒魚腩 鎮店名菜之一，魚雲腩半煎半炸，啖啖肉，外脆內嫰，魚香四溢，十分香口惹味。籠仔蒸大鱔白鱔新鮮肥美，肉質細緻嫩滑，爽口彈牙，口感一流，加上蒜頭豆豉的香味，味道更好， 非常開胃。整體來說，家常便飯小菜，食材需不名貴，但烹調用心，味道一流，有親切感，價錢實惠，簡直街坊美食天堂。#粗菜館#九龍城

嚟到九龍城區，揀返間老字號食店試試呢間粗菜館已經營超過30年，連知名食家蔡灡先生都力推，兩個人食三餸一湯加個炒飯，非常滿足🥰老火例湯（西洋菜湯）每日限量20煲，好多客人一坐低就會落單叫定先。我哋去嘅嗰日係西洋菜湯，細細煲但用料十足，飲落有好香甜蜜棗味。招牌炒魚腩鯇魚腩先炸再炒，外面脆卜卜，但肉質依然鮮味。招牌炒豬雜用咗乳豬、中豬、大豬唔同部位，火喉十足越食越惹味。XO醬鮮蝦帶子炒西蘭花大大隻鮮蝦&帶子，加XO醬同西蘭花一齊炒，微辣又開胃。豬油渣炒飯呢個炒飯超正，好想想每啖飯都配上豬油渣一齊食。埋單$500左右，價錢公道，位置亦唔算難搵。

粗菜館，其實一啲都唔粗～只係用料平實，就係平常百姓家會食嘅嘢～但係偏偏憑住出色嘅手藝，每一味菜式都做到嘆為觀止！！今日就同老細嚟試下啲香港傳統地道經典……一坐低就叫咗菜牌第一頁嘅幾個招牌菜！！招牌炒豬雜：呢個得到蔡瀾加持嘅招牌菜，一定要試！！一上枱，好濃烈嘅酒香，所以全部豬雜都唔會有內臟嘅腥味，而且好欣賞佢嘅肉質：豬潤、豬肚、豬腰、豬腸……每一種食材嘅口感都炒得非常好，有爽嘅、有滑嘅、有彈牙嘅～其實送啤酒真係一流！招牌炒魚腩：用嘅鯇魚好大條，魚腩好厚實，啖啖肉！！而且走油後令到魚皮脆卜卜，仲要一讚嘅係伴碟嘅蒜子、薑同蔥，都非常惹味，忍唔住要食埋！！蜜味東坡骨：一字骨煮得非常冧，而且好入味，佢嘅醬汁甜甜地，好送飯！！紅燒豆腐配粗菜：布包豆腐過油後，內裏仍然香滑，菜底用咗唐生菜，有獨特嘅甘香味！細煲老火湯：話細其實都唔細，今晚係青紅蘿蔔粟米煲豬骨，上枱非常震撼！！😱因為成個煲入面都係滾到起泡㗎！！湯底十分之清甜，除咗青紅蘿蔔粟米同豬骨外，應該仲落咗蜜棗，飲落好潤喉，唔經唔覺一碗接一碗，而且好肯定：一粒味精都冇！！豬油撈飯：呢個真係冇理由唔試下～～雖然十分邪惡，但係佢入口嗰種甘香，係會令到你

九龍城除咗泰菜，其實仲有好多寶藏餐廳🌟今次介紹呢間好多住九龍城嘅朋友推介過嘅街坊菜館🥹👍🏻🍲老火例湯（細煲）🍲進店必點！每天使用十五斤豬骨熬煮四小時，才可以煮成二十煲。上菜時已經被它撲面而來的蒸氣震驚了，滾燙的湯瀰漫着鮮味，入口鮮甜醇厚，真的令人有回味無窮。雖然我們只點了細煲，份量卻是十足，四人喝也綽綽有餘。🐷豬油撈飯🐷邪惡卻讓人欲罷不能的美食。這家餐廳一點也不吝嗇，上菜時直接把豬油放在旁邊，任由顧客添加。金黃色的豬油澆上剛出鍋的白飯，一口下去讓人滿足。這道菜源於廣東傳統的美食，看似簡單，但絲毫不影響它的吸引力。🐔麻辣雞煲🐔這家的雞煲是很少在小菜店能夠吃到的味道。光是看著那滑嫩的雞肉和撲鼻而來的辣氣,就已經讓人垂涎欲滴。當辣味在口腔蔓延時,麻辣的感覺刺激著味蕾，令人欲罷不能，一口接一口。🐟招牌炸魚腩🐟這家餐廳的招牌炸魚腩絕對是不容錯過，先煎後炸的處理，形成金黃酥脆的外皮，但當咬下去的時候，裡面卻是鮮嫩多汁的肉質，瞬間在口中爆發出濃郁的魚香，令人欲罷不能。🐖招牌炒豬雜🐖這之所以是招牌，自然是下了不少功夫，這道菜分別用了大豬的豬肚，中豬的豬肝和乳豬的豬腸，目的就是為了讓每一個部位發揮最佳的

今晚特意慕名到由名食評家蔡瀾先生推介的粗菜館吃晚飯。店鋪面積不大，裝修簡單，看得出歷史非常悠久。店如其名，以「粗茶淡飯」作招徠，一進入內，便看到左右兩邊的鏡子上簽滿明星的名字，還有蔡瀾先生親自提筆的「炒朱什」牌匾。老火例湯紅蘿蔔粟米煲豬骨湯用料豐富，味道鮮甜，火喉十足。送上枱時還是翻滾的狀態，因為瓦煲保溫效果佳，即使吃到最後湯仍然熱騰騰。而且份量很多，我們二人每人可以喝到三大碗。豬油撈飯豬油撈飯是來這間飯店必吃的食物。即使我不愛吃飯，但是我也忍不住吃了一大碗。上枱時連豉油及豬油各一樽，店長先幫我們落豬油，再落豉油撈勻。拌上豬油及豉油的白飯油脂濃郁，色澤吸引，每啖飯都充滿油香。這碗豬油豉油撈飯是香港老一輩人的集體回憶。我們也是第一次吃，雖然有點邪惡，但是真的非常好味。招牌炒豬雜這就是蔡瀾先生親自題字的「炒朱什」了・豬什使用了不同部位的豬內臟，如豬腸、豬心、豬腰、豬肚、豬潤等，以薑蔥爆炒，鑊氣十足，炒得香濃惹味，完全沒有豬臊味，口感爽滑且味道濃郁。平時不愛吃內臟的我，今天也覺得這碟小炒非常美味。招牌炒魚腩魚腩非常大件，以薑蔥蒜爆炒，炒得外脆內嫩，鑊氣十足！特別是邊位的位置，脆卜卜的。魚腩不

香港人都鐘意食有鑊氣既美食 要搵間色、香、味俱全既餐廳都唔易啊上星期去左九龍城食明星飯堂「粗菜館」 入到去見到兩面鏡牆佈滿晒來自世界各地嘅名人簽名🤩真係好有名氣我地叫左幾道出名菜式 全部都好好味🥹❤️‍🔥老火例湯😋岩哂鐘意飲湯既我地（每日限量20煲）真係手快有手慢無 超甜既西洋菜湯🥰好足料好豐富好好味🤤招牌炒魚腩（每日限量20份）超好食既魚腩片 份量好足夠 個皮煎得脆卜卜 係我食過最好食既中菜款式🐟招牌炒豬雜 聽老闆講一碟豬雜包含哂大、中、小豬🐷既唔同部位 食落好新鮮 好爽口 無overcook😋剛剛好👍🏻薑蔥炒蜆雞🐓雞肉好嫩滑！岩岩出鑊熱辣辣 重有啲蜆肉配搭 好入味😋蔡瀾鹹魚炒時菜🥬好有鑊氣既炒菜🥰配上油麥菜 味道一流 食左甘多肉類 叫番碟菜就perfect😚不得不提老闆好nice 同我地介紹唔同菜式既煮法 又時不時問下客人啲菜式味道點 好貼心(⁎⁍̴̛ᴗ⁍̴̛⁎)🩷一定會再encore

母親節我哋專登搵咗間中菜嚟慶祝，今次就揀咗有蔡瀾加持嘅粗菜館。一入到舖頭大大隻字親筆提名寫住炒豬什，梗係嗌一碟嚟試吓啦。佢哋嘅炒豬雜真係好正，炒得剛剛好，唔會太腍或者太硬，應爽則爽，應嫰則嫰！🤤我最鍾意就係個炒豬潤，好嫰好粉呀，仲要夠哂鑊氣，同豉油既咸香完美配合，薑蔥有畫龍點睛既效果僻走哂我最怕個d 內臟既腥臭味，同埋講真已經好少地方有得食炒猪雜得黎咁高質啦！🫢咁埋老細行開行埋，見我地係咁講好正，仲好好人咁同我地傾下計，佢話原來呢碟炒猪雜用左三隻唔同既猪既猪雜，我最愛既猪潤係乳猪到黎，猪粉腸都係（因為仲係飲奶，未開葷，所以唔會有怪味），唔怪之得我平時好怕有猪腸，一試真係意料之外地咁正。而佢哋嘅招牌炒魚腩亦都非常出色，肉質鮮嫩多汁，帶有微微的魚香味，真係一絕！加埋啲蔥段同埋薑絲，更加增添咗味道。平時唔太肯食魚既大仔都食左二大舊🤣聽老細講，佢地採用先煎後炸，封鎖返魚肉既鮮味，唔可以一嚟就猛火炸佢，或者好似而家好多餐廳為咗慳時間快出貨落好多生粉包一層直接炸，令成個口感差哂，仲好重生粉味。聽完真係覺得真係好有心機對待每一樣食材，好欣賞佢哋！另外，最鐘意飲湯既我叫左佢哋老火湯黎試一試。嘩！個湯煲

九龍城有間開業2️⃣5️⃣年既中菜館，仍然保留傳統烹調手法，每道菜式都有鑊氣、有心思，呢種懷舊味道已經係買少見少，連蔡瀾都提左手好字推薦✍️店舖2層樓底，裡面佈滿明星簽名，例劉德華、側田…😳 當晚仲見到黃宗澤 🙈坐底無耐，老闆好熱情咁介紹👑招牌小菜，炒豬雜同炒魚腩，另外豬油撈飯亦好出名豬雜用唔同大細嘅豬內臟，分別係大豬嘅豬肚，中豬嘅豬肝，細豬嘅豬腸，完全無豬臊味，入口比一般特別爽嫩炒魚腩，睇份量就知道條脘魚有咁上下份量，以先炸後炒連薑蔥蒜爆爆香再走油，所以外層特別香脆鬆化，鑊氣十足👍🏾而且無一般脘魚重腥味、泥味老火例湯以瓦煲保溫，大牌檔黎講係好普遍，不過依到原煲滾，上枱開蓋仲見到卜卜卜咁滾緊，夠曬火喉當日係西洋菜湯，羅漢果同紅蘿蔔帶出清甜，豬骨啲肉仲好軟淋😋蜜味東坡骨，選用腩排，唔肥唔膩最外面一層醬汁甜度岩岩好，用黎撈飯都一流

⭐️蔡瀾推介 ⭐ 粗菜館係香港已經屹立多年，如其名所說，粗菜館賣既唔係咩珍貴山珍海味，大部分都係一D平民菜式，但就心思細膩，將呢D「粗菜」都發揮得淋漓盡致，令人難忘😍👏🏼🐷🐷🐷招牌炒豬雜係用左三隻唔同既豬，例如有乳豬既豬腸、大豬既豬心、中豬既豬潤，炒得好夠鑊氣，口感爽滑且味道香濃🐽🐟招牌炒魚腩，好驚喜竟然會有一舊長過手指既魚腩，魚腩先炸後炒，以薑蔥作配料爆炒，好香口; 而且魚腩係超級香脆，慢慢細啖細啖咁既食好滋味🧺🐟籠仔梅子蒸大鱔 梅子去核後用刀剁成梅子醬，原來酸酸地既味道同大鱔都好夾好肥美既大鱔，啖啖肉，份量好多，聽講呢到已經係成條鱔!! 🥬蔡瀾鹹魚醬炒時菜呢個蔡瀾咸魚醬係以馬友鹹魚精製而成，炒油麥菜就最夾!!🍚豬油撈飯又係呢到必食，一筒熱辣辣既飯 然後分別加豬油同豉油聽講係香港老一輩人既集體回憶 雖然一講豬油就會聯想到邪惡感，但佢既美味、口感、香氣實在無法相比一次半次, 食左先再唸啦🤣😌🍜🍲老火例湯聽老闆講係隔晚已經開始煲，所以呢個粉葛赤小豆扁豆湯係超濃郁帶甜上菜既時候成煲湯都係好滾，入落口好舒服。一日限定20煲，要飲一定要早D黎

早幾日出開Mikiki行街買野，買完野都差唔多晚飯時間，醒起九龍城出名多好野食🧐一於就行過去九龍城嗰邊搵食啦😊行到衙前圍道見到好出名嘅👉🏻粗菜館，就比佢門口d食物相吸引住😋仲要寫住蔡瀾推介😍😍😍唔駛諗，即刻入去食！一入去坐低睇緊餐牌嘅時候，老闆娘就同我地推介佢地嘅招牌菜👉🏻炒豬雜&炒魚腩🤔當然要試吓啦👍🏻我地叫咗招牌炒豬雜豬雜用薑蔥爆炒，鑊氣十足👍🏻 豬雜食落口完全無異味👍🏻聽老闆講豬雜係用唔同大細嘅豬內臟，分別係大豬嘅豬肚，中豬嘅豬肝，細豬嘅豬腸，喺我眼中好普通嘅食材原來係咁講究🤔招牌炒魚腩一上菜時我嘩咗一聲😱d魚腩咁大件嘅😱😱😱魚腩係用薑蔥蒜爆炒，一樣係鑊氣十足，魚腩炒得外脆內嫩，唔多細骨，食落口啖啖肉好正😍趁老闆得閒時再問吓點解d魚腩咁大件，老闆話佢地用嚟炒魚腩嘅魚大概九斤重😱唔怪之得d魚腩咁大件差唔多成隻手掌咁長秘製沙薑雞同出面食到嘅沙薑雞好唔同，出面食到嘅沙薑雞多數用沙薑粉醃完再蒸/就咁提供一碟沙薑汁比你點但呢度嘅秘製沙薑雞係成個沙薑醬汁淋埋上面🤩所以沙薑雞食落味道香濃入味，雞件亦非常嫩滑😍😍豬油撈飯飯用桶裝，豬油&豉油分開上，可以自由調教份量👍🏻食落滿口豬油香，非常邪惡😂老

粗菜館係多年九龍城明星食府，多年來一直保持水準，而且仲係蔡瀾推介食府，所以食物質素一定唔會差，早年同家人食過覺得好食岩味道，今日都無變一定要試下招牌菜式，招牌炒豬雜同招牌炒魚腩炒豬雜係豬既內臟，由三代唔同既豬肉炒出，嫩豬中豬老豬，分別有豬心豬潤豬腸豬肚，唔同年紀既豬肉有唔同既口感，老闆好有諗頭，係一道必試菜式，炒出黎無內臟苦澀味，廚師事前準備功夫做得好炒魚腩好香口，都係必試，食食下會更鐘意食，香脆外皮軟的魚肉，好鮮嫩可口，平時少食魚既都會鐘意食呢道菜，果然招牌菜無誤蒜蓉炒菜心蒜蓉味道好突出，突出到菜心的鮮甜，菜心又鮮嫩客家炒粉絲有鍋氣，始終係唔同啲，連醬汁都好好味，份量又充足大大碟紅蘿蔔粟米豬𦟌湯一上枱滾到出煙一鍋上剛剛煲好的湯，即刻趁熱飲，感覺唔到有味精而且好清甜，煲得好出味，飲左幾碗菜館位置容易搵，幾道菜都做得好出色老牌菜館唔會令人失望，睇得出老闆好用心經營菜館，用料同心機都落足心血去做老闆話係一代傳一代做落去，家傳菜館好難得，希望菜館出色既菜唔會失傳，真係100分

今天我去九龍城的一家中餐館吃飯。這次給我帶回了很多回憶。脆鯇魚這道菜的魚肉質鮮美,魚和清爽的魚片完美結合，會讓人想吃。招牌炸魚腩將魚腩的外層炸至金黃酥脆，入口即化。薑和蔥的香氣增強了整體風味。這絕對是餐廳的招牌菜之一！招牌炸豬雜每一口豬雜都有嚼勁,這道菜用了三種不同的豬肉，更有層次感。香菜和蔥花的加入，讓味道更加濃鬱，讓人欲罷不能。不下來!炒排骨將排骨炒至外酥裡嫩。醬汁的酸酸甜甜的味道讓你想一筷又一筷地吃。豬油炒飯這碗飯每一粒米都裹著香噴噴的豬油，帶著豬油特有的香味，讓人回味無窮。家鄉風味豬油渣炒飯酥脆的豬油渣與炒飯的柔軟形成對比。這道家鄉風味的炒飯勾起了許多美好的回憶。總而言之，餐廳的每一道菜都體現了對食材的尊重和對味道的執著。這不僅是味蕾的享受，更是一種文化的體驗。無論您與家人朋友一起還是獨自一人，「粗菜館」都是享用粵菜的好地方。 🍽️🥢