粉紅水門雞 (威達商業大廈) (已結業)

平民價食堂😎😎玩完一日又係時候填飽個肚😋呢間餐廳分量超多不過價錢一啲都唔貴粉紅水門雞飯 $36正宗滷水豬手飯 $36 兩款個飯都係特大份量！係我平時係屋企食嘅兩倍啊🤣 但都係40蚊有找😌出名海南雞 夠滑😚 仲有兩款獨家秘製醬汁搭配加埋黃油飯！邪惡😉而秘製豬手 超級冧 我覺好食 仲有好多汁送飯一流😚😚重點係 隻蛋有驚喜 原來係糖心蛋😍芒果糯米飯🍚 $18呢個性價比好高！分別有兩種糯米 一款係紅米 另一款就係正常 配上椰汁椰奶 係一個好甜嘅甜品😌 D24 麻薯 $8榴槤麻薯 一口一個🤣冷泡炭培烏龍 $8陳年柑桔蜜 $12私心推介佢個柑桔蜜 好滋潤😋粉紅水門雞 旺角通菜街1A-1L號威達商業大廈地下M號舖#生活小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #相機食先 #hkig #hkgirl #食好西 #西餐 #餐廳 #香港美食 #香港好去處 #甜品控#cafe #拍拖👫#打卡#jessicafoodhunt#jessicafoodie

呢間餐廳係我工作嗰區(人人都會問候佢母親個區)都有間，全世界午餐收緊$50 60+佢係收緊人30幾蚊，仲要好好食搞到今日晚市同friend去旺角都食咗呢間(晚市30幾蚊邊度搵!!!)成set野食大約就係噉…粉紅水門雞飯店家招牌雞飯，每舊雞都做到好嫩滑，飯仲要係用咗油飯，加咗其他唔同嘅香料，所以食起嚟會有陣清香😌Grandma 咖喱牛飯就咁睇應該係黃咖喱，咖喱做得好濃郁好入味，個汁絕對夠用嚟撈晒成個飯。仲配左一舊糖心蛋，我特別鍾意食蛋，所以立即加咗好多分酸辣鳳爪我睇佢就旁白曬曬，落咗酸辣醬之後好醒胃攞嚟當錢財小食啱晒芒果糯米飯食落去就知係高質糯米，芒果味好濃仲有好多椰汁冷泡烏龍茶同埋凍陳年柑桔蜜冷泡嘅烏龍茶比想健康又消暑嘅食家就啱晒陳年柑桔蜜又滋潤又解渴

綠色嗰間水門雞相信大家都唔知食過一次原來香港都有粉紅色水門雞雖然選擇真係得好少，主菜3-6款，小食都係2-3款但係好好彩叫嘅每一樣野都好味喎粉紅水門雞飯 $36真係想講，$36你期待食到啲咩呢度首先會食到飽一飽，然後仲有小心思添雞嘅位置唔算靚，不過肉質仍然好嫩好滑而且雞嘅份量都幾多，食到最後一啖飯都仲有雞油飯嘅部分非常有心思，本身夠乾身粒粒分明同埋佢加埋薑、蒜、葱頭一齊煲個飯，入哂味酸酸辣辣鳳爪 $18佢哋嘅鳳爪係自家製架，調味落得好足一食入口首先會食到酸味而辣味會隨住一路咬一路標出黎口感係爽口好似食緊軟骨咁每人都食到3,4隻架朋友叫嘅咖喱牛腩飯就偏甜，牛腩都好淋仲每人叫咗$8大大枝白桃烏龍茶餐廳比較似快餐形式，食厭咗炸雞漢堡，呢度就啱哂平得黎好食，好食得黎又一定飽！

粉紅水門雞位於旺角通菜街， 價錢親民， 菜色不算多， 勝在味道正宗😋。 晚餐有粉紅水門雞飯$36、 正宗滷水豬手飯$36、 青木瓜沙律$12、 酸酸辣辣鳳爪$18、 芒果糯米飯$18、 凍陳年柑桔蜜$12、 冷泡白桃烏龍$8。 🔸粉紅水門雞飯🍛～ 爽滑的雞皮， 雞肉嫩口好味， 甜甜酸酸的醬汁， 配上清香的黃薑飯， 又香又美味。🔸滷水豬手飯🍛～ Q彈口感的豬皮， 豬手軟腍入味，加上秘製醬汁，yummy。🔸酸酸辣辣鳳爪🧆～ 酸辣醒胃，泰式風味。🔸青木瓜沙律🥗～ 味道酸甜帶微辣， 青木瓜口感爽脆。🔸芒果糯米飯🧁～香甜軟熟的兩色糯米飯， 芒果味道清甜， 配上濃香椰漿， 最喜愛的泰式甜品。🔸凍陳年柑桔蜜🥤～ 微甜的柑桔蜜，冰涼清新。🔸冷泡白桃烏龍🥤～ 烏龍茶清香消膩，味道甘香。平靚正之選。

行開旺角見到呢間《粉紅水門雞》唔試過都唔知咁好食😋！重點係一D都唔貴，所以值得一試！粉紅水門雞飯＄36雞件外皮爽口，肉質滑溜，十分新鮮，飯底香茅味清新，晤會有油笠笠的感覺！沾上醬汁一齊食，好好味👍🏻👍🏻！正宗滷水豬手飯＄36無骨豬手，啖啖肉，切開咗細細件連滿滿膠原的豬皮一齊食，進食方便又非常入味，配合酸菜送飯一流！再加埋隻流心蛋😍，超滿足！芒果糯米飯＄18芒果酸酸甜甜，配合雙色糯米，一爽一煙韌口感，不錯👍🏻👍🏻，啖啖椰汁香！冷泡炭培烏龍＄8茶味清新，淡淡茶香！

估唔到旺角食個Dinner都可以40蚊有找仲要一啲都唔hea粉紅水門雞飯 $36水門雞雞肉非常之嫩滑又Juic 而且係冇骨㗎啱曬我呢啲懶人 雞皮黃金色好吸引 好滑溜油飯落咗香茅 夠入味正宗鹵水豬手飯 $36豬手飯真係好推介 切開咗一塊塊好易咬豬手炆得好入味 食落好軟腍個汁用嚟撈飯都一流仲配咗鹹酸菜同埋流心蛋青木瓜沙律 $12青木瓜沙律配料好豐富食落酸酸辣咬落脆卜卜好開胃酸酸辣辣鳳爪 $18泰式酸辣鳳爪好入味鳳爪好夾脆 酸辣味過癮得嚟又好清爽芒果糯米飯 $18呢個價錢食到芒果糯米飯真係好抵仲用咗白糯米同埋黑糯米兩種糯米 一啲都唔馬虎芒果夠香甜 椰香味十足 抵食凍陳年柑桔蜜 $12冷泡白桃烏龍 (無糖) $8飲品係自家製嘅 大大杯又夠健康

上網睇依間既海南雞飯又平又好食 忍唔住經過試哂佢地既前菜主菜甜品同埋 果然冇令我失望！青木瓜沙律 $12 佢係用半個手掌咁大既膠兜裝住 雖然係細細個但係沙律係裝滿晒 一個人前菜份量係十分足夠裡面除左青木瓜再加左d辣椒粒 車厘茄同花生 味道好夠酸同埋辣 作為前菜都幾開胃 唔食得辣記得唔好唔小心咬爆粒辣椒粉紅水門雞飯 $36 份量唔少 有7件雞 肉質好嫩滑 一啲都唔鞋 有雞味唔覺有雪味 配佢地既汁 酸酸辣辣好惹味 油飯聞起黎有好香既薑味 食落都有雞油味道 總括黎講好值得食Grandma咖喱牛腩飯 $36 份量都係好夠 有7大舊牛腩配兩舊薯角同埋一隻蛋 牛腩一d都唔韌 每舊肥位煮到好軟腍 瘦既部分都唔會特別鞋 我食個盒飯都有幾舊瘦肉 如果全部都係腩位就正 咖哩汁好有椰香味 食落去係甜個隻 配薯角又係好好食正宗滷水豬手撈面 $42 因為叫左兩個飯 所以叫左依個豬手配粗面 依個面配左芽菜同酸菜 依個就麻麻地 首先個滷水有少少淡 令到個豬手都唔入味 然後豬肉既部位可以簡番好少少 食到有幾舊都係似煲湯瘦肉咁鞋 粗面質感正常 不過因為滷水冇味既問題變到面都冇乜味 唯一好既地方係酸菜加番少少味道芒果糯米

而家食嘢越來越貴，普通食個茶餐廳都可能要四十幾五十蚊，估唔到旺角竟然出現咗$36嘅水門雞飯！餐廳供應嘅食品選擇唔算好多，主打有水門雞飯、滷水豬手飯同咖喱牛腩飯，都係$36另外仲有幾款小食同埋芒果糯米飯我同朋友都偏向鍾意食水門雞飯，所以我哋兩個都每人叫咗一個，估唔到幾有驚喜，個雞好滑，份量都算幾多，最有誠意嘅係佢個飯底，好足料，有哂香料同薑，所以食落去同平時普通食嘅油飯有啲唔同，多左層香味另外都幾鍾意佢哋嘅飲品，個金柑檸檬真係好消暑解渴，所以呢個餐廳絕對係平民食堂

今晚出嚟旺角行街食飯，嚟到女人街呢一條小型食街，基本上兩邊都係唔同種類嘅食肆，花多眼亂，而呢間嘅價錢相對嘅吸引，唔同時間都係同一個價格，所以夜晚$36起，算吸引，裝修簡單，餐盒都係外賣模式，堂食外賣都可以用。我哋6；45左右坐低，時間上算早，我見7.15都基本爆滿，門口都要排一陣，亦有唔少係外賣自取嘅客人。依家$36去快餐店食晚餐都食唔到，呢個性價比自然好吸引。泰式粉紅水門飯，其實煮法上都有啲似海南雞飯，都係配上油飯，飯嘅份量好多，只係醬料上配上2款辣醬，雞肉亦算滑溜。滷水豬手飯，滷水汁唔會好鹹，送飯剛剛好，豬手半肥瘦，本來以為滷水蛋，居然係糖心蛋，質素都唔錯。青木瓜沙律細細份，但唔食得辣可能唔好叫。芒果糯米飯水準奇高，仲有兩款飯底，係紫米加糯米，味道亦10分正宗，性價比高。飲品又係好抵，亦係自家製，$8起，所以都試咗兩款唔同嘅茶，用嚟解辣都唔錯。

今日行過女人街發現呢個舖位又轉左新餐廳，門口嘅小黑板嘅價錢又唔貴，所以就入咗去試吓啦粉紅水門雞飯$36雞肉夠嫩滑，而且仲係冇骨，個醬汁酸辣度調較得剛好，油飯入邊都仲有香茅同埋香葉，個飯好香而且唔會好油膩，性價比超高青木瓜沙律$12青木瓜一絲絲口感爽脆，仲有豆角、蕃茄仔、花生，配合埋沙律嘅汁一齊食酸酸辣辣好開胃芒果糯米飯$12芒果糯米飯係用水仙芒有驚喜，因為好多出邊嘅芒果糯米飯都唔係用水仙芒，而且仲係黑白糯米，配埋個椰漿一齊食好好味冷泡白桃烏龍$8一打開樽蓋就聞到白桃好香，而且個茶味唔會太濃搶左白桃既香，好飲冷泡炭培烏龍$8烏龍茶好濃香，同白桃烏龍好唔同，一個濃一個淡，各有特色陳年柑桔蜜$12，酸酸甜甜好開胃整體來說餐廳性價比很高，下次可以再來，又平又抵食

近年來雖然經濟不怎麼好，但外出食飯仍然越來越貴，食一頓晚飯動輒也要近$100/位，想食好一點甚至$300-400/位也是平常事。今天跟朋友來到旺角，跟我說有一間性價比極高的泰式餐館，便隨他來到隱藏於女人街的這間店位置（8/10）：雖說位置較為隱蔽，但其實只是在兆萬旁邊的女人街段，前去其實非常方便，由港鐵旺角站E2出口步行約5分鐘環境（7/10）：餐廳裝修說不上精美，但以此價錢來說有一個空調充足，可堂食而座位算舒服的地方，在香港實屬難得，同時店內也放有一些小擺設，感覺也不錯服務（7/10）：小店不難強求服務，但此店的侍應亦有禮貌，上菜異常快速，結帳可以用八達通，頗為方便食物（9/10）：剛進餐廳時沒有期望，但想不到食飯味道很正宗而且可說味道相當好，處理食材亦很細心，個人覺得比一些收費$60-70一個飯的泰式菜館好上不少餐廳以快餐形式，所以餐牌上只有幾款選擇，但價格予人極大驚喜，在香港特別是旺角這些貴租地帶，到底有多少年沒看見這樣的價錢呢？！粉紅水門雞飯 ~ $36第一款選了招牌的水門雞飯，上菜只用了3分鐘。雞竟然是去骨的，而且肉質很嫩滑，醬汁香濃惹味，雞油飯夠香味道亦不錯，份量亦充足，性

泰國有紅衫水門雞飯~而係香港~都有一間性價比超高既粉紅水門雞見到價錢咁抵~真係會忍唔住係咁叫~因為樣樣都想試~粉紅水門雞飯($36)係香港黎講~真係可以用"平"哩個字黎形容呀~食落~仲可以加埋"性價比高"哩四個字添!!雞肉冇骨得黎又夠哂嫩滑~而且份量仲十足添架~除左雞~佢個飯都好正架~米飯唔油膩之外~仲食到有蒜同埋香茅一齊烹調而成~最鍾意就係個飯帶有淡淡既香茅味~淨係個油飯都已經好香噴噴啦~當然唔少得食雞飯不可缺少既泰式香辣醬~正宗得黎又好味~青木瓜沙律($12)泰國傳統小食~不過係泰國食~成日都因為太辣而唔敢叫~哩度寫明係小辣架~所以可以唔使怕~放心叫~青木瓜絲夠哂爽脆~而且酸酸辣辣咁夠哂惹味~叫返個用黎用餐前小食都唔錯~酸酸辣辣鳳爪($18)另一個開胃而且又哂岩夏天既小食~鳳爪冇骨啖啖肉~另外用黎墊底既芹菜~洋蔥等等配菜~都好新鮮爽脆~忍唔住連埋d配菜全部清唒~凍陳年柑桔蜜($12)酸甜均勻~味道亦都不錯~真係岩哂夏天飲~芒果糯米飯($18)雖然只係$18~但絕對唔hea架~有紫糯米同普通糯米~滿滿既椰汁係面好香芒果肉大大舊咁~仲又香又甜添呀!!!

Menu只有三款飯、少量小食同飲品 ，不過喺旺角晩餐$36 都算平。A餐 粉紅水門雞飯（$36）水門雞一般嫩滑，油飯用咗唔同嘅香料，好似香茅，令到飯粒更香而唔油膩。青木瓜沙律（$12）比想像中更加辣，酸酸地，有車厘茄、紅蘿蔔絲同櫻花蝦。鳳爪都幾開胃，酸酸辣辣芒果糯米飯（$18）暖笠笠嘅椰汁同紫糯米，軟硬都有，芒果有四片，不過可能因為天氣熱焗住咗，味道食起上嚟同一般食嘅好唔同，有啲失望。冷泡茶（$8）幸好，有枝滿滿誠意嘅無糖冷泡白桃烏龍補救， 唔會加冰，保持淡淡嘅香桃味。🇭🇰旺角通菜街1A-1L號威達商業大廈地下M號舖

「 粉紅水門雞」除咗旺角店之外，於觀塘及新蒲崗都可以搵到佢哋嘅蹤影。店鋪最出名嘅非「 粉紅水門雞」飯(HKD36)莫屬，呢個主食無論堂食或外賣都咁受歡迎！海南雞飯質素同加錢一樣吸引，水門雞已去骨，入口滑溜。雞飯粒粒分明，香茅味都幾重(我估應該用咗大量香茅同埋薑去整，因為我嗰份飯有一條香茅同埋一片厚薑片喺入面😝)。每份海南雞飯配一小盒秘製醬汁，味道有少少辣同埋酸，用來點海南雞食就最啱。其他招牌主食有「正宗滷水豬手飯」、「Grandma咖喱牛腩飯」，全部都係小店用心製作。呢兩份招牌菜都係$36咋。▫️青木瓜沙律(HKD12) - 味道辣辣地，作為餐前小食十分開胃。▫️芒果糯米飯(HKD18) - 有黑白糯米，我鍾意白色糯米多啲，撈椰汁一齊食，口感軟腍。芒果香甜，細嫩多汁。冷泡白桃烏龍 (HKD8) - 食完海南雞飯飲番杯茶，$8一支凍茶，無冰無糖。飲唔晒仲可以成支拎走慢慢飲呢。

係旺角食lunch，想平平地食個飯，經過見到鳳凰不死鳥個FD(屈)-神鳥鳳凰個logo，好奇間餐廳點解會用小雞啄米圖呢個logo(唔通因為海南雞飯?)，於是入去幫襯(竟然?!)。據了解總店係觀塘，呢個係旺角分店，新開的呢。門面粉紅霓虹燈招牌好鮮艷，小小的店子，內堂裝潢簡約，1:00時段，唔太多人，之後陸續多人呢。餐牌。粉紅水門雞飯，$36，份量唔算好多，不過呢個價位係差唔多，女仔食都OK夠飽，水門雞，賣相不俗，雞肉滑嫩，雞皮爽脆，蘸上醬汁酸酸辣辣好開胃，油飯香茅味重，飯粒粒分明，不俗。冷泡白桃烏龍(無糖)，$8，聞落香白桃味，飲就唔太覺有。食物味道不俗，本身想食埋芒果糯米飯，但趕時間都係下次有機先了。