粉紅水門雞 (威達商業大廈) (已結業)

想食水門雞飯，上網睇吓就揾到呢間粉紅水門雞😍！價錢超親民🤩，餐廳座位唔多，乾淨企理👍🏻！一人一個水門雞飯😍!雞件有8-10件，雞件仲要係冇骨架，啖啖肉超滿足😬！飯係油飯撈埋咗香茅同薑黃，味道一d都唔寡！份量十足！冷泡白桃🍑烏龍茶清甜易入口，$8大大支好抵飲，重點仲係無糖👍🏻👍🏻！自家酸酸辣辣鳯爪開胃小食，細細份做share小食唔錯😛！平民小店，高質食物，值得我倆再回頭❤️！

下午4點幾時間，午飯未消化又好想食d甜甜哋嘅嘢見到呢間食店menu有泰式甜品即入去呢間泰國食店裝修簡簡單單有少少泰國風味嘅裝飾，坐落亦唔會擠迫餐單一眼睇晒，主食、小食、甜品、飲品可以話一站式滿足食慾最後揀咗：🟠芒果糯米飯$18好耐冇食過咁好味嘅芒果糯米飯平時外賣嗰啲都係凍冰冰同硬硬哋呢個糯米飯係暖笠笠糯米同紫米比例均勻，飯質綿糯好多椰汁、好滋味芒果好甜🟠秘制椰汁斑蘭厚多士$16侍應話係新品，我係第一個食客甜方包加蜜糖烘底，好難唔好食上面仲有海量斑蘭味甜醬，下午茶口痕之選🟠凍陳年柑桔蜜$12樽裝設計、飲唔晒可以拎走，幾貼心金橘味好濃、甜味較少，中和返啱啱食嗰兩件甜品飲完覺得滋潤又舒服雖然係小店，但係食物質素好有驚喜，又真係好平食嘢嘅過程中見到附近d人都食緊海南雞飯、豬手飯，應該都幾唔錯，下次回訪時食！

泰式鳳爪，冰涼辛辣，味道一流，但建議食得辣嘅朋友先好點，係一個非常好嘅開胃菜👍🏻海南雞飯非常高質，坊間賣海南雞飯既餐廳好壞參半，質素非常參差，講真我真係冇諗到竟然可以30幾蚊食到呢個咁驚喜嘅味道，真係拍得住出邊賣$70$80嗰啲，先講個油飯，我真係停唔到口😂勁香，一啲都唔油膩，齋食飯撈汁都冇問題，非常惹味，雞皮雞肉都滑滑的，一啖接一啖，冇停過，而雞肉嘅份量都好多，$40都唔使，真係性價比超級超級高👍🏻豬肉生菜包，每塊生菜都非常新鮮，塊塊都大size，食落感覺極健康，魔鬼在細節，豬肉當然係靈魂，但山菜其實都扮演一個非常重要嘅角色，今次嘅生菜，比豬肉更出色，好多餐廳旺旺都忽略咗個生菜，呢次真係滿滿驚喜😊飲品方面推介自家柑桔鹹檸檬，非常好飲，飲完個人變得好舒服，完滿結束。

今日同朋友去睇完戲，朋友帶我去旺角食一間又平又正嘅粉紅水門雞飯，佢位置喺旺角女人街威達廣場，一整幢都是食肆的。他在地下，之前的食肆我也食過，好像是辣海鮮鍋。他店舖時裝修簡單，看餐牌晚餐也只是三四十蚊，配菜飲品都不會超過20蚊，非常經濟實惠。首選是香油雞飯，雞肉好鮮嫩，而且他的醬汁非常配合，令我想起新加坡的著名雞飯。正宗鹵水豬手飯，入口即溶，用嚟送飯最好，甜酸菜拌飯食可以解豬手的油膩感。我加多隻溫泉蛋，撈飯一流。小說他是一盒一盒上的，比較衛生。酸辣鳳爪， 夠辣夠酸，非常開胃。青木瓜沙律，我非常喜歡他的酸味十足，爽脆無比。當然要吃埋甜品芒果糯米飯。飲品也有其他選擇，我們點了陳年柑桔蜜，冷泡白桃烏龍茶。總括來說，這間CP值高的雞飯，下次想起雞飯我就知道過來找他。滿分為10分(1分最低，10分最高)食物：9環境：8衛生：8服務：8價錢: 10舒適度：8總分：9

鋪頭喺旺角內街通菜街，由於通菜街擺晒檔，加上鋪頭喺大廈入面，凹咗入去，唔係普通行行下街會留意到佢嘅餐廳。但入去食嘢就會覺得大家真係要留意吓佢。首先講嘅係性價比極高。餐廳嘅飯餐價位一般喺$40內，小食就大約$18，加嘢飲都係$6。食好多嘢都$100有找。講得性價比高，當然食物質素都好掂啦，兩個人試左個招牌水門雞飯同埋豬手飯，豬手飯個汁真係無得輸，勁入味，豬手又炆得淋，勁正。水門雞個飯又用埋油飯，食過番尋味。

餐廳：粉紅水門雞 (旺角)地址：旺角通菜街1A-1L號威達商業大廈地下M號舖旺角威達商業大廈地下呢間粉紅水門雞雖然位置唔顯眼，不過錯過佢嘅人就走寶喇😎，喺香港原來已經有三間分店，前身喺曼谷水門海南雞飯，今次去食喺因為超平$36一個水門雞飯吸引咗我😍，即刻試吓咩料子先餐廳環境唔算大，得唔夠10張枱，主食都喺得3款，但你絕對唔可以睇少佢哋食物嘅質素😋，堂食食客同外賣單一浪接一浪，甚至見到有人半隻半隻雞咁買走🐓✝️粉紅水門雞飯 $36話明喺招牌又點可以唔試呢，雞件本身已經去咗骨，一份大概有8-10舊🐔，雞香都算幾出，皮同肉之間仲有薄薄一層脂肪，配埋餐廳自製嘅泰式酸辣醬就一流🤪。油飯亦唔馬虎，見到有香茅、洋蔥🧅、薑等配料，食落油香吸引，不過大食嘅人一個飯可能就未必夠食喇🤣✝️芒果糯米飯 $18出面嘅泰國餐廳食親都要$40以上，呢到$18就食到高質芒果糯米飯🤩，仲要一啲都唔hea做。黑白糯米飯各一半，黑糯米較黏口，混合埋白糯米一齊食，黏糯感就啱啱好👍，椰漿多得嚟甜而唔膩，加埋香甜嘅芒果🥭，真喺推介大家一試✝️青木瓜沙律 $12呢個沙律喺泰式傳統沙律🥗，以青木瓜、番茄仔、花生🥜、櫻花蝦等做配料，食落爽口

又到每星期六膠遊遊花墟嘅𝗅𝗎𝗇𝖼𝗁 𝗍𝗂𝗆𝖾不過今次唔喺花墟附近食，行遠少少去咗旺角，食完飯諗住順手去阿布泰買嘢全日都係泰式風情，食飯都擇粉紅水門雞度食，呢間係曼谷水門海南雞飯嘅海外分店，𝖬𝖾𝗇𝗎 選擇唔多，係食光速餐嘅好地方！🐓粉紅水門雞飯飯量極多，味道香茅味重，食落有幾粒蒜，有陣輕蒜味，雞嘅份量唔多，但肉嫩皮薄，蘸雞嘅酸辣醬好食，蘸雞送飯一流🐖 正宗滷水豬手飯滷水豬手入味，肉質仍然嫩滑，豬手皮夠腍，食落無油膩感泰式滷水比較甜，加埋咸酸菜真係好好食！開頭睇落好似肉唔多，但食食下原來都非常飽～👣 自家酸酸辣辣鳯爪 酸味頗滾卜，但唔係好辣，份量少少，係一個唔錯嘅醒胃菜🫖另外兩樽茶都只係$8.00@兩枝茶味香濃，白桃味果枝帶少少桃味，而且非常大枝，食完大碟飯同啲醬汁嘢真係要叫👍🏻香港地食嘢真係唔平，喺旺角只要三十零蚊就食到咁飽！難怪我去果日咁多一個人放𝗅𝗎𝗇𝖼𝗁去食啦！

通菜街一向係好多人嘅飯聚點！成日見到檔口中間堆滿等位人潮，因為兩邊真係好多食店呢。今次撞手神試嘅雞飯，性價比好高✨粉紅水門雞飯 ($36)油飯大大碟好夠飽，米飯粒粒分明，帶有油香。海南雞都大份，雞皮薄滑，肉質嫩口，雞有鮮味，三十幾蚊黎講好收貨。青木瓜沙律 ($12)有青瓜、木瓜、芽菜、香脆花生，份量細細。餐牌上寫少辣，但對我地有點太辣🌶 最後都食得曬！(夏天就是想吃酸辣呢)飲品要了陳年柑桔蜜🍊、冷泡白桃烏龍，用台式飲品樽裝，飲唔曬可以拎走，方便行街都飲得！柑桔味道好夠酸，係我中意嘅👍🏻

話咁快又嚟到星期四，聽日係公眾假期，唔洗返工，下班後專登過嚟家樂坊新開嗰間 AEON 行下。有人提議先去食個 early dinner 再血拼。喺通菜街搵到間「粉紅水門雞」，睇咗門口餐牌，食物選擇唔多，只有幾款飯同小食，不過勝在定價親民，只需 $36 就可以食到水門雞飯，夠晒經濟。餐廳地方不大，以木檯櫈為主，裝潢簡約，配上柔和的燈光，感覺舒適悠閒。先試下個粉紅水門雞飯 ($36)，一上檯已經聞到濃郁的香茅味。雞件表皮有光澤，肉質夠嫩，唔嚡口，蘸點特調嘅泰式醬汁，酸酸辣辣，相當惹味。米飯粒粒分明，夠乾爽又唔黏身，入口充滿油香。另外個滷水豬手飯 ($36) 水準亦唔錯，豬手滷得好入味，肉質軟腍，豬皮入口即溶，配埋酸菜食，更可減低油膩感。旁邊隻烚蛋亦令人回味不已，咬開呈流心狀，蛋香十足，送飯一流。加咗客自家酸酸辣辣鳳爪 ($18)  同 芒果糯米飯 ($18)，鳳爪又爽又脆，夠酸也夠辣，凍凍地食非常過癮。糯米飯有紫米及白糯米兩色，芒果味道頗清甜，加上淋滿了香濃嘅椰奶，食落好滋味。飲品點咗冷泡白桃烏龍 ($8) 同 陳年柑桔蜜 ($12)，冷泡茶飲落好清爽，而且寫明無糖，絕對係健康之選。柑桔蜜

返工之後都好少喺旺角通菜街呢邊食飯，今日試咗呢間朋友介紹嘅粉紅水門雞，唔算好近地鐵站，但係平日七點都可以滿座，我諗係因為佢抵得嚟又好味。我同朋友都嗌咗粉紅水門雞飯，我另外加咗隻溏心蛋。飯嘅份量都幾多，可以見到一條條嘅香茅，一上枱就聞到好香。雞嘅份量適中，雞肉好嫩滑，好似我朋友咁好彩嘅話，就會有雞脾食。雞同飯都好夾好好食。個人都好鍾意佢配嘅醬汁，個味有啲似食泰式生蝦嗰陣會配嘅辣醬，估唔到同水門雞都幾夾。溏心蛋切開有驚喜，真係有流心蛋黃，都幾香蛋味。嘢飲方面，朋友要咗冷泡炭培烏龍，我就揀咗冷泡白桃烏龍，用膠樽裝住，都幾大枝，凍冰冰咁好正。

雖然價錢特平, 不過質素係到!! 唔怪得知明明餐廳勁隱蔽都咁多人。Menu簡單, 唔算太多野, 不過樣樣都CP值高!!之前食過水門雞飯已經覺得好高質, 今次再黎試下其他先!!正宗豬手飯 ($36)豬手好淋, 皮同肉好平均, 唔會成碟得瘦肉, 飯本身跟一隻糖心蛋~~辣妹生菜包($36)份量都幾多㗎, 唔算好辣, 不過好惹味, 我地叫左一個飯一個生菜包SHARE, 都好飽自家酸酸辣辣鳳爪 ($18)成碗都係鳳爪咁濟, 酸辣好入味D24 麻糬MOCHI (@$8)完美主義勿入, 不過滿足下SWEET TOOTH都幾好㗎, 細細粒食完唔會成口榴槤味 芒果糯米飯 ($18)呢個又係高質之選, 18蚊咋!!! 必點又多芒果, 個椰汁又香!!仲見到有人食完飯打包幾個XD

旺角通菜街向來是美食寶地，有不少臥虎藏龍的平民美食。這家泰式食店，裝潢欠奉，價錢亦非常便宜，一碟飯只售30多元。但這裏的食物卻好比星級食店，讓人眼前一亮。跟友人各點了一款飯，另加三款小食。粉紅水門雞飯這雞飯是必點首選，美味程度滿分。雞肉超級鮮嫩無比，黃色的雞皮滑滑的，好吃極了。香米粒粒晶瑩飽滿，用上了南薑和香茅來煮，再加上雞油的香氣，把油飯的美味推向極致。正宗滷水豬手飯豬手完完全全被滷水汁滲透，炆得超級稔，豬皮更入口即化。另一亮點是雞蛋，流心蛋液配上滷水汁拌飯特別好吃。咸菜不太甜不太鹹，味道醃得剛剛好。青木瓜沙律和泰式酸辣鳳爪，味道非常地道泰式，冰冰涼涼的小食，特別清新又消暑。$18 的芒果糯米飯，上面新鮮香甜的芒果，下面是滲透美味椰汁的綿滑糯米飯，軟軟糯糯的超級好吃。

旺角實在太多選擇⋯⋯但今日心血來潮想食雞飯來到呢一間有名氣的粉紅水門雞吃，有好多時😅經過都已經見到經常性多人由於舖頭細細好多時都滿座⋯⋯今日可能是太早而且又落大雨很好彩有位糖食試了雞飯同豬手飯飯同個雞真係一流跟住外賣了芒果糯米飯也非常好吃生菜包也很香樣樣都好食價錢又抵樣樣都好💯

今晚喺旺角食晚飯，突然想食海南雞飯，俾我搵到通菜街威達商業大廈地下有一間粉紅水門雞，緊係即刻入去！門口餐牌都係正宗泰國受歡迎既飯同前菜，價錢非常吸引，平均每個飯都係30幾蚊，額外加嘢飲都只係8至12蚊左右。入到去，喺枱面都有1份餐牌。我哋招牌主食叫咗粉紅水門雞飯同埋正宗滷水豬手飯。粉紅水門雞飯雞肉賣相好吸引，仲有青瓜同芫荽作為配菜。啲油飯遠遠已聞到好香香茅味，原來係用香茅，香葉，泰國薑來煲，食落成口香味。雞肉好嫩滑，配佢提供既汁送飯一流。正宗滷水豬手飯豬手賣相雖然冇雞飯咁吸引，但點知食落又係另一回事。豬皮入口即化，充滿骨膠原，完全冇肥漏嘅感覺。仲有酸菜同雞蛋作為配菜，我最鍾意佢嘅滷水汁，撈飯食竟然食曬成碟飯。由於價錢太平太吸引關係，我哋都叫咗自家製酸辣鳳爪，青木瓜沙律同埋芒果糯米飯。鳳爪辣度剛好，好爽口。青木瓜沙律好足料，分別有青木瓜絲，豆角，紅蘿蔔絲，食得出仲有石榴絲，仲加埋櫻花蝦。芒果糯米飯係熱食，有白糯米同紫糯米，口感好軟熟，芒果粒吾酸，好甜。望落好似好細盒，但其實份量都幾多。野飲就叫咗凍陳年柑桔蜜。仲有其他飲品例如冷泡白桃烏龍同冷泡炭培烏龍等，下次可以再試。今餐晚飯食得又豐富又

又嚟到旺角女人街搵嘢食開餐，今次去到一間商業大廈嘅地舖～～粉紅水門雞，但其實店舖裝修並唔係成間粉紅色～～哈哈～先叫一個水門雞，水門雞唔同海南雞，雖然主要係嫩滑嘅雞肉，但今次嘅水門雞外皮係有爽脆嘅口感，彈牙，大大份嘅飯，雞油飯～特別嘅係個醬汁好fresh, 開胃酸酸地少少辣～味道突出！另外，朋友order一個咖喱牛飯，椰香味重，牛腩肉質幾嫩，仲一粒糖心蛋，幾有趣嘅配搭，咖喱送飯一流，香濃好味～最後，叫埋個芒果糯米飯做甜品，香甜軟熟　～呢度嘅冷泡茶幾解渴清涼～