米走雞Live

营业中

休息中

麻辣雞煲就食得多，今次試下新嘢🧀🧀🧀芝士雞煲🧀🧀🧀🥘黃金芝士雞煲（小）鍾意食芝士嘅朋友芝士碎可以揀激量，我哋驚會太漏所以就叫咗普通嚟試吓，芝士味道濃厚，雞肉鮮嫩多汁，而且份量好多，芝士亦都唔會太漏，食完雞就可以叫店員加湯打邊爐，我哋揀咗清湯，如果想再濃啲嘅可以揀返芝士湯🧀揀咗幾款火鍋配料；▶️手打M5和牛丸(半份) $48▶️牛柏葉 $43▶️鴨血 $43▶️生菜🥬(半份) $28和牛丸口感彈牙，牛味十分濃郁牛柏葉淥一陣就食得，入口爽脆，唔會韌整體食材新鮮，芝士雞煲又夠特別，果然冇嚟錯👍🏻

麻辣雞煲黎講，米走雞真係香港頂級。食幾多次都咁好味。而家仲有得scan QR code落單，非常方便，慢慢揀又冇壓力。（大）火焰麻辣雞煲 ＄258現場環境暗暗地好有情調，上左雞煲後，店員仲會係到點火，好浪漫，帶埋女朋友黎最岩。麻得黎甜甜地，雞肉好滑都多份量，一邊傾計一邊打邊爐真係一流。脆鯇腩 ＄98 （必點）特別想讚呢一個，大大件，又多，仲要超級新鮮，真係食完都好難忘記果一種幸福既感覺。建議大家下次去都要試下呀。

恢復晚市堂食第一晚, 同丫妹就去咗米走雞食芝士雞煲!醬料每位$18【黃金芝士雞煲 (小) (2-3人)】HK$208自選芝士份量, 揀咗激量芝士, 雞煲中雞件已預熟5成左右, 佈上了大量芝士碎, 上檯後稍為滾下, 令芝士熱溶跟雞件溶為一體, 開蓋散發陣陣芝士香氣。芝士份量能平均包住每件雞件, 當滾起時店員建議將爐調至保溫, 免得雞件過熟而錯過嫩滑口感。嫩滑雞件大件啖啖肉, 軟滑芝士奶酪味較重, 唔會死鹹; 雞煲中還有其他配料, 包括有洋蔥、中芹、芫茜、乾蔥, 盡索芝士汁, 超正!差不多食完芝士雞煲, 係加湯 (自選芝士/清湯) 打邊爐前order咗個烏冬【稻庭烏冬】HK$28幼身烏冬放入芝士湯汁中滾幾下, 令每條烏冬沾上濃郁芝士汁, yummy!【哈哈蝦中寶 (半份)】HK$68蝦膠打得夠彈牙, 再混入了蟹籽、爽彈蝦粒, 每啖都很有層次兼充滿鮮蝦味, 驚喜嘅入面仲包住原隻蝦ga!【竹笙墨魚滑 (半份)】HK$53竹笙中釀了爽帶墨魚粒嘅滑, 雙重口感再加上索咗湯汁嘅竹笙, 配搭很match! 【鵝腸】HK$53每條鵝腸都清得好乾淨, 冇任何油層連帶, 烚幾下食, 極為爽脆

之前一直都有聽過米走雞呢間餐廳，最出名係佢哋嘅芝士雞煲！係幾間地方都有分店😍😍今次同媽咪去咗觀塘呢間分店！嚟到一定要試佢哋嘅芝士雞煲，一上到枱真係見到佢哋撒咗滿滿嘅芝士🥰🥰如果本身係芝士控嘅一定唔可以錯過！本身以為咁多只是可能會有少少膩，但其實唔會，反而係鹹香！同埋雞嘅份量都好足，肉係嫩嘅😍基本上每星期一嚿雞都做到拉絲效果😳食完芝士雞煲之後，可以轉做打邊爐，佢哋係會成個爐幫你轉（超級好🥺🥺個人推薦牛肉球，鴨血都係必食！如果仲有肚，一定要加多個烏冬😜

太耐無出街食飯，望下相回味下！夏天開冷氣打邊爐食雞煲已成常態，上網見倒間喺朋友公司附近嘅芝士雞煲，一於等朋友收工去朝下聖！平時食開少麻少辣雞煲，今次食新野，試下佢個黃金芝士雞煲，細size夠2-3人食，仲可以揀少量到激量嘅芝士，因為我地仲想加其他野食，唔想太漏，所以揀左少量，少量到唔野少架，滾起時夾舊雞再圍住d芝士，超惹味，芝士又點會淨係配炸雞先得架。值得一讚嘅係佢有好多舊雞髀肉，啖啖肉真係未食其他野都飽左一截呀！除左雞煲，我地仲加左特級雪花肥牛，棉花肚，菠菜豬肉餃，washabi鮮肉丸同埋峰巢冰豆腐，樣樣都同芝士底超夾，特別係峰巢豆腐，雖然話芝士好肥膩，咁食番豆腐解除下邪惡感啦。

人均💰400好味程度💡7.5/10***鍾意食芝士既真係唔可以放過😋———————————————🔻芝士雞煲雞煲仲有得叫多芝士！一打香就係超級香濃既芝士味每件雞都拉到絲🧀***🔻手切牛頸脊呢個肉無論口感同肉味都係一流！每次打邊爐都會叫呢個😋***🔻鵝腸鵝腸爽口冇異味冇脂肪洗得好乾淨 值得一試👍🏻***🔻響鈴呢度既響鈴係oversize食一件已經係超級飽😂😂😂***雜菌好食

約左好耐冇見嘅朋友食飯，想食雞煲就即刻唸起米走雞😆食左好多次 第一次係觀塘食 環境好闊落 坐得好舒服，中午人流唔多 一路食一路傾計 食得好盡興👍🏻👍🏻🥳揀左麻辣雞煲小辣 都已經好滋味😋坐低已經有調味盒比我地裝調味料 唔知道有冇得refill食到最後唔係好夠😅😅另外有得scan QR code落單比較方便😊4個人叫左一隻雞好夠食 雞件大大件 都多肉 不過某啲雞件肉質較老🥲🥲整體雞煲都係好味嘅 不過比之前係太子食好似差左😣勝在入面嘅配菜仍然惹味 有大量芫茜、洋蔥 索左汁之後好正😗😗 配菜有油麥菜、雜菇拼盤、響鈴、竹笙墨魚滑、哈哈蝦中寶、凍豆腐 菜、菇都好新鮮👍🏻響鈴大大件同埋凍豆腐索左雞煲汁之後真係好邪惡🤪🤪竹笙墨魚滑好得意，係將墨魚滑釀在竹笙內，成條咁食 好彈牙爽口 😝哈哈蝦中寶大大粒見到原隻蝦仁 夠新鮮彈牙 食完唔夠喉好耐冇食芝士雞煲 之後再來食過🤣

琴日經過觀塘去左米走雞食Lunch ! 環境舒適 已經係第三次黎食嘢啦 米走雞 8週年 仲有限時優惠午巿精選 六品便當🍱 好特別 日常定食 7款主食 金湯酸菜龍躉 配五香滷牛展冷盤小食魚湯娃娃菜三色雜炊飯五香牛展滷水味濃 幾好味！酸菜湯好惹味 龍躉十分彈牙有魚味仲配有娃娃菜 好開胃！配上熱熱的炊飯食完暖粒粒！麻辣水煮和牛封門柳配花雕醉雞翼冷盤小食魚湯娃娃菜三色雜炊飯微微嘅麻辣水煮和牛唔會太辣 牛肉份量幾多 肉質嫩滑 肉味濃配飯一流 魚湯娃娃菜鮮味新鮮花雕雞翼花雕味濃雞翼10分入味定食套餐仲包凍飲🥤唔錯！

米走雞Live (觀塘).臨近要停晚市嘅日子，最後一日停前食超爆場😂😂. ▪️火焰🔥麻辣雞煲(小) $198▪️.雞件大又入味，比較麻少辣，份量又好多，食完啲雞件其實已經飽左一半😂.▪️白鱔片·娃娃菜·韭菜餃·即炸響鈴·紅薯粉▪️.呢到嘅白鱔都幾好食(⁎⁍̴̛ᴗ⁍̴̛⁎)好香好creamy咁，娃娃菜就基本啦火鍋必叫最入味嘅菜🥰韭菜餃叫左半份，男朋友表示很不錯肥嘟嘟！今次特別一讚係響鈴同紅薯粉，前者夠曬酥脆，半份係有三大個，超巨大再浸左一陣索埋湯汁超好食！ 紅薯粉又係好索味！.📌 米走雞Live (觀塘)觀塘興業街4號The Wave 3樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

食芝士煲, 一定要揾個岩咀形的去食先覺得吸引。講左好耐, 今晚終於可以去試下。我哋兩個女仔, 都係芝士怪, 好喜歡食芝士, 叫左個小的黃金芝士雞煲, 再加小量芝士碎。職員送到個黎時教導我哋如何處理, 要焗一下, 等芝士溶先按細火開蓋搞拌下。好心急, 終於跟足指示可以食得, 嘩, 芝士味好濃, 好正, 好彩只加小量芝士碎已經好夠, 我諗唔到如果加大量的芝士會係咩情況, 哈…食完隻雞, 我哋加多兩份蔬菜就飽飽, 好滿足! 要下次再黎食過。

前所未有 食物質素非常差 連同我三位朋友 叫咗一個芝士雞煲 仲有五樣左右配菜 每人$440….. 算 如果野食好食 呢個價錢都唔緊要 點知等上雞煲用左30分鐘 個芝士雞煲味道差到一個點 好似茶餐廳嘅雞肉咁 仲要係頭頭尾尾嘅部位 好失望 食到其他朋友都黑哂面 之後講下服務 食左十五分鐘 員工俾左張單叫我地埋….. 火上加油 仲有湯底好直接加上芝士粉上面 味道差到冇人有唯一可以讚嘅位就係有免費充電器借我同朋友都唔係對食物雞蛋裏挑骨頭嘅人 但今次係人生第一寫食評 真係太離譜 希望大家唔好中伏 出錢買難受

觀塘興業街的米走雞，招牌很觸目，所以每次經過都想試下，今日來到觀塘，就揀了食米走雞火鍋。餐廳裝修很清雅，入到餐廳已經見到非常多人。有幾款湯底，我揀了個降火的皮蛋芫茜湯。五香鮮牛肉，牛肉很香五香粉的味道，手切的牛肉切得都頗大件，牛肉頗嫩滑，份量頗多，很抵食。要了個白鱔片，頗新鮮，切得薄薄的雙飛都較大片，很新鮮鮮味。牛柏葉爽口，份量也頗多，差不多是食火鍋的必食配料。還要了山藥及稻庭烏冬。山藥份量也是頗大份，腍中帶綿，很清甜，感覺山藥也是健脾胃，所以很喜愛食。稻庭烏冬煙煙靭靭，吸收湯底，很好味。

自己都幾鍾意去唔同嘅地方食雞煲，之前試過大埔嘅麻甩爐，今次決定試吓觀塘呢一間，呢一間出名嘅係芝士雞煲，我之前亦都試過去太子嘅分店，今次特登走去食佢嘅麻辣雞煲。一坐低嘅時候，店員嘅招呼都非常好，送上這一個火鍋配料，我特別鍾意嘅係麻將，朋友最鍾意係辣椒同埋芫荽，呢度嘅芫荽非常多，特別適合芫荽控。打邊爐一定唔少得飲酸梅湯，呢度嘅酸梅湯大大咋，就咁望落去，應該都超過1.5公升，非常多。店員送上麻辣雞煲上嚟，一開始嘅時候都要煲一陣，煲到咁上下嘅時候，店員會走過來，倒上酒，然後拎住火槍，笑一下，成個煲側邊都係充滿着火焰，視覺享受非常好。呢度亦都有自家製大大嚿響鈴，我個人建議一定要用湯浸過先好食，就咁生食，會覺得好油膩。但坦白講我覺得係好好食。凍豆腐攞嚟去吸收雞煲嘅醬汁。我哋叫咗半份，有四夠，我哋兩個人食，份量都已經算好足夠，咬落去嘅時候，雞嘅湯汁完全滲入晒喺豆腐裏面，非常好。

天氣涼返少少就想食雞煲, 丫妹提議再去米走雞食最邪惡嘅芝士雞煲。幫襯過米走雞多年, 食物質素都keep得住, 所以令我地印象深刻。觀塘店環境舒適, 通風都做得唔錯, even全場坐滿8成食雞煲, 打邊爐, 都唔會煙霧瀰漫, 而且坐得舒服。醬油$18/位, 混醬後, click order落單, 我地再次揀食【黃金芝士雞煲(2-3人份量)】HK$208自選芝士份量為激量。雞件已預熟7成左右, 雞煲中有大量嘅芝士碎係面, 上檯後加熱至芝士溶就開蓋食得。芝士溶化跟雞件合二為一, 一夾起時雞件上嘅芝士拉起長長芝士絲, 極為邪惡。 軟棉芝士有淡淡奶香同埋芝士鹹香, 雞件很嫩而且啖啖肉, 份量仲好多, 入面仲有煮盡芝士汁好林嘅洋蔥。之後加湯打邊爐, 可自選加清湯/芝士汁,食完濃郁芝士雞煲還是想清少少打邊爐, 所以揀加清湯。【哈哈蝦中寶(半份)】HK$68只睇賣相, 每件有唔少蝦肉粒跟蝦膠組成, 很飽滿, 入面仲有原隻爽口鮮甜大蝦, 整體口感彈牙, 多粒蝦肉粒同埋些少蟹籽, 食落層次更為豐富。【Wasabi鮮墨丸(半份)】HK$53鮮墨丸雖然彈牙爆汁, 可惜入面嘅Wasabi唔係平時攻鼻果種, 而係

好耐無在週末約朋友出嚟食飯，朋友介紹呢間喺觀塘工商大廈嘅食肆，出名食雞煲，堅好食😋我哋唔係大食嘅人，所以今次同朋友嚟食可以食多幾款食物🤤😂 #sohappy◽️當然叫咗佢哋出名嘅「黃金芝士雞煲」，雖然叫咗2-3人份量，但分量都好足，芝士拉絲，味道濃郁，但唔會太鹹，亞女見到都特別開胃，件件雞都大大件，配菜仲至愛嘅洋蔥🧅、紫洋蔥，好正😍我哋之後加湯打邊爐🍲，再叫咗幾款出名食品：🔹霜降Prime牛板腱🐂🔹哈哈蝦中寶🦐 👈👈朋友話呢個必食，好好食又大大件🔹手打五寶拼盤🍡🔹M5和牛餃🥟🔹雜菇拼盤🥙……等等雖然全部都係叫半份，但都已經好足夠，剛剛好無浪費😙，下次有機會再試其他嘢😜