米走雞Deluxe (已搬遷) 新店位置

同朋友去銅鑼灣行街，好耐無去打邊爐，突然間好想打邊爐同食啲特別嘅鍋底，又諗起之前朋友推介個咪走雞芝士火鍋打邊爐，因為咪走雞個名好特別，所以好有印象，所以決定要去試試環境優美舒適，亦有卡位選擇💁🏼💁🏼必食嘅芝士雞煲，上面鋪滿芝士，好好味，雞有嫩滑，芝士味香及濃，食完雞再加湯打邊爐好正呀😋😋😋手切特級霜降和牛，見到都心心眼😍😍，食落口好食到不得了，必試手打五寳拼盤，好新鮮，好有口感哈哈蝦中寶，真係蝦中蝦，仲有蟹籽係面😋😋😋

米走雞雞煲火鍋遍佈港九，今次試吓位於銅鑼灣渣甸中心嘅Deluxe 版米走雞，因為方便港島返工嘅朋友們，等緊人齊期間，叫定小食同啤酒。麻辣青瓜雲耳好好味，勁開胃！鮮蝦雲吞同脆鯇片都好正，爽口彈牙！第一次食芝士雞煲，覺得好震撼，未煲之前，成個煲舖滿晒芝士粒同芝士條，好似有幾款唔同顏色味道嘅芝士一齊煮，覺得好不可思議！但煮溶咗之後陣陣香味，d雞食到尾，果d紫洋蔥黐住啲燒焦左嘅芝士嚟食份外香甜。黑魚子墨魚滑同美國牛肩脊都係好靚的質素！豬潤鮮甜嫰滑，食得出好新鮮！同朋友慶祝生日，自備酒店生日蛋糕，呢個JW Marriott 伯爵茶朱古力蛋糕非常好味，餐廳收咗＄50切餅費，侍應好好服務，幫我地收晒枱，捧個蛋糕出嚟嘅時候，已經幫我地點好晒蠟燭，再攞嗰啲新嘅餐具同碟出嚟，所以收服務費都好合理！

老友生日兼升級，一定要大事慶祝下，大伙兒決定去米走雞Deluxe賀一賀佢。一去到唔使講，梗係叫番round 啤酒同佢舉一舉杯先啦！打邊爐就係呢度好，鍾意大叫大笑大聲講嘢都冇問題，幾happy！！！既然要賀下佢，今次梗係要食得豐富啲啦！最鍾意食佢個芝士雞煲，宜家先知道原來佢可以揀芝士嘅濃度，梗係叫個最豐厚嘅芝士濃度啦！嘩嘩嘩真係不得了成煲都係芝士！溶咗之後勁香芝士味，好似食緊韓國嘅芝士雞咁，正到呢！佢嘅牛頸脊亦係非常之得！簡直係鎮店之寶，真係食到舔舔脷！其他火鍋嘅配料，有啲可以比你叫半份，呢個真係值得讚，因為可以試到多d唔同嘅嘢食！銅鑼灣地段，飲晒啤酒打邊爐，買單都唔使＄300一個人頭，物有所值！

今晚同屋企人食飯，負責訂位嘅家姐話今晚攪攪新意思去打不一樣嘅邊爐🤔。我心諗有幾不一樣呢？佢話食先食雞煲再打邊爐... 🙄😒, 唓！有幾特別呀， 興左好耐啦！！佢話係好唔同架，我地食過就知。坐低睇下個菜單，謎底解開喇， 原來佢地個雞煲並唔係一般野，而係有超超超級邪惡但我超級喜愛嘅芝士雞煲同超超超級辣嘅火焰雞煲。兩款口味我都愛，咁叫邊款好呢！🤭🤭🤭人多就有呢樣好， 唔使掙扎，兩款都叫哂咪得囉，嘻嘻！睇下啲芝士幾濃厚！好想買條法包點嚟食呀😝！另一款火焰雞煲，好夠辣，辣得好過癮不過其實食完兩款雞煲都飽左七成喇😅，所以火鍋料我地都唔敢多點， 我就指定動作要了午餐肉，芝士腸同牛舌，可惜佢牛舌冇厚切啦！另外屋企人就點左牛肉呀，少少丸類咁。佢地啲食材幾新鮮幾高質，唔係行野，不過理所當然價錢亦都相對較貴。但個芝士雞煲真係好值得嚟試下，特別係愛芝人士😁😋

約左朋友食雞煲，麻辣雞煲聽得多，芝士雞煲第一次聽，聽落都覺得邪惡，但就食一次咁多。地點樓上舖好近地鐵站，一上去就有位啦，唔使等位。未點菜首先要選調味料，有生蒜乾蒜蔥辣椒。我地兩人點左一個芝士雞煲（小）$178一上菜見到雞煲既份量同滿滿既芝士就呆倒了😳雞件份量足，而且件件都啖啖肉，唔算多骨，底層有大量洋蔥配料，厚厚的洋蔥肉配上芝士何其美味。另外點左幾款配料，餃子拼盤同手打丸拼盤，餃子同手打丸都又大粒又juicy,蔬菜都好新鮮，鮮冬菇都大大粒，總體來說好好味，下次要食麻辣雞煲。

早係兩年前已經食過米走雞既芝士煲，一直念念不忘。今次再黎挑戰佢個極邪惡芝士雞煲。店內環境裝修感覺乾淨企理，位置坐得舒適。米走雞除左有黃金芝士雞煲之外，仲有麻辣雞煲揀。身為芝士控緊係揀左黃金芝士雞煲啦，芝士碎方面都有唔同份量選擇，二話不說揀左激量睇下有幾激。而火鍋配料方面就揀左手切新鮮牛頸脊（小）同埋手打五寶拼盤。冇耐之後服務員就為我地送上火鍋調味料，有炸蒜、蔥、辣椒粒、芝麻、芫茜、蒜蓉。黃金芝士雞煲（激量芝士碎）＄178見到個雞煲都覺得好邪惡啊，勁多芝士碎。服務員提醒我地見到d芝士融曬就可以食得啦，夾起d雞仲有拉絲tim！雞件十分大舊，全部都係雞腿肉，口感除左啖啖肉之外，雞肉仲好滑身，雖然芝士味十分濃郁，但都唔會蓋過雞肉本身既味道，食落仲有淡淡洋蔥香甜味。兩個人黎講份量十分多！食完d雞之後就可以叫服務員加湯打邊驢，有兩個選擇，分別係芝士湯同清湯。因為本身個芝士鍋未加水之前芝士味道已經十分濃郁，所以就選擇左加清湯，不過跟住就有小小後悔，因為芝士控係永遠唔會嫌芝士太多架！所鍾意食芝士既朋友我覺得可以一試芝士湯。不過加清湯都有好處，就係淡淡既芝士味唔會蓋過曬火鍋配料本身既味道。手切新鮮牛頸脊

米走雞米走雞，一直都覺得佢好似一個口號咁! 好似我哋平時咁講唔好走寶呀!今日終於可以見識到個寶喺邊， 原來呢一間米走雞係一間雞煲嘅專門店， 嚟米走雞唔食雞煲真係會走寶呀!所以我就揀咗個火焰麻辣雞煲，小辣。 不得不讚呢個火焰雞煲，火焰唔係為咗增加嗰個效果，氣氛，而係將嗰啲雞嘅鮮味揮發出嚟， 好聰明嘅做法。 件件都係啖啖雞脾肉， 肉質唔韌。 白鱔片新鮮，唔會有太多骨。嗌咗啲吸味嘅油麥菜，新鮮爽脆。 仲有健脾嘅山藥， 一睇佢雪白無比就知喺製作過程中用咗方法保持佢嘅新鮮度。 口感係我最想食到嘅少許粉嘅狀態。仲揀咗幾塊寶㖭。由上而下 手打鮮蝦丸食到有原隻蝦， 手打鮮牛丸， 瑤柱鯪魚滑用陳皮提升鯪魚香味， 手打豬肉丸， 手打鮮墨丸有墨魚肉。 粒粒都大大粒，彈牙爽口，材料豐富。 呢個係一個可以拉到絲嘅芝士春卷， 而且又夠熱又脆。加一杯透心涼咸檸7，半個咸檸已香味十足。

環境4分：雞鍋店好多卡位，唔會坐得過迫，Ｄ櫈厚得都幾好坐，可以畀四分。衛生4分：地方都叫整齊，獨立電爐最安全，有齊乾濕紙巾都幾衛生，四分。服務5分：樓面伙計熟手又爽手，態度好又會教路點食芝士雞煲，仲不時會添加紙巾，畀硬滿分。味道5分：1)      個黃金芝士雞煲呢可以自選芝士碎份量，多少同價就梗係要激量。睇住Ｄ芝士滾到溶曬就食得。入面Ｄ洋蔥又爽又多汁，Ｄ雞件有白肉同黑肉，Ｄ肉大大舊都好滑好嫩，有兩款芝士互相配合，食起上嚟同啲雞好夾，真係濃郁而不膩！2)      食完Ｄ雞加湯就變做打邊爐，個芝士湯底真係幾得。3)      打邊爐Ｄ生菜同油麥菜又爽又脆。4)      慢慢食個芝士雞煲結果隊左八支青島。抵食5分：一個細芝士雞煲可以食到三四個人，二百蚊唔使已經夠飽肚，打邊爐嚟講呢廿幾蚊支大啤唔算貴，抵食可以畀五分。

前一陣子太忙了，好久無約朋友食晚飯，難得空閒即現身約朋友食餐雞煲^^銅鑼灣最就腳，渣甸中心米走雞，樓上餐廳地方寬敞寧靜，座位舒適。來之前已經想好心水菜 - 黃金芝士雞煲一鍋送上來的芝士雞煲，先加熱將芝士溶化，濃郁芝士香從鍋蓋邊滲出😋用料好足夠架，件伴雞都好有份量，3個人每人都分到2-3件雞！我估這芝士煲有一隻雞的份量🤔食完雞都未夠架，加湯隨即變成芝士火鍋邊爐，整個辛辣麵或出前一丁試下先配店員推介的黑蟹籽墨魚滑，口感尚算彈牙爽口，但估計沒有店員說的那麼好吃吧不過以往吃火鍋都是人擠位少，難得有舒適的沙發卡座，很不錯的環境唷

雞煲平日就食得多，米走雞的芝士Crossocver雞煲，這個配搭夠新穎邪惡，決定與友人一試。餐廳地方闊落，座位舒適，很適合一班朋友聯誼聚舊。我和友人先點店家名物芝士雞煲(小)($158)。雖然是小份量的雞煲，雞件的份量很多，亦夠嫩滑。最驚喜的是紫洋蔥、香茜與芝士的組合非常夾，雞件既有芝士的濃洧，也有蔥段的清香，值得推介!吃完雞煲後，店員會把雞煲加湯變成火鍋，可選清湯或芝士湯，我選擇了清湯。點餐紙有不少火鍋配料可供選擇，我揀選了店家的創意組合手打五寶丸，彈牙的蝦丸、墨魚丸、豬肉丸、配合芝士湯汁，吃起來格外爽甜。特別推介綾魚丸，有陳皮的清香。我們還點了火鍋必備的鮮蝦雲吞，雲吞皮薄餡多。還有一份油麥菜和雜菇拼盤，也是大大份的不欺場呀!作為火鍋店，看到米走雞在傳統中推陳出新。對於一眾芝士迷，這裏的芝士雞煲相信能讓你大感滿足。

話說我哥哥係芝士狂人 只要係芝士既野我都好鍾意食平時唔洗雞煲既哥哥見有芝士食就話嚟試下其實米走雞我食過好多次 每次都覺得質數唔錯既一嚟到就先叫左大既黃金芝士雞煲($238) 佢寫係for四個人既一上台見到超多芝士啊 好似好正咁加蓋煮一陣就食得啦d雞全部都係雞脾肉 每一舊都好滑嫩而且舊舊都可以充分被芝士漿包圍食到好香濃既芝士味但又唔算太流今次雞煲既芝士味係我食過最濃既 真係好正🤤食曬d雞就可以加湯打邊爐啦湯方面可以加芝士湯或者清湯芝士狂人就梗係加芝士湯啦今日我地揀左最貴既手切特級霜降和牛紋理幾靚 但我覺得稍微唔夠紅味道都唔錯 肉質夠淋而且牛味濃但其實我之前喺度食過最普通既肥牛都覺得係好食既和牛都唔係真係好食非常多所以其實下次叫番普通肥牛我就覺得ok西班牙黑豚肉反而有驚喜肥瘦適中 每一塊都好大片食落唔會覺得un仲係超級重豬肉味平時打邊爐唔太中意食豬肉既我都不自覺食左幾片另外都叫左幾多配料個人覺得牛栢業幾好食因為佢可以沾上好多既芝士湯🤤平時通常叫出前一丁今次就叫左紅薯粉紅薯粉煙un掛湯能力都充足 唔會差過出前一丁手打鮮墨丸我就覺得好普通啦佢比起普通丸都貴幾多但我覺得質數同普通丸差唔多食唔到手

昨天家人生日，見有好多like, 便一家5口齐齐試雞煲。我們叫了黃金芝士雞煲(小),火焰麻辣雞煲(大) 及其他火煱配料。最令我們失望的是兩個雞煲裏全是雪藏大大件的雞脾，没有雞翼也沒有雞胸。而雞脾肉也不滑，頗"鞋"口。本人之前也試過其他店铺的雞煲，上枱時是原隻己斬件的雞塊，是有胸，有翅的。兩個雞煲共$406 (未計加一), 主要食材只是幾隻雪藏雞腿和洋葱，其他火煱配料也偏貴，感覺是物非所值。

黎到呢好應該試下佢地個招牌雞煲，但我地得兩丁友，我又心思思想食多d花款，所以都係打個靚邊爐算了～星期日晚六點幾黎到，都有好幾枱人已經食緊雞煲。我同朋友填左10分鐘先揀好野食。。餐廳會上醬料盤，你可以慢慢自己配搭。湯底好快上，個煲size 兩人食幾好。最正係湯底好多料，豆腐粟米紅蘿蔔仲有好多芫茜！娃娃菜夠鮮甜，我地叫半份都好大份。紅薯粉記住唔好煮太耐，會淋。個粉好有咬口。冬菇靠得住，夠新鮮。之後ge五寶丸，有蝦丸墨魚丸牛丸豬肉丸同鯪魚球。最中意蝦丸，一咬d蝦味出哂黎。粒粒丸都好彈牙，唔點醬都夠味。四拼餃，水餃係我首選，大大隻入面d木耳勁爽口。仲有韮菜餃牛肉餃雲吞。最後個蜂巢豆腐，吸哂d湯，好正，但唔好煮太耐啊，始終都係豆腐。

對上一次黎食米走雞，仲好回味，k 先生睇過我的相後一直都好想試，今次一於同佢黎一齊食～ ^^今次黎到銅鑼灣分店，環境都幾寛敝，坐得舒服～呢到除左有黃金芝士煲外，仲有火焰麻辣煲，我地今次係衝住芝士煲黎嘅～我地點左個小的芝士雞煲($178)，可以足夠2-3個人食，不過由於佢地的份量真係超級充足，如果細食的女生其實可以夠3-4個人都冇問題～芝士份量可以揀小量，普通同激量，因為我地太鐘意食芝士，所以好貪心甘揀左激量。指定動作，先來一些蔥，蒜和辣椒～黎到的時候，滿滿的芝士份量相當吸睛，芝士的份量真係超級多，差不多堆疊到煲頂，煲內仲有大量洋蔥，中芹，芫茜，乾蔥等。把雞煲加熱後，香氣四溢，空氣中瀰漫著好濃厚的芝士味。煲左5分鐘，D芝士溶溶地就可以食嘞每塊雞件也沾滿了大量的芝士，雞件用上雞腿的肉，每塊都啖啖肉而且非常滑口。食到一半後已經開始飽，早知一開始唔好點激量芝士，點普通份量其實已經好足夠。打邊爐的湯底可以揀芝士湯或清湯，由於個煲仲有好多芝士，我地㨂左清湯～特級雪花肥牛$158打邊爐又點可以冇牛肉，原本打算食最高級個隻霜降和牛，但因為已經差不多吃不下了，以免浪費了高級食材，所以最我們還是點了一個較

講起食雞(唔係打機個隻食雞WO！)，雞煲真係完勝炸雞或者其他煮法，特別係一班人gathering特別方便。講真句，一班麻甩佬食飯，有咩好得過打邊爐或者食雞煲呢。作為一個芝士控，一早就睇中左米走雞個芝士雞煲。又有芝士又有雞煲，一次過滿足我兩個願望，冇得頂呀喂！魚皮同響鈴一向都係打邊爐必備既，魚皮大大片脆卜卜，加埋芝士食真係幾過份XD 響鈴更加正，比芝士煮到小小腍就食得，索哂D芝士味好正！雞煲一上台已經好吸引，因為叫左激量既芝士，所以芝士完整地鋪滿左成個表面。之後要既就係等待，等D芝士溶同煮滾D雞就食得！等左5分鐘左右，D芝士已經溶哂，雞都Ready啦！一夾起舊雞，D芝士就痴住哂雞既表面，芝士帶有少少酸，香味十足，包住一舊舊雞，真係好正！雞肉好嫩，因為有芝士所以唔會好似平時雞煲咁油膩，感覺上食得更加爽！食完哂D雞之後就叫人加左個芝士湯底，正式打邊爐囉！羊肉幾令，唔會太肥而且肉既顏色幾令，唔會太黑太暗，証明都幾新鮮打邊爐點可以冇丸呢？味道都唔錯，又好食價錢唔貴，抵玩！