米走雞 (昭德大廈) (已結業)

早前同友人放工後約去長沙灣，介紹返友人係一個芝士控，什麼韓式芝士排骨，芝士撈麵佢都已食過哂。佢咁岩經過見到呢間 外表平平無奇的火鍋店，竟然有「芝士雞煲」，實在太太太吸引！所以一場黎到 就一於好期待地試試。😍我地到達已經過左晚市時間，火鍋店都仲爆場，😯剛好有一抬客埋單，我地等左2分鐘就入座。因舖子唔大，晚市都建議大家訂座比較好啊。嘩，見到每抬金黃色既芝士煲 真係會好興奮架😁我們先點了 2-3人份既黃金芝士雞煲（小）$148睇見已經流口水 。。。材料豐富：芝士，洋蔥，香蔥味道一d都唔咸，好香濃既芝士呀！雞肉夠嫩滑，芝士好入味！圖文並茂介紹正宗芝士雞煲秘訣👍🏻食完雞煲其實兩個人都有6成飽，都仲有些quota 再叫幾款打邊爐配料，點都唔好哂左個芝士底！。又係喎，有幾可會用芝士湯底打邊爐呀！我就第一次。呢個翡翠苗 我個人認為係必食首選，因為真係好新鮮脆綠，好爽，唔好淥太耐，滾一滾脆口剛剛好！配埋芝士汁既味道，包你未試過咁爽！Wasabi 丸都係推介，唔會好攻鼻，魚丸又彈牙，中間流心，雙重口感，一個字，正呢個就係加左芝士湯底 要來打邊爐，係金黃色架！湯底唔會稀，但就勁濃芝士味，好特別，尤其喜愛芝士

星期日一行3人嚟到長沙灣食芝士雞煲。叫左1個2-3人分量嘅芝士雞煲,同一啲火鍋料(牛丸.芝士腸.金菇.娃娃菜.出前一丁......)芝士雞煲啲雞煮到好入味,一咬就有好濃嘅芝士味。食完啲雞,就可以加湯食火鍋,其中手打四寶丸味道一流。下次一定再去,試多啲野。

我已經食過2次米走雞啦 由於太好食想食多次啦 味道幾好 環境啊服務都係正正常常甘啦你睇 充滿超多芝士 好野咪 又入味 我係芝士迷 非常仲意食 個煲甘大 又幾多雞 幾足料 都係188食到我就黎上天堂 最好就冬天食 暖粒粒同埋要成大班人食先熱熱鬧鬧嫁

見之前既食評講到好似有好多人排隊等位咁, 所以我4-5點果陣就whatsapp book定枱亦都見大家既平均用餐價錢有點高 所以原本都有點怕店有分兩層 樓上的是在旁邊唐樓的一樓 一進門香氣撲鼻是次點了:芝士雞煲(大)肥牛(小)冰巢豆腐芝心丸(半份)芝士腸(半份)雞片手打四寶丸竹笙墨魚滑響鈴魚皮餃翡翠苗出前一丁 X2雞煲雞肉好滑同都算大份, 伴有紫洋蔥同芝士醬, 又香又惹味, 店員提醒不要攪動以免黐底食完雞之後就開始打邊爐 呢度好既地方在於佢地係加芝士湯 所以唔會越食越淡肥牛 - 肥既地方唔會太多 唔會好似有D店食左好似無食咁竹笙墨魚滑、響鈴、冰巢豆腐 - 吸收芝士湯既精華 令到食物味道更加昇華手打四寶丸 - 打得好企身 坊間有D係夾一夾就扁/爛左 呢度完全唔會!翡翠苗 - 其實係咪即係溫室豆苗 一直有呢個感覺到最後特登再D湯滾到D收汁咁 再落兩個出前一丁落去 變左芝士撈丁 好好味 店員收野果陣都話我地好好 成到一滴汁都無 哈哈雖然食既野唔算好多 不過都足夠填飽五個人既肚 價錢又唔貴! (重點

昨晚9-10點左右到達鋪頭坐了7成客人 不用等就有位了坐下立刻叫一個大芝士雞煲和一杯凍檸茶5分鐘左右就來了耐心等雞煲滾起後發現冇店員來幫手攪拌就舉手示意她們來幫忙此時 一直玩弄緊魚缸的兩位年青男老闆則跟我說不用攪拌 這樣更好吃這令我感到不快你是忙著玩魚缸沒有空 才說不用攪拌來膚衍食客嗎？光顧這店已經有6次每次店員都會主動來幫手攪拌並說攪溶芝士才吃得到老闆不負責任的對答真的很失望我再堅持要求攪拌 老闆更說：你要攪啊嘛，攪攪攪攪 並示意女員工來幫我態度差到一個點更向女員工遞上一塊用來抹魚缸內裏的污糟毛巾用來隔著煲邊的熱力雖然不是用左煲內 但都很嘔心 想像一下整條毛巾沾滿青苔 魚的排洩物 胃都反出來最後 沒有再叫配料 怕「被加料」 吃完就走老闆們全程都是黑口黑面走的時唯獨沒有向我們就多謝再見*不過食物質素冇變 一樣好吃*另外要讚賞一下 一位短頭髮後生戴眼鏡的女侍應 對上幾次都是你服務我們 不過昨晚你卻不在 每次就算很忙時都會很熱情招待每位顧客 態度主動 老闆們應更向這位女員工好好學習 不要持著多客食 出了名就求求其其

今日一行八人黎到米走雞廢祝朋友生日，好好彩，Walk-in 都安排到座位大約齊人先可以入座，所以等左20分鐘左右。之後靚姐就帶左我地上上層，個度既環境好似屋企我地點左個芝士雞煲，睇下係咪真係咁好味。個芝士雞煲一上台就見到佢既邪惡，好多芝士碎係上面！除左芝士，仲有好多洋蔥同雞塊。先講湯底，我係芝士控，所以我覺得好正，芝士味好濃，個人認為濃得黎未去到好漏，岩岩好；不過同行友人唔係芝士控就會prefer 麻辣雞煲多D，食多2 啖就覺得漏．再講D 雞肉，其實肉質係OK，幾嫩，不過真係切得太碎，好細粒　如果可以大塊少少會更加好。再講D 火鍋配料，我地叫左牛肉，墨魚滑，公仔麵，烏冬，芝士，雜菇，蜜糖凍豆腐。個人認為墨魚滑好味，好有鮮味，而家好彈牙! 　牛肉就OK，可能配芝士唔係太夾。而廚師腸就麻麻，因為唔係個隻牌子　一食就知! 其他野都OK既正正常常!個人認為食芝士雞煲配公仔麵係會夾過配烏冬，另叫多2塊芝士鋪係面，簡直正呀總括而言，米走雞其實都做得唔錯，首先服務真心覺得幾好，店員都好幫手好主動，尤其是個個姨姨　個日有朋友生日，無收砌餅費，成晚都坐得幾舒服。食物質素OK，有D 配料偏貴。慶祝生日或者

之前見到哩間芝士雞煲幾出名，所以去試下。叫左個芝士雞煲（小）$148芝士味濃，味道不錯，同埋叫左少少配料。可能食芝士比較漏，所以好快飽左。不過差不多食完d雞的時候，因為有d澀，所以我地只想加少少湯。我地叫侍應幫我地加少少湯，然後我地係咁叫佢停，夠湯，但個侍應依然唔聽，我拍住佢個湯壺叫停，佢都無停，最後倒哂成壼落去，佢仲要話：'下太多咩' ，我心諗個湯淡左好多，明明已經叫你停。。。。。這令我們有點生氣

食完一次呢間嘢之後真係一試難忙，所以今日決定食多之先。 今次揀咗芝士雞煲，煲內有兩種芝士同大量洋蔥非常惹味。 芝士雞煲：煲滾之後已經傳來陣陣芝士味，而雞肉彈牙連同芝士一齊食唔會過咸而且好惹味，夾起雞件果陣仲有拉絲效果。 雜菜拼盤：主要菇類為主，材料新鮮，而且食完芝士雞好岩食多啲蔬菜。 芝士麵：食得芝士緊係食埋芝士麵啦，而且仲叫多兩塊芝士加入去，而食落去有勁多芝士味，而且非常滿足。

米走雞係openrice食評都係好評如潮，今日day off，就同兩個顆記到來試下。我地係第二台客，坐定之後陸陸續續再有其他客入座。我地舉手要落單，但係waiter竟然係serve遲嚟的客，總係好似睇唔到我地呢台，直至要大聲喊叫。香濃芝士雞煲 (小) $138我地3人叫左個細的雞煲，覺得雞件都算多，所以細雞煲，3個男人都OK！芝士味好濃，但對我個朋友嚟講，佢就覺得好臊，而且好膩口太杰身，同雞肉唔夾，不中不西。我反而覺得呢個雞煲的配搭都唔錯，只係芝士太杰身，太高熱量，做幾多運動都妳好難消脂。環境仲好鬼嘈，餐廳又太過迫，滿地油立立，人手又不足，唔太適合我地。去第二間再食過。

重慶雞煲你可能食得多, 但芝士雞煲又試過未呢? 講真, 我聽過大胃女神去食完之後, 飽到頂住個肚到第二朝都食唔落野, 同埋一聽到芝士都深感飽漏, 但稀客老友提議去挑戰下呢個傳說中既芝士雞煲, 實行去拜會一下佢咁話!自從轉左係荔枝角上班, 就好似由一個地獄(觀塘)去到另一個地獄荔枝角), 相信係工業區番工會好明白此時此刻心情, lunch出去搵野食, 多人到呢, 相反夜晚就水靜河飛, 呢晚我同老友係荔枝角一直行去長沙灣, 話遠唔遠, 話近唔近, 行左20分鐘就到, 一於當熱身消耗下D體力, 再同雞煲戰鬥一番未夠七點, 好彩未見有人潮, 店員安排了一張二人桌俾我地, 但我個心係到諗, 張桌咁鬼細, 放左個雞煲仲邊有位放其他野? 佢地張桌旁邊有個兩三層既架, 可以放下野食, 地方淺窄, 冇謂放到一桌都係啦~既然兩個人小小地點都要整番個招牌黃金芝士雞煲(小), 份量足夠2-3個人, 朋友仔仲話食呢個雞煲要出”超必” (其實係…唔係lunch留肚, 留qutoa夜晚食盡佢……),正所謂人出錢, 你出命既原故, 抵諗D就捨命陪FD子啦個雞煲就唔可以話好大個既, 同埋食哂D雞, 可以再加其他火鍋材料

媽媽生日想食特別啲嘅嘢，尾尾就提議去食芝士雞煲(其實係自己想食)。因為訂左6PM，所以去到唔駛等就入得，不過當日星期六去到7PM其實都仲有空枱，可能係有人訂左位呱。我地三個人叫左個黃金芝士雞煲(小)、牛頸脊(小)、蒙古羊肉、竹笙墨魚滑、生菜(全份)、出前一丁同稻庭烏冬。落單後好快就上左黃金芝士雞煲($148)同配料，有個架放配料唔駛怕成枱都係嘢，都幾貼心。芝士雞煲大火滾左就可以食啦，放左好多芝士喺面，夾起時有牽絲，好正呀！因為芝士始終係膩啲，所以細嘅芝士雞煲(2-3人份量)就啱啱好。雞煲用左雞脾肉，醃得入味，肉質好滑同埋有肉食，唔係淨係得骨。連唔太鍾意芝士嘅爸爸都食左好多塊見好多人推介牛頸脊($188)，所以都叫左黎試下。脂肪分佈都算均勻，肉質好腍，有香香嘅牛肉味。雖然係好食嘅，不過咁嘅價錢同質量(唔好以為有好多下面鋪左一左蘿蔔絲小山)，都係覺得有啲小貴蒙古羊肉($98)肉質好腍，都幾膻。不過因為我地一家都好鍾意食羊肉，所以覺得都幾好味。怕膻嘅朋友就唔好叫啦~ 雖然唔差，但係未算係好好食嘅蒙古羊肉。竹笙墨魚滑($88)有新意！唔記得左影未煮之前個樣...爽口竹笙包住彈牙墨魚滑，口感唔錯

今日5:30至決定去試, send whatsapp去碰運氣訂位, booking滿哂. 去到留低電話排隊, 到有位時打翻俾我, 我覺得呢個做法好體貼!! 但我唔醒目, 竟然miss咗佢哋一次call, 好彩佢再打嚟, 我又行得遠咗, 要啲時間行翻去, 佢哋又肯留張枱俾我, 超感動!!   去到舖頭見好多人喺門口等緊, 仲有一個女人問點解有張枱空咗, 老闆話留咗俾人(即係我), 再次感動!! 諗翻都覺得有啲驚險, 好彩無俾人搶走張枱 講翻嘢食, 我同太太都覺得個鍋嘅湯底有好濃好香嘅芝士味, 因為除咗本身個湯係芝士湯外, 上面仲放咗好多芝士, 所以食起嚟味道特別香濃. 至於用料方面, 啲雞好滑同好多肉(好多雞脾肉), 重點係數量好多, 準確啲講係非常之多, 食極都好似仲有, 好抵食! 淨計個鍋都有80分:因為太為食, 另外點咗好幾樣嘢: 響鈴, 雪花肥牛, 魷魚, 蘿蔔, 豆腐, 三菇拼盤, 油麥菜. 響鈴本身好脆身, 想食脆啲就起咁易淥一淥. 但我覺得都起浸耐少少好食啲, 因為響鈴吸咗芝士湯之後仲好味. 雪花肥牛新鮮又大碟, 幾抵食. 不過, 唔知係咪芝士火鍋嘅溫度同一般火鍋唔同,

香港係一個彈丸之地，交通方便，加上通訊快捷，食肆只要有實力夠GIMMICK,開喺邊都一樣有捧場客。早十年食雞煲嘅潮流由大陸傳到香港，迅即掀起熱潮，雞煲店成行成市，梗有一間喺左近，開得多食得多自然少咗新意。早幾日喺網上見到介紹芝士雞煲，以為又係鬼佬芝士火鍋，睇真啲原來真係芝士同雞煲兩樣重口味CROSSOVER!無理由唔叫齊腳試吓嘅。 呢間舖由幾個年青老闆經營，連BOOK枱都與時並進，可以用WHATSAPP預約，由於我哋即興想食，唯有到現場排隊，一去頭已經有人等位，全場爆滿，等咗大概一個鐘先有得食。舖頭裝修簡約乾淨，座無虛設但不覺擠迫。 喺門口見到大大個燈箱賣廣告，主打黃金芝士雞煲同火焰麻辣雞煲，今日一於打孖嚟試晒兩款雞煲。 黃金芝士雞煲(大)$188芝士湯底比起芝士火鍋仲要杰，但煲入面有芝士雞湯打底，加埋大量乾葱同洋蔥，略略加熱已經「芝」味濃郁，漸漸溶化成芝士湯。雞煲用晒雞髀肉，啖啖肉，用力一夾已離骨，雞肉鹹香，啖啖邪惡美味😋😋有芝士當然唔少得一丁麵，將麵烚到剛剛腍，一夾上嚟沾滿芝士汁，稍為攤一陣，等芝士完全黐實麵條先食，真係超美味😋

我地一行四人，叫左個3-4人份量的雞煲，真係好多芝士！而且雞的份量都幾多！芝士亦都好正！一d 都唔"溜"，超正！ 響鈴⭐️⭐️⭐️⭐️餃子⭐️⭐️⭐️戶絲⭐️⭐️⭐️⭐️肥牛。冇相⭐️⭐️⭐️⭐️⭐️正蠔。冇相⭐️⭐️⭐️⭐️竹苼墨魚⭐️⭐️⭐️⭐️⭐️正，必食！

韓式芝士雞就試過，芝士雞煲第1次試，好期待因為平時都係麻辣雞煲多。呢度配料可以選擇半份或者一份，價錢亦親民，叫半份呢個主意好讚同，如果2，3人黎食，因更加可以大肆叫多幾款唔同種類既配料啦!除左芝士雞煲，配料就選擇左竹笙墨魚滑，牛肉，蜂巢冰豆腐，響鈴。叫左份細既芝士雞煲, 份量唔少. 芝士汁方面, 係芝士醬配上芝士碎同紫洋蔥碎灑於芝士汁面, 芝士汁亦都幾杰身濃厚。當個芝士汁慢慢地煮熔既時候, 散發著好香濃既芝士味同洋蔥香氣, 令人忍唔住要馬上品嚐!每件雞都包住濃厚芝士汁，啖啖雞肉口感鬆軟嫩滑，配上溶化左濃郁既芝士汁, 完全唔會感覺油膩，呢個配搭好好味呢!食完啲雞，店員就會加芝士湯並唔係加水，咁就可以KEEP住芝士既香味, 可以打邊爐喇。招牌竹笙墨魚滑絕對推介，因為個竹笙浸滿哂芝士汁精華，墨魚滑又彈牙，竹笙又爽口, 層次分明, 美味可口! 其他配料味道都唔錯，響鈴係新鮮炸, 配上芝士汁.....好邪惡呢~ 至於蜂巢冰豆腐, 又係浸滿芝士精華, 又嫩滑又有芝士咸香, 好味道!不過食完個雞煲其實已經有半成飽左，加埋火鍋配料，食完真係飽到要捧住個肚走。