米走雞 (昭德大廈) (已結業)

米走雞已光顧過太子, 銅鑼灣. 這天約了住荃灣的朋友, 長沙灣理所當然成為最就腳選擇. 長沙灣的米走雞較其他分店小, 裝修保持整潔, 以4人/6人卡座為主. 這裡有芝士及麻辣雞煲兩款, 只有2人的情況, 點芝士會怕稍為膩口, 點個小麻辣的雞煲較為合適. 麻辣雞煲的雞件已預先煮至半熟才上桌, 麻辣汁則待上桌後在客人面前即時處理. 芫茜, 洋蔥及辣椒的香氣撲臉而來. 裡頭的雞肉件件大塊肉厚, 肉質嫩又入味, 小麻辣的程度又香又麻. 每次光顧米走雞, 牛頸脊變成了我的必然選擇. 牛頸脊的肉質腍滑, 牛味比一般肥牛來得突出. 即使用上麻辣湯底牛味仍然十分突出. 這個是我最愛吃的必然選擇, 亦正好今天的朋友是海鮮愛好者. 哈哈哈中寶的大小, 差不多有一件雞扎的大小. 上頭放的是蟹籽, 外層則是蝦滑, 裡頭則包有原隻蝦肉. 超級彈牙的口感. 彈牙的墨魚滑包在軟腍的竹笙內, 雙重口味, 吃起來充滿湯汁的味道. 翡翠苗較不常見, 鮮嫩爽口. 油麥菜則較為常見但亦新鮮. 最大的好處是每樣均可以點半份, 適合人少時點菜. 蜂巢豆腐其實從來未吃過, 是朋友要求點的. 上桌一看原來是冷過的豆腐, 表層像是有蜂

話說我有個好友佢好鍾意食芝士， 芝士炸雞、芝士pizza……總之見到芝士就覺得好吸引同好想食佢落肚！ 於是乎我今日就帶佢來試下米走雞， 米走雞以芝士雞煲做到響曬朵， 嗰陣時我日日放工行返屋企都見到條龍排到出曬門口， 不過而家開多咗幾間分店之後就無見到條長龍， 想食時都方便好多就咁walk in就可以~ 一坐低當然係整番個細芝士雞煲先啦！ 其實呢度除咗芝士雞煲仲有麻辣雞煲選擇， 甚至乎如果唔想食雞煲就咁嗌普通湯底都可以！ 說時遲那時快，熱騰騰的雞煲話咁快就火速送到！ 打開個蓋睇下，真係勁多雞件！而且勁多芝士！ 厚厚一層芝士好像初春踏雪一樣輕輕覆蓋住啲雞， 真係睇見都好興奮呀！ 因為雞件本身已經烹調到熟熟地，所以大概5分鐘之後就可以食得了！ 溶化了的芝士好像岩漿般呼出氣泡來(≧∇≦)有趣有趣！我最鍾意食呢度個雞煲，係因為呢度啲雞全部都係雞髀肉， 唔會有骨慘慘的背脊骨又或者鞋颯颯嘅雞胸， 保證全部都係啖啖肉有嫩口嘅雞髀肉！ 再配埋流心芝士， 超邪惡但係超好食呀！ 點的雖然是小雞煲，但是雞腿肉好大件，而且有成十幾件，兩個人食完都半飽，唔係講笑！ 我覺得四個人都夠食，一人都應該分到一隻雞腿！

天氣凍凍地，就係食雞煲嘅時間啊。我地一家人又約埋一齊食雞煲，仲要食我哋最鍾意嘅芝士雞煲，夠晒惹味。首先梗係落咗個芝士雞煲先啦，我哋就叫咗個細嘅芝士雞煲，咁就唔怕食唔晒。芝士味真係好濃郁，仲要每件雞都可以拉到起絲，加埋啲呀蔥，蒜頭咁更加香。而且雞肉啖啖肉，只係有少量嘅雞有骨，真係好惹味。食完雞煲我哋就可以打邊爐，呢間餐廳好貼心，仲可以有啲蔬菜可以揀半份，咁就唔怕食唔晒。將個煲加番啲芝士湯就可以變成芝士雞湯煲啦。為咗驚我哋打邊爐會熱氣，所以我哋就叫左竹庶水，味道甜甜地，好好飲。入面除咗竹庶之外仲有紅蘿蔔粟米等等...好足料咁。我哋仲叫咗蝦丸來打邊爐，呢度啲食物真係好足料，粒粒蝦丸都好似乒乓波咁大，味道爽口又彈牙，仲可以食到蝦仁嘅質感肥牛方面我哋叫咗新鮮牛頸脊，呢個部份嘅牛肉杯比肥牛更加有肉味，而且顏色鮮紅、好新鮮。肉味好重，滿足到視覺同味覺嘅享受整體來講，依度地方好舒服、唔會俾人覺得好逼夾嘅感覺。而且地方好有中國古典嘅氣息，好古色古香。食物嘅質素又唔錯，價錢又合理，所以性價比好高

喺長沙灣附近睇吓有乜嘢食，突然間好想食雞煲，兩個人就去咗幾間店舖連住嘅 《米走雞》試吓。呢度出名係芝士雞煲，但係我見到一個更加吸引嘅「火焰麻辣雞煲」，係店舖嘅獨家之選，兩個人就叫咗最微辣。「火焰麻辣雞煲」雞件份量多，面頭有好多醬汁同埋洋蔥等等，隨即店員就攞起Gas捧點火，第一次見到雞煲會着火，好壯觀。而雞肉肉質滑嫩，非常入味。餐紙上多款食物選擇，有海鮮、肉類同埋蔬菜類等等，還有啤酒、汽水任君選擇，我朋友就叫咗一杯「凍檸樂」。「虎蝦」一份虎蝦有六大隻，只需要灼一兩分鐘就食得，肉質爽口彈牙，好新鮮。「新鮮牛頸脊」（大）份量非常多，而且每一片都好大塊，條紋相當平均，食落去有好濃郁嘅牛肉味道。「蒙古羊肉片」大約有七八卷，一啲都唔「騷」，而且有非常新鮮嘅羊肉味道。「鮮製四拼餃」當中包括鳳城水餃、鮮牛肉餃、鮮蝦雲吞同埋鮮製韭菜餃，每一隻都好大隻好足料，特別係「韭菜餃」，皮薄饀靚，脹卜卜大大隻。最後再點了半份「油麥菜」同埋「手打五寶拼盤」，同樣地都係新鮮美味。

知道長沙灣有一間 《米走雞》，朋友們食過都讚好，急不及待入去試吓。餐廳環境舒適寬敞，還有卡位，而豉油醬料都比較多選擇，最重要有我鍾意嘅紅辣椒絲，醬汁可以自由配搭。隨即叫咗一份「火焰麻辣雞煲」，賣相非常吸引，而且遠處都聞到好香、好惹味嘅雞煲味道，醬汁creamy加一點辣更為滋味。而每一件雞都是多肉少骨，雞肉入味，最驚喜就是雞件呈現火焰，非常新奇特別。牛魔王驚我們當然不少得要點「新鮮牛頸脊」，我們選了大嘅份量，食落去口感軟綿綿，果然新鮮美味。另外再叫多一份「蒙古羊肉片」，同樣地都係新鮮即切，羊肉味香濃。海鮮方面就點了「虎蝦」，最意想不到就是大蝦有我手板咁大隻，煆殼煆肉容易分離，啖啖肉好正。食咗咁多肉，當然要叫番啲蔬菜嚟食吓，我哋兩個人就叫左半份「油麥菜」，蔬菜新鮮爽口，而且雞煲嘅味道滲入曬蔬菜入面，食落去非常入味。最後還叫了「鮮製四拼餃」同埋「手打五寶拼盤」，兩款食物都係新鮮手打製成。「手打五寶拼盤」中嘅鮮蝦丸更為出色，食落去每一啖都有蝦肉。飲品方面都多款選擇，食咗咁多野最後埋單都只係$1000有找，最重要係海鮮肉類非常新鮮，值回票價。

今日去左長沙灣等朋友收工，佢話要食雞煲，我即刻諗起米走雞，上次個好正既芝士雞煲仍然回味中！🤤🤤上次試過芝士雞煲，今次當然想食辣雞煲，但見到有少量食評好似評價一般（通常我睇劣評先），又有d十五十六驚失望，不過抱住唔試唔知，試左先知，所以都係去試下！價錢唔貴，$158（2-3人份）雖然無講半隻定一隻，但份量確係幾多，偷聽到隔離枱都邊食邊問點解咁多雞火焰麻辣😮真係有火架🙊憑良心，雞份量真係唔少，啖啖肉得黎唔係得個滑字，重有雞肉既un勁唔會過淋個煲真係做到有麻有辣越食越辣加湯重可以揀清湯同辣湯，岩曬食辣既人唔洗擔心食完頭過就無曬味個湯底！出面好多雞煲只可以加清湯半份油麥菜$22、半份蘿白$18、薯粉$14蘿白超甜無渣，又入味，虎蝦$98新鮮又大隻爽口彈牙🤤🤤特級雪花肥牛（小）$128碟牛又靚又新鮮塊塊都好大片，都有成十幾廿塊咸檸七$16、藍妹大支$35埋單連加一$574質素真係唔錯👍🏻👍🏻辣雞煲黎講呢個暫時係今年食過最好食！

米走雞有幾間分店 ，太子和觀塘， 我都去過 ，但呢間長沙灣分店就第一次嚟。 店舖是在大街 地下 ，容易見到 ，交通很方便， 只需搭港鐵 長沙灣2c出口 ，行數分鐘就到。我食過其他地方的芝士雞煲 ，但 咪走雞的芝士雞煲 特別好食， 芝士特別多，而且 雞件厚肉， 每件雞都充滿濃郁嘅芝士雞味 ，非常香口惹味， 喜愛食芝士的我， 真是 唾涎三尺。食完雞煲後，可以 加入濃湯作火鍋湯底， 火鍋材料有很多選擇 ，有大塊 紋路鮮明 ，薄切的肥牛 ， 只需滾兩三下就可食得 。每碟有六隻 的 虎蝦， 大大隻 ， 新鮮 爽口 。新鮮彈牙的手打的五寶丸。 蜂巢 冰凍 豆腐 ，還有精心製作大大件的蝦中寶也是必定的 火鍋 選擇。仲有清甜， 解渴 ，清熱 的竹蔗茅根飲品 也是 不錯。 就算吃了火鍋都不怕 會上火。

 放工後經過 長沙灣 ，看見 有間米走雞 雞煲火鍋 店， 裏面坐滿食客 ，每枱 上 都 是食雞煲， 想必這間 雞煲火鍋店的雞煲 ，必定很吸引好食，所以引來很多客人 光顧。 我和同事 都想 一嚐這間 火鍋店的雞煲。餐廳內 雖然坐滿客人， 但也不算擠迫 ，環境清潔 ，整齊。我們先選了一個(細)芝士雞煲， 但分量已經 足夠 四個人 分享， 芝士雞煲的芝士 粒 特別多 ，在 煮兩三分鐘後 ，把所有芝士容化，釋放出 芝士 的 濃郁香味， 每件雞都是 用大大嚿 的 雞髀肉 做主菜，雞肉 黏滿了芝士及 充滿 洋蔥香味， 濃味的芝士雞 肉 滲出 香 濃芝士汁，雞肉嫩滑。食完雞煲後 肚子已經飽了， 再加入上湯，嚟多一碟韭菜 餃子 ，一碟有八粒 ，每碟88蚊 ，韮菜餃 大大粒 ，皮薄， 餡多， 咬了一口 ，濃濃流出 韮菜餃 內的餡汁， 非常惹味。

秋風起，天氣終於涼涼地，最啱打邊爐！接完男友放工去左就近嘅米走雞到開飯，原本我諗住叫個湯底打邊爐就算，點知男朋友一聞到四周嘅芝士味就嘈住要食芝士雞煲，好啦，一於試下啦！長沙灣分店都佔左兩間地鋪，入座後就開始叫野食啦價錢都幾抵食，有啲配料仲可以叫半份，多人嚟食又得，兩個人嚟食又得！先上枱嘅係芝士雞煲，雖然叫左細份，但份量都多到我眼都突埋，一邊同男友講：「啦你話要食架，食唔哂你包底呀！」雖然咁講，但芝士拉絲永不嫌多，芝士、西芹、洋蔥配合起嚟嘅化學作用令人難以抗拒！食食下都差唔多食哂，但奇怪地又唔覺得膩喎。加埋芝士湯就開始落邊爐料啦！食左咁多肉緊係要叫啲菜平衡下，食肉獸男友唔食菜，我叫左雜菇拼盤同半份生菜比自己食，啱啱好！洗得好乾淨，出面食金菇硬係好多泥，呢到啲金菇白雪雪！特級雪花肥牛(細)，細左架啦？咁大咪好大？老闆會唔會太大方靚靚雪花加上一定厚度，肉味濃，正！＄38牛柏葉又係多到呆左，未試過打邊爐叫牛柏葉有呢個份量！花膠不得了！又大又厚！煮一陣變左軟綿黏口，唔同有啲餐廳煲一年都係爽到薯片咁！必叫！廣島蠔好重蠔味，唔太縮水，鮮甜好味！打邊爐點少得汽水？今次叫凍檸樂、凍檸七，最鍾意原罐上！保

已經食過幾次，次次都冇令人失望。每次帶朋友去食，未食之前佢地都驚會好漏。不過個個一食，就停唔到口，今次都唔例外。事關呢個雞煲啲芝士份量適中，唔似韓式果種芝士鍋咁，啲芝士滿到瀉⋯⋯而雞本身醃得好好，又滑又juicy，配上芝士一啲都唔覺得膩。除左個雞煲本身，其他火鍋料都好新鮮特別，例如佢地自家製嘅響鈴，又大舊又鬆化。佢地啲手打丸又係無敵，老套講句真係爽口彈牙又多汁，個人最欣賞係牛丸同wasabi墨魚丸。不過有返咁上下質素，個價都會高少少，配料每碟價錢同出面續碟叫嘅火鍋店差不多。雖然唔平，但個人認為都值得食，間唔時同三四個fd一齊食就perfect。唯一美中不足係啲炸蒜、葱、辣椒果啲要另俾錢先有⋯⋯溫馨提示：記得book位，否則等到2046。仲有間嘢好有性格，要用whatsapp book枱嘅。

星期一和家人一起去吃芝士雞煲。我們一行四人，一起選擇了去吃芝士雞煲。我們本來想挑戰麻辣雞煲的，畢竟我們每次來這裏都是吃芝士雞煲，但係聞到旁邊的芝士雞煲的香味，我們有一再選擇吃芝士雞煲。終於芝士雞煲就上枱了，味道非常香，等了幾分鐘，也滾了。芝士味深透着在每一件雞肉內，十分香濃美味。雖然我們叫了小份量的，但是雞肉的份量也是挺多，也很有肉食完雞煲就可以打邊爐，我們叫了粟米，份量還可以選擇一份或半份，很好呢！芝士出前一丁也是我心心念念的，十分想念。本身在煲內也是芝士湯，在出前一丁出加上兩片芝士，芝士味道更加濃，真的很出色！

尋日阿姨打俾我借旅行書, 放工拎去長沙灣俾佢, 順便同佢食晚飯, 佢話已經諗好帶我食屋企附近間”咪走雞”, 咁就食呢間啦.....話到明咪走雞, 主打梗係雞煲, 呢到有兩款雞煲可以揀, 分別係少有既黃金芝士雞煲同埋火焰麻辣雞煲, 由於阿姨強烈表示想食火焰麻辣雞煲, 就叫左呢個！雞煲黎到, 侍應話要焗一陣, 然後再點火加麻辣汁, 一開蓋個陣勁香酒味, d雞分量多又大大件啖啖肉, 咬落d雞肉好入味, 麻辣汁加埋酒分外香口, 搞到我地兩個食唔停口~食飽雞煲後, 就麻煩侍應加湯打邊爐, 湯可以揀普通名麻辣兩種, 邊爐料好多款式, 我地揀左特級雪花肥牛(細)﹑鵝腸﹑黑蟹子墨魚滑﹑ 鮮炸響鈴﹑娃娃菜拼生菜樣樣都有水準, 特別係碟牛, 雪花多又好有牛味, 放入幾秒食得！d野食好大碟! 3、4個人都夠食！其實我見到隔離枱食黃金芝士雞煲, d芝士多又香.....我呢個芝士控流晒口水！下次要試果款！

今日難得收早，想去食好西但又唔想食放題，西野個啲大路野，所以靈機一觸係長沙彎有間芝士雞煲仲可以打邊爐，立馬去試下，好好彩去到個陣冇咩人，唔洗等位，即刻有位坐。一坐下來，叫左個4人份量即芝士雞煲，雞煲好香，好足料，每件雞都有芝士包住，令人垂涎三尺，而且雞既味道好重好野味食完雞煲之後，就點左一啲火鍋材料再加上芝士雞湯去打邊爐，簡直係絕配，其中一定要介紹呢個哈哈蝦中寳，同埋牛坑腩，首講個蝦中寶，啖啖肉而且入面有蝦，有肉，愛蝦人必食，之後到牛坑腩，好滑好彈牙。食到中段，就開始點一啲平民小吃，響鈴，粟米，生菜，雪花肥牛，牛柏葉，五寶丸等等，加上芝士雞湯去配合，簡直冇得輸，不過就要經常飲野，可以有芝士比較甜！服務： 待應生都係年輕人，做事比較快，抹台有小小唔乾淨，其他都正常，上菜速度都好快，埋單都好快。環境 : 現場有 Wi-Fi ，同小許音樂，令人置身係世外桃園到打邊爐，感覺良好！總結 ： 第一次黎食芝士雞煲有喜出望外嘅感覺，下次一定會再嚟食，加油喔！

是日晚上忽然想食火鍋,幸好近近哋有間米走雞 食雞煲和火鍋一流，於是立即行動,拆返餐勁。點了個健康湯底-- 蕃茄粟米湯底煲，用了大量的番茄泡製而成，所以番茄味濃， 酸酸地 非常開胃醒神。整煲蕃茄湯底勁濃勁入味。火鍋配料點了碟特級雪花肥牛,這碟是小的 ,份量也非常多。而價錢十分超值，$ 98元有咁多 片，而這碟特級雪花肥牛脂肪分佈平均，加上 切得厚薄適中 ，牛味濃郁，只滚半分鐘已入口香濃，口感嫩滑。西班牙黑毛豬，數片要$188, 但味道濃郁，脂肪和肉比例一半，食落口肉質嫩滑，有點入口即化感覺，價錢雖不平，但品質佳，绝對食得過。炸魚皮新鮮好脆口，只需放入湯底幾秒，食落又脆又香。豬頸肉份量奇多， 全部厚切， 啖啖肉極滿足。響鈴新鮮即製，豆味香濃， 放在湯底十秒左右， 索曬蕃茄汁十分好食。蜂巢冰豆腐，口感特別。生菜份量也不少。飲品除啤酒外，以凍檸 7和凍檸樂最受歡迎， 火鍋最佳配搭飲品。

今日同朋友行完深水埗，就決定落長沙灣搵食。都知道咪走雞出名，所以夜晚嚟到都有好多人等緊。呢間出名食芝士雞火鍋，就當然同朋友仔嗱嗱聲試吓。其實味道唔錯，不過我都係鍾意食普通湯底火鍋多啲。芝士雞一啲都唔濟。芝士味幾香濃，雞都幾嫩滑，裏面仲有一啲洋蔥調下味。洋蔥諗左再加芝士都好惹味。芝士雞份量都幾多，我哋四個女仔食完都仲食得落火鍋。食完芝士雞可以加湯打邊爐，生根，腸仔唔少得。另外當然要叫蘿蔔片，蘿蔔片切得夠薄，所以好快就諗，另外索晒所有湯底，好好味！