米走雞 (昭德大廈) (已結業)

每逢節日，都係俾香港人一個藉口約朋友食食食，eat eat eat，今次係慶祝復活節。而一般三五知己都一係食雞煲同放題，而今次我地只有2個人食，所以就決定就唔食放題，而我朋友推薦食米走雞，之前已經食過，啲芝士好正。一上就係咁，粒粒芝士係面頭。本身芝士係一粒一粒，熔咗之後，就變到綿密咗好多，啲雞塊俾芝士包圍咗，同有拉絲個感覺，味道超正，而每一件雞都好大塊，啖啖都係肉，起正。再加埋出前一丁，直頭係冇得頂，正。

再一次嚟到米走雞，本身鍾意打邊爐嘅我，就算天氣開始暖和，我都係依然會烚下烚下😁 ，之前已經嘗過芝士雞煲覺得非常唔錯， 但朋友從未食過，今次就一於帶佢嚟試下。兩款雞煲都先後食過，今次就點返我最愛嘅招牌黃金芝士雞煲， 細size要普通芝士碎，水準依然保持到，雞件選用雞髀肉，大大件夠睇頭， 配上香濃芝士 ，食落啖啖肉夠滑嫩， 再加上配料有洋蔥中芹芫茜乾蔥等， 味道夾得來又可以減低芝士的甜膩感， 連未食過嘅朋友都讚好味。雞煲食到七七八八，接下來就係打邊爐的時間，店員會先過來加清湯再滾下佢，由於已經飽飽地所以我們只添加幾款火鍋配料。 不得不點嘅一定係鮮炸響鈴， 即叫即炸夠新鮮，大大卷有好多層夠厚身， 放入湯裡拖兩拖，味道香脆可口， 食極都好似唔夠喉😁 。再嚟唔少得嘅就係我最鍾意嘅白鱔片， 一睇就知夠曬新鮮，味道鮮甜，肉質仲好嫩，正👍。跟住到手打五寶拼盤，分別有墨丸蝦丸鯪魚丸豬肉丸同牛丸， 手工製作大大粒，最好味嘅係蝦丸，夠曬爽口彈牙，其餘都唔錯，只是鯪魚丸味道一般般。打邊爐點能夠唔食菜，所以我們都叫了半份生菜，食咗唔少肉類，清清哋中和一下都幾好。很開心同朋友食咗一頓愉快嘅晚餐， 傾下食下笑下，

星期日既夜晚，一定要食番餐好，嚟緊一個禮拜先有力做野，好想食芝士雞煲，而米走雞既芝士雞煲不嬲最多好評，所以山長水遠去到長沙灣食裝修都好骨子👍🏻👍🏻👍🏻選擇好多黃金芝士雞煲 （$178）雞件好多，芝士味好濃，每件雞件都跟住啲芝士絲🧀🧀🧀食完雞煲再加芝士湯打邊爐！正！新鮮手切牛肉 （$208）雪花好均勻，入口即融，一睇就知係靚貨🥩🥩🥩脆鯇片 （$88）魚片好爽脆，食得出係新鮮貨!魚蟹子墨魚滑 （$88）手打既墨魚滑係特別爽口彈牙！最後要大讚呢樽竹蔗矛根，好清甜，減低又油又滯既感覺！

近排又轉冷番，心思思又想食雞煲，見朋友問起又未試過，就帶佢黎食呢間啦今次雞煲就試左中辣，一黎到未開蓋已經比陣陣既辣椒味攻上鼻，感覺比以往食過既小辣勁左唔小。麻辣雞煲一如既往充滿玫瑰露酒既香味，上菜時，店員會幫我地點火，變成火焰雞煲，點完火再焗多陣就食得。中辣比小辣辣左唔小，辣椒乾佈滿成個煲。雞件好滑，肉多骨細，辣味偏香辣小麻，可能係因為煮果時怕太辣無落哂店鋪既辣椒油。食食覺得太辣，店員好貼心咁幫我地加左清湯，加湯後雞肉辣味小左，反而多左小小清湯既甜味。配料叫左手切本地牛頸脊椎、炸響鈴、自製五寶丸、菜同薯粉牛肉同響鈴經已成為我食呢間雞煲既鐵腳！咁多次都會叫，水準亦保持到。 牛肉雪花均勻，食完口有咬口，勁重牛味，想入口即溶的朋友可以叫雪花肥牛。響鈴則自家炸的，十分香脆。五寶丸內全部是自家手打的，有鯪魚球、豬肉丸、蝦丸、墨丸及牛肉丸鯪魚球加入左果皮去腥味，其他丸又大粒又彈牙。當中豬肉丸同墨魚丸我比較喜歡。食到最後唔夠飽一定要叫個薯粉，粗薯粉索哂雞煲既精華，煮一陣就好入味，又辣又香，勁好食！

今日約左舊同事交收, 地點就返佢公司附近, 我地兩個都中意食雞煲, 所以就揀左呢間喇~我地兩個人, 胃容量有限~~ 為左食多D野, 我地唔敢叫芝士雞煲呀! 想食多D嘛~原來餐紙有介紹食法同埋主打食物, 但我地已落左單喇. HAHHA 下次先試多D~.火焰麻辣雞煲(小) $168, 寫住2-3人份量, 對我地2個女仔黎講好大份~一放低個煲店員就點火喇. WOW WOW~有表演睇既.XDDD 好勁呀下~食完雞煲就可加湯打邊爐喇, 有清湯同辣湯揀, 我地揀左清湯~呢度打邊爐冇哂水都係加湯畀你, 唔會加滾水溝淡左~加分~叫左小辣, 好惹味~ 雞件好大件, 唔會細細只搵唔到雞脾~咁就睇好似全部都係雞脾肉黎!!! 好足料!!新鮮牛頸脊(小) $208個牛好靚!!! 雪花分佈明顯, 睇得出中間個排係肥D既, 食落都真係滑好多~朋友唔敢食咁肥, 去哂我個肚到~咪就係豁 豁出去咯~~ 肥?咩黎家?! 食左先講啦~第一啖食真係好有牛味既, 係原味!!! 重口味人士都係中意打邊爐要點醬料, 可以問阿姐羅辣椒醬油~竹笙墨魚滑 $88 有6條~呢個菜好新穎, 見佢咁得意就點黎睇下咩黎, 原來係將墨魚滑塞入竹笙度

打邊爐已經無分季節每次想食芝士火鍋 必會想起米走雞今次再去到訪 首次試了極量芝士碎份量黃金芝士雞煲（小）雞煲滾起時已經有芝士香氣雞件好滑 雞和配料都十分多即使芝士份量增量 味道亦不會好濟吃完雞之後 店員便會幫你加芝士湯十分邪惡木耳味道微辣 非常開胃 附有海蜇 適合做餐前小食竹笙墨魚滑個人而言 最喜歡這個爽口的竹笙配上彈牙的墨魚滑 口感新鮮放在芝士湯底 竹笙都變成黃色手切新鮮牛頸脊（小）雪花紋理清晰 肉質夠淋 有肉味鍾意食牛肉的朋友不妨試試鮮製四拼餃分別有鮮牛肉餃、鮮蝦雲吞、韭菜餃及鳳城水餃鮮餃粒粒都好飽滿 非常足料另外，店員服務非常好當店員聞到有燶味時會有積極找出問題以及幫忙換鍋值得再來

呢幾日天氣又開始凍返,最岩就係⻝雞煲。之前經過旺角分店見到好多人排隊,但今日行開⻑沙灣搵⻝見到呢間「米走雞」竟然可以即刻入去,實在太正~門口地下投射咗「米走雞」嘅logo,好得意。入面唔算好大,但空間好闊落,坐位舒適。而且餐廳嘅設計用心,係有特色嘅中國風。餐牌只有一張,左上就係揀雞煲款或者火鍋底,其中「黃金芝士」同「火焰麻辣」都係重點之選。今次就揀咗「黃金芝士」,仲可以揀5同程度嘅芝士量,咁熱愛芝士嘅我當然叫咗激量啦!!!張枱紙上面印咗d雞煲配搭嘅推介,同埋⻝法,睇清楚,跟住⻝就岩架啦~個煲落完單好快就黎到。2人份量都好大煲好足雞,入面唔只一種芝士,而且係鋪到滿一滿嘅激量芝士,溶咗之後說完全覆蓋係上面,每舊雞都痴滿芝士,係多到可以拉絲,極邪惡!愛cheese之人,必叫!一煲有超過15件雞,而且件件都好大舊,仲要勁嫩,一d都唔老。2人份量都係$178,的確幾抵。除咗雞同芝士,仲有大量大大塊嘅洋蔥,都幾鮮甜,仲可以沾d芝士一齊⻝。⻝到差5多無哂雞就可以同店員講要加湯,本來以為同出面一樣會加水或者清湯就算,但呢度加嘅係濃濃嘅芝士濃湯,撈埋雞煲d芝士個火鍋又lv. up咗~ 而且d店員好好,滾

米走雞的門面是中式格局，古色古香，感覺上讓人感到很舒適和有氣氛。長沙灣地鐵站出口穿過商場就到，地點非常就腳，唔難搵。店內環境乾淨整齊，衛生十分良好，店鋪有連舖，座位十分寬敞，適合成班朋友一齊聚會的聚腳點。芝士雞煲，芝士份量十足！ 有不同份量芝士可以選擇。我地點了激量，誇張到可以拉絲，煲芝士雞果陣火候控制得很好，煮得差不多的時候店員主動走上前幫我地開蓋同熄細少少火，十分細心及照顧周到！雞煲的雞肉啖啖肉，雞骨唔多！十分抵食！ 食飽飽一輪雞煲之後就加湯繼續邊爐，點左五香鮮牛肉，牛肉十分入味，幾時淥過都仲係好香好有香料味，想試多種牛肉類，呢個必選！自家手打鮮制方面，選了手打5寶拼盤，包括有鮮蝦丸，豬肉丸，牛肉丸，鮮墨丸，鯪魚丸這5種，如果想試多幾種丸類必推。鯪魚釀豆卜，造型趣緻，唔想齋食豆卜，釀鯪魚是一個不錯的選擇！總扣黎講，餐廳食物好好味而且超級大份，我地除了雞煲之外點了三種食物都差點食唔完，叫多d朋友一齊食會可以試多D又抵食D！

常聽見身邊的朋友同事提起這間食店，最令我難忘的是它的熔岩芝士雞煲。在我的好奇心和口痕之下，今晚終於把心一橫，去拜訪一下。店鋪位於長沙灣，一出地鐵站步行約十分鐘到達。店鋪外貌乾淨整齊，一望入廚房，亦相當衛生。我和朋友被安排坐在卡位，其中式的環境擺設和柔和的吊燈相當配合，環境舒適。我當然叫了其招牌菜，熔岩芝士雞煲啦！金黃色的賣相，放在爐上，慢慢地已滲出芝士的香味，細嚐之下，每件雞肉都是雞髀部位，啖啖肉，而且肉質軟滑，加上芝士的香濃，更是錦上添花。煲內的紫洋蔥鮮甜爽口，正。至於火鍋部分，我們點了肥牛，響鈴，脆肉鯇，手打五寶拼盤和菜苗。嘩! 肥牛的質素相當優質，脂肪比例均勻，有鮮牛肉味，以這個價錢，簡直超值。值得一讚的是五寶拼盤，內有墨魚丸，蝦丸，鯪魚丸，牛丸和豬肉丸，每款都有其特色，咬落去，感覺食材新鮮，五款丸的味道分明，可能由於手打關係，真係好彈牙。中途，有一對比較要求高的食客，對店員指指點點，要求多多，但店員的表現更是令我令眼相看，他們服務依然欣勤，沒半點怠慢，這些員工的態度真是值得現今好多食店的職員仿效。今晚，滿足了我的五贓六腑，滿足了我的好奇心，亦印証了我的朋友同事無介紹錯。

今日和老公，細佬一齊去了機埸送機，由機埸出來都差不多食晚飯，當然又係頭痛嘅時間，因為諗去那裡食並不是一件易事， 尤其今天是星期六，老公突然提議不如食芝士雞煲，之前在電視見過小儀介紹過， 但心諗電視介紹過一定很多人， 我哋諗住如果多人就再找第二間吃， 試一試去看看也無妨， 可能時間尚早去到還有位， 我們坐下立即看看要點什麼吃呀。 坐下你會看到有黃金芝士雞煲和火焰麻辣雞煲兩樣給你選擇，本人愛吃芝士， 所以毫不猶豫地揀了黃金芝士雞煲，記住有大小煲選擇的，我們三人所以選了小煲，之後再可自由選擇火鍋配料呀，大家記住有些配料可選擇半份，這樣便可多試幾款呀芝士雞煲內有洋蔥嘅配料和半隻雞的份量都不少， 最正的是每件雞肉也沾上我喜愛的金黃色芝士， 而且食落濃而不膩， 雞肉也可頗嫩滑特級雪花肥牛， 牛肉滲入芝士的味道， 是另一種食法， 口感不俗蜂巢冰豆腐， 這個真的要推介給大家， 因吸收了湯汁的冰豆腐， 不會像普通的豆腐散散的， 而且充滿著豆腐香鮮炸響鈴都不用多說，也是與芝士相配合的配料呢

一直都好喜歡食芝士呢幾日凍凍地朋友建議不如去食芝士火鍋聽說咪走雞火鍋除了有麻辣火鍋外亦有我最愛的芝士火鍋, 於是我們就去最近那間長沙灣分店食!餐單除了麻辣火鍋和芝士火鍋外亦有其他湯底可選我哋兩個人叫了一個細嘅黃金芝士雞煲。好濃的芝士，店長話唔好撈仲芝味！😋❤️啲雞都不少件件都好滑！枱上有單張介紹怎樣食黃金芝士雞煲會更惹味！另外在配料上，我們叫了手打五寶拼盤，當中包括牛丸、豬肉丸、魚丸、蝦丸等。西班牙黑豚肉好大碟！

同老友好耐無打邊爐，喺佢公司付近揀左呢間「米走雞」黎試，主打芝士雞煲同火焰麻辣雞煲。米走雞個招牌同間舖都好光猛，好容易搵。店裡面多數係卡位同四人枱，唔會太迫。我地雖然七點去到，但都近乎滿座，被安排坐最裏面的一張四人枱。我地得兩個人，怕芝士太膩食唔曬，所以揀左試火焰雞煲中辣，再加少少配料⋯上菜速度好快，雞煲等左一陣就上菜，之後焗多陣店員就過黎幫我地個雞煲⋯點。火！火焰麻辣雞煲：除左香味，仲會見到煲裡面嘅色彩-有辣椒、洋蔥（連紫色外層）、有芫茜同辣汁既橙紅色，衝擊視覺。雞肉好滑好入味，全部雞脾肉！啖啖肉！份量都幾多，少少甜味甜、中和左麻味，不嗆喉，同埋個醬汁感覺上油比較少，健康D。初初食覺得帶甜味唔係好辣，不過之後原來越食越辣，好滿足呀～響鈴：大件、脆，浸完辣汁一齊食，好惹味四拼餃：共八粒，粒粒飽滿，鮮蝦雲吞-大粒到好似乒乓波咁大，裡面裡豬肉同蝦，食完好有飽足感；韭菜餃- 比例50:50，韭菜味唔會太重太嗆；鮮牛肉餃，肉餡有D似山竹牛肉，係我鍾意食嘅味道；水餃-木耳肉碎蝦肉做餡，相對其他餃子濃味。之後呢個厲害喇，成張配料清單度最吸睛-「哈哈哈中寶」：六粒大大粒、面頭有蟹籽混有芹菜- 原來裡

經朋友介紹，得知米走雞的雞煲十分惹味，於是約埋三五知己齊齊去「滾」。雞煲的辣度不算強，適合大眾口味，雞件入口時，先有陣陣的辣味，然後滲出麻香味，麻痺一下舌頭。吃完雞煲，再加上湯打邊爐，食物材料水準可以，當中手打五寶丸值得推薦。

天氣涼涼地， 又係打邊爐嘅日子。 朋友話食雞煲， 第一時間想起米走雞裝修偏向中國風，牆上傳統字晝和天花上既燈具都別具風格點了雞煲（少辣），個雞煲一上檯已經聞到好香。侍應會快手炒一炒個雞煲，雞肉份量都幾多雞煲用咗大量配料， 就咁睇有洋蔥，芹菜 ，花椒，八角等等。。煲咗就打開蓋一睇， 嚿嚿雞肉都好大嚿， 食落去簡直係啖啖肉。 雞煲又話又夠辣, 食完之後仲可以加清湯繼續打邊爐脆鯇魚腩大大嚿， 厚切爽脆好新鮮讚岐烏冬, 烏冬吸盡湯底精華, 麵條彈牙桶蠔: King size, 新鮮，蠔味突出當然唔少得汽水啦朋友同我食完都好滿足， 下次再約

今日晚上約咗個朋友喺長沙灣呢邊食飯。佢話呢間餐廳既雞煲好特別，有火焰既。聽到都有驚喜，真系即刻想去試下！由長沙彎地鐵站行去間餐廳大約3分鐘左右，地點都算方便。事關一早book佐位，店員好快就可以安排座位了。店員先把醬汁放落個雞煲，之後就點火。啲火燒完後，個雞煲更香。不得不提個雞煲入面即洋蔥，好新鮮，又脆！啲雞肉好大件，同埋啲雞應該有炸過，又脆又香，加上少少辣味，好好食火焰麻辣雞煲 (小) $158特級雪花肥牛 (小) $128 份量同价錢比較，絶對系超值。味道也不錯！黑蟹子墨魚滑 $88 食落爽口，有質感又好味！鮮制四拼餃 $ 88 一次過滿足四個願望！炸魚皮 $48 唔熱氣既朋就甘食都得，因為都好脆好香。放落雞煲一两秒即食亦得！