影片
更多
2018-03-07
50 浏览
同老友好耐無打邊爐，喺佢公司付近揀左呢間「米走雞」黎試，主打芝士雞煲同火焰麻辣雞煲。米走雞個招牌同間舖都好光猛，好容易搵。店裡面多數係卡位同四人枱，唔會太迫。我地雖然七點去到，但都近乎滿座，被安排坐最裏面的一張四人枱。我地得兩個人，怕芝士太膩食唔曬，所以揀左試火焰雞煲中辣，再加少少配料⋯上菜速度好快，雞煲等左一陣就上菜，之後焗多陣店員就過黎幫我地個雞煲⋯點。火！火焰麻辣雞煲：除左香味，仲會見到煲裡面嘅色彩-有辣椒、洋蔥（連紫色外層）、有芫茜同辣汁既橙紅色，衝擊視覺。雞肉好滑好入味，全部雞脾肉！啖啖肉！份量都幾多，少少甜味甜、中和左麻味，不嗆喉，同埋個醬汁感覺上油比較少，健康D。初初食覺得帶甜味唔係好辣，不過之後原來越食越辣，好滿足呀～響鈴：大件、脆，浸完辣汁一齊食，好惹味四拼餃：共八粒，粒粒飽滿，鮮蝦雲吞-大粒到好似乒乓波咁大，裡面裡豬肉同蝦，食完好有飽足感；韭菜餃- 比例50:50，韭菜味唔會太重太嗆；鮮牛肉餃，肉餡有D似山竹牛肉，係我鍾意食嘅味道；水餃-木耳肉碎蝦肉做餡，相對其他餃子濃味。之後呢個厲害喇，成張配料清單度最吸睛-「哈哈哈中寶」：六粒大大粒、面頭有蟹籽混有芹菜- 原來裡
米走雞個招牌同間舖都好光猛，好容易搵。店裡面多數係卡位同四人枱，唔會太迫。我地雖然七點去到，但都近乎滿座，被安排坐最裏面的一張四人枱。
我地得兩個人，怕芝士太膩食唔曬，所以揀左試火焰雞煲中辣，再加少少配料⋯上菜速度好快，雞煲等左一陣就上菜，之後焗多陣店員就過黎幫我地個雞煲⋯點。火！
火焰麻辣雞煲：除左香味，仲會見到煲裡面嘅色彩-有辣椒、洋蔥（連紫色外層）、有芫茜同辣汁既橙紅色，衝擊視覺。雞肉好滑好入味，全部雞脾肉！啖啖肉！份量都幾多，少少甜味甜、中和左麻味，不嗆喉，同埋個醬汁感覺上油比較少，健康D。初初食覺得帶甜味唔係好辣，不過之後原來越食越辣，好滿足呀～響鈴：大件、脆，浸完辣汁一齊食，好惹味
四拼餃：共八粒，粒粒飽滿，鮮蝦雲吞-大粒到好似乒乓波咁大，裡面裡豬肉同蝦，食完好有飽足感；韭菜餃- 比例50:50，韭菜味唔會太重太嗆；鮮牛肉餃，肉餡有D似山竹牛肉，係我鍾意食嘅味道；水餃-木耳肉碎蝦肉做餡，相對其他餃子濃味。之後呢個厲害喇，成張配料清單度最吸睛-「哈哈哈中寶」：六粒大大粒、面頭有蟹籽混有芹菜- 原來裡面有一大粒蝦仁，非常彈牙，外面蝦滑軟滑，三重口感！如果不抗拒芹菜的話，我諗呢個必食！
總評：雞煲同配料都有heart，全雞脾雞煲真係食得好爽！呢個2-3人份量嘅雞煲性價比高，量多、味夠同埋唔貴！另外響鈴同哈哈哈中寶都好味，推薦～整體服務都幾好，侍應有主動問需唔需要加湯加辣。餐廳裡面有廁所，而且幾乾淨，令整體用餐感受更加良好。
下次搵多兩個人一齊試芝士雞煲
张贴
