米気

营业中

休息中

記得上次第三波疫情依間舖都係日本野，黎到第四波經過已經轉左做依間。佢叫餐模式主要分: 米、主、冷、温、甜。每類都有5-10樣選擇，細細碟，啱哂咩都想試d既人。我揀左:蟹膏蟹肉($38)，月見博多地雞團子($46)，海苔炸竹輪($28)蟹膏蟹肉: 係穩陣之選，蟹味濃、鮮甜、清新，基本上無得輸吾會衰得去邊。月見博多地雞團子: 未聽過依樣野吾知咩黎，所以叫黎試下，原來係類似肉餅既物體，結構比較實，外層煎香左，而且有好濃既醬油味。海苔炸竹輪: 聽過名亦都吾知咩黎，所以又叫黎試下，原來係類似魚旦既物體，炸左既魚旦。總結: 點餐模式特別，雖然選擇多但味道不馬虎，會再去。

又係帶阿媽去試d日常生活佢打死都唔會試系列每人一份有飯有三小碟，通常佢煮飯只會大大碟一嬳熟，所以去到見到除咗佢係老人家之外全部都係後生仔女😁結果幫佢揸埋主意叫左三人份量，希望要多幾款唔同種類大家可以試吓，最啱我呢啲樣樣都想試又食唔得多嘅人（即係貪心）「詳見附圖」當然打卡一流，但係你話好食？不過不失咁啦，係你唔會一餐食唔到咁多款囉，一個托盤一個full set。P.S. 我見到張點菜紙有期間限定，所以由頭盤、主菜、冷盤、熱葷，我都揀晒期間限定，以為特別啲，點知原來係流嘅😢一陣燶味😓😛同場加映甜品胃部門，雖然full set 可以叫埋甜品，不過我哋選擇過隔離舖佢既姊妹店，叫左sea salt cameral 沙冰同埋seasame 脆米雪糕前者面層加左cameral crunchy 同爆谷，入面有 cameral pudding , 整體好夾。後者芝麻夠香濃，加左脆米鹹鹹甜甜😋😋😋

黃埔呢間米氣係專食日式料理，可以自由配搭，每款細細碟，亦可以跟餐廳的建議組合，組成定食Set。 主要分左幾類：米、主食、冷盤、溫盤、甜品。個人覺得餐牌上面嘅選擇真係好多，令人頓時患上選擇困難症，我哋睇咗好耐先落到單🤣🤣好多嘢想試吓但係深知自己食唔晒😂我地兩個人都叫左好多款野食😂🔸醬油蛋、南蠻炸雞、月見博多地雞團子、關東煮、焦糖布丁🍮醬油蛋飯都可以話係唔會輸嘅配搭，流心蛋撈飯好食😋南蠻炸雞好食👍🏻炸得夠脆夠熱！推薦😛月見博多地雞團子，又係有隻蛋😆下面既雞肉團子覺得稍為硬咗少少。關東煮係我哋後加嘅，係好普通既關東煮，純粹嗰刻想食下🙈焦糖布丁味道都唔夠香濃，超級市場都好食啲😐🔸醬油蛋、明太子厚蛋燒、蔥燒厚切牛舌、牛油醬油煎安格斯牛柳、米氣雪糕🍦明太子厚蛋燒就似雪藏玉子燒純粹返熱，唔係即煮個種🙈牛油醬油煎安格斯牛柳都唔錯，煎到大約五成熟，肉質都幾嫩！蔥燒厚切牛舌好好食！！😋加左蔥油煎好香口份量都多，好大塊👍🏻個人覺得米氣雪糕既味道都有少少奇怪，超市有隻米雪糕仲好食🤣總括嚟講，其實每碟咁樣計價錢，細細碟叫下叫下兩個人連埋加一食咗三百幾😳性價比有啲低🙈食物好壞參半，叫之前真係要望吓人哋commen

今日喺紅磡工作，相約女朋友喺黃埔附近食晚飯☺️呢間餐廳好有日式家居料理嘅感覺，好似去咗日本旅行咁😉睇返佢哋餐牌，分類都好清晰，仲有期間限定添🤗蟹膏蟹肉飯+ 牛肉壽喜燒D蟹膏蟹肉味道好鮮濃， 完全唔似係罐頭蟹， 撈埋啲白飯食好惹味😋至於牛肉壽喜燒，壽喜燒個汁剛剛好唔會太甜， 牛肉好嫩滑一啲都唔韌， 其他嘅配料好似菇同豆腐都煮得好好味🤤醬油金菇飯+ 土手燒+ 大吟釀醉雞個金菇味道正路， 切得夠幼唔會黐牙👍土手燒其實即係牛腩筋， 佢都煮得好淋， 配埋秘製醬汁食都唔錯😝大吟釀醉雞係期間限定， 我都係第一次食， 佢只有比較淡淡哋嘅日本酒味， 味道較清🤔，個人覺得花雕醉雞啱口味一啲😅總結覺得環境好舒適， 啲嘢食細細份可以嗌多啲 唔同種類黎食😃

店鋪位置唔難搵，不過由於附近好多住宅，所以一到晚飯時間就好多人等位明太子豆腐+ 月見博多地雞團子+忌廉蟹肉餅+蟹膏蟹肉飯月見博多地雞團子係一個好大件的雞肉丸，外層煎香左，充滿甜醬油的味道，配埋生雞蛋黃汁，唔錯忌廉蟹肉餅好香脆，由於我本身鐘意食呢樣野，所以我覺得好食以下係朋友叫的明太子豆腐+蕃茄味噌豆腐漢堡+明太子厚蛋燒+醬油蛋

🇭🇰米気 一汁三食🍱👩🏻下午食完個tea晚餐唔太餓 見到米気既menu唔太heavy就試下啦 拎左飛之後好快就有位店鋪都會提供熱荼☕️紙袋比大家入口罩👍🏻落單就係紙上邊剔☑️就OK啦選擇困難症既朋友要做好心理準備🤣🤣因為由🍚米飯, 主菜, 冷盤, 溫盤, 甜點交 飲品都係要自己諗哂-🍱醬油蛋飯+土手燒+🦀忌廉蟹肉餅(💰$22+48+26)土手燒其實係白麵豉燴牛筋 味道較濃 肉質肥而腍身 送飯不錯忌廉蟹肉餅就冇咩特別 炸衣唔厚 食落蟹肉味道比芥末蓋過-🍱日本國產米🍚+牛肉壽喜燒🍲+明太子豆腐+白芝麻四季豆(💰$15+48+28+22)為配壽喜燒專登叫白飯🍚日本米真係好靚 米粒大而企身 唔會太黏太硬 粒粒分明明太子豆腐 ontop 係大量的明太子底下有辣油🌶豆腐唔會太軟身連用筷子🥢唔叻既👩🏻家姐都夾得起 🙆🏻‍♀️白芝麻四季豆幾有驚喜 開頭以為冇咩特別食落去好清甜 走哂根🙂🙂

🍴(飯)醬油蛋 HKD22 +海苔醬HKD17就咁聞啲飯都有飯香味 而且飯粒飽滿分明🍚好蛋人士叫醬油蛋真係無得輸 蛋黃非常飽滿 吉開撈飯食蛋汁非常濃郁 再配上醬油味道咸咸地 正😋海苔醬呢就無乜特別 就係普通紫菜撈飯咁☺️.-🍴(主)土手燒HKD48 +牛肉壽喜燒 HKD48土手燒係牛筋腩同魔芋 薯仔整成🥔 食落啲汁比較稠 味道麻麻😶壽喜燒就比較似平時打邊爐食到嘅甜豉油湯底肥牛同蔬菜 無乜特別👅.-🍴(冷)和風茄子HKD18 +鏗魚汁菠菜 HKD18茄子同菠菜都新鮮嘅 比較清少少 兩個汁都唔太重味 不過不失🙈.-🍴(溫) 汁燒鰻魚HKD38 + 炸蓮藕脆片 HKD18 +忌廉蟹肉餅 HKD26 +蔥燒厚切牛舌 HKD32 +宮崎蕃薯餅 HKD32鰻魚燒得岩岩好 唔錯🌝蓮藕片比較薄身 食落都幾脆 但就無乜蓮藕味 同埋有啲炸得比較燶😛蟹肉餅一切開嘅汁流出黎 食到有蟹肉 忌廉味都幾重嫁🥰到牛舌 我覺得係最好食嘅 厚身得黎一啲都唔韌 配埋蒜蓉食 好惹味喔😋蕃薯餅係期間限定 但我覺得就麻麻啦 因為佢比較似雜菜餅多啲 係幾種蔬菜切絲炸成 得一兩條蕃薯😥.-🍴(甜品)宮崎蕃薯雪糕 HKD30 +焦糖布丁

作為紅磡地膽，繼續介紹下呢頭嘅野食先🤩 試咗呢間日式家庭料理，餐廳裝修簡約，環境好舒服，之前睇左啲食評好似一般般🤭不過小編食完覺得唔錯啵！可能我去試嘅時候已經改良左😚 午市套餐（白飯+主菜+冷盤+飲品+湯）日本國產米（+$8醬油蛋）飯嘅口感頗煙韌，但煮得太軟身，硬身啲一定仲正🤭 加左醬油蛋，蛋汁加醬油拌飯係無得輸嘅🤩蕃茄味噌豆腐漢堡 （$68）呢個餐賣相好精緻，仲係素食之選🥬 拌碟嘅炸蓮藕片好正，切得薄身，仲炸到好香，有啲似薯片😆 漢堡結合豆腐同蔬菜粒，都幾特別！蕃茄味噌比較濃味，餸飯一流，不過朋友就覺得有啲過鹹🤔南蠻炸雞 （$68）炸雞大大舊，外皮炸得好香脆！一擺落口仲係熱辣辣😋 雞肉嫰滑唔會乾，食落都唔覺太油膩，點埋個蛋沙律醬仲正～ 醬煮糖漬紅薯外層嘅糖漬加埋香甜嘅紅薯，真係甜入心🥰唔好睇佢細細舊，超級飽肚🤣和風茄子味道正正常常，健康又開胃🍆-米気 (紅磡)📍紅磡黃埔天地百寶坊(第3期)地下G32號舖抵食指數：😚😚😚😚/5舔舔脷指數：😚😚😚😚/5

今日留意到依間餐廳嘅存在，特意搵咗啲資料去睇，覺得好吸引。環境都乾乾淨淨，裝潢都好舒服，點知食落就都幾失望😞首先，個蟹膏蟹肉飯啲蟹肉有陣腥臭味，未去到不能接受，但係都幾難食，啲飯濕咗少少，主要問題係冇飯香味然後，明太子厚蛋燒個味道普普通通，個蛋燒到太老，不過個明太子醬汁幾好食之後到個牛肉壽喜燒，啲牛肉太老，好鞋，豆腐係凍嘅同埋冇味，冬菇幾好食，溫泉蛋都幾好，湯汁陣味都唔錯，整體上有啲可惜，明明落多少少心機可以好食好多，但係冇做到。甜品要左清酒雪糕，食到依到都冇晒咩期望，反而有啲驚喜，口感同一般雪糕唔同，比較杰身啲，味道都幾融洽。

開咗一段時間都未去試， 今日工作經開紅磡去試下， 環境好有日本feel， 冇得去日本可以去呢度頂下引環境舒適有日本氣氛， 送菜速度都幾快，款式都好多， 最欣賞佢個明太子飯， 咪係用珍珠米 配埋豉油明太子食一流。 主食都唔錯，係有點略咸同重味，燒物就普通， 點咗個牛舌好硬咬唔入， 另一樣欣賞係佢哋個米味雪糕， 黏性好高， 應該係自家製， 不過隻味就人夾人緣，我覺得幾特別，味道唔同出面食開， 總結中規中矩， 價錢都略貴

餐牌有好多唔同既選擇岩哂D揀飲擇食既朋友哈哈！食素既朋友都好welcome!食物質素算滿意 唔係好驚喜但至在多野揀而份量都好足夠！除左主菜 都有哂冷盤 前菜 同甜品 最欣賞係餐廳入面既裝修 以木系為主 好舒服又會播住耳熟能詳既日文流行曲 唔講以為自己身處係日本haha!!

當初佢新開張嗰張已經對佢好有興趣 但奈何黃埔唔係一個會點去嘅地方但朋友都向筆者推薦佢 所以就搵個happy Friday的起心肝去試下喇呢張相係食完先影 影唔到個等位人潮大家想食就一係早啲 一係就有心理準備要等下喇😛餐廳裝修沿用簡約日式風格座位唔算太多 但幾舒適嘅餐牌一眼睇晒 就係有分飯款、熱盤、冷盤、甜品但其實每一類別都有好多野揀除咗餐牌嘅固定款式外 仲會不定期出下期間限定嘅新品但好可惜 當日筆者夜晚7點半去到已經全部賣晒 無緣試下喇😢揀好野食之後 自己剔order紙就可以㗎喇✨米醬油蛋 $22日本米加日本雞蛋 呢個組合係一定無得輸嘅蟹膏蟹肉 $38蟹膏份量都幾多 味道好好嘅但就無咁大驚喜明太子 $22微辣嘅明太子配飯又係一流3款飯基本上都可以唔駛額外嘅餸都可以食晒😆 但筆者都係最推薦醬油蛋呢個必勝組合✨主東坡肉 $42有成5大嚿 肥瘦交替唔會太漏 而且炆得夠 瘦肉位置都唔會好難咬或者乾牛肉壽喜燒 $48壽喜燒味道夠甜 筆者好鍾意 而且一碟有晒牛肉冬菇豆腐同蛋 淨係嗌佢加碗飯都夠晒 性價比超高👍🏽白味增慢煮石斑柳 $68魚柳係非常大塊 有淡淡嘅味增味相對嚟講係比較清少少嘅 月見博多地

充滿日式風味既和食料理餐廳🎌—————————————.🔶自選組合 約$150/人 (💡7/10)由飯 沙律 主菜 溫食 甜品等通通都好多選擇😍自己組合成一個定食😝幾個friend叫左唔同既餸又可以試多幾樣今次揀左醬油蛋飯🍳食既時候撈埋落暖粒粒既飯度冷盤就揀左酸甜開胃既日式茄子😋主食既南蠻炸雞厚身亦炸得香口！溫食既鰻魚都幾肥美👍🏻 牛舌都好推薦！雖然味道唔算好突出 但勝在選擇夠多🙃拼埋一齊營造出好豐富既感覺😆By M

呢間餐廳行簡約日系木色嘅風格，唔單只係裝修，連餐牌都俾人井井有條嘅感覺。而且有別於平時日式餐廳食嘅丼飯，呢度可以揀選自己鍾意嘅配搭，而且仲有多款選擇，夠晒開心！定食分咗米、主、冷、温四大類，仲可以追加麵豉湯同前菜，仲有甜品，鍾意點配都得！由冷開始，揀咗八爪魚沙律同大吟釀醉雞，八爪魚大粒又厚身，配上麻醬沙律，係傳統又開胃嘅前菜。至於大吟釀雞卷，係fusion嘅菜式，雞肉浸著大吟釀，入口散發住酒嘅清香，好味。唐楊魷魚炸到金黃色，厚肉又爽彈！厚燒牛舌有咬口，加埋面頭嘅蒜茸，燒得甘香惹味！牛油醬油煎安格斯牛柳 係期間限定嘅菜式，我同朋友係牛魔，當然唔可以錯過！牛柳入口充滿着牛油嘅香氣，醬油適中不會過鹹,同牛柳好夾。黎到主食！土手燒係用白味噌醬汁加上煮得軟淋，仲有吸滿醬汁嘅汁煮蘿蔔，牛肉帶有少少嘅脂肪，入口半溶且散發肉香，推介！另一款主食叫咗白味噌煮石斑柳，估唔到石斑柳咁大份，魚肉厚實但不失嫩滑，加上魚皮上薄薄嘅白味噌醬汁，係女士們嘅好選擇！嚟到呢度唔可以唔試佢地嘅雪糕，清酒同埋米氣雪糕同樣濃厚黏稠，米氣雪糕有米通增加口感，清酒雪糕就有酒嘅清香，估唔到味道幾夾，唔飲酒嘅都可以放心大啖大啖咁食呀。

黎到黃埔呢個小市區，見到一間好家庭式既日本料理就黎試下💛每碟都係自己配搭，樣樣都好似好好食，唔知點揀好🤣一於跟餐牌上既建議組合咁叫，就係米+主+冷+温🍱，另外+$8有湯同漬物。話明米気，用既係日本既精米，食落感覺唔係好似平時既珍珠米咁黏口，而係一粒粒好分明同比較飽滿😋配上咸咸地既明太子，好開胃🍚最推介既主食係月見博多地雞團子(M8)👍🏻口感好特別，外面既肉比較硬身但入面肉質就好juicy😍加埋生蛋好match!!😋另外既忌廉蟹肉餅(W9)都好推介，外脆內軟食落又暖暖地，忌廉味好重，成件事好夾😋 一路食一路望下周圍既環境，店員都好nice都幾有日本既感覺😭為食指數: 3/5性價比指數: 4/5推介指數: 4/5