米気

营业中

休息中

米気裝潢日系，以木系無印風為主，有吧枱、二人位、四至六人卡位等，整體闊落坐得幾舒服☺️每枱都提供熱水壺，入面竟然係熱茶，暖粒粒幾好飲~🥰餐廳主打日系定食，客人可以自由揀選唔同既組合，岩哂唔同口味同食量既朋友仔😍👍🏻定食建議組合米+主+冷+溫，加$8仲有湯品同漬物，亦可自由配搭埋甜+飲🤩更有唔同既季節限定選擇，豐儉由人👍🏻最欣賞每款食物都配搭唔同既器皿，非常貼心，視覺效果亦一流😛📸🍚米✅醬油蛋 ($22) 🌟3.5/5分蛋黃撈飯配搭埋醬油香，簡單但好食☺️✅(季)明太子蛙魚 ($26) 🌟3/5分一球分量，足夠撈飯有餘👍🏻三文魚碎唔腥，挺咸香，但唔太食到明太子存在。另外，2碗飯都太濕，有啲痴埋一舊，唔能夠粒粒分明🥺🍲主✅蕃茄味噌豆腐漢堡 ($38) 🌟3.5/5分係一款素漢堡，內餡以豆腐、青黃椒、洋蔥為主，口感軟綿，味道偏重青黃椒同胡椒味。蕃茄醬酸甜適中，幾開胃，整體較清淡😉伴碟炸蓮藕片幾有驚喜，脆身唔油膩👍🏻✅(季) 湯咖喱野菜雞 ($48)  🌟3.5/5分見到湯咖哩就諗起北海道🥺野菜份量幾多，有西蘭花、茄子、粟米仔、蓮藕、南瓜、香菇等，索晒啲湯咖喱👍🏻👍🏻雞有3-4舊，先炸後浸湯，較乾

想試食呢間餐廳好耐，但大部份男性朋友們對呢種家庭式定食好似都唔係好感興趣！所謂期望越大，失望越大！而家唔講味道，齋講服務。首先見到入面有幾張吉枱，我哋連同前面枱客都好有禮，先攞飛等位。由於收銀台就係門口，我哋都問前台姐姐可唔可以入座？一次兩次，個前台姐姐零反應。再問多佢幾次，佢簡直上咗身靈魂出竅！忍唔住啦，自己衝入去就坐低算數。呢間餐廳主打食「日本家常菜」，自由決定湊夠一個定食餐。先從米飯開始，跟後再揀主食、冷盤温食及甜品等等。另加$8-就有碗麵豉湯及漬物。餐廳有期間限定，但除個海膽飯，其他冇樣吸引！🙋🏻日本國産米+東坡肉+明太子厚蛋燒+照燒肉燥蒟蒻燒🙋🏼‍♀️醬油蛋米飯+蕃茄味噌豆腐漢堡+關東煮+炸蓮藕脆片關東煮及東坡肉，應該重口味嘅都唔會有重口味！所有食物味道冇咩形容詞可比喻，就係跟隨日本風，簡而淡！食物冇咩熱力，果然係温菜。整晚最開心係搭訕識到兩位90後少男，四個人吹住水，講下木村講下日劇講下飯島愛，開心開心心渡過晚餐時間

﹊﹊﹊﹊﹊﹊﹊﹊﹊﹊﹊﹊☞ 照燒肉燥蒟蒻絲+牛肉壽起燒+柚子胡椒雞肉沙律+日本國產米首先個牛肉壽起燒一上檯Fat9見到佢個色水已經同平時食既好唔到 啲色淡到好似人地蒸完肉餅啲倒汗水咁🤒食落口更加啦 完全冇壽起燒陣甜味 勁淡口😥個沙律係食唔到柚子味 會唔會係柚子陣味偏淡食唔到炸 唔係囉 佢連胡椒味都食唔到 係食到有陣酸酸地既味就冇喇😾而個照燒肉燥蒟蒻絲就冇味道既 但Fat9見個餐牌係有個辣椒係到 正常黎講都應該係有辣味佢先會有個辣椒係到架姐 點知完全零味道 蒟蒻絲本身都冇味架喇 點知佢調完味都係冇味😹﹊﹊﹊﹊﹊﹊﹊﹊﹊﹊﹊﹊✎炸蓮藕片+南蠻炸雞+蔥燒厚切牛舌+日本國產米炸蓮藕片係幾好食 因為炸夠香口 佢又塊塊都咁上下薄度 所以呢個Fat9覺得唔錯 好似食小食咁😆而南蠻炸雞既雞皮亦都炸得夠脆 炸粉唔厚 唔會比炸粉蓋過左我最愛既雞皮😋而佢個醬都幾好 酸甜度適中 加小小檸檬汁會令到個醬陣味再出啲 酸酸甜甜夠開胃🤤但個牛舌Fat9絕對要比負皮 係咁岩Fat9食個時個廚師心情唔好?定係咩原因 因為Fat9完全唔明點解會有人介紹呢個牛舌 佢連最基本牛舌本身要有既牛舌味都冇🤢食落去凍既都不在話下 而我

米気主打食日式料理🇯🇵最吸引我既地方係揀餐自由度高，可因應每個人唔同食量去做定食配搭～無論想食輕食/3 course/ 4 course全權掌握係手🖐🏻＊－。－。－。－。－。－。－。－。－。－＊點餐紙好長，選擇好多，但設計簡單清晰。✅只要係每個類別揀一樣就成為自己既組合。✏️價錢續小部份分開計算，睇落好似唔貴，但加起上黎其實唔平。以正常食個4 course同外面日式餐廳差唔多價錢。🙈＊－。－。－。－。－。－。－。－。－。－＊食物質素整體不過不失，係「食完你唔會特別記得佢」個種😌同時令我比較有印象既係服務質素有待改善。樓面唔夠人手，忙到踢哂腳。客人簡單要求可能要叫幾次先做到，同客人講野態度都係香港獨有style快靚正，有啲食緊澳牛咁☺️☺️＊－。－。－。－。－。－。－。－。－。－＊【米】🔸R3蟹膏蟹肉飯$38 | 🔸R4明太子飯$22【主】🔸M3牛肉壽喜燒$48 | 🔸M4白味噌慢煮石斑柳$68【冷】🔸C2松葉蟹薯仔沙律$24【溫】🔸W8關東煮 $28 | 🔸W9忌廉蟹肉餅 $26＊－。－。－。－。－。－。－。－。－。－＊

每個餐都有個小食、主菜、飯同飲品價錢大概$60-$90都有我覺得好多選擇！乜都可以試啲呢～好想試茄子但賣曬我覺得麻醬秋葵同明太子豆腐都幾開胃！主菜我就好欣賞我個豚肉大薑生根燒個汁好惹味 燒汁咁 送住飯食一樓！醫油蛋飯都好好味 但男朋友覺得紫菜飯好食啲 各人口味唔同🙈總括都幾好食 可再到訪！希望下次有壽喜燒呢

第一次因為外貌原因去一間食肆，以為係類似碧波押嘅文青小店，點知個感覺係simply life咁，好有系統、機械式咁serve你。亦因為咁，食物質素一定唔差，好快到。我叫左醬油蛋飯+味噌番茄燴肥牛+明太子豆腐+黑糖米水。一來到即刻食飯，畢竟最出名。可能因為個飯太熱，蛋黃好快熟左，食唔出靚蛋黃嘅味道，飯亦都唔係特別香，感覺就係普普通通一個飯。豆腐同米水都ok，係你想像中嘅味道，不過不失。番茄牛肉就同自己屋企煮番茄牛肉一模一樣🤭，但係特別鹹，同其他本身清淡嘅食物衝撞左，亦好唔符合本身以為呢道食清淡野無添加野嘅想像（可能我想像力太豐富，一廂情願左）。由於好鹹，所以用好多飯送，食到最尾兩啖先記得原來係味噌味，所以咁鹹。但味噌味好唔突出，剩係得個鹹味⋯⋯84蚊來講，食得飽，不錯的選擇！但如果要排隊，可能係附近搵其他野食算，畢竟呢區好多好野食。

係最近冒起好多日式家庭料理小店既熱潮當中，搵到呢一間係黃埔既日本餐廳🇯🇵◾️相比其他曾經光顧過既日式家庭料理小店，呢度多左一份親民同友善❤️◽️餐單有建議既組合，不過並唔係硬性規定。我就叫左一碗飯，一份主食，一份冷食同加$8配湯同漬物。朋友就叫左一份主食，兩份熱食同埋甜品😍◾️南蠻炸雞好香口，配上他他醬好惹味。明太子飯既飯又軟又香👍🏻👍🏻👍🏻◽️鰹魚汁波菜就係清淡之選，可以係濃味之間來點味覺休息👍🏻◾️整體性價比高，會再幫襯🥰

米氣一詞聽落養生，餐廳位於百寶坊轉角位置，地方寬敞，座位坐得好舒服，風格好似無印良品cafe，都係自由配搭精緻嘅日本小菜。黎得米氣，一定要食飯啦，加隻日本蛋要加$8，撈飯一流。米飯粒粒分明，彈彈地，好香。基本會配湯、漬物同一杯黑糖米水，湯係我飯過最多料的，有好多粒粒豆腐同油揚，冇海帶。黑糖米水一啲都唔甜，近乎冇味道，應該...好健康掛 呢個係蕃茄豆腐漢堡，調味主要係味增，其實好淡口，第一啖食落去唔知係咩味，一定要旁邊的汁，蕃茄味香，帶一點辛，好惹味，配飯一流。茄子味道正常發揮。紅酒牛肉幾好，多汁的都好好送飯，欣賞呢到的菜式選擇豐富，而且唔求其，每樣都好精緻。

紅日假期一個人好肚餓見到呢間嘢幾時正就入去,要等位呀等咗幾個.基本上叫法就係叫一碗飯三個餸一個甜品.視乎你想食乜嘢.貴喺上嚟呢一餐一個人可以200蚊以上.普遍就160蚊到.食物都還可以.只係服務員就唔多理你.其實都係畀啲女仔嚟打卡.飯個方面就白飯上面加少少餸,我鍾意食明太子就叫明太子.餸就都幾多選擇,一時間真係唔知揀邊樣.我就叫咗東坡肉有啲硬,明太子雞翼都ok,叫咗個海草.飲品就係飲水囉冇特別叫嘢飲.基本上呢間嘢都幾企理呀.

餐廳話就話起黃埔，但其實紅磡行過去多好快，係 poly 隔離，好在早去，唔洗點排隊。餐廳環境都係典型日本餐廳咁。Menu 一睇簡直花多眼亂呀，由米，主食，冷盤，擺盤到甜品。但見隔離檯每樣份量都唔少，於是選擇性地 order。1. 醬油蛋 + 和風茄子 +南蠻炸雞 醬油+蛋+珍珠米，唔洗講一定無得頂啦！不過飯過熱同埋醬油可以多少少；炸雞方面有驚喜！外脆內嫩又 juicy 之餘，個沙津醬仲好出色；茄子就幾開胃嘅。2. 明太子 + 牛肉壽喜燒 + 醬煮糖漬紅薯 + 湯品明太子都係同醬油蛋一樣，份量多少少會更好送飯；漬物甜薯唔會太甜無左番薯味；壽喜燒同湯品就還好，無太大特別。3. 米氣雪糕本身無乜期望，但一試就愛上，好特別嘅米味雪糕，入面有啲米粒，煙煙韌韌好特別，為呢餐畫上完美嘅句號！

日式家庭風料理近排留意多咗「一汁多菜」可以自由配搭既日式料理餐廳，之前試過幾間都是cafe 型式，IGable 為主，呢間米気相對裝橫簡潔 食物選擇更多 單是🍚類已經有7個配搭！🔹米：醬油蛋(err....佢一上碟就整爛咗我隻蛋🥲)🔸主：蕃茄味噌豆腐漢堡🔹冷：和風茄子🔸溫：明太子雞翼以上組合 🍱 $128用一個港式D既講法：就係3餸飯+鼓油撈蛋🤓但個飯真係好味！日本米+醬油+蛋，🍚粒粒分明，唔會一pat野，食物越有質素，即使簡單配搭也很美味😋 豆腐漢堡 雖然係素食🥬，但有唔同既口感味道，明太子雞翼 好足料好多明太子 兩者送飯一流，相對較清既茄子正好作平衡💁🏻‍♀️個人建議：值得一試 🙅🏿‍♂️不適合有選擇困難症既人#米気 📍紅磡黃埔天地百寶坊3期地下32號

菜單選擇非常多，菜式都好精緻，可以隨便配搭．米 ：明太子 $22 主：月見博多地雞團子 $46 冷：鰹魚汁波菜 $18 溫：明太子厚蛋燒 $28.月見博多地雞團子 比較少見，團子外層煎到脆脆哋，配合醬油同蛋黃汁，味道唔錯．米 ：醬油蛋 $22 主：牛肉壽喜燒 $48 冷：松葉蟹薯仔沙律 $24 溫：牛油醬油煎安格斯牛柳 $45.松葉蟹薯仔沙律 有啲失望，雖然味道正常，不過只係得好少蟹柳．安格斯牛柳煎得好冧，一啲都唔韌，仲有好香嘅蒜香味.米 ：醬油金菇 $18 主：南蠻炸雞 $42 冷：和風茄子 $18 溫：忌廉蟹肉餅 $26.南蠻炸雞份量足，有4大件炸雞．忌廉蟹肉餅味道唔錯，好creamy

自由配搭菜式，主要分米、主食、冷盤、溫盤，甜品。餐廳有推介配搭組合，每碟份量小小，但係我地無跟到，隨意點左自己鐘意既菜🤭個人最滿意既菜式：蟹膏蟹肉飯（$38）覺得蟹膏好香，不過男朋友話個醬油蛋飯比較出蛋🧐月見博多地雞團子($46)賣相味道都唔錯，外脆內軟🥰撈埋蛋汁食，雞肉味仲香。食物整體都覺得唔錯，因為細細碟，人小小都可以食多幾道菜🤣餐廳比較似快餐形式，店員服務態度麻麻😖環境有少嘈，如果朋友聚會就唔係幾適合😟

食開既，佢好好，一小碟一小碟比你任意配搭，每一碟都有佢既特色。係香港黎講用呢個價位食到好似係日本既野食已經好好，而且好高質。例如以頭盤黎講，豆類，佢唔係淨係比豆你，佢有細心經過調味，而且口感剛剛好。睇得出佢好比心機準備每一道菜式。

蟹膏蟹肉飯HK$38 + 蕃茄味噌豆腐漢堡 HK$38 + 芝麻味噌苦瓜伴炸豆皮 HK$22 + 照燒肉燥蒟蒻絲 HK$22醬油蛋飯 HK$22 + 東坡肉 HK$42 + 忌廉蟹肉餅 HK$26 + 蔥燒牛舌 HK$32成日都見到有friend post呢間啲，終於到自己去食。其實佢都幾似Muji，可以自己揀想食嘅野，細細份，有菜有肉，唔使淨係食一樣餸。 價錢同Muji差不多，但份量多少少，食完都好飽下。可惜，唔知邊樣餸落多咗味精，食完有點兒口渴。