築地日本料理 (金百利廣場)

营业中

休息中

見到有好多讚賞嘅留意所以慕名而來。叫咗個特上二人前套餐，首先前菜普通正常；刺身拼盤，無晒皇帝蟹就畀多份帶子，但所有刺身食得出唔新鮮，豉油好鹹，幫唔到刺身辟味不特止仲難食左。最接受唔到係睇住店員將用過嘅鼓油，倒返入水壺入面，唔知佢哋點處理。天婦羅ok無咩特別。牛小排火完全唔夠，肉都睇得出唔新鮮。飯正常。有檯客啱啱入，嘢食都未到就要人埋單，轉個頭跑住黎check畀左未。不過都有一位員工幾caring會提客小心熱。同埋嘢食份量夠，食得飽。-近期不佳之選。

去完海洋公園水上樂園之後，之後就同另外三個朋友，一共四個人落咗銅鑼灣呢間日本餐廳食飯。我哋大約六點就到，所以人唔係好多，疫情之下覺得咁樣比較安全。二餐廳都好乾淨啊！又有濕紙巾，又有口罩套提供俾你，所以感覺係好舒服嘅。同埋啲員工都好好，佢會推薦你乜嘢菜式比較好，同埋會話俾你聽邊啲要熱食等等。我哋都係聽推薦咁叫，所以叫咗牛肉野菜壽喜燒，啲菜都好甜，整體都幾好食。另外仲叫咗黑蒜豬軟骨拉麵🍜味道都唔錯，佢個賣相好靚嘅。之後好似叫咗一個三文魚魚頭，好似話呢個魚頭多啲肉食，所以我哋就叫咗呢頭。咁佢都整得好香脆，所以味道都唔錯。仲叫咗一個係魷魚，但係中間有雞肉，感覺好fusion，但係我自己都係覺得就咁嗌魷魚會比較食得出魷魚味。最後叫咗個魚生飯，因為同朋友share，所以識咗少少之後，感覺都正正常常咁樣。整體唔錯，價錢都合理，可以再食。

星期一晏晝同朋友嚟咗銅鑼灣築地食日本嘢，餐廳環境唔算大，但係平日嘅中午亦有好多打工仔幫襯。餐廳裝修風格應該係行平實路線，而食物選擇都幾多，有壽司、魚生、拉麵等常見嘅日本美食。睇菜單都睇到我眼花撩亂，好唔容易先揀到食乜嘢啊睇睇個菜單，朋友一眼就send中咗個魚生飯，而我就揀咗牛肉椰菜壽喜燒、炸蝦天婦羅、鰻魚壽司、帶子壽司、火炙芝士玉子壽司。朋友話魚生都尚算新鮮。牛肉壽喜燒都幾足料，湯底偏甜。炸蝦天婦羅味道正常，唔錯。成餐飯我最滿意就係鰻魚壽司，鰻魚汁撈飯基本上唔會唔好食，餐廳比鰻魚汁都幾大方。火炙芝士玉子壽司，邪惡美味。帶子壽司粒帶子都大大粒，幾厚肉。整餐飯買單$376 ，銅鑼灣黎講算係咁啦～～～

環境具和風設計，空間感十足，夠晒闊落，坐得舒適，適合同三五知己聚會。極上築地魚生丼 $198⭐️⭐️⭐️⭐️魚生處理得十分乾淨，食材新鮮尚盛，三文魚同帶子都相當之厚！海膽有淡淡的海水味，帶點回甘，連埋蟹子、魚子撈埋一齊食，口感豐富又美味！牛肉野菜壽喜燒 $88⭐️⭐️⭐️⭐️壽喜燒湯底濃郁，牛肉肥瘦均勻，厚薄剛好，配上娃娃菜、冬菇，味道更鮮！入面仲有豆腐、秋葵、粉絲，好吸味，正！海老天婦羅 $68⭐️⭐️⭐️⭐️炸漿夠薄身，炸蝦火喉控制合宜，配上天婦羅醬汁更能提鮮！鰻魚壽司 $12⭐️⭐️⭐️⭐️鰻魚有一定厚度，醬汁濃郁得黎，但唔會太鹹，食到魚香。火焰芝士玉子 $10⭐️⭐️⭐️⭐️蛋味突出，芝士經燒過之後，有焦香，味道層次更豐富！

築地日本料理（Causeway Bay）銅鑼灣金百利廣場出名多嘢食🍽 今日就黎到7樓食日本嘢🇯🇵 哩間都係好多附近上班一族食晏嘅好選擇🤔🤔 一於試下～⌖ 三文魚海膽丼 🐟🍱💰$118丼飯賣相好靚仔🤩🤩 海膽夠creamy 三文魚幾新鮮😗😗 壽司飯面頭有些許飯素 青瓜粒🥒 同埋一揀印有「築」嘅甜蛋🥚丼飯附送味噌湯🥣 湯除左有基本嘅海帶同埋豆腐 仲有冬菇粒🍄 而哩度嘅Wasabi係唔會好辣好攻鼻👃 比較有顆粒感嘅⌖ 鹽燒帆立貝 🧂💰$32帆立貝有兩大粒 照燒汁甜甜地 配搭得幾好😛 燒物隔離仲有啲沙律菜🥗fresh下 認真貼心☺️☺️⌖ 醬燒雞柳 🐔💰$18雞柳正常發揮 照燒汁入曬味😌😌⌖ 鹽燒牛舌 🧂🐂👅💰$28牛舌有三件 燒得岩岩好🔥 完全無筋唔韌 仲保留到肉汁💦 隔離仲有檸檬🍋俾你轉下口味 幾抵食🤤🤤☻ 回頭指數：8.5/ 10❝ #Ami の港島覓食記#Fatshit_ami #Lunchtime #銅鑼灣美食 #港式美食 #香港美食 #食好西 #日式料理 #日本料理 #日本丼飯 #三文魚海膽丼飯 #燒物 #鹽燒帆立貝 #醬燒雞柳 #鹽燒牛舌

今日去咗食日本嘢去到銅鑼灣梗係喺金百利度食👏🏻價錢唔貴之餘又選擇多，最重要係地點方便位於銅鑼灣嘅中心喺正SOGO對面，行出黎就係地鐵站口再行前啲仲有好多巴士站，夠晒方便海膽魷魚$14☺️每一條魷魚都沾滿左海膽嘅醬汁紫菜仲非常爽脆，好新鮮三文魚腩刺身$68☺️刺身有四片非常肥美又夠新鮮仲係厚切咬一啖充滿魚油，一個人食四片都唔夠😁蟹肉香芒蟹子沙律$60☺️芒果有四片，👏🏻非常厚身，青瓜絲非常爽脆😜清甜配以卜卜脆嘅蟹子，令到食慾大增😍鹽燒多春魚$32多春魚嘅size不算太大，但是魚春非常多，咬落每一條到卜卜脆，燒到外脆內軟，入面仲唔乾身，好香口醬燒牛仔骨$98☺️一共有六片牛仔骨，肉質亂畫又唔蟹口脂肪同牛肉嘅比例非常平均牛仔骨上面醬汁有甜甜的味道，入口更加惹未👏🏻蒲燒鰻魚飯$85☺️鰻魚非常厚身👏🏻又唔腥，食落冇骨，仲配有甜甜嘅醬汁，連埋飯一齊食真係成碗飯都食晒😁送飯一流，仲有三片黃色嘅蘿蔔，非常爽口，鮮甜😍

今日去咗銅鑼灣行街，最鍾意就係去銅鑼灣，交通方便，又多嘢行，最重要就係多美食。經常同朋友去完SOGO都會去呢間日式餐廳食啲嘢，因為性價比高而且食物質素都好好，所以喺度推介一下。築地日本料理(金百利廣場），地址喺金百利廣場7樓R1室。餐廳雖然唔算好大，但係座位嘅空間都好足夠，而且都幾整潔，感覺舒適。蟹肉香芒蟹籽沙律 60 元，蟹肉加上蟹籽味道好鮮甜，配搭上芒果多咗一份香味，完全將蟹嘅鮮味提升左。沙律亦都做得好清新，食完仲開胃咗。蒲燒鰻魚飯 85 元，鰻魚size都好大片，燒香左嘅鰻魚加埋啲鰻魚汁真係絕配，鰻魚肉質鮮甜而且仲保留到魚嘅香味，加上芝麻令到味道更加豐富。最欣賞就係佢加蔥花，味道配搭得啱啱好。燒廣島蠔 55 元，廣島蠔賣相好吸引，而且size都算大隻，可能加咗洋蔥燒出嚟嘅𧐢味道特別香，一啖咬落去食到好新鮮嘅蠔味，肉質亦都好爽甜。三文魚腩刺身 68元，三文魚腩色澤非常吸引，而且仲係好新鮮，每一片都切到好厚，三文魚腩脂肪比較均勻，味道特別香，而且仲係好爽口。醬燒牛仔骨 88元，牛仔骨醃得好入味，而且牛肉味香，最正就係燒到啱啱好，帶一點焦香。

8月4日晚餐到過,8月7日下午四點多到過今日人都算多~築地飯堂~因為上次同朋友試過~每次walk in 都好好彩有位,烏冬好滑肥牛比例算多,刺身價格合理~正,燒牛脷次次都叫,樣樣都好,服務員工👍👍環境可以會繼續來吃

今日黎到銅鑼灣食好西，黎到網上好多人讚好既築地日本料理餐廳食個晚餐。上到餐廳已經見到店內人頭湧湧。身為日本料理，食品選擇當然唔會少，實在花多眼亂，每樣都想試。牛油果軟殼蟹卷：特別喜歡這個，牛油果既香味同軟殼蟹好夾，好正既小食。汁燒魷魚筒：上台嘩左出聲，好大條，而且一啲都唔韌，有魷魚本身既香味。清酒煮蜆：好重既清酒，好清甜，朋友連湯都飲埋！三文魚海膽丼：三文魚同海膽好新鮮，食完唔夠喉再點多客三文魚手卷。果然對日本料理來說，刺身真係好重要！牛肉野菜壽喜燒：甜豉油湯底甜甜地，唔會太咸，好惹味，而且料頭足，一個人食都夠飽！

今日同朋友去左銅鑼灣行街，想食日本菜就帶左我黎築地食好野。餐廳位於美食集中地金百利廣場，上到去等左陣終於入座。我地鑽研左餐牌好耐，實在太多選擇。主菜方面點左牛肉野菜壽喜燒，止下火鍋癮，同埋海膽三文魚丼飯。壽喜燒份量都唔細，一個女仔食就剛好～海膽同三文魚好fresh, 海膽入口即溶，三文魚仲有油甘味，好正。朋友話牛油果軟殼蟹卷係必食，香濃牛油果味加脆卜卜軟殼蟹，果然係好食！汁燒魷魚筒就原筒上，食落好爽口。清酒煮蜆都唔錯呀，清酒好香，食完又忌想再食

好耐無食，最近去返味道都無點變和風炒野菜 48style真係好和風😂，面有一堆木魚。另外仲有唔少種類蔬菜，例如有金針菇、紅蘿蔔、椰菜、菇，用左牛油炒，但食落唔會好肥膩。芝士玉子燒 58 層次豐富嘅玉子燒，芝士唔算好拉絲，勝在都幾多，蛋就算唔加醬汁都夠甜牛油果軟殼蟹卷 48牛油果好新鮮，軟殼蟹唔會好多炸粉，口感酥脆。蟹膏蟹肉壽司 14鋪滿蟹肉，餡料豐富火炙三文魚腩壽司 12尼個價錢食到三文魚腩真係超抵！就咁睇唔係好多脂肪，食落就食到油脂豐富，口感滑溜

今日同老婆去銅鑼灣行街，老婆做完Facial之後和他在附近搵東西吃，日本菜很久沒有食過，就決定這餐選擇日本菜，我選擇了這間樓上的日本菜，這間店舖門面裝修得很有日本特色，入到店內店員很有禮貌招呼我們坐低，細看四周，這裏空間感十足，地方寬敞，西漢餐牌每一樣日本菜我都很想食。我點了一個芒果蟹子沙律，吃一口芒果，芒果味濃而且十分甜，加上蟹子入口卜卜脆的口感，和青瓜絲一齊食，有多重感覺，味道清新。我點了一個三文魚腩刺身，吃一口三文魚腩，魚油甘香，在口腔內慢慢咀嚼，滿口油香非常好味，食材10分新鮮。我還點了多款壽司，北寄貝壽司，鵝肝壽司，蟹子牛油果軟殼蟹卷，食壽司當然少不了日本豉油和Wasabi，北寄貝壽司我喜歡他的口感，在口腔內煙煙韌韌的感覺，而鵝肝壽司一放入口滿口油香，在口腔裏慢慢咀嚼，非常濃的鵝肝味滿佈口腔，不得了。點了一客燒廣島蠔，食一口蠔味濃郁，而帶有口感，食材新鮮。

小胖又黎食日本野，今次就去多嘢食的金百利到食雖然係係銅鑼灣到食，但佢的價錢唔貴而且選擇多👍🏻因為只有小胖一人孤獨食，所以只點了海膽帶子卷，鵝肝壽司和綠茶麵😌佢的海膽帶子卷，帶子都算鮮甜，而且大件，海膽的腥味唔重，而且因為有烤過，多了一點燒烤嘅味道，配上牛油果，有海鮮甜得來又有點小清新，不錯👍🏻雖然以單件壽司來說鵝肝壽司有點貴，但鵝肝十分大件，成口都係鵝肝，十分滿足，不過有點肥膩，一件足夠了😆綠茶麵味道還好，麵身有點乾，但好在有蕎麥汁，加配一起還可，蕎麥汁唔會好甜或者鹹，味道適中。整體價錢和環境可接受

一入到餐廳，覺得成個環境好日式，牆紙模仿築地環境，又有酒樽擺喺牆壁做佈置。環境幾靚☺️見到差唔多枱枱都有叫牛肉野菜壽喜燒，已經覺得好香好吸引。所以我地都叫左一鍋！果然真係冇揀錯，牛肉上菜時係生嘅，可以自己調較熟嘅程度，有牛味之餘唔會太靭。而且一鍋份量好多，有好多配菜，吸左壽喜燒湯底好入味，好味又抵！另外叫咗三文魚海膽丼，三文魚好新鮮，有買四大塊，塊塊都又厚又大塊😍海膽又好新鮮又好甜，絕對唔會有腥味，好好味。小食方面叫咗茶碗蒸， 雞蛋蒸到好滑，好嫩，郁一郁都會震震吓，好有蛋味。底部會有一些海鮮，例如蜆肉，好鮮甜， 令到蛋都有海鮮嘅鮮甜味道。飲品方面叫咗凍嘅焙茶奶茶，焙茶味好濃，上面有D cream, 唔會太甜，中意焙茶嘅人一定要揀佢🤤

今日放工同朋友嚟咗銅鑼灣食飯，OpenRice見到呢間餐廳食評幾唔錯，所以就嚟試吓！佢餐牌真係超多嘢食，選擇困難症嘅我要啲時間先揀到！另外仲發現佢係有張飲品Menu，立即叫店員提供番！😆飲品我哋揀咗焙茶Latte!唔會太甜，又唔苦，覺得啱啱好，叫咗杯同朋友share😆！基本上佢啲嘢食樣樣都好好食！三文魚海膽魚生飯的三文魚非常厚切，海膽又新鮮，真係好好食，價錢都只係$118!至於個鰻魚卷，同樣都係非常好食，入面個餡同鰻魚好夾😍😍我哋仲嗌咗個牛肉鍋，入面其實有啲粉絲，豆腐，菜，金菇等等😍，勁鍾意上面嗰粒流心蛋，真係大滿足呀呢個鍋都係$100左右，加埋啱啱個魚生飯已經好飽！最後叫咗啲串燒嚟作結😋燒元貝燒得啱啱好，唔會太un😍而且上面有啲醬汁同元貝非常夾！！總括而言呢間餐廳價錢親民，味道又好食，值得一試！