築地日本料理 (金百利廣場)

营业中

休息中

Today, I am looking for food at Island Beverley in Causeway Bay. There is a Japanese restaurant on the 7th floor The restaurant is super cool, decorating with the environment just like the feeling in TsukijiMenu has a wide variety of food, including sashimi, rolls, sushi, Japanese hot food, ramen, fried food, and desserts. I sipped several sushi rolls separately, and the level was normal.Green Dragon $50 (Sea Urchin, Gillette Shrimp, Cucumber)Sea Urchin Scallop Roll $68Grilled Salmon Belly$12Avo

同屋企人行完Sogo,上咗金百利廣場7樓嘅築地日本料理開餐。餐廳大部份都係梳化,我哋被安排坐窗口位,對住日本百貨公司嘆日本料理,幻想著自己……心情都特別開朗😁！雖然餐廳吾算十分大,但勝在食物款式多樣,位於銅鑼灣中心黃金地帶,價錢相當親民,可以開懷盡食😜鹽燒冬菇♨️冬菇軟腍新鮮原味道！汁燒魷魚筒🦑魷魚大大隻爽口,配上燒汁,甜甜地味道吾錯！吉列炸生蠔♨️金黃酥脆嘅外皮包著軟嫩生蠔,滴上檸檬汁,點埋沙律醬多款壽司賣相吸引！🍣三文魚海膽丼🍱三文魚肥美,條紋清淅。海膽鮮艷,味道獨特,配埋爽脆青瓜。整個丼飯新鮮。築地甜品拼盤🍨🍰甜品出場啦,一個拼盤有齊四種口味！綠茶雪糕、豆腐雪糕、柚子蛋糕同北海道牛乳奶凍,樣樣都好好味！下次再來試下鹽燒鯖魚、油甘魚頭鮫、拉麵、鍋物先！

上堂前到銅鑼灣金百利廣場7樓R1室的築地日本料理,快速吃個日式晚餐。餐廳空間感大,以梳化為主,感覺舒適!食物款式多樣,獨個兒點了三件壽司、一個刺身和一個甜品。等待美食中,先調個醬汁。翠綠色大大個芥辣球看似綠茶雪糕球,很可愛!火炙芝士玉子壽司~微甜的蛋層配上燒焦半溶芝士,味道香!腐皮壽司~喜歡腐皮多汁軟腍,簡簡單單,無需花巧！北寄貝壽司~口感爽脆,顔色豔紅！鮮帶子刺身~大大粒,白滑肉厚味甜！北海道牛乳奶凍~奶凍入口細滑,奶味濃,甜度適中,玻璃瓶精緻！匆忙的晚餐,可以吃上喜歡的食物和甜品,要珍惜和感恩！

今日嚟咗銅鑼灣金百利廣場覓食，位於7樓嘅有一間日本餐廳🍴餐廳非常的骰，牆上用咗築地嘅環境佈置，恍如去咗築地嘅感覺🤣Menu有超多種類嘅食品，又刺身、卷物、壽司、到日本熱食、拉麵、炸物、甜品都有。可謂一應俱全。分別嗌咗幾款壽司同卷物，水準發揮正常。火炙三文魚腩$12北寄貝壽司$10海膽帶子卷$68青龍$50 （海膽，吉列蝦，青瓜）牛油果軟殼蟹卷$48鹽燒牛舌$28加咗少少檸檬汁，味道鮮得來又香口日本芝士年糕$38平時我好鍾意食🤣基本上食日本嘢我都叫手打烏冬$48感覺食返啲暖野先舒服，配啲咋物嚟食唔錯築地甜品拼盤$48呢個價錢有兩款蛋糕、一個雪糕仲有一個奶凍，抵食到爆

以前已經食過呢間，印象中都記得唔錯，今日就帶朋友黎再食過返尋味🙈🙈去到大約19:00左右，出面都有唔少人排隊等位😛好彩今次有book位！！！😎 因為朋友唔食海鮮，所以今次都係叫返熟食為主，而呢到嘅熟食都幾多選擇🤪好岩有唔食生嘢既朋友仔😛😛牛肉野菜壽喜燒 $88湯底味道都夠同入味👍🏻👍🏻🥩牛肉份量都幾多，上面仲有隻🥚半生熟蛋😋😋撈埋一齊食都幾滋味😚😚最正嘅位就係野菜同粉絲索晒壽喜燒湯底既味道～呢樣真係食極都唔會厭呀🤩芝士雞卷 $65🐓雞卷即叫即炸，真係新鮮滾熱辣♨️雞卷外皮炸至金黃色🤪一睇已經好吸引啦🙈🙈除左皮脆肉嫩之外，中間仲有啲青瓜蘿蔔🥕，都幾得意，口感好特別😆雞卷面層仲淋上芝士醬🧀，真係十級邪惡呀‼️‼️一口炸豆腐 $48酥脆嘅黃金炸豆腐🤤🤤見到都好想快啲食😖外酥內軟嘅炸豆腐，真係忍不住一口接一口😋好好吃～～日本芝士年糕 $38呢個真係必叫必叫必叫‼️‼️‼️因為太重要☝🏻要講三次😆 外層非常鬆脆，一咬入去，中間啲流心芝士味好濃郁🧀芝士控唔可以錯過呀🙊口感煙煙韌韌😛勁好食！北寄貝沙律壽司 $10北寄貝加埋沙律，口感豐富🤤好有鮮味～香蔥碎吞拿魚腩壽司 $15碎吞拿魚腩幼細香滑，軟綿綿嘅口感加上脂

朋友推介下得知呢間餐廳，果然好有人氣👍🏻一上到樓已經見到坐滿哂人，我地都要等咗一陣位先可以入座😝😝 佢地啲menu仲成本字典咁厚，唔同類型嘅日本菜式都有，樣樣都好吸引呀🤤🤤🥢加州卷 $32色彩繽紛咁好吸精🥰壽司上面佈滿咗蟹子🤤🤤入面就有青瓜、牛油果、蛋黃醬，size啱啱好可以一啖放哂入口，食哂咗多種味道呀😚🥢牛肉野菜壽喜燒 $88呢到嘅鍋身都好出名🤩基本上就咁望都見到每枱都會叫一大個share食，唔洗擔心冇配烏冬同白飯會唔飽，因為佢最底有大量嘅粉絲😋而且佢牛肉🥩同蔬菜🥬嘅數量都唔少，食完真係增加咗唔少飽肚感🤩🥢日本芝士年糕 $38呢款芝士年糕我覺得係我食過最好食嘅年糕之一👍🏻👍🏻年糕好煙韌軟熟，外層仲係好香脆😋一咬仲吱哂啲汁出黎👅超yummy👍🏻😋🥢一口炸豆腐 $48豆腐炸到金黃色咁，食落口真係好香脆🥺外皮仲係脆卜卜，入裡嘅豆腐仲係入口即化☺️真係嫩滑無比🥰😝

這裡朋友話價錢唔貴味道又可以，所以見今日星期五就過來吃，地鐵站一上就見到，在樓下已看到7樓，上到去沒想到1900都差唔多滿座，入面餐牌有單叫或套餐，套餐價仲要好平，下次可以再約朋友來吃。味之饅，共4件入面都有不少材料，味道夠最後沒有點豉油都得。鮭魚旗，$38/2件，燒得好香，油脂十足好香口，入面魚肉好滑身，配上檸檬汁的酸最好。在餐牌看到咖哩豬扒飯都幾吸引，來到份量唔少仲有隻蛋，豬扒炸得岩岩好又唔油，豬扒口感好，好味。咖哩汁不太辣但幾香，$68抵食。

沒想到銅鑼灣日本菜 有間咁抵食又味道唔錯，入到去都幾日本風而價錢仲要真心唔貴就叫了幾款來吃。看到這裡的刺身多選擇，最後就叫了三文魚腩刺身推介$68有4件，來到見到堅仲要厚切，啖啖魚脂三文魚味都濃，十分好食，點少少豉油和芥末已足夠。再來看到炒野菜只需$48當然都叫一份，炒得幾香，仲有些木魚絲一齊食最正。牛肉壽喜燒$88不少地方都有，但來到仲有火點住比較少點，因為可以將牛肉煮熟點幾好不會太熟而硬身，下面的菜不少仲有豆腐吸晒壽喜燒味不錯，而且都幾大份。

唔好睇個門口細細，原來入面有勁高cp值嘅日本野食😋😋Menu設計得非常之清晰同埋靚好鍾意呢種圖文並茂又設計精美嘅Menu海之逸魚生丼魚生刺身嘅部份都相當足料Size都係好大塊同厚切食落去都幾鮮甜牛油果軟殼蟹卷賣相非常之靚軟殼蟹亦都炸得非常之香脆可口另外仲叫咗一件燒三文魚腩壽司，入口感覺一流芝士雞卷外脆內嫩，加埋個酸酸甜甜嘅蜜糖芥末汁非常之開胃燒牛舌亦都係非常之值得推介牛舌非常之厚切但係入口一啲都唔韌仲非常之爽口調味亦都啱啱好，配搭埋檸檬汁，非常之平衡板燒香蒜牛舌性價比一流$50有一大碟，調味方面較為重口味，配上白飯一流，口感相對會較為淋一啲，但整體上都頗為出色牛肉野菜壽喜燒非常之足料牛肉有成十幾塊之餘其他嘅配料亦都非常之多喺突然轉凍嘅天氣配上一個熱辣辣嘅鍋物就最適合不過啲雜菜吸晒壽喜燒湯底甜甜嘅味道非常之好食

金百利廣場向來臥虎藏龍!今次俾我哋搵到呢間 全港只得一間嘅日本菜👍🏼非常高質抵食 好想佢開多啲呀😆三文魚海膽丼 $118由啲相都望得出好新鮮 厚切三文魚片好肥美!黑蒜油豬軟骨拉麵 $78豬軟骨入口即溶 啱我口味😂汁燒魷魚筒 $68好好食好好食 一定要encore👍🏼👍🏼呢間日本野價錢全部都好親民，另外仲有好多小食，飯類，麵類，壽司類etc好多都吸引，可惜個胃冇咁大，唯有不斷不斷encore啦😚😚😚

今日同朋友到銅鑼灣行街～ 行到下午茶時段，想食下日本野 經過金百利廣場～ 望一望水牌，見到七樓有間築地壽司店～即管上去望一望餐牌！ 下午茶都幾多選擇，大家可以試一試！行到肚仔餓，所以一次過叫咗三份茶餐其中一份係三文魚飯， 食落口好新鮮！加$10仲有兩件三文魚壽司，好抵呀！ 每份茶餐都有一杯餐飲☕☕☕叉燒烏冬好彈牙其中一份茶餐跟一個熱辣辣的牛角包及一囗炸雞～～ 果然係即場炸丶 脆卜卜好味道整體來說：店舖坐得舒服丶職員有禮丶 雖然茶餐份量不是太大～ 令到飽肚好滿足呢

終於都開晚市堂食了！下班時候，街上一堆人在找吃的，餐廳的人流都多了很多！而我也不例外，一起去湊熱鬧，吃我愛的日式料理！芝士玉子燒（５８元）玉子燒比想像中的要大份和厚，一切開，內裡的芝士就慢慢流出，看起來非常邪惡！一口吃下去玉子燒蛋味香濃，質感嫩滑，中間帶有芝士的香味，配上上面撒的酸甜的醬汁和木魚碎，吃起來更突出玉子燒的味道，真的不錯！青龍（５０元）這個我覺得性價比不錯，既吃到海膽，又能吃到卷物，一舉兩得！海膽給的份量也不錯，入口即化，味道鮮甜，沒有異味。再配上撒滿紫菜碎的炸蝦卷，吃起來外軟內脆的口感，蝦肉爽滑結實。味道真的挺好！金菇牛肉卷（３８元）這個性價比也是真的高，一共有８個卷，用上照燒汁來調味，鹹鹹甜甜的，味道非常惹味，而且牛味挺香，肉質嫩滑，中間放了的金菇吃起來會多了份鮮嫩爽滑的口感！火炙三文魚腩手卷（２４元）到了我最愛的火炙類別！這個比單叫火炙三文魚腩壽司會多了點東西，如蟹籽和沙律跟火炙三文魚腩夾在一起，味道吃起來帶點焦香和油香，入口嫩滑，中間帶點青瓜的清新和爽脆的口感！火炙芝士玉子壽司（１０元）這個加了芝士再經過火炙後，吃起來味道更香。

今次叫左1個主食再加4樣小食🍣🍣🔸叉燒拉麵主食就叫個拉麵令我可以飽肚d啦，可惜拉麵略嫌有少少淋 可能煮耐左少少 因為我比較鍾意食有咬感嘅 但叉燒有d驚喜🔸鰻魚玉子手卷呢個好推薦 手卷淋左好多鰻魚汁 完全唔需要再點壽司豉油 配上玉子好好食，令味道多左層次感!!!🔸炸芝士年糕送上黎熱辣辣 要攤凍啲先可以食到 新鮮炸啊！平時食開圓形嘅 今次細細件方便入口 年糕好軟熟配埋啲芝士食簡直一流 🔸蟹膏花之戀幾特別呢個配搭，見佢花之戀仲有好多唔同配搭今次就試咗個蟹膏醬，食蟹膏最驚就係腥，呢個還好，三文魚生好滑🔸三文魚三味啱晒我鍾意食三文魚🍣，火炙芝士三文魚量正,有入口即溶Overall, 埋單先啱啱200蚊，好飽好滿足！

冰梅蕃茄沙律 $48地獄海鮮鍋配白飯 $98 汁燒魷魚筒$68銅鑼灣地鐵站附近既金百利廣場有好多美食，想食日本野見到間築地日本料理就決定揀佢了。見到個menu完全係會有選擇困難，有好多唔同選擇，有創作壽司、拉麵、沙律、刺身拼盤、燒物、鍋物、魚生丼同埋甜品，就咁數已經有咁多選題，所以真係要眼都闊埋。先食佢個冰梅蕃茄沙律，餐前首選，勁開胃，有酸梅加埋應該調左味嘅蕃茄，蕃茄去皮可以一啖咬落去好滿足，沙律菜都好fresh。之後簡簡單單想暖下個胃就叫左個鍋物地獄海鮮鍋配白飯，好足料既海鮮有帶子、蝦、青口同埋魷魚，仲有配埋菜、粉絲、豆腐、金菇同埋蘿蔔，再加個白飯，而個湯底小小辣但勝在可熱可以做到暖胃既感覺。見到menu既靚靚圖片後，就好想試佢個燒汁魷魚筒。魷魚好新鮮爽口，燒汁都幾夾，魷魚鬚都勁大條，二人分量都算多同埋好爽口彈牙👍性價比好高的日本餐廳，多選擇得黎實有野岩你食而且食物味道又唔錯。

金百利廣場有好多好野食，今日想食日本野，見到築地日本料理就比個名吸引到再睇埋個menu就決定入去試下。首先佢個menu 係有好多選擇，有壽司、拉麵、沙律、刺身、燒物同埋鍋物，仲有好多好多，真係可以一次過滿足你好多願望。叫左個炎辛地獄拉麵，想食辣野，見到地獄以為好辣，但又唔係，不過都係有辣味，同埋好多料，有叉燒、蝦、帶子同埋紫菜等等。18禁三文魚同赤海蝦壽司就小試每樣一件，18禁即係辣味三文魚，辣辣地都幾特別，赤海蝦壽司就幾新鮮。青水心跳係芒果、青瓜、蘿蔔同埋牛油果，一啖食落口係好清新既感覺，估唔到芒果同壽司都幾夾。牛油果軟殼蟹卷就正常發揮。清水心跳同牛油果軟殼蟹卷一份有四件都幾飽肚，同埋整體黎講價錢唔貴同埋選擇又多，下次黎主打食壽司。