築地日本料理 (金百利廣場)

营业中

休息中

平時都係會喺九龍區飲飲食食，吃喝玩樂今日約咗人喺銅鑼灣SOGO要交收去到香港區梗係睇吓有乜嘢好食由sogo望過對面見到金百利廣場，廣場樓下嘅水牌有好多好多嘅美食，諗緊食乜嘢嘅時候，有人派咗張傳單俾我就係位於呢幢廣場嘅7樓築地日本料理喺傳單見到上面嘅美食已經俾佢吸引住所以就想去試吓，最重要價錢又唔會太貴所以相當吸引一出lift就見到店舖,面積不算太大,大部份都係卡位，坐得都好舒服,而且枱同枱之間又夠距離，最重要係咁炎熱嘅天氣有足夠嘅冷氣北寄貝壽司,北寄貝望落去好新鮮,色澤紅潤,入口味道鮮甜,而且仲係好爽口三文魚腩刺身 $68,三文魚腩非常吸引,每一片都好大片,夠哂厚加上有啲魚油嘅脂肪,入口非常肥美,食得出三文魚嘅新鮮,魚油味香濃,真係好好食。日本芝士年糕 ,呢個簡直係重點推介,外面炸到金黃色,而且入面嘅芝士好香濃,煙煙韌韌,口感真係一流,如果鍾意食芝士嘅朋友一定要試下。芒果蟹肉蟹子沙律 $60四篇口口嘅芒果肉夠晒凍又夠鮮甜味道好清新鮮甜,口感非常細滑,配搭埋沙律齊食,多一份清新嘅感覺,每條青瓜絲都佈滿沙律醬，蟹肉同蟹子份量又夠多😍鹽燒牛舌 $28牛舌燒到非常之香,入口牛肉味香濃,而且仲係

天氣實在太熱啦⋯⋯老婆唔想煮飯⋯⋯其實辛苦搵來志在食！咁熱梗係外出吃飯最happy啦⋯⋯這間餐廳地點非常方便，位於銅鑼灣心臟地帶😬🍢🍢築地日本料理蟹子沙律🥗青瓜絲非常爽脆清甜！配以卜卜脆的蟹子！超開胃！清酒蛤蜊湯底加入清酒非常鮮甜！大大粒的蜆肉，每粒都脹卜卜！每粒都好新鮮！而且份量都唔少！最後連湯都飲晒！泡菜黑豚肉石鍋飯由石鍋奉上的黑豚肉煎香了份外惹味！有粟米🌽黑木耳和泡菜！最鍾意佢嘅泡菜辣辣地甜甜地撈埋啲飯真係好好味😋加上自家製嘅辣醬！必食！凍焙茶拿鐵🍹焙茶拿鐵超級香濃⋯⋯帶出香濃嘅茶香加上忌廉😎雙重享受🤩綠茶雪糕🍨綠茶雪糕同樣非常香濃！充滿綠茶嘅香氣！😎

熱🔥熱🥵熱🔥天氣真係好焗熱！原本約咗朋友一齊去銅鑼灣行街！但係行到20分鐘已經唔想再行！熱到飛起⋯⋯所以決定去醫肚算吧啦😬📍📍築地📍📍好在間餐廳雖然地方唔係太大！但係食物嘅種類多而且價錢合理！食物質素唔錯添⋯⋯海鮮野菜天婦羅份量都唔細，超級鬆脆！但係又保留左蔬菜嘅原味！😋串燒拼盤菠蘿🍍出奇的鮮甜，又多汁！雞柳🍢雞翼有自家製嘅醬汁，帶出雞肉嘅鮮味！牛肉野菜壽喜燒牛肉片充滿牛肉味！肉質鮮嫩！大量嘅野菜加上壽喜燒湯底！yummy😬超滑嘅豆腐配以溫泉蛋超豐富！附送大大碗的珍珠米⋯⋯😋草莓石榴熱情果梳打甜甜酸酸仲有氣⋯⋯超解渴⋯⋯朱古力雪糕🍨朱古力味香濃🙆‍♀️

成日覺得銅鑼灣啲野食好貴，閑閑地2個人都要300蚊埋單🥶但俾我發現原來係金百利個度樓上有間性價比都幾高嘅日本餐廳😋上到去雖然店面嘅面積唔係好大，但係都坐到幾多人，同好多卡位，尚算坐得舒服😌睇下meun發現都真係幾平咼！唔洗100蚊有拉麵🤩最平就梗係有個甜品拼盤，唔洗50蚊，就有4樣甜品！一陣間一定要試☺️火炙玉子壽司 $10好似好少喺外面見到咁樣嘅壽司於是叫咗食🤣🤣都好食！！上面玉子好厚！！清水心跳 $38性價比超高😗入面有芒果，青瓜添呀！超級refreshing!!夏天食啱晒^ _ ^另外我哋都叫刺身三文鮮刺身 $52唔算貴！同埋佢都好厚切，好肥美！！好鮮！有4塊㗎‼️我就叫咗杯巨峰乳酸Soda！顏色好靚，好啱打卡！唔會太甜咼！飲到食定餐飯，都仲有得飲超大杯！！！我朋友就叫咗凍柑桔檸檬蜜佢話唔夠凍，店員就拎咗一杯冰俾佢嘆🤣👍🏼黑蒜油豬軟骨拉麵 $78唔使$80就食到一個超好味嘅拉麵，湯底勁濃！！食完有口臭！正呀🤩🤩🤩最後就梗係叫咗甜品拼盤啦！真係超抵$48🤣🤣🤣有雪糕兩件蛋糕同一個布甸！！蛋糕就普通啦！！布甸雪糕相對比較高質🤣

琴日🐻又嚟接收工，當然要撐下枱腳啦🤭！我哋去咗食一間都幾受歡迎嘅日本料理餐廳🇯🇵，去到雖然要拎飛，但睇下睇下menu，好快就有得入座🤣！我哋叫咗個二人餐($298)，包咗1️⃣個沙律、1️⃣個小食、2️⃣個主食、2️⃣杯特飲、2️⃣個小甜品同埋1️⃣碟串燒，好抵！CP值幾高！-🍴叉燒拉麵🍜 - 食拉麵就係要睇麵嘅質地同埋湯底，湯底幾重麻油香味🤭，麵質啱啱好，唔硬唔軟。湯入邊有木耳絲同埋粟米🌽，增加唔少嘅口感，當然唔少得半邊嘅糖心蛋🥚，主角叉燒都非常入味！-🍴牛肉野菜壽喜燒🐮🥬 - 份量幾多，而且食物種類都好多，最底會有粉絲同埋娃娃菜，有少少紅蘿蔔🥕、金菇、冬菇、豆腐、秋葵，喺煮嘅時候，令到湯底更加鮮甜🤤，面頭佈滿牛肉，超級足料！配埋飯食，好滿足😙！-🍴蟹子沙律🥗 - 比想像中大盤，好多青瓜絲，青瓜絲上邊有蟹柳、蟹籽同埋沙律醬。-🍴串燒拼盤🔥 - 分別有一串雞翼、一串雞柳同埋一串菠蘿🍍。每個都燒得好香，雞翼外脆內軟，不過入邊嘅肉稍為有啲乾，雞柳幾好食，菠蘿都唔錯。-🍴海鮮野菜天婦羅🧅 - 有兩個好大嚿嘅天婦羅，望落只係得好多唔同嘅蔬菜絲🤣，例如番薯、洋蔥等等，基本上冇海鮮，只係發現咗一粒好細粒嘅青口。-🍴北海道

位置勁方便，係正sogo嘅隔離！一上到去好有工廈嘅感覺，哈哈有隱世嘅小店feel!!我個日7點上到去，已經爆咗場！太誇張啦嘛🤣🤣餐廳唔算大，所以如果想食，一定要早少少去，就唔使驚啦🤣餐牌好厚，好多野揀！三文魚刺身 $52有4塊！都尚算肥美，但好新鮮，係厚切！！除翻開10幾蚊一塊都okay ah!!!清心水跳 $38火灸玉子芝士 $10好食！性價比好高咼！！而且好refreshing!!!最後我地叫咗黑蒜拉麵豬軟骨拉麵 $78超好食！成晚最好食嘅👍🏼👍🏼湯底超濃，份量好足！！有2塊大豬軟骨㗎，再加好多配料好好食😝😝有粟米，木耳，好濃！最後仲有個甜品拼盤 $48又係好高Cp，50蚊唔洗有4款甜品，有芝士蛋糕，布甸，綠茶雪糕，柚子蛋糕！其中布甸同綠茶雪糕係最好食嘅👍🏼👍🏼👍🏼

晚上要上堂 上堂前想日本野 平日晚上7點已經要排隊 Early dinner 就試下呢間啦Menu 好多野揀 連素食都有 非常讚 叫左蝦蝦三笑 （蟹膏熟蝦、蟹膏甜蝦、赤海蝦）我最鐘意既赤蝦非常新鮮 食落爽口 甜蝦同熟蝦都不錯 配蟹膏增升口感層次火炙芝士三文魚腩 都係我食壽司必點既燒左既三文魚腩冇咁油 又香口 海膽帶子卷 （青瓜、牛油果、蟹柳、帶子、海膽） 第一次食表面燒過既海膽 都幾特別 加埋帶子 好鮮甜 加埋下面青瓜 牛油果 膽 蟹柳 一啖放晒落口好豐富呀芝士玉子 份量都幾大 切開左蛋漿都厚 十分實在 仲有我鐘意既拉絲芝士配埋燒餅醬同沙律醬 仲有上面既鰹魚碎 一個人都食吾晒呀

疫情下無得去日本，可能你或多或少都會掛住當地盛產既海鮮、刺身…其實我何嘗唔係好似你咁諗呀🥹真係好掛住日本既築地市場🥰唯有食住香港的築地日本料理先啦！係銅鑼灣有間築地日本料理，於是就入去試一試。牆身有一大幅日本築地市場的場景小編點了：1️⃣海之逸魚生丼 ＄108有三文魚、劍魚腩、帶子、蟹子、蟹柳、北寄貝和赤蝦。2️⃣黑蒜油豬軟骨拉麵 ＄78湯底不會特別油膩，豬軟骨紋得很淋，味道濃郁。3️⃣牛肉野菜壽喜燒 ＄88牛肉份量多，壽喜燒配上温泉蛋簡直是絕配。4️⃣青龍 $50（海膽，吉列蝦，青瓜)大大舊壽司卷，炸蝦炸得香脆可口，海膽份量尚算多。5️⃣清水心跳 $38 (芒果,青瓜，蘆筍，牛油果)芒果不酸，清新的配搭。餐牌如下。

甚少寫食評，但這店真的值得一讃👍🏻👍🏻！店員服務殷勤！親切！絕對有賓至如歸嘅感覺！因要等齊朋友才可入坐，店員關心了多次，怕等得耐，落單姐姐不厭其煩介紹得又清楚🥰最後還送我們飲品、甜品！抵讚👍🏻👍🏻👍🏻

好開心啊今晚早左收工唔使排隊就有位可以食到呢間開左好多耐都仲好受歡迎嘅日本野因為好肚餓所以一野就點左個浦燒饅魚飯$85, 飯嘅份量唔算好多不過 魚就份量足同厚身, 不過邊邊會有骨, 食嘅時候要留心。另外就隨意點左盤壽司, 睇落全部色澤都好靚, 食落都好新鮮, 三文魚油份好夠!另外佢d組合壽司都好抵食 蝦蝦三笑$38 就有赤海蝦, 蟹膏甜蝦, 仲有蟹膏熟蝦。全部都好鮮甜啊,而且值得一讚嘅係佢上菜好快, 一落完單唔使10分鐘就出齊哂!!

金百利廣場不嬲都有好多好野食, 今次嚟左呢間性價比高又受歡迎嘅日本野佢唔係sell高檔反而餐牌都係一d令人溫暖嘅餐點。例如一d鍋物同炒飯不過今次我就試左佢好多款壽司同卷物, 真係大滿足啊!三文魚三味$38 就有齊普通三文魚, 火灸芝士同蟹膏三文魚。岩哂有選擇困難症嘅我。另外仲試左海膽吉列蝦青瓜卷$50海膽好鮮甜，唔會得一丁丁。青瓜又起到中和嘅作用, 好味!海膽帶子卷$68 都好好味啊! 帶子一片有口感而且夠甜!配埋海膽就鮮上加鮮

疫情下無得去日本，可能你或多或少都會掛住當地盛產既海鮮、刺身…其實我何嘗唔係好似你咁諗呀 真係好掛住日本既築地市場玉唯有食住香港的築地日本料理先啦！海之逸魚生丼＄108有三文魚、帶子、蟹子、赤蝦、劍魚、北寄貝、玉子蛋和蟹柳。黑蒜油豬軟骨拉麵 ＄78豬軟骨煮得很淋夠晒入味，拉麵份量多，彈牙爽口。牛肉野菜壽喜燒＄ 88牛肉壽喜燒很有驚喜，湯底味道帶甜，醬汁嘅甜味同肉香好夾，配上温泉蛋更加惹味。青龍 ＄50(海膽，吉列蝦，青瓜）海膽份量不錯，味道鮮甜。吉列蝦炸得脆口，蝦肉彈牙。清水心跳 ＄38(芒果，青瓜，蘆筍，牛油果)芒果帶少少酸，清新的配搭。餐廳的佈置場地，如去了一轉日本築地市場。而且餐枱寬敞，坐得舒服。

今日落好大雨，放工即刻去附近搵間餐廳，食晚飯就返屋企，平時同事都介紹呢間日本餐廳，話好抵食又多選擇可能我六點幾已經去到，所以唔算好多人，坐得好舒服，餐廳職員好有禮貌我揀咗個海膽帶子卷，賣相唔錯，有四件卷物，海膽同帶子都好新鮮甜美，再配上青瓜、牛油果、蟹柳，係清新嘅配搭，好適合夏天食，清清地另外叫咗個魷魚雞肉卷，份量比想像中大，價錢都只係80幾蚊，魷魚燒得香脆，配上甜甜地嘅醬汁唔錯，裏面嘅雞肉鮮嫩，呢個配搭比較少見，幾特別又好食最後叫咗個鹽燒牛舌，燒得剛剛好，加上簡單嘅鹽已經夠美味搵次同同事再一齊嚟食，可以試吓午餐時段

今晚雖然落大雨，亦無損約咗朋友食飯嘅雅興，揀咗間日本餐廳，餐牌價錢唔貴，而且款式都算多職員安排卡位，坐得好舒服，招呼周到，最特別係聘請有聽障的員工，支持佢地就業，十分有社會責任，抵讚叫咗個油甘魚刺身，有四片亦厚切，好新鮮，食落爽口，好過出面嘅壽司店另外揀咗個海膽海鮮炒飯，份量算充足，海膽鮮甜，配上唔同嘅海鮮，例如三文魚、蜆等等，口感豐富，味道唔錯，兩個女仔食一定夠最後試咗杯豆腐雪糕，豆腐味清新，口感略為硬，但作為晚餐嘅完美句號相信下次會再嚟幫襯，可以試吓佢哋其他菜式

今日喺銅鑼灣金百利行完街，肚餓想食下午茶，然後就搵咗間日本嘢食。我四點幾去嘅時侯都好旺，我估啲嘢食應該都唔錯，先咁多人黎。我叫咗個野菜牛肉壽喜燒鍋同埋凍豆腐，再配過熱柑橘檸檬蜜，一個人好滿足。個壽喜燒鍋個湯底都幾好飲，同埋佢係有個火熱住個鍋，所以食極d野都好熱非常好！非常貼心。個湯底甜甜地又有啲酒味，同埋佢有隻溫泉蛋打咗落去，撈埋一齊食好正。佢啲配料都好多，有黃芽白、牛肉、秋葵、粉絲，同埋啲餸都好索個湯好好食～嗰三款凍食豆腐各有特色，海膽嗰個好有鮮味，泡菜嗰個充滿韓式味道，麻醬配蝦同豆腐都好夾～佢嘅豆腐好新鮮同埋好挺身，唔會話一夾碎晒，好有質感，一次滿足左三種味道！配埋杯熱檸蜜完結一個美滿的下午。