筷子記

营业中

休息中

沙茶醬撈麵不是特別爽口, 沙茶魷魚和腐皮也是一般。這間餐廳主打澳門麵食, 但無論麵和食物與一般廣東麵食沒有分別。

平日中午經過, 小小店始終人龍長長, 坐不虛席. 貌似車仔麵檔又似足一間正式麵食小店.坐低, 叫麵格局真的是車仔麵形式, 配料的確有特色, 什麼澳門包心卷, 路環魚腐, 葡國脹等等. 的確不同.叫了一個下午茶麵餐, 只是$23, 另外佢做得澳門餐廳, 當然也有豬扒包.仲有不少非麵食選擇, 最好過左lunch time 黎, 店太細了.

打了名號賣澳門小食，店名也諧音地方名筷子基作為招徠。店内除了些葡式瓷磚外，還有模仿中環一帶舊式大牌檔（如蘭芳園）而做的綠色摺門作裝飾。牆櫃裏放了罐頭黑白淡奶、MINERVA葡國沙甸魚等，但最搶眼的，是部愛華雙卡式收音錄音機！這部機可以帶過帶錄音DUP歌，我們笑說它是自家作老翻始祖。枱面還貼了不少與店鋪食物無關的剪報，例如四叔講三萬點、OK便利店的每日一笑卡（還特意將問題和答案剪開分開擺）、BEATLES LET IT BE 的介紹和歌詞....有趣。今天試的是葡國腸煎蛋包，味道不錯呢！麵包非常軟熟，時下很多麵包都變成這個TEXTURE，有人喜歡，但個人覺得太軟反而失卻了麵包的口感。火路控制得好，薄蛋也煎得夠香滑。而葡國腸本身就帶點鹹鹹香香的味道，三樣食材配合起來，效果是相當的味美！20元的下午茶餐還包熱飲，要了杯熱檸茶，這個跟其他茶餐廳的就分別不大。這店做得頗有心思，遲些時，再來試試其他食物吧。PS：牆上還有告示說店内已經連接了‘網上監察系統’....難道我們的食相會在網上流傳？！過來‘吞卜’的，要小心！！

我早排到澳門玩,順便去三盞燈食碗撈麵,味道一流,今日食晏想尋回當日的美味不過.....路環香腐角好硬,仲未煮腍,BB魷硬到死,完全冇味道,東風螺用帶甜的醬汁煮,不對本人胃口,沙茶撈幼麵,沙茶醬太甜又唔香,幼麵煮到好腍(及配熱飲)沙茶醬魷魚,沙茶醬好唔掂,葡國腸切得太薄,鹽香車厘茄好普通,湯麵,湯底淡淡麵腍腍(及配熱飲)美好的回憶要好好珍惜,過去的美好係不能輕易尋回

香港無這類形鋪頭所以覺得幾有特色, 值得去試。點左個路環腐角+包心卷+墨魚丸沙茶撈麵, 西多士, 麥香奶茶及麥香咖啡。路環腐角麻麻地, 包心卷普通, 墨魚丸入面有墨魚肉好味(推介), 沙茶撈麵有少少濕不是好乾味道幾好。西多士有香嘖嘖的蛋味, 而淋在西多面上的糖漿唔似平時食開的糖漿不太甜。麥香奶茶及麥香咖啡都有麥味, 唔落糖都夠味, 但我覺得麥香咖啡比較好飲。下次會再去。

我叫左魷魚+包心卷+ 路環腐角沙茶撈福面(飲鹹檸七)朋友A叫左馬交魚羹+墨魚丸+BB土尤沙茶撈粗麵(飲蜜桃茶)朋友B則叫左墨魚丸+葡式香腸+香菇魚片扒沙茶撈幼麵(飲麥香奶荼)另外再叫一客奶油麥多~~奶油麥多(8/10)~香脆ga厚多士配適量奶油~(9元)魷魚(8/10):爽口彈牙~加埋非常香濃gar沙茶醬~gd!!!包心卷(6.5/10):普通的魚蛋包豬肉卷~無咩味路環腐角(4/10):仲難食過sushi的腐皮:<墨魚丸(9/10):有墨魚肉係入面gar好食墨魚丸，正(推介) !!!BB土尤(4.5/10):唔太得,唔知自己食緊咩咁...馬交魚羹(8/10):彈牙，有魚味, 同埋分量都幾多~不錯葡式香腸(5.5/10):好鹹好似臘腸~不過無臘腸咁油~香菇魚片扒(8/10):似琵琶豆腐~不俗~~沙茶撈福面同粗麵都唔錯~幼麵無咁好食蜜桃茶(7.5/10)~ok啦~唔太甜~都係咁ga味麥香奶荼(7/10)~普通奶茶一杯~加錢唔值鹹檸七(8.5/10)~一定要試下~佢舊檸檬係用鹽醃左好耐~唔係普通茶餐廳果d 7up加幾片檸檬再加鹽~口痕可以食埋個鹽醃檸檬~hehe用鐵兜盛載撈麵好似去左

皇后碼頭公開論壇那天。先步行到威靈頓街搵食,見這裡未食過,就入去試試。小店客量一般,裝修上仿照大牌檔,將檯邊塗上綠色,廚房外邊加個大牌檔簷蓬,外綠內白。點了包心卷、沙茶醬魷魚湯幼麵,加杯薄荷賓治。等待時看到玻璃下夾了不同的東西,如個人黑白相、大白兔糖紙、特別剪報...連溏心金句都有。先來薄荷賓治,薄荷紅紅,睇覺有點怪,攪勻後飲落夠冰涼,內裡的罐頭菠蘿也吸收了薄荷味。之後來湯麵,幼麵並非鹼水幼麵那種,食落卻是腍腍。包心卷,長長的切開一片片,味道有點似魚蛋,但又是腍腍。沙茶醬魷魚則入味。價錢方面,比起澳門下環街大牌檔的車仔撈,這裡似乎...不過衛生、環境比那裡好得多。食畢,走到熱鬧的皇后碼頭,企滿了聽論壇、拍照的市民,也有乞丐到來。在場人仕掌聲、歡呼聲給「本土行動」,噓聲給林鄭。惜政府仍堅持清拆,最終會否重蹈天星覆轍?將來,港人殖民地時期的回憶,會否隨著時間流逝、「集體回憶」離開、洗腦而被漸漸抹除?

最近幾期雜誌都提到這間澳門特色食店，讓我怪想念辣魚包。　龍一完show，我們便一起到中環搵食，第一間就是來了這裡。小店幾企理，阿姐又好好招呼，我們隨便睇兩睇，便叫了辣魚包及車仔麵，後者餸料揀了想試的辣蛋及包心丸。　車仔麵先上，辣蛋味道幾好，包心丸（其實是魚肉包豬肉）就一般，都算過關；然而那個店方聲稱「澳門特色醬油」的湯底欠佳，吃來又不甜又不咸，拖垮整碗麵。　辣魚包比我在澳門西灣安記吃的靚仔好多，但味道也差好多，因為純沙甸魚的魚肉，與帶甜的蜜糖包其實不太夾的。　最後，叫了杯凍檸茶看來大大杯很開心，但味道差勁。難怪價錢不貴，環境與服務皆好，始終食客不多。不推介...

食o左兩次都係沙茶撈, 從未食過依個醬, 好特別, 有少少沙嗲的感覺, 佢撈粗麵超讚~~~!!!次次都係兩撈, 同個fd分享就可以有4餸了. 以個人喜好餸的次序如下:1. 墨魚丸: 係食過數一數二的美味墨魚丸, 重有墨魚肉係入面, 正!!!2. 香菇魚片扒: 好特別, 有d似豆腐乾上面舖一層魚肉, 美味~~3. 包心卷: 好似魚蛋咁, 但佢有兩個層次, 外層係似魚蛋多d, 內層係貢丸咁, 但我真係難以形容4. 馬交魚"更": 名係奇怪, 但其實似鯪魚肉, 但比較彈牙, 似係mix了鯪魚肉同墨魚肉, 同埋分量好多5. 葡式香腸: 好似"立"腸gum ga, 不過鹹d6. 東風螺: 還可以la7. 腐角: 同sushi的腐皮一樣, 我最憎8: BB土尤: 好唔得, 好粒的尤魚, 好似冇o野到肚gum lor但佢真係好有特色, 又好味, 又抵, 只要跟我的指示選餸就是了

今日第一次幫襯筷子記外賣，因為是澳門平民麵食，三餸湯麵$28包一杯熱飲，不要飲品$22。我叫了路環香腐角，沙茶醬魷魚及香菇魚片扒湯麵，可能香菇魚片扒賣晒，結果比多了香腐角。特別就真是特別，因為中環很少這類型舖頭，但食物就無甚麼特色，如果不是有沙茶醬魷魚的醬味，這碗麵同其他麵無分別了。

7.14 (sat) late lunch原先諗住去蘭芳園飲"全香港最正o既奶茶"，點知有排等，唯有下次。之後fd提議去呢度，聽講出名，試下囉，都幾多人。我地分別叫左個３"送"撈（＄２６），要晒佢介紹o既６樣"送"，最正我覺得係墨魚丸（未食過咁特別+好味）、包心卷、魚肉香菇扒（炸，但幾香口）。醬我要蠔油（唔食得辣又唔想要茄汁咁奇怪），fd要沙茶，沙茶少辣但幾好味。我飲介紹o既麥奶奶茶（加＄３），唔算係好正（因為近港式奶茶），不過都冇苦澀味。"麥奶"其實係加好立克粉囉…我覺得，因為食到ｄ未溶o既好立克粉。fd請，thanks！會回頭！

今日叫外賣, 叫佢醬油另上, 點知來到, 所有醬油都混在一起. 佢仲要加我一元, 我call佢問點解, 佢仲話我叫左湯另上. 唔係比唔起果一元, 而係我都無叫度湯. 此混亂的服務,不只一次的了.

今日又唔知食乜好,經過呢間見唔多人就黎食, 要左個香菇魚扒+魚撈米粉,揀左沙茶醬(有茄汁/沙茶),魚扒味有陣豆腐味+貢丸,幾得意,另外果d魚"根" 無咩味, 有少少似墨魚丸,沙茶醬甜甜地, ok 既,可以試下; 佢有其他包, 我下次買黎食先

中午時間同一個同事去試咗呢間嘢，馬介休魚羹好彈牙，味道有啲似墨魚丸；香菇魚肉扒唔知點解會有陣豆腐味，又有啲似扎肉；葡國腸個樣似勁多肥肉o既臘腸，食落好鹹，所以比較適合配一個清淡o既麵底；瑞士雞翼普普通通，無乜特別。當中我極力推介大家食沙茶醬撈粗麵，因為啲粗麵會索啲沙茶醬，令到個麵底好正！啲店員o既服務態度都值得一讚，雖然係超繁忙o既一點，但係佢哋仍然唔會躁，唔會黑面，唔會用啲小動作去趕你走，喺中環嚟講都算係幾唔錯~ 大家不仿去試吓~

(25/4/07)雖然想試包類,e.g.辣魚包,下次買走先!路環香腐角(很鞋口),香菇魚排(味道與貢丸一樣,只是做成片狀,仲要唔見有冬菇既)蕃茄撈麵,很清淡,&唔夠熱。朋友吃澳門墨魚丸(很爽口,味精味幾好),包心卷,(切成長片很有趣,其實似打邊爐的包心魚蛋味)沙嗲撈丁,沙嗲醬味感覺加左椰汁/奶?少少甜甜地,都唔錯。