等等HEA

营业中

休息中

今日去九龍城搵食，見呢到台灣感好重，就入黎試下。呢間電子化落單，環保得黎又可即時查單，介面方便易用，正。叫咗兩個餐，兩杯嘢飲。香芋珍珠奶茶特別正，香芋味濃，奶茶味唔算重，配埋百搭嘅珍珠，可同出名嘅台式飲品店一較高下。叫咗脆香雞扒配魯肉飯，佢送埋三小碟前菜。先講前菜，花生重味，青瓜爽口，但最正係舊豆腐，一咬超juicy，真係睇佢唔出！主角雞扒無得輸，睇佢唔出口感咁特別，但又唔會搶到無哂雞肉味，佢仲有他他醬可點，再帶多種味覺出黎，正！由於呢個已經咁正，所以一上埋鹽酥豬排配麵我就即食啦，唔記得咗影相...陽春麵配一大舊紅蘿蔔同埋一大舊白蘿蔔，最鐘意呢啲吸汁嘢！麵頗腍，配鹽酥豬排嘅粒粒口感相當正。鹽酥豬排賣相唔算好好，但係味覺一流。鹽酥雞食得多，估唔到豬都幾夾。一樣有三小菜，所以正。最後上埋蚵仔煎（又係唔記得影…）好多蚵仔，每一啖都有隻半/兩隻，真係勁豐富。蛋香又滑，連埋蚵仔真係絕配。佢仲有甜甜酸酸嘅醬，可再帶另一種口感，但我個人覺得鐘意唔點仲正。雖然呢間叫等等hea,但美食當前，有啲難等喎...

好掛住台灣菜呀 😭最近無得去台灣，唯有乖乖地留係香港食啦😄想去啲人流無咁多既地方食到台灣菜，依一間岩晒你啦🥰係疫情下，餐廳體貼又細心放左好多酒精搓手液供客人用，食得開心又安心❤️依間台式餐廳既餐牌食物同飲品都有好多選擇🤤真係好吸引！我同朋友分別點左鹽酥雞扒配魯肉飯(附送前菜三小碟)、台式牛筋牛肚刀削麵(附送前菜三小碟)、口水雞三小拼盤（口水雞+溏心蛋+豆腐），兩杯飲品（白桃烏龍冷泡茶同珍珠茉香奶茶）一擺上台已經好吸引😭首先介紹下佢個前菜，唔係講笑...前菜真係好豐富而且好好食！有好健康嘅麻辣蓮藕、酸酸甜甜嘅青瓜、麻辣雲耳😍由於自己真係好鍾意麻辣，所以呢個前菜真係好好食而且份量都好足，蓮藕同青瓜夠晒爽口，又開胃又健康😋到介紹吓個主餐-鹽酥雞扒份量慷慨，肉質好淋，而且好特別配左個千島醬👍酸酸甜甜真係好好食！滷肉飯又大碗，滿滿嘅滷肉鋪滿飯面，配埋雞扒真係好開胃🥰（必試）第二款主菜-牛筋牛肚刀削麵🍜呢個選擇真係好好，食到我最鍾意嘅牛筋之外有食到牛肚，餐廳真係夠細心👍份量都好足夠，牛肚好淋，又易入口🤤粗闊既刀削麵口感唔錯！到口水雞三小拼盤-溏心蛋好流心，豆腐都好新鮮，麻辣口水雞夠滑（麻辣真係好正😋

九龍城淨係得泰國菜？錯啦！仲有日本菜、越南菜、酒吧。。。仲有台灣菜！呢間《等等HEA》台灣食店，掛滿霓虹燈撩妹金句，打卡一流👍爐端燒豬梅花腩 ($68)呢到有香港台式食店少見嘅燒肉🥓每枱都有自己嘅爐自助燒烤，不過我哋淨係嗌一款肉，所以廚房就燒好俾我哋～灑上粉紅鹽，再點燒肉汁，超好食😍😛小碗手工魯肉飯配鹵水溏心蛋 ($50)- 附送三小碟前菜魯肉夠香夠嫰，肥瘦比例平均，油香四溢，超送飯！滷蛋同魯肉飯，絕配🤩！三款前菜係蓮藕、木耳、青瓜。等等蚵仔煎 ($60)除咗魯肉飯，另一樣台灣必食嘅就係蚵仔煎🦪🍳好食好食！台式鹵水小拼盤 ($48)- 豬耳 雞翼 鹵豆腐芋圓仙草豆腐花 ($38)芋圓+仙草+豆腐花，超多重享受🥰飲品：黑糖珍珠奶茶 ($30)珍珠少咗少少喎🤣，不過味道ok👌奶蓋四季春 ($35)奶蓋熱潮好快就已經過咗，好耐無飲過😋奶蓋芝士味好濃，四季春茶味亦好香，正😋-Menu:

九龍城出左名食泰菜，但食得多都想轉下口味啦～見到好似有間新開既台灣菜，既可以食台菜，仲可以食燒肉，無理由唔試下既門口放左消毒潔手液，入店前亦要量左體溫先，咁就令食客放心啦～😌-店內d sweet sweet情話都幾盞鬼！-估唔到原來依度係用自轉既光波爐黎燒肉，咁就唔怕成身油煙味啦！而且仲可以揀職員燒定自己燒tim，想翹埋雙手等食既就揀前者，想好似我地都有風味D就自己燒牛肉拼盤 ($288)🌕🌕🌕🌕🌑食得燒肉當然想試下唔同部位啦，所以點左個拼盤試下，店舖只係用左黑胡椒調味，所以食前一定要落番佢地提供既粉紅鹽！！可以更加提升肉味。😋🔸 牛脷係愛麗絲燒烤必點之物，雖然只係薄切，但依然咬勁十足;🔸 牛肩既脂肪比例因為相對少Ｄ，所以口感就比較 結實；🔸 牛小排同牛胸腹都肥美juicy，肉味濃，油脂燒後既甘香係最好食-美國特板牛小排 ($98)🌕🌕🌕🌕🌕因為牛胸腹冇得單點，所以encore多左一份牛小排黎食，依份比拼盤果份高級，所以更加肥美味濃！-翠肉瓜(+$28)🌕🌕🌕🌕🌕翠玉瓜切到大大塊，燒落一D都唔乾身，仲好多汁，好食！-菠蘿($+28)🌕🌕🌕🌕🌕台端燒又點少得新鮮菠蘿呢？酸酸甜甜即刻消除油

係九龍城附近放工，近近地就去左搵野食，見到間幾得意嘅餐廳名～等等hea原來係間台灣餐廳。台灣嘅嘢食通常俾人嘅感覺係炸同埋酥脆，偏重味，非常岩本人胃口！一行兩人坐低，鋪頭有幾個打卡位！裝飾幾有心機同幾有特色！食物台式滷肉飯台式滷肉飯係台灣好出名嘅美食，去到台灣必點！懷念台灣的味道！鹹鹹嘅滷水汁配埋切粒嘅五花肉非常惹味！佢嘅醬汁雖然冇台灣嘅醬汁咁濃味，但都非常餸飯，滷肉飯不會太油膩! 滷肉飯仲有個精華就係黃色嘅腌蘿蔔！但係佢得半舊太少了！蚵仔煎加蛋蚵仔煎都係台灣出名嘅美食之一，又係台灣懷念嘅味道，蚵仔姐係香港人叫既蠔仔，蠔仔幾新鮮，粉就跟台灣嘅好似有少少不同，但味道都不錯，值得一試，仲有個醬汁撈埋蚵仔煎食先至係絕配！滷水小食拼盤同滷肉飯的配菜滷水小食拼盤有滷水豆腐，滷水豬耳，仲有滷水雞翼！味道不錯，有台灣嘅味道！台式烤肉 牛胸腹肉個台式烤肉係用咗插電嘅光波爐自己烤，個爐都幾得意同幾新潮，可以開着佢慢慢轉，好處就係唔會咁多油煙，同埋好似會健康啲！牛胸腹食落都幾特別雪花油脂分佈幾平均！蚵仔滷肉飯食到一大半發覺都仲係有啲肚餓，所以就叫多左碗蚵仔滷肉飯，炸既蚵仔不會太油膩也不會太乾身恰到好處！配埋

疫情過咗一段時間，相信大家都已經好悶，好想出國旅行。🛩 但係而家去旅行又危險，其他國家都唔會畀入去。 一時想去台灣，又唔會去到，咁點算呢？🇹🇼 不如嚟呢間新開嘅有台風小店hea一hea啦。⁣⁣😴⁣⁣牛肉拼盤⁣（$288）［好味度：8.5/10］⁣⁣⁣同其他嘅烤肉店唔同，呢度引入咗台灣近年興用嘅韓式光波烤爐。♨ 唔用明火燒烤，一嚟處理上方便好多，二嚟少油煙，乾淨好多。🧼 見住啲肉轉下轉下咁樣，自己就熟咗，都好過癮，而且受熱均勻，仲無咁易燶添。🤩 呢一個牛肉拼盤啱曬牛魔王食，因為一次過食曬四款牛肉：牛肩胛，牛舌，牛小排同埋牛胸腹。🐮 大部分都係嚟自美國嘅牛肉。🇺🇸 有齊唔同嘅牛肉部位，咁就可以體驗到唔同部位牛肉嘅軟嫩同埋口感。😇 而且每隻牛肉油脂肪分佈比例都好完美，真係好正。⁣⁣😚⁣⁣豬梅花腩⁣（$68）［好味度：8/10］⁣⁣⁣食得烤肉又少得豬腩肉呢。🐖 呢度就薄切啲，所以比較起嚟就無咁油，亦都快啲熟啲。🤓 但係味道依然一樣咁邪惡，豬肉味道濃郁。😗 一大塊豬梅花，再配上白飯去食，香濃嘅豬味同埋油脂一下喺口入面爆發，真係令人難忘。⁣⁣😝⁣⁣等等蚵仔煎⁣（$298）［好味度：7.5/10］⁣

時常在九龍城覓食的我, 又找了一間台式食店, 門面睇落應該好多青年人去hea, 於是我就選左做我的晚餐了, 當入到店內店員非常熱誠地招呼我們坐落, 睇了餐牌就選了 招牌台式紅燒牛肉刀削麵, 台式牛筋牛肚刀削麵, 等等三杯雞, 同埋因為在openrice book位就送了一份鹽酥雞小食， 兩碗啲鹵水牛肉、牛筋、牛肚都滷得很好味 唔會太鹹 唔會韌 非常好味, 同樣鹽酥雞都係非常脆口 唔會太鹹 都唔會太多脆粉 都值得一讚 至於三杯雞 就冇乜特別, 都是平常出街食到的味道 最後埋單 (有加一服務費) 晚餐兩位食左約$300。

得知九龍城開左間台菜食店，能在泰菜群中佔一席位，這間台灣菜必有其可取之處。台灣去不了，去呢間台灣食店睇下可唔可以滿足下慾望先。進店要先量體温，門口旁亦有搓手液提供。店裡的台語很吸晴，完全感受到台灣文化，濃濃既文青氣息。這兒是用手機下單。若不懂也可以要求職員落單，他們同樣歡迎。午巿套餐，假日也適用我同朋友各點了一個餐再加個小食，張枱差點兒就放不下了。怎麼感覺全都係肉小食：蒜香麻辣牛舌$68蒜香麻辣味也蓋不了牛舌之重口味，牛舌咬嚼起來爽口味濃，正好喚醒呆滯的味蕾，讓我準備品嚐之後既美食。套餐包前菜，三選一。和風貓耳朵和涼拌蓮耦，爽口開胃菜。法式煎焗咸豬手半隻配台式魯肉飯 $68魯肉飯大大碗，魯肉舖滿飯面，汁多而不會死咸。飯粒分明軟熟不會成糊狀。魯肉肥瘦相稱，既有肥油香，亦有瘦肉口感。與台灣當地吃的魯肉飯相比，絕不會被比下去。半隻豬手都好大件，肉厚，只有一條髀骨。外皮燒得很香脆。切開肉呈嫩粉紅，肉質嫩滑，有紥實口感，帶有甘香味。輕易地就將骨肉分離，醮一下芥未醬，放入口慢慢細嚼享受，大滿足。鹽酥排骨跟魯肉飯$68鹽酥排骨外層有別於其他餐廳，其炸粉感覺像加了點花生碎，口感更豐富但又少了那種油膩。

九龍城最近開左間台式小店叫等等hea，吸引左我依啲中意hea既人啦～食親台灣野10次有9次必嗌都係鹽酥雞，今次都唔另外！鹽酥大大雞扒，名乎其實大大塊，即叫即炸熱辣辣～配埋千島醬，好邪惡啊！台灣腸又係一食就停唔到口既小食～平時食多數都係原味既，依度有埋墨汁味！朋友覺得墨汁味腸香啲，我就覺得原味配蒜係最無敵，anyway姐係兩款都好食啦主食就叫左幾特別既爐端燒牛肉拼盤有齊牛舌、牛肩甲、牛小排同牛胸腹，兩個人食都夠晒～其實我都唔係好識分啲肉類，但食落全部都重牛味又唔un，好食！佢用既爐好特別既，感覺係類似光波爐咁，可以好均勻咁燒塊肉雖然佢就唔會令到啲肉好金黃色，但佢可以逼到啲油香出黎～除左牛我地仲叫左份豬，肉質都係好易入口～多幾塊會開心d 台灣野不能少既仲有珍珠奶茶～依杯珍珠烏龍奶茶可以過下口癮又可以解膩燒肉黎講價錢相宜，店員都好nice，大家要多多支持小店啊！

還未到下午六時，我們便到這裡快速吃了一頓不錯的台式晚餐😋由於疫情問題，很多食店也很注重衛生。這間食店也不例外！先消毒雙手及探熱後才可走進這食店😉看到店員用消毒酒精清潔枱面，每張餐桌也保持距離，感覺也安心。店員推介我們點新登場的台式啤酒蟹$288很新鮮！另外，我們點了黑松露黃金花枝丸$48飲品方面，我們分別點了水蜜桃紅茶$30味道清香的冷泡茉梨綠茶一踏進該店，便感受到店主的用心經營！服務員的態度十分好！值得一讚！

#等等hea平時燒肉燒得多，第一次用呢部爐端燒機小編一開頭掌握得唔好，但其實呢部機超熱，轉一個圈度，牛肉就已經食得--🔅爐端燒牛肉拼盤牛肉拼盤種類多，有牛舌、牛肩胛、牛腹胸等等一望見d雪花甘靚，未燒都流晒口水本身已經落左胡椒粉調味，唔夠仲有鹽可以調味牛肉油脂豐富，肉味濃郁，食完超級滿足😋--🔅鹽酥大大雞扒配魯肉飯雞扒炸得好酥脆，唔似坊間有d外層既炸衣好粉好厚即叫即炸，雞肉又夠嫩滑，又可以點自家製既creamy 芝士牆魯肉飯用半肥瘦碎肉，肉汁好濃好稠--🔅雞泡魚干係小編食過比較厚身既魚干，唔會燒得太乾，又可以鎖住肉汁，好岩送酒--🔅台式烤香腸香港少見呢隻烤香腸，味道淡淡地甘其中紅色既有濃d既蜜糖味，比較甜🔅奶蓋烏龍茶既奶蓋加左細細粒既芝士粒，好濃厚既奶蓋，好正！☺️烏龍茶既味道清香，飲完好舒服

這天又到九龍城覓食，不過吃厭泰國菜，想試試新花款。剛巧看到這間台式料理餐廳，門面設計得非常別緻，想必具誠意，於是就選定這間了。甫入店便有店員替我們量體溫，還提供消毒搓手液，非常周到，讓客人吃得安心。店內裝潢設計很有特色，連餐牌也有不少可愛插圖，很有心思，甚有台灣小店的味道。也支援手機落單，十分方便，而且圖文並茂，增加食慾。不得不讚店員服務很殷勤，招呼周到，上菜速度亦很快。等等蚵仔魯肉飯很有水準，蚵仔份量超多，舖滿整個飯，而且大粒粒，厚肉肥美又滑口。飯中夾雜不少魯肉，醬汁味道濃郁，啖啖油香，十分美味。鹽酥大大雞扒陽春麵好有特色，雞扒炸得香脆可口，卻不會好油膩，而且很入味。陽春麵湯底非常惹味，富有層次，令軟順的幼麵沾滿其濃郁味道，就連白蘿蔔和紅蘿蔔都變得香甜無比。想不到也能吃到台式燒肉，以爐端燒方式讓客人自行邊吃邊燒，別有一番滋味。而且燒爐十分安全也易操作，不會有油煙味。美國特版牛小排色澤紅潤，油花密布而平均，肉嫩得很。牛肩甲同樣肉質嫩嫩的，肉味很香濃。美國牛板腱帶有嚼勁，肥瘦適中，牛味十足。黑松露黃金花枝丸十分大顆，散發出陣陣黑松露香氣，花枝丸外層香脆，內裡很彈牙，黑松味濃郁，跟花枝非常

泰菜餐廳林立既九龍城，有間台灣菜餐廳密密咁冒起😎，餐廳裝修簡單，乾淨整齊，牆上用光管砌成既金句怖置好得意😆，食物價格定位好親民🤑👍🏼，質素又高😋。.🥩牛肉拼盤💲288🔸 牛舌//牛肩//牛小排//牛胸腹CP值很高！！300蚊唔洗食到四款牛既部位，仲要都幾大盤下😳！雖然佢地係雪藏牛，但完全食唔雪味👍🏼，牛肉同脂肪分佈平均，肉身好林，牛舌又有啲嚼勁，牛既肉味好香好濃郁🥺，絕對不能睇少。燒肉用既係類似光波爐原理嘅爐🤓，用光熱能去燒熟啲牛肉😋，燒2分鐘左右就食得，好味又有效率。.🥢台式滷水小拼盤💲48🔸 豬耳//雞翼//滷豆腐滷水豬耳同雞翼滷得好入味👍🏼，不過豆卜入味得滯有啲咸😂。.🍚小碗手工滷肉飯💲50滷肉好肥美好香🤤，有半隻溏心蛋，用既米係台灣珍珠米，細節位用心👍🏼，仲有好多滷肉汁送飯食😋。.🥤珍珠華田💲30好大杯😳👍🏼，阿華田味足夠，但可以更濃郁，珍珠咬落煙煙韌韌 非常有彈性。.🍨芋圓仙草豆腐花💲38豆腐花同紅豆做base，紅豆本身都好林好香甜，所以豆腐花唔洗落糖都好好味😋，上面既仙草好滑溜，芋圓係真係有芋頭同蕃薯味，仲好Q彈好有口感💯。————————————————價錢：💲499 /

一講九龍城，大家都會諗起泰國菜，潮州野或者其他比較傳統老字號。但最近去九龍城探我嫲嫲，發現附近有一件比較新潮，裝修又好特別既台灣餐廳【等等Hea】。墻上既霓虹燈係最吸引人既地方。除左普通台灣野食之外，仲有爐端燒（燒烤）。最特別係用光波爐燒，油烟勁少、食物燒得均匀。以一間唔係專門做燒烤既鋪頭黎講，燒烤類食物都算ok多。我地就叫左爐端燒牛肉拼盤、阿波尾上胸鷄軟骨、鮑魚（兩隻），同紅燒牛肉麵。食物都算好新鮮，尤其牛肉同鮑魚！牛肉拼盤：有4個部位，厚薄同肥瘦適中，加少少鹽同黑椒調味就非常足夠，juicy又鮮味！阿波尾上胸鷄軟骨：本身無味，就加少少燒肉汁，軟骨脆、但又帶少少肉，又香又有咬口！鍾意食脆骨、軟骨唔好錯過！鮑魚：好鮮甜、加蒜蓉牛油醬好好食、而且鮑魚好霖！紅燒牛肉麵（刀削麵）：湯底都算夠味，但又唔會好鹹！紅燒牛肉超級霖，刀削麵好有咬口！而且另外配3個小菜，都好好食！就算唔係好鍾意食燒烤既人都唔緊要，因爲仲有好多台灣野食、飲品同甜品。而且價錢親民！

無得去台灣後更加想念台灣嘅食物.朋友同我一樣太掛住,所以佢帶我去咗最近人氣推介嘅等等hea食台灣嘢.首先,望望價錢牌又唔貴幾吸引,加上呢到除咗有台式食物外,你仲可以揀爐端燒,應有盡有.而最近怕熱氣,所以都唔揀端燒了.好開心終於可以食到台式烤香腸,佢有兩隻款各有特式,但最重要都非常有口感,食苟嚼勁十足.少少焦味卻更加惹味.鹵水小拼盤亦幾豐富,有豬耳,雞翼又又有埋鹵豆腐.都幾豐富,鹵水味好夠.手工鹵肉飯無咩肥豬肉,反而我更加喜愛.細細碗其實都夠食,懷念一下台灣鹵肉飯.最後,台灣鹽酥雞一向都出名,難得出嚟食台灣嘢又點可以唔點呢.超級大塊,酥脆好味.