等等HEA

营业中

休息中

午市套餐送前菜，豆瓣蓮藕、和風貓耳朵同醃黃瓜條，3揀1。揀咗醃黃瓜條，口感爽脆，有咬口，辣辣地，惹味又開胃，作為餐前小食一流！台式滷水牛展 ($58)牛肉同嫩筋相間，口感煙韌彈牙，軟腍惹味，牛味濃郁。紅燒牛肉麵 ($66)麵類可自選陽春麵/刀削麵陽春麵成日都喺電視聽到，但食就第一次。初初以為會無咩味，點知食落口好滑溜，麵條掛滿湯汁，幾香口。香芋奶茶 (+$15)香芋味濃郁，飲落有啲似香芋雪糕嘅味道，唔會好甜。

好難得食到去九龍城🙈無諗過會係香港食台式燒肉本身以為好似日本韓國咁果隻燒爐點知原來係光波爐🤔油都唔洗落第一次咁樣燒肉，感覺好健康呀 👍🏻👍🏻👍🏻🐮🐮🐮牛肉拼盤有齊牛舌、牛肩、牛小排、牛胸腹呢個價錢有齊咁多樣牛的部分$288都算幾抵食而且店員非常之好，主動話幫我地燒由於全部牛肉都係薄切，所以非常容易入口食台灣菜又點可以唔食滷肉飯今次揀咗呢個鹽酥雞滷肉飯套餐仲會送你三碟前菜鹽酥雞炸得啱啱好，不會太厚粉小食方面叫咗燒雞泡魚乾同黑松露黃金花枝丸雞泡魚乾燒得岩岩好，不會太乾身花枝丸好彈牙好香黑松露味最後甜品🍮梗係要食埋個芋圓仙草豆腐花冇諗過仲會有生果係入邊粒粒芋圓都好有咬口食完咁多熱野食返個凍冰冰嘅豆腐花最適合不過

等等HEA係九龍城嘅一間台式餐廳，餐廳走休閒風。餐牌和餐廳的內裝都有關於等待的金句，有一些還可以用來撩妹呢！Scan QR Code自助落單，Order咗啲咩都一目了然，方便快捷！古早冬瓜茶 $18經典的台式飲品，微甜清涼，好喝又解渴！奶蓋奶茶 $35Double奶茶，奶香濃郁，茶味也突出！士林鹽酥雞 $48雞肉香口惹味，九層塔香氣突出，愈食愈想食，而且份量也很多，推介！台式牛筋牛肚麵 $88牛肉湯濃郁惹味，牛筋牛肚也軟腍入味，還附送三小碟前菜，非常抵吃！鹽酥排骨魯肉飯 $78排骨惹味可口，肉質軟腍，魯肉飯也帶著九層塔的香氣，同樣也是附送三小碟前菜，正！

九龍城多嘢食就係人都知啦！今日肥妹仔同屋企人去咗呢一間台灣餐廳食台菜，呢一間餐廳嘅裝修非常之新穎，有霓虹燈，好潮。蟲草南北杏燉湯牌 $48肥媽叫咗呢一個南北杏燉唐排，肥妹仔飲咗一啖，好好飲。好香南北杏味，而且啲料都算多。松茸燉雞湯 $48另外肥爸叫咗呢個燉雞湯，肥妹仔都飲咗一啖，佢呢個雞湯好香，飲落去同出邊酒樓飲嘅雞湯一樣好入味，松茸味都幾香。等等芝麻蝦 $128肥妹仔未食之前好期待呢一個究竟係咩味！佢上枱之後，外表好靚，炸得好香脆，食咗一啖，原來佢個汁係有少少似我哋嘅豉油王汁！佢嘅蝦好新鮮，肉質非常爽口彈牙，有驚喜。鹽酥排骨飯附送三小碟前菜 $178個炸排骨超好食，外皮超級香脆。配上千島醬汁，非常之惹味！而佢嘅飯都唔係普通嘅白飯，係滷肉飯！好香口，個汁好濃味，正。口水雞三少拼盤(口水雞/糖心蛋/豆腐) $68每一樣都好精緻，口水雞唔算太辣，雞幾嫩滑。糖心蛋做到糖心嘅效果，好好食。豆腐係滷水豆腐，肥媽食到讚不絕口。等等蚵仔煎$60呢個蚵仔煎不過不失肥，妹仔略嫌個調味比較淡左少少。珍珠茉香奶茶 $35奶蓋華田$35奶蓋烏龍茶$38芋圓仙草豆腐花 $38呢個甜品幾出色，好香士多啤梨味，仙草

Hea係人嘅天性，人即使非常忙碌，但有些時侯仍會想偷懶，放空一下自己，例如食飯既時候。今晚同朋友去咗九龍城既等等Hea，希望係我Hea嘅同時，職員唔會Hea埋一份🤣餐廳座位之間有隔板，門口亦有酒精搓手液。餐廳用QR code落單，不過職員都會提供餐單，餐單嘅設計相當得意。朋友叫左鹽酥大大雞扒配滷肉飯，鹽酥雞扒果然夠大份，食落唔油膩，滷肉肥瘦適中，而且份量足夠，撈勻之後，每啖飯有惹味滷肉。台式牛肉麵既湯頭鮮甜帶微辣，牛腱煮得非常軟稔。麵條方面可以選擇刀削麵或陽春麵。即使刀削麵浸左喺湯好耐仍然彈牙。另外仲附送三種小食，對我而言，酸菜係食牛肉麵不可或缺嘅材料，只要你一開口，職員就會俾一大碗酸菜，讓客人自行添加。對於我同我個大隻朋友嚟講，一人一個麵或者飯當然唔夠啦！我地仲叫左川辣辣子雞丁。鑊入面有大量乾辣椒，香氣十足，辣度適中。雞肉火候啱啱好，肉質唔乾柴亦唔會過鹹。飲品方面，奶蓋華田好邪惡，不過珍珠茉香奶茶麻麻哋，雖然我叫左小甜，不過味道未免太淡😥。本身餐廳食物款式已經夠多，職員仲話下個月會出更多款式，令人非常期待😚。

提起九龍城，第一時間會想起泰國菜！其實九龍城是美食集中地，還有很多特色餐廳，今次便去吃台灣菜。午市套餐附送自選前菜，三揀一，包括豆瓣蓮藕、和風貓耳朵和醃黃瓜條。選了和風貓耳朵，酸酸辣辣，口感爽脆，很開胃。士林鹽酥雞 (+$10)熱騰騰的，口感酥脆，雞肉滑溜多汁，香口惹味。川川辣辣口水雞 ($69)口水雞份量多，肉質嫩滑，入口麻辣帶勁，吃了真的會一直流口水，然後又一口接一口，吃得滋味。蚵仔魯肉飯 (+$10)蚵仔份量蠻多，口感新鮮飽滿。魯肉飯香甜又有點黏口，吃起來不會太油膩。

收完工甘岩見到開左間新既台式嘢咪試下每人叫左碗牛肉麵個湯底藥材味濃 我本人ok 男朋友唔太好藥材味😂記得好似叫左一個台式紅燒牛肉陽春麵送前菜一個台式牛筋牛肚陽春麵送前菜其實原本諗住叫刀削麵但係咁岩冇曬另外叫左份鹽酥雞 都ok叫餐佢會俾個QR code你 自己order可能嗰陣仲係新開張啲嘢有啲亂店員都唔係好清楚啲嘢擺邊前菜係我哋問佢先記得比 😣環境ok 都舒服 唔算太貴

每次講起九龍城，大家都會聯想到食泰國菜，但除了泰國菜有不少餐廳都值得一試，例如這間等等Hea台式餐廳，不少網友都讚好食～當然我都唔執輸，約朋友放工後一齊去食🥳——————————🔹小碗手工魯肉飯配滷水糖心蛋 $50滷肉是我最喜歡的台式料理之一，這個滷肉飯比我想像中大碗，飯上有半個糖心蛋。整體味道偏甜，半肥瘦的豬肉配上香濃的醬汁，好下飯～ 但如果滷肉再鹹少少或肥少少，飯會更加黏口，似正宗台灣口味😅🔸台灣紅燒牛肉麵 $84朋友叫紅燒牛肉麵，湯底濃郁鮮甜。厚切牛腱煮得很軟稔入味，而刀削麵彈牙且吸收了湯汁的味道，不錯👍🏼🔹士林鹽酥雞 $48這個士林鹽酥雞也是我最愛，炸粉薄而香脆，雞肉很滑，食完都不覺得很油膩，必食！🔸芒果沙冰 $30芒果沙冰超大杯，個人覺得可以share飲。整體芒果味濃烈，不死甜，清爽可口，適合食完鹽酥雞飲～  🔹桂圓紅棗茶 $18這幾天腸胃不太好，所以叫熱的桂圓紅棗茶～ 這杯真材實料，紅棗和桂圓味很突出，飲完都覺得補，對女性特別有益。

👦 在那個你在等待的人來臨之前，我都會在這兒陪着你的。你說，好嗎？好嗎？這種文青的對白，第一時間會想起台劇。沒錯了，今次吃的是台式爐端燒。但大家應該沒想到的是，我竟是在出名泰國菜的九龍城吃。而且這是一家在逆市開張沒多久的新店。💛牛肉拼盤（牛舌、牛肩、牛小排、牛胸腹） $288💛等等三杯雞 + 魯肉飯 $78+15💛台式滷水小拼盤（豬耳、雞翼兩隻、滷豆腐）$48💛芋圓仙草豆腐花 $38🇹🇼牛肉放上會旋轉的光波爐，搽上一層燒汁，燒一會反轉燒，很快就熟，牛肉本身附有黑椒粒，吃上去無論肉質和味道都很好，不用額外搽其他醬料也很夠味。而且光波爐安全又衛生，不用油不怕渾身油煙味，燒得安心吃得放心。🇹🇼三杯雞算是香滑彈牙，跟魯肉飯是絕配。🇹🇼甜品有幾樣配搭在一起吃上去很豐富，口感清爽鮮甜。食物質素不錯，唯爐端燒因電掣問題只能坐卡位，當日人比較多需要等等hea😅。而爐的熱力有點高，感覺有點熱。經理友善，環境很具文青風，電視播著周杰倫演唱會令人享受。總計$514價錢公道。👩 好的，請陪着我，因為你正是我等待的人。（設計對白）

呢排好多人去呢間等等hea打卡，因為logo 好可愛而且牆身貼左好多台式逗趣句子，有d都幾sweet！Lunch set 有好多選擇，主食有得揀魯肉飯/刀削麵/陽春面，仲包前菜，仲有得加配小食同飲品！價格都算中等啦 $5x-6x。今次叫左個紅燒牛肉麵，牛肉好冧好夠味。另外我仲專登揀刀削麵，始終都係刀削麵同紅燒牛肉個湯襯d！加配左黑松露黃金花枝丸，好夾滑，仲好香黑松露味。另外一個set就係鹽酥大大雞扒，勁大塊雞排，上面滿佈芝麻，好香口。呢個加配左鹽酥雞做小食，同鹽酥大大雞扒趁返哈哈。

如果有睇過上個月介紹「等等hea」都記得我話新開張運作亂 等左好耐食完主菜先上前菜一個月後決定俾多次機會佢 流程smooth多了 野食熱辣辣快快脆送到不過仍然係漏左前菜(看圖就知無嚕 黎尾追先有)可能lunch時間真係太多客人掛...《紅燒牛肉麵》刀削麵texture好煙韌 牛肉夠入味.《鹽酥大大雞扒》好熱新鮮炸起 吹下先放入口喔外皮香脆 內裏juicy.《黑松露黃金花枝丸》炸花枝丸周圍都有 落黑松露醬又幾過癮喎. 《手工魯肉飯配台式烤腸及溏心蛋》好鬼大碗 我真係食唔哂 魯肉肥瘦參半 唔係太醉濕濕 幾有咬口.《士林鹽酥雞》呢個係雞扒咁juicy 但都係好香脆

位於九龍城有格調的裝修有意思既店名加上美味的食物Hea上半天沒有難度裝修一睇就知要人黎打卡好彩打卡位都算分散唔一定要等某張格食物方面最推薦的是牛肉麵牛肉很嫩 湯味道又濃店員姐姐很熱心叫我們加酸菜一起吃話梅豬手好特別沒想到是甜的 很開胃出面無咩機會食到呢個菜口水三小拼盤一點都不馬虎有蛋, 豆腐同雞塞滿滿的三格松茸燉雞很足料飲品方面好大杯一人一杯要飲好耐最後要講的是支援手機下單落單同check單都快左是不是很方便

之前見到九龍城開咗間新嘅台式餐廳，餐牌幾吸引，裝修環境都幾別緻就選擇入咗嚟。川辣口水雞，麻香味十足，味道唔太辣，雞肉都幾嫩滑。台式紅燒牛肉麵配前菜三小碟，可以揀面底，揀咗陽春面，湯底濃郁，牛肉帶點軟骨組織，增加咬口！另外配埋前菜三小碟，有蓮藕、豆腐同青瓜，三種都帶點麻辣味，幾開胃。小碗手工滷肉飯配糖心蛋，同台灣味道好相似！不過肉碎無正宗嘅咁肥。如果糖心蛋可以有一隻就更好！食完晚飯仲送優惠卷，可以留返下次，更抵食！

Wait for food and You💕。Wait Wait Her / Hea❓.. 人生有六成時間都是在等待等車，等食飯，等收工等啊等...等你在等什麼？要知道。。等等才做是一種生活態度等你吃飯是最值得等待的事。等一個人吃飯。..一間充滿台式味道既台式料理店，牆身上 寫滿很有意思既字句，餐你等待美食既同時 能用心細味當中既意思。而且店中播著台灣歌 整晚都是周杰倫既專輯，若然你喜歡他 一定能整晚陶醉在歌詞中吧。ll $103Taiwanese Braised Pork Belly扣肉比例 肥瘦均勻，炆我入入味 入口溶化既感覺。滿口油脂香 愛吃五花腩肉，一定能滿足到你。加上醃制嘅梅菜，獨有既香生味道，令味道更融和在一起。配魯肉飯✨食台式必不可少既🍚。花椒八角滷煮而成既肉丁碎🐽，味道完坐融和 很香很好下飯呢。ll $128Deep-fried Shrimp with Sesame Seeds配珍珠。蝦🦐 Size不算小，炸香亦保持彈牙。加上秘製既洋蔥酸甜醬汁 很開胃，芝麻冇脆脆，一碟很惹咪既海鮮小食式主食。ll $48Brined Platter (Pog Ears+Chicken

返舊屋攞返啲嘢，所以今晚就去咗九龍城啦！經過福佬村道見到開咗一間新嘅台式餐廳，咁啱呢段時間係有諗過去台灣的，而且見個裝修都幾特別，順理成章就去咗呢度食啦！一行二人叫咗一個等等蚵仔魯肉飯配前菜三小碟（HK$88）、口水雞配魯肉飯（HK$93 ）、鹽酥雞（HK$48) 、黑糖珍珠奶茶（HK$30)同古早珍珠奶茶(HK$30)！個蚵仔魯肉飯真係堅好食，鹽酥雞又夠香脆可口，成餐飯都比到好有係台灣食嘅感覺，簡簡單單而且價錢又經濟又好食，冇揀錯呀！走時仲買咗支冷泡高山翠綠茶，個茶嘅味道好特別，感覺非常之香醇！簡直難以用文字來表達有幾好飲！下次一定會再幫襯！