等等HEA

营业中

休息中

等等hea，單名字就是台灣小清新，門口裝修已經好可愛。整體來講，餐廳係好值得一試，特別係爐端燒嘅台式燒肉，用料都幾好。文青餐廳出品好食，又可以打卡，店員姐姐又親切有禮，當晚係好好嘅用餐體驗呢。餐廳的裝潢都係台灣小清新風格，濃濃個文青氣息😛餐廳落單係用電話掃QR code，用電話order，好方便。由於當日好肚餓，兩個人都點咗好多😆台式鹵水小拼盤左邊的滷豆腐係涼菜；中間係猪耳，幾爽脆入味右邊係雞中翼台式紅燒牛肉麵先呷一啖湯，牛肉味香濃，但唔會太咸，調味係剛好。而且用料都好足料，有幾舊大塊牛肉，牛肉燉得幾軟腍同入味，都好唔錯。旁邊係舖頭自家制嘅酸菜，朋友非常鐘意😆牛肉拼盤（牛舌/牛肩/牛小排/牛胸腹）因為好想食燒肉，我哋點咗份拼盤，而且menu寫住爐端燒，就更想試了。我覺得哩個拼盤係好值得試，因為四種牛嘅部位，真係牛味、肉質都係唔同，一齊燒好明顯係分到。一個拼盤有四種體驗，抵晒啦😄左邊係菠蘿，燒肉一定要點嘅😆超夾就係哩個爐端燒！第一次用哩隻爐燒，幾有驚喜。個爐係可以keep住慢慢轉嘅，而塊板其實向中間傾斜，油係會向中間走，真係勁好，感覺係會更加健康，大啖食肉嘅眾惡感好似輕d😂🤭同埋咁燒法，

] K: $48 松茸杞子雞湯 平日缺湯水，外邊飲湯一定要正氣養生，松茸出味好芳香，燉到肉味都走到湯頭上了$48 魯肉時菜，水燙的菜淋上半肥瘦魯肉汁，汁甜甜的，沒配白飯那麼滯$78 三杯雞是台灣菜，很愛醬油及麻油香，雞塊沾了層醬汁入味又開胃 梅菜扣肉，朋友專食肥膩野，見到五花腩肥肥的白色，腍腍的脂肪而皮就qq 軟軟有膠質食了幾特別又正宗的台菜，重點是價錢不貴，等沙中線開了之後就更方便了$128 芝麻蝦，炸香了大蝦再有大量白芝麻，芝麻好香食入口卡卡爽口，大讚！必食

想吃台灣食物，朋友很好的介紹了一個新店。裝修滿滿台灣的感覺，令人有點舒適。紅燒牛肉面牛肉面是台灣代表性的美食之一，老外來台旅遊也會會吃上一碗原汁原味的湯底加上口感紮實得很，令人難忘～店內的員工亦很友善～會介紹你加蕃茄的湯底～不錯～看上來牛肉滑嫩，吃下去不太硬，吃起來非常有口感！這次的紅燒牛肉面，棒！鹽酥雞扒滷肉飯台灣之味道滿滿，擺盤也滿滿心思～GREAT*不過份量不大，夜市裡香氣撲鼻的鹽酥雞，向來是人氣小吃排行榜中的常客。這店也做很有感覺呢，就似到了一個小台灣。燉湯也是好選擇，湯料UP。這店是很有台灣感覺，食物也算是多種類，不錯喔。主打親民平價台式食堂，滷肉飯之定價也便宜，所有餐具餐盤都係以木系為主，看到午市套餐有飲品送，吸引喔。

九龍城福老村道呢條街有好多唔同類型嘅cuisine選擇，不論係中、西、印嘅選擇都非常之多。呢日喺旺角行完街之後坐小巴去到九龍城呢一邊食嘢。落咗小巴之後行過對面見到呢間等等Hea，店鋪裝修好有台式風味。入到餐廳之後，有好多位都好吸引我不斷去影相，餐牌亦都好有特色。小碗手工滷肉飯配糖心蛋附送前菜3碟$50，細細碗但份量都幾多。台式牛筋牛肚刀削麵$88，牛筋同牛肚都煮得夠腍。口水雞三小拼盤（口水雞+糖心蛋+豆腐）$68，口水雞雞肉嫩滑，糖心蛋同豆腐味道還好。千層三星蔥拉餅$55，仲配有一碟酸酸地的醬汁。蔥拉餅口感酥脆。這裏也有燉湯。松茸杞子燉湯同埋蟲草南北杏燉唐排。

放工後來到九龍城覓食，除了泰國菜之外，在九龍城都會有好多不同的餐廳選擇，行過幾次《等等Hea》這間台灣菜餐廳，都有心動想試下環境都晤差都有卡位，電視播放著劉華的演唱會，所以晤會悶，起碼有歌聽。我在門口看緊餐牌，服務員都熱誠地介紹菜式給我，最後我選擇咗來食晚飯這是我今晚晚飯……先來一個冷泡茶(cold brew)先，都有蜜香紅茶、四季春茶、凍頂烏龍茶等……我就點了白桃烏龍茶^$28，茶身香醇有豐富白桃香，沒有澀口，感覺冰涼透心士多啤梨桃生炒骨$88~這款菜式就有點失望，平時食的生炒骨會好過它，生炒骨肉少，外層又腍身多粉，士多啤梨味又晤濃郁，失望傳統手工魯肉配時菜$48~這款即炒的菜心都是幼身，夠熱爽口，份量十足，魯肉的肥肉又不會太多，魯肉味帶甜香，軟滑晤膩，又晤會太鹹，配上菜心佐食都是不錯，美味可口。

今日同細佬去食早餐。Menu張圖個牛角包望落去餡料豐富，但一送過嚟揭開個包，隻黑松露蛋勁細，我諗連一隻蛋都無，我問waitress隻蛋係咪正常size，佢先俾多少少蛋我（如圖）。對比起我細佬叫個個跟麵送嘅蛋三文治隻蛋，size真係細得可憐。個火腿有同無都無分別。不過整體個牛角包味道ok嘅～但真係唔好俾張圖fake左～另外細佬叫左個蕃茄湯米線麵，佢話味道一般，無咩蕃茄味。服務都ok，服務生態度客氣。

I decided to write a review for this shop as they offer delicious meal with top notch services! Our favorite was their grilled chicken, beef noodles and prawns 🦐 we came here on a weekdays’ night and it was still packed with people. We order quite a lot of food to share. the interior and decorations make you think you’re in taiwan actually. It was clean, simple and with a bit of pop colors. interior inside was great for photos. the first dish arrived was the Taiwanese beef brisket noodles. The n

今日去諗住試新開既呢間台灣野，坐低點左個紅燒牛肉麵同鹽酥雞套餐，加兩杯珍奶，根據我係香港食台灣野既經驗應該唔會差得去邊，但呢個經驗隨住碗牛肉麵上檯個刻開始就徹底改變了...... 牛肉麵一上，首先當然會試個湯底，一飲，淡而無味，完全無食台灣紅燒牛肉麵飲湯底個種歡愉，正常應該係濃濃既牛肉湯底味變左好似去潮興食牛腩麵飲o個種腩汁湯......再咬舊牛肉.......呢度有位食客話又淋又入味，我想問佢收左幾多廣告費先可以咁樣講，舊牛肉仲衰過去普通港式粉麵檔食既牛腩，好靭，唔入味，再食舊紅蘿蔔.... 好似分開煮熟再擺埋一齊咁，唔淋之餘湯汁亦無入到舊紅蘿蔔度...失敗中既失敗。之後鹽酥雞都上埋檯，第一眼見到鹽酥雞跟千島醬呢個配搭......我好似未係台灣茶度見過任何人會用千島醬......有d無言不過當佢係普通茶餐廳食吉列野咁看待，最緊要舊雞炸得好食就算啦。一食舊雞，我都盡量唔想用我自己係台灣食過既鹽酥雞經驗同呢舊野去掛鉤怕會太失望，但呢舊雞連西洋菜街間豪大大都不如.....感覺就似食緊一舊由一個不諳廚藝既家庭主婦為左滿足個仔食炸雞扒既慾望而去佳寶買左去急凍雞扒返屋企求其撻d粉就拎去炸仲要唔整

格調無啲KOL影嘅相咁吸引...用QRcode點餐係方便啲...服務唔錯好有禮貌...唔係卡位就要搭台...或者有樓上嘅...食物option都算有得揀吓...試左基本嘅滷肉飯、口水雞、豆漿珍珠、黑糖薑茶...滷肉飯都幾大碗，底層嘅飯已經撈晒滷肉汁，唔洗怕唔夠送撈飯，不過豬肉有點「鞋」...整體都不過不失啦..口水雞就唔得，完全無雞味...醬無辣香味...所以...叫做試過就算其實附近都有其他台灣嘢選擇

路過九龍城又有d肚餓，行行下見到間餐廳新開個名又幾得意，就走左入去試下，仲要有下午茶時間，坐低左坐左卡位位置，環境都幾靚嫁，佢有兩幅霓虹燈整成既字句，裝修都幾特別，店鋪雖少但都幾先進下，可以電話落單方便客人自己揀食咩～叫左碗紅燒牛肉麵同隨意包2個試下，下午茶仲配飲品就叫左個古早味珍珠奶茶。飲品好大杯，不過味道就一般，有待改善，珍珠有點硬，奶茶唔係好夠香滑。食物方面，我覺得食物好食，牛腩麵既牛腩好稔，好厚肉，湯底香濃。隨意包就真係估佢唔到既涵料，鴨仔勁芝麻，好多涵，之後食左個豬仔包，入面係芋頭涵，唔係太甜，淨係個包既造型都拎晒分啦～

點解紅燒牛肉麵變左雙腸鹵肉飯？店方最清楚！我想要番D紅燒牛肉唧，唔過份啩！一錯再錯，神仙都救唔到你呀！我唔報食環係因為見你係新店，小錯係可以畀機會你，但你竟然恩將仇報，畀D垃圾食物我？唔止我冇下次架！

男朋友之前去台灣吃了很多魯肉飯我也好想吃呀🤣所以捉他來到九龍城一家新開不久的台灣餐店起初是被logo吸引到的😆好可愛！！我點了香酥雞排配魯肉飯🍚男朋友吃豬排😲好大一碗～ 魯肉飯不會太咸但男朋友覺得可以重口味一點🤣豬排跟雞排不會炸得很乾 我覺得蠻好吃的溏心蛋是口水雞三小拼盤的🤩除了覺得滷水豆腐不夠滷水味口水雞跟溏心蛋都棒棒的！還有我最愛的甜不辣 黑糖珍奶🤤🤤九龍城除了泰國野 多了很多不同的食店👏🏻太好了，吃飽可以散步回家減低邪惡感❤️

去親九龍城多數都係食泰菜，今次就嚟試間新開嘅台灣菜，到底有乜咁吸引要山長水遠走到嚟食呢，其中一個好大嘅原因係佢個design真係好台灣，除咗走文青風嘅裝修之外仲有好多金句，令我諗返台灣啲舖都係咁xD可惜當晚好多人只係坐到公海位唔係打卡更一流除咗打卡味濃之外嘢食都唔差，最鐘意係台式紅燒牛肉刀削麵，可以揀牛骨湯同蕃茄湯，當然揀前者啦，同想像中唔同個湯唔會覺得好熱氣仲帶點甜，入口好舒服，而牛肉都煮得軟腍入味，麵條則可選闊身嘅刀削麵同陽春麵，揀咗前者軟身索湯幾唔錯另外比較出色嘅仲有等等芝麻蝦，鑊氣幾夠炒到脆脆地然後上個甜甜地嘅醬汁食落幾得意，話梅凍豬手就酸酸甜甜幾爽口咁，仲有溏心蛋都幾正，話說佢除咗小菜之外仲有台式燒肉，雖然唔知台式係點燒仲好似幾吸引有機會試下先Btw佢地都幾與時並進scan we code嚟電子落單xD

等等HEA 台式餐廳，係一間好岩影相的地方，餐廳裝修設計係唔錯的， 加埋係香港人鍾意Ge 台灣野，吸引到好多人黎呢間食。我lunch time 黎仲要排隊。--距lunch set 算平，我印象價位係hkd50幾至70幾，但有埋前菜+麵/飯+飲品（特飲要加錢啦當然。）--第一次食，所以order 左d穩陣派食物- 魯肉飯加珍奶一碗飯有滿滿的魯肉，同埋台灣香腸，仲有一個滷水蛋， 好perfect. 全部野都係我鍾意食嘅。珍奶少甜，粒粒珍珠好彈牙👍🏼👍🏼👍🏼台灣食品，通常必屬佳品，因為香港人太愛台灣野了🤣🤣🤣

呢間餐廳個名叫等等Hea，食物質素勁高，完全唔hea！好耐冇食台灣菜，放工之後就同同事去左呢間新開既台灣餐廳食晚餐。呢間餐廳可以用手機掃瞄QR code自助落單，好方便！大食既我地點左好多野食啊！我地點左脆香大大雞扒魯肉飲，脆香雞扒大大份，炸到好香脆但唔會油，肉質嫩滑又多汁。魯肉飯亦都整得好地道，仲附送埋三小碟前菜，好豐富啊！牛肉煮到好軟腍，鮮茄湯底好香濃，配埋每日新鮮製造既刀削麵，係台灣既味道啊！另外仲點左啲小食，包括呢個惹味既燒雞泡魚！仲有呢個脆炸芝麻蝦。亦都點左燉湯滋潤一下。