等等HEA

营业中

休息中

去到九龍城，本來諗住食泰國嘢，但係經過呢間餐廳望到裝修幾特別，好枱式風格，連個名都比我感覺好台灣feel，唔知點解亦令我諗起等一個人咖啡嘅電影見到佢哋又有台灣菜選擇，又有台式烤肉選擇，所以就放棄咗泰國嘢，入咗去食嘢啦入到去之後望咗一陣Menu後決定咗揀台式烤肉，再加少少小菜，我哋就叫咗一個牛肉拼盤，店員知道我哋揀烤肉之後就已經攞咗個無煙無火嘅烤肉路過嚟放喺枱面，我哋係自行去燒，呢樣野佢哋都做得幾出色，因為食完之後完全唔會有油煙味唔會有烤肉味，感覺良好，至於佢哋嘅牛拼盤裏面有牛小排，牛胸腹，牛舌，同埋牛肩胛，肉上邊亦都有少少黑椒做調味，另外店員都有俾咗一疊燒汁我哋，燒汁味道不錯配埋牛肉食好好味，另外我哋就叫咗鹽酥大雞扒同埋炒田園蔬菜，鹽酥大雞扒對我來講幾出色，因為佢哋炸粉唔多，雞扒嘅肉亦都好Juicy好滑溜，分量亦都啱啱好兩個人，佢哋嘅炸雞扒做得幾出色，至於炒田園蔬菜顧名思義就係將所有蔬菜炒埋一碟啦，有茄子，秋葵，翠玉瓜，同埋豆角，佢仲有得俾你揀香辣炒定係蒜蓉炒，我哋就叫咗蒜蓉炒，嚟到都好香，好好味👍🏻👍🏻👍🏻最後臨走嘅時候見到佢哋門口擺咗一啲口罩保護套提供比客人免費索取，只要follo

今日去咗九龍城學琴之後搵埋女朋友一齊食嘢女朋友好腌尖話想食台灣野跟住就搵到呢間台式野一睇個餐牌好吸引 好多款式選擇女朋友就嗌左個肉燥飯我就嗌咗個紅燒牛肉陽春面兩個主食都會送一個前菜幾開胃食完之後食主食就啱晒啦肉燥飯同平時食嘅都係咁啦 ok ge係細碗咗少少🤏紅燒牛肉陽春面呢就個湯底有食到有少少藥材味清清地唔會太濃 陽春面呢就啱啱好唔會太淋太硬牛肉都有五六舊跟住嗌多兩個小食食第一個就係滷水拼盤佢有兩隻雞翼有啲豬耳同埋幾舊滷豆腐賣相擺得十分之吸引另外個柯仔煎啲蠔都幾足料 都幾好味

本人在21/6光顧，冷氣壞了，應該關門，要客人在三十幾度高溫下進食。吃了紅燒牛肉麵老肉飯口水雞面，吃完後星期一和小朋友屙左十幾次，可見食物在處理過程中環境非常不衛生。

等等hea 餐廳主要提供魯肉飯及台式小食，而當中最引起我注意的，是餐廳供應光波爐讓食客落手整燒肉。少見地同時提供兩類台式食品，兩邊的出品質素還是有優點的。選了酥炸蚵仔魯肉飯，印象不錯，蚵仔肉厚而且夠味，為千篇一律嘅魯肉飯帶來新鮮感，而魯肉飯本身都好食，不錯。重點在於餐廳提供光波爐做燒肉，有別於一般明火方法，平均受熱不烤焦，好容易整得好食，附帶好處係幾乎冇油煙，食完輕鬆唔怕一身肉味。食材方面，燒肉拼盤以牛胸腹和肩甲肉最好食，胸腹滿滿肉汁油香飽滿；肩甲則能燒到牛肉乾一般的咬口。因為不容易燒焦，啖啖肉都能夠以最佳狀態放入口。

餐廳門口好有特色，有啲好可愛嘅公仔門面。主打台式料理！好多嘢都想食，叫咗黑松露花枝丸。黑松露味幾香，花枝丸夠彈牙。入邊花枝有咬口，好食！話梅豬手呢個原來份量有咁多，豬手煮得夠林，甜甜地幾好食。可配白飯或滷肉飯。加$15加配滷肉飯，原來都幾大碗。滷肉飯夠多滷肉，滷肉汁夠香，撈飯真係好食！細滷水拼盤，有滷水雞翼、豬耳、滷水豆腐。全部都夠入味。我最鍾意食滷水豬耳，夠爽口！飲品叫咗香芋珍珠奶茶，紫色好靚，味道夠濃！

Hea住等食係一種生活態度🤪 呢間台灣料理有好多唔同嘅台式食物，飯類、麵類、小食、台式飲品等等，應有盡有。店員推介我哋叫個籠仔飯。籠仔飯充滿蒸飯香，面上有好多蒜蓉蝦。蝦好夠味好香蒜蓉味，用嚟撈飯味道唔錯。又唔太濃或太鹹。鹽酥雞粒係台式小食必叫。新鮮炸起熱辣辣，面上仲有紫蘇葉。雞夠滑外皮夠脆。另外再叫咗甜不辣，呢個甜不辣好正宗，食落好似魚蛋咁，點埋辣醬好食！叫咗台式珍珠奶茶少甜，呢度嘅珍珠奶茶唔會太甜，而且茶未夠香濃，係我鍾意嘅味道！

起初看到名字還以為是文青咖啡屋呢，睇到餐牌先發現有很多地道台式小食有人推薦話爐端燒個爐幾得意，都有特登試一試。老闆娘?同員工都好熱情，佢地話原來呢度既爐端燒用左呢只爐係無煙無油既，我地試了梅頭肉及牛小排，另加幾個小菜。燒豬肉好脆而且必定要加燒烤醬汁，員工好主動幫我地燒同埋不時提醒d食物幾時可以食，好細心小菜大推話梅豬手，無知台灣有無，但係為食過咁好食既話梅豬手，酸甜味道拿捏得好，話梅味亦出。配飯一流

被呢間餐廳的文字吸引左，所以特登約朋友去試下嘢食好唔好食。服務員帶我同朋友來到呢個卡位，我好鍾意呢一句☺️好有feel ar ~幾鍾意呢度的環境，服務員都熱情地同我地推薦邊D食物好食。等等蚵仔滷肉飯(原味) 份量好多的蚵仔阿，可以揀炸蚵仔/原味，揀左原味試下新不新鮮。味道唔錯，而且仲幾肥美。滷肉飯肥肉瘦肉比例剛剛好，唔會油膩。三樣配菜酸酸地，都幾開胃。等等蚵仔煎係我鍾意的蚵仔煎，蛋味十足，啖啖蛋香，蚵仔的份量都唔少。個人唔太鍾意傳統台式果隻咁多芡。千層三星蔥拉餅類似手抓餅，相貌平凡，但係食落好香蔥味，煙煙韌韌。我朋友好鍾意食。冷泡白桃烏龍茶好鍾意呢個樽啊，一見鍾情，為左呢個樽特登叫烏龍茶。烏龍茶係正常的烏龍茶，但真好鍾意呢個樽。^_^等等hea😌可以再試其他

通常有好嘢食 我先會選擇山長水遠咁去二刷真心我當日懷住好開心嘅心情 邀請媽咪嚟食但估唔到嘅係 呢次相對第一刷真係有啲失望是咁的 難得母親大人放假 帶咗佢出去食好西咁就遠征出去 之前西餐日式韓式 今次就食台式啦呢度 唯一令我最深刻嘅係 有兩個好浪漫嘅打卡位-可惜嘅係 去到已經有人坐咗 幫母親大人打卡宣布失敗而且因疫情關係 好多隔板遮住咗個打卡位 所以放棄了其次係 第一刷嘅時候 會有人主動介紹同會問味道如何甚至 會安排我哋坐喺打卡位 方便晒中意影相嘅朋友仔但呢次真係等等先有人理您 俾QRcode你scan去落單最後會列明個價錢 理應覺得呢種落單方便又高科技咖但原來呢個價係未計加一 第一次嚟食餐廳係不設加一相隔一個半月再嚟食第二次 後知後覺係有加一服務費讚嘅係佢會主動搬枱加大張枱放食物 影相都會靚啲嘅另外強烈建議揀一張單式坐位 即後面無人嘅卡位坐啦一路食一路坐到好似搭飛機咁 個椅背好似俾人踢咁樣-是日Menu-Beef Platter (Cattle tongue / Beef Chuck / Short Rib / Beef Chest) ($288)牛肉拼盤（牛舌 / 牛肩 / 牛小排

肥雞發現喺九龍城新開咗一間台菜館，室內嘅裝修亦都係非常之吸引時下年青人去打卡的，咁肥雞叻嗰晚就同屋企人去試下，呢間新式嘅台菜館，咁因為天氣太熱啦，肥雞就嗌咗杯奶蓋烏龍同埋珍珠奶茶發，覺佢啲飲品味道都唔錯，同出面手搖店差唔多。肥雞喺食物方面就嗌咗柯仔煎，佢嘅阿仔煎呢用咗好多蛋，所以食落去呢有少少似蛋餅就感覺，嗰個柯仔都非常之新鮮，一啲都唔腥。嗌咗個台式三杯雞咁，雞肉都非常之香滑，佢嘅醬汁亦都非常之好味，送飯一流。成餐肥雞覺得最好食嘅呢就係佢嘅鹽酥排骨肉燥飯，香酥排骨炸得非常之香口，排骨肥瘦適中。

發現九龍城有間價格親民味道正宗叫等等HEA台式料理，佢哋嘅滷肉飯，鹽酥雞，三杯雞…通通都好好味，真係同係台灣食一樣味道。巨杯椰子菠蘿冰沙清甜爽心！仲有碗芋圓仙草豆腐花，賣相味道都原汁原味。超正嘅台灣味道小店！

嗌咗個香酥排骨飯，食咗大半發現外賣盒入面有曱甴，都頗大隻，曱甴痴係外賣盒內側入面，痴得好實，至少由餐廳領取屋企冇跌落嚟，估計已經死咗好耐。好肯定職員擺排骨入盒果陣冇Check過，咁大隻曱甴盲嘅都見到啦。即刻包起個飯比食環署化驗，肯定投訴間餐廳🤬大家唔好幫襯。餐廳運作極度混亂，落單果陣搞錯咗兩次，買兩個餐比漏一個跟餐小食真係店如其名，做嘢混亂又Hea，嘢食水準好普通，但啲嘢又污糟，落單情況又煩！依世都唔會再去！

好耐無去九龍城食飯了☺️去食個清真牛肉餅然後發現左一間幾特別既台式小店簡約既畫風同色彩既配搭都好突出最重要既係 我第一次食台灣燒肉😆地下既投影🙈鋪頭用黃藍做色調😇 卡位幾好坐老闆勁NICE 勁好服務❣️一坐底 有茶／水比大家揀🥕台式川辣紅燒牛肉刀削麵 $88前菜做得幾出色醃得幾入味 少少辣 幾開胃反而個麵唔辣😂唔洗擔心牛肉煮得好腍 肥瘦適中特別係白蘿蔔 超級入味麵條有少少特別 唔係平時食果種山西刀削麵口感都算彈牙 而且比較實在 麵條明顯係比較重似係手工麵既感覺食落唔咸 無味精👍🏻🥕芒果沙冰 $30全晚聽到佢地不停打沙冰😂 我地都支持一下表層有果肉 原來係蜜桃黎😯我諗落左啲濃縮芒果汁吊味 所以唔算係純芒果🥕爐端燒牛肉拼盤 ＄288好吸睛😍😍😍- 牛小排：有啲筋位 令到成塊肉更有咬口😋 油脂分布尚算平均-牛舌：彈牙有嚼勁😋 如果厚身一啲會更吸引-牛胸腹： 比較簿身同瘦，所以唔好燒太耐 配上店家提供既燒汁更好味😋-牛肩甲：口感細緻多汁😋

今天下班又去打卡了一间位于九龙城的台湾小店，三杯鸡超好吃，份量不多不少，梅菜扣肉肥而不腻，卤肉饭一碗只要15元，订位还送了一份盐酥鸡🐤，味道也很好，一餐296元！饮料🥤有点不够甜，毕竟我是甜糖星人

今晚嚟到九龍城揾食，九龍城食泰國菜？非也，係食台灣嘢喔😋😋😋我哋叫咗個❤️等等蚵仔魯肉飯，跟前菜三小碟，蚵仔好肥嘟嘟好新鮮，魯肉好入味❤️等等軟Q鸭血王，滷水味，鴨血好滑喔❤️人氣芝麻雞翼，外脆內juicy，個皮唔會好厚粉❤️爐端燒海鮮拼盤(即日鮮)扇貝+鮑魚+海虎蝦+大蜆，好新鮮甜美係用光波爐去燒架，好正👇🏻🌸紅外線加熱🌸好少油煙🌸自轉火力均匀🌸不易煎過火❤️冷泡凍頂烏龍茶，茶味濃郁👂好似嚟緊有任食大優惠，記得密切留意店嘅最新消息👀