等等HEA

营业中

休息中

日本放題食得多，原來台式食品都有放題，仲要價錢非常合理，如果鍾意飲台式飲品食下芋圓，$168位呢個價錢絕對值回票價！放題選擇非常多，首先點了台式野飲，黑糖珍珠鮮奶好香濃而且不太甜。食物方面，最鍾意佢地嘅等等柯仔煎蛋🍳，入面粒粒鮮甜蠔粒，配上蛋香，而且非常薄皮，不會怕吃太飽。臺式流心芝士蛋餅都幾好食，入面是一層蛋一cheese，層次感豐富😋另外也點了香菜芫茜基隆蛋餅，皮薄得來入面全是芫茜，啱曬鍾意食芫茜的～🐟燒雞泡魚乾也是不錯的選擇，味道好香，而且剛剛整好，暖暖的，適合邊傾計邊食！麻辣鴨血的醬料非常香麻辣味，正！黑松露花枝丸出乎意料地好香黑松露味，配花枝丸幾特別等等蒜蓉炒時蔬的賣相也很出色，而且上面配了好香蒜香味，就連炒菜都不馬虎。由於太喜歡吃芋圓的關係，encore了2round！😜😜😜芋圓仙草豆腐花的豆腐花非常滑香，芋圓q彈，味道也不會太甜，還有粒粒完整且煲得香淋的紅豆，的確有心思。等等三杯雞的味道較香濃，配飯一齊食會好d，但配料非常多，又有蒜粒，非常有心思。另外，餐廳的冷泡茶的確好正！除了樽身特別外，入面淡香的茶味飲落去好舒服，esp 玫瑰泡茶嘅玫瑰味非常香😍下次再來hea下，食下

呢間台灣餐廳除左食物唔錯，店員亦好nice🥰 一入座時，感覺已很親切👍今次同朋友試左最近餐廳新推出嘅台式放題😍平時打邊爐放題日式放題就食得多😆但今次依個台式放題都幾特別，所以試一試！食物種類都幾多選擇👍 可以一次過試到咁多款台式食物，真係好滿足！而且價錢又唔算貴👍分別試左台式鹽酥雞，香酥排骨，三杯雞，甜不辣等等（仲配上千島醬）好開胃😆 雞肉排骨新鮮👍仲有一啲麻辣嘅選擇，就係麻辣豬耳同鴨血，豬耳爽口，辣味都幾足夠😉 啱晒鍾意食辣嘅朋友！可以瘋狂食😛 個人幾喜歡溏心蛋🥚凍食的，而且很有溏心的感覺，唔錯！最抵食就係叫咗一條古早味烤魚😆 第一次食，好大條又啖啖肉👍 仲有好多配菜，真係抵食又醒胃！呢個份量可以三個人食😆 最後梗係要食返個甜品（必試）芋圓好煙韌，芋頭味突出，真係好好食😋今次依一個台灣美食之旅告一段落☺️下次再幫襯！

屯馬綫開通真係好方便，今次第一次搭去宋王臺附近搵嘢食！同行友人話想食台灣野，於是搵到呢間台灣小店。老闆娘不停推薦台式小食放題，$178(另加一)確實平過散嗌好多，仲可以+$18任食烤魚，真係抵到爛啊😌 平時淨係食烤魚都要$200-300啦！放題食物種類繁多，第1輪我地叫左呀等麵線、蚵仔滷肉飯、麻辣豬耳、 甜不辣、黑松露花枝丸、三星蔥拉餅、溏心蛋等等。特別推介炸甜不辣同三星蔥拉餅！熱辣辣非常好味😋 唔會話任食就hea整，或者係攤到凍曬。而滷水溏心蛋蛋黃熟度岩岩好，完美流心，蛋香濃郁，撈飯一流❤️‍🔥 花枝丸配上黑松露醬好味！蒜香麻辣豬耳夠林夠惹味～阿等麵線配上台灣原裝阿宗麵線辣醬，好有台灣風味👌🏻👌🏻特別嘅係，佢仲有香菜芫荽系列，有7款菜色，芫荽控可以一試🌿🌱烤魚我哋揀咗麻辣味，偏辣，麻味再重d應該會更好！仲有木耳豆卜等配菜，我地食1條都夠曬飽🤣飲品方面 ，菠蘿四季春有茶香又清甜，唔會係糖水味。珍珠烏龍奶茶普通，冷泡烏龍茶夠濃郁～值得一提，老闆娘十分好客，服務好好👍🏻 會關心問吓d嘢好唔好食😙 佢仲介紹嚟緊會有大閘蟹主題嘅放題，十分吸引，到時再去試下先！

台灣小食放題份量大，種類多多人吃可以試更多，因為份量是正常份量，沒有因為放題的關係而變少另外一定要加錢要烤魚，都是任食喔，真的想多吃幾條最推薦烤魚，味道不錯，魚脆香另外就是阿宗麵線本來很好吃，可惜太早下單，來的時候還不夠熱，感覺就差了但是會配上阿宗麵線專用辣醬，味精昇華，就是不夠熱而已本身還想吃大腸包小腸可惜已經很飽了另外芫荽控可以在這裏放題，有專用下單紙，可惜我沒試😂飲料種類繁多，由手搖至無糖冷泡茶都一應俱全！

甘耐無去台灣系咪心掛掛呢？上次系九龍城食完泰國野見到呢間台灣菜有任飲任食，已經bookmark定下次必定要黎試，今日約左個同道中人都系心多多咩都想試嘅friend, 甘先食得暢快架嗎🤪🤩任飲任食竟然有全條烤魚，簡直系勝價比，平時叫一條烤魚都要2~3佰元啦，完全系值回票價，份量一啲都吾馬虎架。台灣菜又點少得鹽酥雞，等等三杯雞。芝麻雞翼連翼尖，松露花枝丸，等等蚵仔煎蛋。至愛嘅雞泡魚乾都有都話女人有2個胃架啦，飯後點都要食個甜品先安樂，椰奶芋圓仙草黎緊大閘蟹季節，又有任飲任食，鐘意台灣菜又鐘意大閘蟹嘅你，吾系吾試呀～

近排心思思成日想食台灣野，咁啱就見到呢間舖頭做緊台灣菜放題，所有台灣嘅嘢食可以一次過食晒，大滿足！🤰🏻放題價錢$221一個人，放題包括大量唔同種類嘅台灣小食例如大腸包小腸，鹽酥雞同甜不辣🐥面同飯嘅種類都好多，最正嘅係食麵線嗰陣老闆娘會俾埋台灣阿宗麵線出嘅辣椒醬，呢個真係估佢唔到👍🏻至於嘢飲嘅種類大概有40幾種，我自己就試唔晒喇，個冷泡茶的確係幾好飲唔怪得佢要限住每個人一支🧋🥤🧃特別推介加$18就可以有條烤魚食，有辣有唔辣仲有蕃茄味俾你揀，而且條魚真係好大條超級抵食🐟我哋食飽飽行出門口之後發現門口有個好吸引嘅牌，原來舖頭喺9月15號開始就會有大閘蟹放題，鍾意食大閘蟹嘅朋友仔千祈唔好錯過啦！🦀

香港餐廳真係無野無可能,連台灣風味都原汁原味帶到香港 大腸包小腸 蚵仔麵線  可以食到接近台灣名店既味道 配埋阿宗辣椒醬台式麵線香港唔多地方食到,而家呢間都有賣,食過仲要煮得相當美味湯汁煮到台灣風味,有個種濃似湯羹既口感滑而順口 再加新鮮蠔仔 彈牙鮮味真係完美複製大腸即係糯米腸包台灣腸加蒜片 台式肉腸肉汁多而甜香 糯米腸軟綿煙韌評分8/10消費$100九龍城福佬村道41號地下

好中意放題任食buffet既我，今次黎九龍城試下呢個2小時台式放題$178一位。呢個放題做到9月中，之後會轉大閘蟹主題，價錢由$398-$648。紅燒牛肉刀削麵湯底濃郁且有幾分醇香酒味，飲幾啖仲細味到鮮甜紅蘿蔔味道。牛展質感軟滑唔太薄，夾層仲帶有晶瑩軟筋。刀削麵條浸泡在濃湯之中，每口都吸附上湯汁精華，食完感覺充滿能量蒜蓉炒菜 x 手工滷肉配時菜夾雜菇粒同多汁細緻既滷肉碎，味道香濃持久。少少地加配係菜心葉食，伴隨住油香同肉香，越食越開胃。另一款走肉既清炒菜，蒜蓉爆香起黎熱騰騰入口同樣滋味。大腸包小腸 大腸嘅糯米飯蒸得通透，有花生碎粒。小腸唔油膩口感彈性加埋蒜片、青瓜，正👍🏻蚵仔煎蛋 蛋液內含飽滿蠔仔同大量青嫩葱條，略煎至微微金黄色，睇落幾似一塊海鮮薄批。入口蠔仔肉鮮嫩多汁，又有葱既清新氣味，最正就係蛋香同果份滑溜感。香菜芫酥雞 一口芫酥雞粒，外層夠乾身香脆，芫茜粉曬得均勻，卜卜脆既金香外皮，內裡既雞肉幾嫩白，細嚼有彈性又夠Juicy好入味香菜爆西西雞排 鍾意芫茜味既我，呢份雞排上檯真係讚不絕口。外層炸粉夠薄酥脆感十足，由雞排邊旁到頂部都鋪左勁多芫茜，造型吸引。落刀切入內層，熱氣隨即牽引芝

冇得去台灣旅行，於是今日嚟到等等Hea食台灣美放題呢間餐廳係全新台式經典美食放題，超過40款台灣道地小食，除咗台灣小食、主菜、甜品，台式飲品都係任食，+$18仲有烤魚任食有不少食品都用上芫茜，如果你鍾意飯茜，就不能錯過啦我哋叫咗麻辣烤魚，份量超抵食，一盤有兩條魚，配菜都幾豐富，有芫荽、雲耳、豆卜、芽菜，好足料。麻辣味唔算，有麻又有香，放題質素來講，真係好唔錯。台灣美食推介：大腸包小腸台灣夜市必食item，大糯米腸裏面包着台灣腸，台灣腸煎得幾香脆，配上蒜片、青瓜，好有台灣風味台式麻辣鴨血麻辣味香濃，鴨血爽口，醃得好入味芝士留心蛋餅傳統台灣美食，去台灣旅行都會食，外皮算口，咬一口內層芝士流出，唔錯蚵仔煎蛋煎得好香口，蚵仔份量都幾多，食落每啖蚵仔，幾鮮味，鍾意食鹽酥大大雞扒外層香脆，炸醬唔算厚，內層雞肉保留肉汁，幾好食台式綠茶香芋芋圓芋圓係自家手作，煙煙韌韌，跟上紅豆仙草，唔算好甜，大滿足

其實平常不乘搭西鐵綫/東鐵綫的我完全感受不到「屯馬開通真的好興奮」，但今晚環去九龍城吃飯就真的感覺到了！不用再轉乘小巴或巴士，終於可以地鐵接地鐵的到達，好興奮！今晚不是去吃泰菜，而是到「等等hae」吃台式放題！**放題每位 $221****烤魚每位 +$18****小童每位 +$100**放題紙簡潔，多款台式食品選擇，連烤魚都有，感覺很超值！《蕃茄味烤魚 （原價每條$248）》現在只震每位加+$18就可吃到。選了蕃茄湯底，烤魚十分大條、肉又嫩滑，魚皮煎過好香口；湯底有蕃茄肉、雲耳和豆腐卜等等，吸湯惹味。任食部分點了以下：《等等三杯雞》- 很入吸可口但肉比較乾。《等等蚵仔煎蛋》- 蚵仔十分大粒肉嫩，蘸上甜醬很惹味。《萬華街小碗蚵仔滷肉飯》單價 $88，任食都能點感覺很抵食！「小碗」並不小，可二人分享。 滷肉及蚵仔各佔一半，蚵仔大大粒很鮮味嫩滑，滷肉又多又入味，汁夠拌飯一流！《阿等麵線》這款比一般蒜香的清淡，但湯汁不膩都好吃。《香菜芫荽基隆蛋餅》餐廳有芫荽系列，其中一款是蛋餅。但蛋餅比較硬和厚。《等等蒜蓉炒時菜》及《麻辣鴨血》麻辣鴨血滑溜有麻香辣。《台式滷水雞翼》肉比較實但入味。《台式綠茶

叫咗幾樣嘢芝士流心蛋餅根本唔叫蛋餅， 難食，啲芝士味唔襯，啲醬又唔襯，食左一半都無川辣紅燒牛肉麵啲湯好稀，啲麵完全入唔到味，啲牛又韌我認為一間台式餐廳，呢啲基本菜式唔可以甩拖，但好明顯連基本都達唔到鹵水併盤一樣係咁韌台式麵線普通，啲蚵仔勁腥，食左一半無食，八方雲集都好過佢非常差。我都未試過要即刻寫低有幾差，叫咗幾樣嘢都無一樣令人滿意。唔知咁多笑臉點得嚟。可能口味唔同，有好多人有特別喜好，我唔識欣賞啲笑。

放工梗係要食好西啦最近見到有台灣美食放題，除左可以感受下台灣既氣息外，仲真係有好多好茜既菜式～係魔王級芫茜放題呀見佢平日晚餐都係$188一位咁抵，即刻孖埋我個茜友放工去試下先餐廳裝修已經感受到濃濃的台灣氣息入面大約有數十枱，平日時間都已經坐滿食客放題點餐紙有成5/6張，總共超過40款台灣道地的小食台灣必食嘅大腸包小腸，麻辣鴨血，烤台腸，蚵仔煎，麵線，香煎大大雞扒，三杯雞，芝士蛋餅，滷肉飯，紅燒牛肉講得出嘅台灣必食食物都有得食三杯雞好夠火喉炒得好入味，麻辣鴨血好正，有麻又辣好惹味，而麵線仲會配埋阿宗麵線嘅辣椒醬，真係好貼心，不過略嫌蚵仔唔夠大粒，可能我係濃味寶寶，所以覺得味道淡咗少少當然唔少得有魔王級芫茜放題——沒有香菜 東西怎麼會好吃系列因為台灣必食種類樣樣試一款都飽左8成，最後芫茜淨係試左2款鴨血拌香菜茜茜手工麵一上檯見到堆芫茜山，已經陣陣香茜味撲入我的鼻+埋混有芫茜醬料混埋的涼拌麵，食入口真係啖啖茜味，好過癮呀🤣我係芫茜控，所以好享受呢碗面，加埋脆卜卜既花生，好入味既肉碎，真係味覺既享受，而呢個鴨血唔係麻，就唔及麻辣味咁吸引，有小小失色香菜鹽酥雞呢款無上面果款拌麵咁重芫茜味，因為好

九龍城唔係剩係得泰國菜，今日經過一間食台灣野叫做等等hea，入到門口好有文清feel，當然有台灣嘅感覺，見到有烤魚放題，又有台灣菜等等，未到入去已經好好招呼，有位女士主動問我哋食咗晚飯未，當年我哋入咗去啦。大腸包小腸:好有特色台灣菜，煎到金香嘅腸仔，同時間有生蒜絆住，加埋糯米飯底，飽肚之餘仲好有特色。等等hea蚵仔煎：蛋香燶口，蠔仔鮮甜，點埋特製醬汁，好好味。嘉義雞絲手炒蔥油飯：油香非常之重，每啖飯都沾上住，雞肉鮮甜，啖啖肉，配一碟生菜。等等蚵仔滷肉飯：每一啖都有蠔，蠔味好燶，好爽口，滷肉飯配埋啲汁好開胃。芒果沙冰：鮮甜芒果味，夏天首選。聽老闆娘講16號開始有大閘蟹放題。個餐牌仲有芫荽餐，下次一定要叫實在太多選擇。

屯馬線終於開通咗宋皇臺站，以後去九龍城超級方便，今日特登去九龍城潮拜一下，但係原來九龍城唔止只有泰國菜式，都有其他好出色嘅菜，例如台灣菜。話說上網見到依家“等等hea”食評幾好，所以就帶埋老公一齊去試下。個門面裝飾幾特別，好q，地點好近地鐵站行四分鐘就到。原來佢個餐牌有芫茜主題，幾特別，有好多唔同嘅配搭。芫茜下次先試，今次是咗正宗嘅台灣味道先。等等小碗蚵仔滷肉飯：雖然係下午茶餐，但份量一啲都唔細，蚵仔粒粒都好飽滿，滷肉好淋好入味，啖啖都充滿肉汁。蚵仔煎：同台灣食嘅味道一模一樣，呢個仲適合香港人口味更多。鹽酥雞扒：仲大過我塊手板，新鮮香脆，好有肉汁。鹽酥排骨陽春麵：台灣排骨即係香港豬扒，都一樣好大塊，配埋個陽春麵食一啲都唔熱氣。食之前梗係要嚟返張大合照。食完之後最後仲叫埋佢哋嘅出色台灣甜品，芋圓仙草豆腐花，佢哋啲芋圓好彈牙，好軟糯，豆腐花好滑。椰奶芋圓仙草：食咗咁多嘢，都唔會覺得好滯，因為呢度個甜品真係太好食。總結：九龍城原來台灣菜都可以生存到，一定有佢嘅存在價值。

屯馬開通之後好想去下宋王臺, 於是睇睇附近有咩食。然後搵到呢間台式放題。見佢網上評價好兩極, 好既連標題都大致一樣(你懂的)所以我特意响自己呢篇寫明:自費實測衰既主要話佢唔正宗/漏單/坐得唔舒服之類.我用whatsapp晨早就訂檯, 對方態度極有禮貌。到達後姐姐亦靚仔前靚女後, 殷勤友善, 招呼周到。店面裝修明亮，亦有些許打卡位。坐的卡位亦甚為寬敞, 可夠二人坐有空間再放袋.WEEKEND下午茶每位$188(原價$348)加一用原價計 (仲有小小插曲,陣間講)每位另加$18蚊可加烤魚，但是日戰力不足，唔加！可以由兩點食到5點, 當日全程食食食+傾偈, 坐得好舒服, 上菜亦快, 同時冇俾人趕/催埋單。(可能係tea time人少既關係?)客戶體驗算放題紙共有7張, 但部分菜式是重覆的令我的朋友極為期待的芫荽系列香菜鹽酥雞無乜芫荽味, 唔食茜的我就覺得鬆脆可口, 好食芫荽基隆蛋餅好重芫荽味, 但係比芝士蛋餅為之好食，但入面的芫荽好乾身芫荽吐司久久不來, 追問下話多士爐壞咗, 但後來又見隔籬枱有多士食，即係點呢？醣心蛋、豬耳、鴨血、雞泡魚乾係嗌左幾轉，鴨血配咗啲麻辣醬，幾惹味，雞泡魚乾唔係脆