影片
更多
2021-09-13
1270 浏览
好中意放題任食buffet既我，今次黎九龍城試下呢個2小時台式放題$178一位。呢個放題做到9月中，之後會轉大閘蟹主題，價錢由$398-$648。紅燒牛肉刀削麵湯底濃郁且有幾分醇香酒味，飲幾啖仲細味到鮮甜紅蘿蔔味道。牛展質感軟滑唔太薄，夾層仲帶有晶瑩軟筋。刀削麵條浸泡在濃湯之中，每口都吸附上湯汁精華，食完感覺充滿能量蒜蓉炒菜 x 手工滷肉配時菜夾雜菇粒同多汁細緻既滷肉碎，味道香濃持久。少少地加配係菜心葉食，伴隨住油香同肉香，越食越開胃。另一款走肉既清炒菜，蒜蓉爆香起黎熱騰騰入口同樣滋味。大腸包小腸 大腸嘅糯米飯蒸得通透，有花生碎粒。小腸唔油膩口感彈性加埋蒜片、青瓜，正👍🏻蚵仔煎蛋 蛋液內含飽滿蠔仔同大量青嫩葱條，略煎至微微金黄色，睇落幾似一塊海鮮薄批。入口蠔仔肉鮮嫩多汁，又有葱既清新氣味，最正就係蛋香同果份滑溜感。香菜芫酥雞 一口芫酥雞粒，外層夠乾身香脆，芫茜粉曬得均勻，卜卜脆既金香外皮，內裡既雞肉幾嫩白，細嚼有彈性又夠Juicy好入味香菜爆西西雞排 鍾意芫茜味既我，呢份雞排上檯真係讚不絕口。外層炸粉夠薄酥脆感十足，由雞排邊旁到頂部都鋪左勁多芫茜，造型吸引。落刀切入內層，熱氣隨即牽引芝
紅燒牛肉刀削麵
湯底濃郁且有幾分醇香酒味，飲幾啖仲細味到鮮甜紅蘿蔔味道。牛展質感軟滑唔太薄，夾層仲帶有晶瑩軟筋。刀削麵條浸泡在濃湯之中，每口都吸附上湯汁精華，食完感覺充滿能量
蒜蓉炒菜 x 手工滷肉配時菜
夾雜菇粒同多汁細緻既滷肉碎，味道香濃持久。少少地加配係菜心葉食，伴隨住油香同肉香，越食越開胃。另一款走肉既清炒菜，蒜蓉爆香起黎熱騰騰入口同樣滋味。
大腸包小腸
大腸嘅糯米飯蒸得通透，有花生碎粒。小腸唔油膩口感彈性加埋蒜片、青瓜，正👍🏻
蚵仔煎蛋
蛋液內含飽滿蠔仔同大量青嫩葱條，略煎至微微金黄色，睇落幾似一塊海鮮薄批。入口蠔仔肉鮮嫩多汁，又有葱既清新氣味，最正就係蛋香同果份滑溜感。
香菜芫酥雞
一口芫酥雞粒，外層夠乾身香脆，芫茜粉曬得均勻，卜卜脆既金香外皮，內裡既雞肉幾嫩白，細嚼有彈性又夠Juicy好入味
香菜爆西西雞排
鍾意芫茜味既我，呢份雞排上檯真係讚不絕口。外層炸粉夠薄酥脆感十足，由雞排邊旁到頂部都鋪左勁多芫茜，造型吸引。
落刀切入內層，熱氣隨即牽引芝士香飄升，仲有大量翠綠色既芝士醬汁湧出黎，雞排肉非常酥香嫩滑，配合芫茜菜清香，味道效果獨特。
鹵水溏心蛋蛋黄切開半邊冇凝固，鮮橙紅色既蛋液走晒出黎，加埋佢外層流心狀態，食落香滑之餘又夠蛋香，果然有驚喜
麻辣鴨血 ＆麻辣豬耳
嗜辣既老公都話辣得出色，鴨血同豬耳浸泡過辣油同椒籽入口超香辣，鴨血感覺滑嘟嘟又入味，豬耳幾爽軟，食後仲有持久既麻香感添！
椰奶芋圓仙草
用上196手工芋圓，口感Q彈煙韌👍🏻
张贴
