第三站

環境好，不會嘈吵，食物有質素，服務員有禮貌。在openrice搵左好耐，想搵一間可以坐耐啲又唔太嘈，可以傾計，食下野嘅地方，結果搵左哩間！食物有驚喜，價錢又唔貴！

街坊系列 – Station 3 💛------------------------------環境: 餐廳有2個鋪位🐼主題係一邊黑一邊白小編今次被安排左坐白色主題呢面☺️面積好大全部凳都係梳化😍坐得好舒服,連同枱面都好大食完野仲可以一班人係到玩Board Game🥳勁Relax------------------------------食物: 蜜糖雞翼 ($62) 🐥焗得好香好脆,味道甜甜鹹鹹😋唔錯既Party Food西班牙煙鴨胸燴飯 ($112) 🍛份量好多😱一碟都可以幾個人一齊Share 黎食味道正常🍅蕃茄味都幾突出,口感比較棉滑軟身煙鴨胸肉切成粒狀,食落夠哂口感😋CP值唔錯黑松露帶子鮮菌燴意大利飯 ($122) 🍛同樣份量好大😍黑松露味非常濃烈,食完幾個鐘都未散帶子份量都好慷慨,食極都有🤣飯既口感同樣比較軟身節制 (晚餐+$10) 🍹打卡必點📸有成3層顏色,仲次隻隻色都幾靚味道酸甜,清新開胃🥰仲有啲椰果有口感女皇 (晚餐+$10) 🍹檸檬味較重🍋飲落酸酸甜甜,帶微微既玫瑰清香沙律 + 藍莓芝士蛋糕 (晚餐+$38) 🍰蔬菜新鮮爽脆,超多芝麻醬🙊好岩醬汁控既朋友芝士蛋糕唔會太甜,

G餐黑松露帶子意大利飯 ，飯硬到爆，F餐蟹肉雜菌闊條麵D蟹肉凍嘅，三色椒嘅味好重，D餐墨西哥香辣肉丸意粉嗰啲汁係罐頭汁黎， 總之就唔價百幾蚊一個菜。 飲品一般，得個甜字！

今日同屋企人去咗旺角嘅一間西餐廳，位置在金鐘廣場，呢一間一定要推介，首先去到餐廳，環境非常舒服，座位超級大，坐好多人都唔會覺得迫，而且仲有好多遊戲玩，佢有好多board game選擇，好啱一家大細，或者朋友嚟相聚，傾偈都好舒服，而且食物都好好食，我哋叫咗一個黑松露意大利飯，仲有一個芝士意大利肉醬意粉，裏面嘅份量都好多，仲有好多小食選擇，我哋選擇了蜜糖雞翼，雞翼是即叫即整，所以食得爵士熱呼呼的，所以我覺得呢間餐廳的食物質素很好，而且我哋仲叫咗一杯飲品，我個德龍朱古力有驚喜，佢不太甜又不太淡，很有朱古力味，所以我覺得呢一間係非常之推介，這是侍應服務非常好，有笑容有熱情，又年青，所以我覺得呢一間係非常之適合年青人去聚聚的地方！

和朋友到旺角嘅Cafe食晚餐，見到呢間好有英倫風嘅Cafe，於是就想去食晚餐，地點非常方便，喺地鐵站行上去，好近。餐廳環境好靚，好舒服。餐廳有很多食物同飲品，價錢都好抵食，有花茶，花茶嘅名都好靚好特別。仲有沙冰，梳打任君選擇。佢仲有set dinner,價錢都唔係好貴，非常之抵食，加$38做沙律同蛋糕食，佢包埋嘢飲，好抵食。黑松露帶子意大利飯，好香黑松露香味，帶子數量都好多，好豐富田園沙律都好清新，加上千島醬，成個感覺都好清新。蜜糖雞翼都好好食，好香蜜糖香味，香脆可口。德龍朱古力，好香朱古力味道。榛子朱古力，好香榛子味，又好香滑又好好飲。佢嘅芝士意粉都好好食，好香芝士嘅味道，非常之美味。佢嘅朱古力蛋糕同芝士蛋糕都好好食。

旺角金雞廣場樓原來有一間Board Game Cafe😮本來都覺得同其他cafe冇咩分別😂 令人意想不到嘅係呢間 Cafe 竟然有個無敵大城景🏙 其實旺角雖然有唔少大商場 但係其實呢區都有好多好矮嘅舊樓群🏚 雖然餐廳只係2️⃣5️⃣樓 但係已經高過晒大部分建築物🤪 一眼望出去已經係一片藍天白雲☁️ 真係估唔到一間boardgame cafe 竟然會有酒店級嘅風景😍cafe 入面都有好多大枱👍🏻 岩晒一大班朋友聚會👨‍👩‍👧‍👦 而且環境好闊落坐多幾個人都唔怕😂 黎呢到食野只係其次 最緊要係可以同班老友一齊開心吹水傾計😚👉🏻 黑松露帶子鮮雜菌帶子意大利飯🍲💰HKD1️⃣2️⃣2️⃣👉🏻 三文魚野菌忌廉燴闊條面🍣🍝💰HKD1️⃣2️⃣6️⃣👉🏻 蜜糖芥末單骨雞翼🍗💰HKD7️⃣6️⃣👉🏻 藍梅/紅莓果茶🫖💰HKD5️⃣4️⃣加一服務費✅

地點位置極方便，正正係麥花臣球場後面，地鐵站行過去5分鐘內到達🌟🌟上到去好舒服好好坐，啱哂一班人上去傾偈玩boardgame!!!好多後生仔🤣🤣好多都係一大group上去👍🏼👍🏼👍🏼西班牙鴨胸燴飯 $112個味似蕃茄味，都幾開胃 易入口，我地4個人每人都食到2碗左右，café黎講性價比高咼！！黑松露帶子鮮菌燴意大利飯 $122咁嘅價錢又黑松露又有帶子，無理由唔叫🤣成晚我最鍾意嘅一碟，佢份量好足👍🏼👍🏼超多帶子，雖然唔係大大粒，但係已經滿足🥳個醬超重黑松露，重口味人士一定會好鐘意🌟小食海鮮拼盤 $128有炸蟹鉗，炸fish finger，炸蝦，炸蠔，炸帶子！性價比同樣極高👍🏼👍🏼👍🏼好食！新鮮炸起熱辣辣！！蟹肉忌廉雜菌闊條麵 $118好多蟹肉！唔會令人覺得好漏，幾個人分享啱啱好👍🏼👍🏼飲品方面，叫咗杯熱嘅百香果綠茶，熱嘅特濃朱古力，同朱古力奶昔！！奶昔完勝！！🥳🥳🥳好creamy!!唔會好多沙冰咁樣👍🏼仲要打卡able!!!!

估唔到係金雞樓上會有間幾好食嘅餐廳，重點係好抵食。我哋叫咗兩個二人餐，加$38有沙律同埋甜品，另外再加多個薯角。因為佢每樣嘢份量都好多，我哋食到超級飽。.主菜係意粉同埋牛肉沙律，比起出面啲餐廳大碟好多，味道都唔錯。.兩個甜品我哋叫咗朱古力蛋糕同埋紐約芝士蛋糕，無特別驚喜，味道正常。.如果同朋友gathering呢到會係一個幾好選擇，座位一定比地鋪餐廳寛，又可以坐得耐（勁多餐廳都有限時，傾耐d都唔得)。Window side都好開陽，旺角黎講又望到球場有遠景幾舒服！

Badboy同好耐無見嘅朋友聚聚，所以揀咗嚟旺角呢間可以坐好耐嘅樓上cafe😗本身badboy同朋友諗住點兩個dinner set同小食，但原來最低消費係每人一個set。-🦆西班牙煙鴨胸燴飯$112Badboy覺得最好食係呢個飯，好夠味，飯粒分明，煙鴨胸都唔乾硬👍🏼-🍝煙三文魚野菌忌廉燴闊條麵$126煙三文魚好難唔好食，忌廉汁夠濃，整體ok👍🏼-🦀蟹肉鮮菌忌廉闊條麵$118闊條麵偏硬，一般般。-🍯蜜糖雞翼$62賣相幾好，唔錯👍🏼-🍟松露薯條$66Badboy同友人都大失望，以為佢係黑松露醬，點知原來係灑咗d黑松露粉係上面然後配茄醬，無黑松露味不特只，薯條本身都好一般😅-現場環境比相有d距離，偏殘舊。Board game種類太少同舊，擺放亦有d亂。破冰企鵝有兩sets，懷疑有set非正版所以d冰砌極都跌，另一套先玩到。

放工同朋友上咗呢間位於金雞廣場25樓嘅「第三站」相聚閒聊！呢度全部都係梳化椅,仲有間獨立VIP房,同落地大玻璃窗,空間感非常大,適合三五知已開P聯誼。飲品同小食配搭多樣set dinner 都有八種選擇我哋點咗两個,其中一個更升級加$38,配田園沙律同蛋糕。沙律菜新鮮爽脆,芝麻醬汁足夠食晒成個前菜！套餐包一杯$38嘅飲品,我哋每杯補$6差額,點咗抹茶朱古力同熱金橘蜜。小食~蜜糖雞翼外表金黃香甜,內裡嫩滑。F.蟹肉雜菌忌廉闊條麵闊麵有咬口,條條掛滿忌廉汁,除蟹肉外,仲有青、紅椒絲同鮮磨菇等。G.黑松露帶子鮮菌燴意大利飯意大利飯有黑松露香味,雖然帶子係細細粒,不過都有好多。法國朱古力芝士蛋糕食埋件軟滑朱古力味濃嘅蛋糕,滿足晒！我哋坐咗好耐,侍應都冇催促我哋離開。🙏👍

難得同一班朋友聚會，當然要搵個舒適既環境，而且重點係食物質素唔錯，價格亦算便宜、抵食當日食左好多豐富既食物，值得推介既係香草芝士肉醬闊條麵，芝士味道濃郁，肉醬很香，闊條麵也很入味，不愛吃闊條麵的我也覺得味道很好。小食方面，一定要試下蜜糖雞翼，好香既蜜糖味道；還有香辣炸薯角，外脆內軟，超好食，超級推介。

餐廳位於金雞大廈高層, 旺角過嚟都係十分鐘左右, 餐廳地方好大, 唔單止有普通嘅卡位, 仲有一啲大嘅梳化位可以坐.餐廳嘅私隱度都幾高, 枱同枱之間距離都大.一入門口就見到唔同嘅board game, 可以其實慢慢坐,坐足成日.但係由於我哋嗰時淨係諗住食嘢, 就冇特別拎到黎玩. 但係基本上嘅三國殺, 狼人都有.食物方面, 兩個字,抵食. 餐廳嘅晚市價錢好平, 相比起其他地方要叫個set可能要200蚊, 餐廳叫埋飲品再加埋蛋糕都只係$150左右, 性價比真係幾高.我地叫咗黑松露意大利飯同埋三文魚闊條麵, 分量好足夠, 而且黑松露味都好重, 闊條麵方面, 係好重嘅忌廉汁, 但係食落又唔會漏. 而飲品, 我哋叫咗花茶, 佢嘅花茶會幫你自己加熱水, 打卡一流.

今日係公司傾美食話題，講到話有間cafe環境五錯，野食都算好，就同同事穩到過來。間cafe位于25樓，真係好高入到去發覺呢度滴沙發都好寬落，好適合一堆朋友過來食飯傾計同玩遊戲。白色的沙發，睇落都比較乾淨，最主要真係好大，坐得舒服，一滴都五逼。我地叫左一個海鮮小食拼盤，一份意粉，兩杯野飲同甜品。首先點評一下個海鮮拼盤，吉列蠔算係正常既，最好食係個魚手指同炸帶子，炸蝦食得出蝦係新鮮既。個蟹鉗好似粉多左少少，不過都算OK。墨西哥香辣肉丸燴意粉，個意粉好好味，有酸酸甜甜辣辣，多重味道，點意粉套餐會有沙律同野飲送，沙律好好味我叫左柚子蜜，會有少少甜，鐘意甜的朋友可以試下。不得不提一下個單骨雞翼，第一次甘食法，真係好方便，同埋滴雞肉五會柴，外皮脆，內裡都嫩，好容易脫骨。最後，朱古力蛋糕好好食

S T A T I O N 3 CAFE 第三站 旺角洗衣街39號金雞廣場25樓08-09室麥花臣運動場附近 雅蘭中心行過嚟都唔遠聳立於旺角中心地帶位置方便 而且上到嚟 乾淨 衛生 企理樓上Cafe就係要呢種感覺 善用大玻璃透光俯瞰旺角東及旺角中心一帶景色另外設有廂房 方便包場或者一大班朋友gathering成間Cafe善用灰色 白色做主調 簡樸 簡約風 睇落去舒服白色梳化成為咗一大特色輕輕鬆鬆播住歐美音樂 抹茶朱古力咖啡塔羅特飲 女皇墨西哥雞翼 蜜糖雞翼蟹肉雜菌忌廉闊條麵

有時行街行得太多，唔想再喺商場走，搵一間空間大，又可以Stay得耐嘅cafe好重要。夜晚就同男朋友上去旺角嘅第三站，食飯傾偈玩board game！👍🏻Order咗兩個main course再加兩個小食，再加飲品🍹，真係滿足食飽飽😌蜜糖雞翼🍖👍🏻蜜糖雞翼真係我嘅至愛，炸得來唔會太油，蜜糖味好出，整體好惹味，食到心情都好啲，作為前菜來講係非常好！魚手指配薯條🥔魚手指配薯條配埋蕃茄汁，新鮮製造特別好食，上菜前仲係熱。我感覺非常邪惡！而且份量都比較足，值得推介！黑松露帶子鮮菌燴意大利粉兩個人一路傾一路食，意大利飯個味道好出，食到啖啖帶子好正，整個口感非常好食😋卡邦尼煙肉雜菌意粉🤤估唔到份量咁大！入面嘅煙肉同雜菌份量都好多，配意粉一齊食，好豐富！另外order咗兩杯嘢飲，一杯節制！一杯熱情果乳酪！我就比較鍾意熱情果乳酪，男朋友就話節制比較好飲！行咗一日街，可以舒舒服服咁食一餐飽飯，食完再玩board game，平淡生活中嘅小確幸☺️☺️