第三站

今日約左個好耐冇見嘅朋友，諗住傾下計食下嘢搵間舒服啲嘅餐廳坐下可以慢慢吹水。餐廳位置方便，一入 門口就見到有個架放左board game，梳化卡位設計亦都坐得好舒服，一大班人上嚟玩聚下舊都冇問題😂😂😂main，小食、特飲一應俱全。🦀蟹肉雜菌忌廉闊條麵($118)超級多蟹肉，食極都仲有，配料仲有雜菌同三色椒，忌廉汁夠撈埋闊條麵食，唔會乾爭爭。🧀意式芝士肉醬闊條麵($98)朋友話想食芝士肉醬闊條麵，份量超多，每一啖都可以食到肉醬，口感同一般肉醬意粉唔同，會比較淋身少少。🍟魚手指配薯條 ($62)新鮮熱辣辣炸起真係特別好食，會令人上癮，再加埋蕃茄醬，必備嘅組合，搞到我不斷咁食，好邪惡呀!!!!!🍗蜜糖芥末單骨雞翼 ($76)單骨雞翼好大隻，外皮炸到好香脆，肉質滑，再加埋蜜糖芥末醬係perfect match🤪🤪🥤榛子朱古力 ($44)雖然我怕肥，但都俾朱古力吸引左。朱古力味夠濃，仲有得揀加/唔加cream，好貼心💛💛🍵可人兒 ($58)朋友十分養生，揀左花茶可人兒。可人兒薄荷味偏重，配搭洋甘菊、杞子、桂圓肉，可以幫助消化、失眠問題同養肝明目，食左咁多油膩嘢，飲杯花茶清一清腸胃👍🏻