472
35
45
港铁旺角站 E2 出口, 步行约3分钟
继续阅读
电话号码
66811177
营业时间
今日营业
12:00 - 00:00
星期一至四
12:00 - 00:00
星期五至六
12:00 - 01:00
星期日
12:00 - 00:00
公众假期
12:00 - 01:00
有关奖赏计划
食家推介
今日同闺蜜去咗呢间英伦式嘅Cafe ～ 餐厅装修好简约，座位系梳化椅坐得好舒服！！仲有好多好得意嘅三眼仔同埋Minions， 够晒赏心悦目🥰 一入门口有个柜，装满Board Game，如果一班人嚟可以又食又玩今日叫咗：❤️《黑松露带子鲜菌烩意大利饭》一上枱已经闻到好香黑松露味，当中菌香配黑松露加上带子，三款食材个味道都好夹！而且份量好多🥳🧡《另外加$30有埋田园沙律🥗+甜品🍮》，甜品叫咗特浓朱古力，个朱古力味好香，入口松软。虽然系特浓，但味道唔会好甜，食晒成个Cake，都唔会觉得好漏👍🏻💛《特色拼盘》～有麦乐鸡、鸡翼、饺子🥟、春卷、咖喱角、花枝丸、龙虾丸。当中最锺意就系麦乐鸡、鸡翼& 花枝丸！炸得香口又好食👍🏻饮品方面有好多选择，最後我哋拣咗：💚《Oreo 朱古力曲奇🍪》成杯充满微碎的朱古力粒及幼细的沙冰粒，口感丰富！香甜而不腻的Oreo+奶味，真系一试难忘❣️💙《荔枝绿茶🍵》都唔错啊～～饮品味道够清新，杯底仲有少少果肉☺️
继续阅读
今日约左朋友去呢间第三站既cafe, 黎得cafe都系想吹下水又唔洗怕比人赶走. 稔住金鸡广场应该都唔系d主打食野既地方, 应该冇乜人去比较容易搵位, 点知到门口见到已经有7成入了座, 仲大部份都系女士添.入门眼见地方唔算好大, 但坐位唔算好迫, 坐落几舒服, 冷气唔会开好大, 呢个几细心. 餐厅旁边放左好多小figuare, 最抢眼系一排既三眼仔同雷神鎚！ 有set就最好，唔佢烦！- 特色拼盘黎到个卖相都几吸引, 睇落个份量岩岩好, 有7款小食, 每样3件, 全都系炸既, 但食落就唔多辣口, 暖暖地咁, 应该系方面你即刻食.个鸡翼就最出色, 仲热热地既, 所以佢地menu都有3款味道👍🏼墨西哥香辣肉丸烩意粉朋友食左一啖, 佢话呢个好辣, 我再试下又真系喎, 意粉比较辣，相反个肉丸反而唔系太辣, 都几好食！西班牙烟鸭胸烩饭呢个我朋友几欣赏, 因为佢冇出面咁整到太湿太多汁, 食汁仲多过食饭既感觉, 味道算系ok既, 就系鸭肉好如果可以多少少更好。香蕉朱古力 & oreo奶昔
继续阅读
Station3Cafe提供唔少board game , 有棋、啤牌同不少智力游戏，可以俾一大班朋友上嚟饮野、食野同relax 吓。餐厅提供多款晚餐， 一共8款选择， 价钱由$88 至$116 不等。 仲可以加$30， 有一份田园沙律及甜品！ 仲可以补差拣其他饮品 （包一杯$34嘅饮品）《田园沙律》：沙律菜爽脆，非常清新！ 《墨西哥香辣肉丸烩意粉》香辣肉丸好惹味， 其实唔系辣， 口感弹牙，意粉吸挂上酱汁味， 好食呀！ 另一款的主菜是《烟三文鱼野菌忌廉烩意粉》，外观美丽， 用烟三文鱼卷成玫瑰朵， 增添贵气， 野菌忌廉加上意粉，相当好食。我最爱Station3Cafe 嘅《蜜糖鸡翼》， 外层脆卜卜， 内里嫩滑， 鸡味十足， 加上清甜蜜糖， 真系Perfect ! 配上杯《神仙茶》， 大美好了。 神仙茶入口顺滑， 有柠檬茉莉香味， 仲话可以舒缓肠胃不适、头晕、月经胀痛同改善贫血嘅功效！超多嘢饮选择！最梗要食返个甜品先，好圆满！
继续阅读
啱啱喺大陆玩完回港，正好在旺角中旅社落车，已经晚七点几了，当然梗系肚饿啦，当然要和家人在附近找野食，原来在金鸡广场二十五楼竟然有间食府，这间的店名都好特别叫「第三站」店舖内的灯光很柔和，使人感觉很舒服，间隔也很欢堂最啱三五知己店内虽然细细，但食物选择算多这个黑松露带子鲜菌会意大利饭，已好耐冇食这个饭了，带子和鲜菇配合得很好，易咬食落口也很有粘口及弹牙的感觉，而黑松露的味道也不会太浓另外一个卡邦尼烟肉杂菌意粉，盖上深红色的烟肉焗得非常香脆还有一片片的烟肉同杂菇味道配搭鲜味，当然不可少特制卡帮你汁，是整个意粉更有张力及口感还有这个特级海鲜拼盘，一拼四种不同的炸海鲜和粗薯条，食落卜卜脆还保持肉质鲜嫩还加上很多特别名称的饮品，一定要去试试，今次我们便叫了两个叫恶魔及节制最後梗系唔少得饭後甜品啦
继续阅读
早年啲楼上食肆以啲小店居多，但依家，随着食厦嘅出现，楼上铺都为分喺细店定大店，边类型、咩规模嘅餐厅都有，所以，相信搬上楼竞争一样唔细，生意一样唔易做。若能屹立得住，必定有其原因，最近到访嘅「第三站」就喺见其风评不俗，又有老友试过，较有信心一试嘅楼上西餐厅。搬楼上铺都喺想悭啲租金，自然会将啲地方用到尽，做多少少生意增加收入，但踏入餐厅，枱櫈嘅编排比预期好。一室以白色为主调，装修简约，用上高椅背梳化，阔落好坐。而最吸晴喺摆放唔少三眼仔同迷你兵团嘅公仔，令环境注入几分活力。此外，近门口更摆放唔少棋类、智力游戏，喺唔少楼上咖啡店嘅必备，亦吸引唔少年青人嚟饮杯嘢，打吓趸。主餐牌主要喺印有一系列特饮、咖啡、朱古力、奶昔、乳酸、梳打、沙冰、花果茶……等等，选择超多。而背页就喺一系列特色小食及沙律，最啱大棚人点嚟「些牙」共享。不过，讲到晚市，主打而又划算嘅就梗喺晚市套餐啦，A-H一共8款选择（$88-$116），包$34饮品一杯，但可以拣其他嘢饮，只需补差价就得喇，非常有弹性。而且，更可加$30，配埋一份田园沙律及甜品，抵喎。田园沙律好简单嘅沙律菜，却就淋上大量胡麻酱汁，唔可以讲有咩好特色，但沙律菜够爽脆，胡麻酱又香浓，整体都唔错。西班牙烟鸭胸烩饭 $102主菜方面，同老婆都不约而同拣咗烩饭，睇外观都有几分似西班牙海鲜饭咁款。食落，感觉饭粒都湿润，可以拉起收少少芝士丝，个味道带点蕃茄香，不过，就欠缺意大利饭咬落嗰程米心烟韧嘅口感；其实，饭内混入唔少烟鸭胸，只喺影相变得唔突出而已。黑松露带子鲜菌烩意大利饭 $112呢碟意大利饭做得似模似样，上枱时亦颇有黑松露嘅香气，睇得到饭内有好多鲜菌，不过，带子方面就跟预期有少少落差，因为喺用咗啲珍珠带子，比较起原粒大只嘅鲜带子就梗喺无咁有睇头，幸而整体味道唔错，而且，份量可不少啊！芒果乳酪 +$10餐饮就补钱要嘅芒果乳酪，因为平常都比较少饮呢类饮品。大大杯嘅乳酪，入口唔会太冰，一阵弹凉快酸爽嘅感觉，由於喺乳酪关系，芒果味就当然唔会话超浓郁，但用嚟衬两道意大利饭就好夹。蓝莓果茶 +$16老婆一向讲健康，自然会拣啲果茶，而蓝莓果茶从餐牌介绍有多重功效，尤其可帮助消化，就更啱佢啦。果茶浸耐咗，饮到尾嗰几水就更酸香，莓味突出，饮饮吓都有啲似饮洛神花茶嘅感觉。法国朱古力芝士蛋糕套餐加配，所以除有沙律，仲有甜点，指定嘅芝士蛋糕3拣1，而两款蛋糕都大大件，呢$30真喺加得抵。由於喺芝士蛋糕，所以，朱古力味较一般嘅慕丝蛋糕、纯朱古力蛋糕无咁浓，但跟芝士味还算平衡，可以质感就觉得稍稍有点乾。蓝莓芝士蛋糕另一款蓝莓口味嘅美式芝士蛋糕，两款蛋糕都唧上唔同酱汁，算喺无hea做。蓝莓果酱中都有点点果肉，唔错，而芝士蛋糕质感够挺，芝士味都唔差，但同一个问题，口感有啲乾，估计喺存放晌冻柜内无冚好去「保鲜」。眼前厨师、侍应都好後生，啲服务都几好，上菜又够快手，做菜都算有诚意，当然，个人觉得仲有啲地方可以改善、提升吓，但整体感觉都好唔错。
继续阅读