立鮨 (富達大廈)

营业中

休息中

喺旺角嘅立鮨非常之旺，由於店內位置不多，只有十數個企位，所以等候時間比較長。不過亦無阻我哋要立吞嘅決心！立吞即係企喺度食咁解，好多日本嘅小店都係企喺度食，又快又慳位！等咗超過半個鐘，終於有得入。和其他客人排排企圍住師傅們，感覺都幾有趣！而且企得唔算密，下方有位放袋，後方亦有衣加可掛衫，店員從後方走過時，也有充足的位置，整體感覺比想像中好！麒麟生啤 $581 Pint只需$58，咁抵玩，當然要嗌返杯啦！見住師傅係咁搓，嘢食好快就黎齊晒嚕！可能師傅知我哋等得耐肚仔餓特選三文魚盛合 $58有齊三文魚、三文魚腩、火炙三文魚、三文魚軍艦同埋三文魚小卷！壽司用上赤醋飯，入口多了一陣陳郁的香氣，別具風味。三文魚魚油充足，香甜可口，魚腩的味道更為濃郁，不錯！特上吞拿魚盛合 $160有齊赤身、中拖羅、大拖羅、火炙大拖羅和碎蔥吞拿魚腩軍艦，是名貴的組合！大拖羅入口即溶而且冇筋，鮮美的魚油在口腔內爆發，正到無朋友！火炙的大拖羅燒出了魚油，更為香口惹味！深海池魚壽司 $25 each肉質緊緻，肥美甘香，師傅加入了少量的柚子醬，感覺清新！珍寶甜蝦壽司 $20 each甜蝦肥大肉厚，又腍又甜！珍寶赤蝦壽司 $15

聞名而來，閒日晚飯時間來到，排了一會便有位。我們點了廿多件壽司，不足十分鐘所有壽司手卷一次過上齊，已心知不妙，因中途只見到幾名師傅在整手卷，咁d壽司係幾時整呢？一食就知分曉，帶子和三文魚都有少少霉味，海膽又係有怪味，鰻魚就超細舊，吞拿魚件件都有根（大拿拿48元件！），火炙個d件件全是凍的，完全冇火炙味，都唔知放了多久，最可怕是軍艦壽司的紫菜是完全淋晒，只有新鮮做的手卷最正常，起碼紫菜仍是脆。就咁就吃了近500元，性價比奇低！真係下次請都唔來！

第一次食立食壽司，放工去，一個人排了一會便入得，點了兩份吞拿魚盛盒獨食一解工作壓力，每份有大拖羅、中拖羅、火炙中拖羅、赤身和吞拿魚茸壽司，最喜歡甘香肥美得大拖羅，入口即溶。壽司飯小小的，但食左10件加幾件散叫的都夠飽。壽司飯是赤醋飯，已作調味。散叫的質素也不錯，尤其是滿瀉的三放魚子軍艦，也太漂亮了吧。

第一次喺香港試吓立食嘅文化，覺得好得意🐥因為其喺度人與人之間嘅距離反而近左💕一堆新鮮食材係你面前，點完之後師傅就會即叫即做🍣食咗個蟹子沙律做前菜~首先上既係刺身~你可以睇到色澤已經好靚，三文魚同呑拿魚十分厚切，鮮味十足，滑身得來有種入口即溶嘅感覺🤪好正😋另外仲點左青瓜卷，玉子壽司，蟹子壽司，加州卷同鰻魚壽司🍣本身以為唔係刺身累壽司應該同出邊其他壽司店咁上下味，估唔到有驚喜！首先佢本身嘅飯係有少少調味嘅，食材方面明顯食得出比較新鮮，好似青瓜較爽脆，蟹子鮮味多汁啲😋另外呢度嘅玉子壽司係必點！個甜蛋超好味🐣💕鰻魚柔軟，調味都不錯👍🏻海膽壽司，一啖食落去真係好有滿足感，甘香鮮甜，你試咗就明我覺得幾好味🤭櫻花蝦玉子燒🌸雖然好多地方都有得食玉子燒，不過估唔到佢嘅蝦味係融入晒成個蛋裏面，幾特別白桃雪葩🍑綿綿既雪冰，桃味超級重😋總括來講，如果唔介意企喺度食，呢個質素同價錢，性價比高，會encore🤤

其實一直都好想食呢間🤤因為身邊好多朋友都介紹話呢間好好食！但自己一直都未有機會去試，而今日終於相約到朋友陪我食了🙆‍♀️我地大概7:30到到，冇人排隊，唔知係唔係落雨既關係，所以我地一去到就可以即刻入去食野lu🥳我地先叫左三文魚壽司、珍寶赤蝦壽司、北海道帶子壽司、火炙北海道帶子壽司、火炙左口魚邊壽司、中吞拿魚腩壽司同大吞拿魚腩壽司🍣樣樣都好鮮甜啊！！我個人好鐘意食火炙北海道帶子壽司既，基本上去邊度食都一定會叫的🤤呢間都好好食😍😍而朋友大力推薦中吞拿魚腩同大吞拿魚腩壽司，所以兩款都有叫到，想試下究竟有幾好食！點知一擺落口度，真係好好食！好肥美🥰不過我就會鐘意食大吞拿魚腩多啲，因為超肥而食落口係有融化既感覺！！之後第二轉我都有再encore大吞拿魚腩壽司，完全係一食就愛上既感覺😭😭😭-🎈鮮蝦味噌湯呢個反而就普普通通，因為見到隔離有叫所以我地先叫😅太重鮮蝦既味，成碗湯都感覺太濃了。-🎈櫻花蝦玉子燒呢個櫻花蝦玉子燒係本月精選，唔算太特別😅不過又真係估唔到呢度都有得食玉子燒🙈-🎈三文魚子壽司嘩呢個係三文魚子壽司！！！其實我平時同朋友都唔太喜歡三文魚子，應該話未喜歡到會係外面叫黎食既～但真係好想試下

身邊有位友人是日料達人，只吃好西，無數高級日料都吃過的她，向我推薦一家小小的立食壽司店 - 「立鮨」。我一開始有點驚訝，她卻對我說那立食壽司店專賣高級壽司，而且價錢實惠，她常常吃，今天經過旺角，我就跟她去探探店。店內裝修非常簡約，沒有浮誇的配置，只有十餘個位供立食。餐牌很多選擇，壽司、刺身、手卷、軍艦應有盡有，亦有盛合拼盤及期間限定壽司供應。店內的壽司飯全用上成本較高的赤醋飯，赤醋飯一般只出現於高級壽司，吃起來特別有口感，味道更有層次，這是我非常欣賞的。我們先點了兩個盛合拼盤，分別是立鮨特上壽司拼盤 (上) 及嚴選火灸盛合 (下)。立鮨特上壽司拼盤包括深海池魚壽司、牡丹蝦壽司、北海道帶子壽司、中吞拿魚腩壽司及海膽壽司。基本上每件壽司都根據食材特性作出個別調味，連豉油也不用蘸。中吞拿魚腩壽司油脂淡一點，吃起來肉質爽脆，味帶清甜。海膽壽司非常飽滿，色澤金黃，非常飽滿，入口甘甜，很新鮮。值得欣賞的是牡丹蝦壽司及北海道帶子壽司，表面灑上檸檬皮，陣陣檸檬香氣更能帶出鮮味。牡丹蝦爽口彈牙，帶子亦肉質爽口，味道鮮甜。至於嚴選火灸盛合，又是另一番風味，盛合包括火灸三文魚壽司、火灸北海道帶子壽司、火灸左

近年在香港掀起了一股「立食壽司」的熱潮，這個文化是由日本傳過來的，名叫立食，顧名思義就是要站立在餐廳吃壽司，因為價錢相比其他日本餐廳便宜，也沒有太多的招呼及服務，價錢相比之下固然也相對便宜。之前在尖沙咀已一嚐某間有名的立食壽司店，最近又被我發現了另一間，就是「立鮨」。壽司的種類也十分多，有刺身、盛合、卷物和軍艦的等，價錢比我之前在尖沙咀吃的那一間立式壽司昂貴，也許質素會比較好吧？先點了一個鮮蝦味噌湯，$10一碗確實便宜，但並沒有真正的鮮蝦🤔倒是有很濃郁的龍蝦味，算是正正常常的質素吧。立食壽司店也有玉子燒吃，真不錯，上面有些三文魚籽作裝飾，平常不怎麼吃三文魚籽的我，也覺得這裡的三文魚籽沒有絲毫腥味。玉子燒還是熱熱的，蛋味濃郁，還帶點清甜，強烈推介大家吃呢。珍寶牡丹蝦刺身 $88/ 2隻北海道帶子刺身 $28/ 3片牡丹蝦真不是每一間日本餐廳都有的食物，物種矜貴，牡丹蝦十分大隻，帶點本身有的黏性，難怪價錢一向如此昂貴🤨帶子刺身每一片都很薄，說的不是食店食材不足，而是師傅刀功了得，也夠清甜。在外帶店的手卷會呈三角形，立食壽司店的手卷則呈長方形的，不過形狀也是其次，味道才是重點。長條形的鰻魚偏

先生在附近工作，之前已見到一間壽司店十分吸引，而且朋友都讚好過這間，所以今日買完花就和先生來排隊，等了半小時就可以入去，入到去是企立進食，大約都有四至五位師父來對二十個客，食物方面都幾多選擇，待應仲好好幫我將花放好，有加分。之後我地選好食物，師父整好就會放係面前，整餐飯是有驚喜好味道，先生都讚好話下次再來。先生要了飲品富士山柚子梳打，不太甜而有柚子香幾好飲，而我要了鮮蝦味噌湯，有驚喜好味，味濃但吾咸，蝦味都幾出。當然仲有綠茶粉選擇可在前面沖熱水飲用。之後來的是蟹子沙律，味道正常都幾多蟹子在上面。不久師父就放了壽司在前面，見到都知道十分新鮮，而壽司加了醋，所以顏色同其他有點不同。不吃出面其他店海膽的先生都想試，都說這裡的好鮮甜又多。玉子正常吾會好老身的蛋，三文魚腩好厚身而且魚油味濃郁冇根好味。帶子解雪得不錯而且十分厚肉。我最喜歡的油甘魚，都厚身而且有回甘香。鰻魚好厚身燒得好香，蟹籽勁多面有點似柚子香，好清新又增加了不少味道，令蟹子更香濃。火炙左口魚邊都味道正常醬汁好味，我地再一人一手卷，手卷一卷十分特別，入面啖啖肉，蔥碎吞拿魚碎多到由頭到尾都有。

咁岩夜晚去開旺角買野，一個人想食壽司，又諗起之前見過呢間立食，門面ok又好似幾多正評就去試下最深刻一定係件鰻魚壽司!份量唔少、油脂好足又夠淋，15件我覺得值得，出去出面買d又瘦又硬哂既鰻魚壽司都要差唔多10件，我認為就算唔係特別鍾意食都一定要試下之後又叫到吞拿魚腹、三文魚刺身、手卷、 火炙壽司等等都好高質，全部都新鮮又肥美自己一個食左$270幾蚊，總共應該食左10樣單點到，偏貴不過我覺得值得，一定會再黎食可以試下佢d套餐

眾人街知旺角係出名多嘢食嘅，今次小編同女朋友行街就搵到呢一間係要企喺度食嘅日本壽司店，小編入到去就即刻order左一份盛合，另外亦都order咗一啲自己鍾意食嘅壽司，再飲埋碗味增湯，味增湯非常好飲，有櫻花蝦嘅味道，壽司方面，油甘魚最為出色，十分新鮮，另外一啲海鮮類都唔錯，小編order咗一份牡丹蝦，的確十分新鮮及十分鮮甜，另外亦都order左一份鰻魚手卷，鰻魚燒得幾入味，大家平時行旺角嘅時候都可以嚟呢一間日本壽司店，試吓佢嘅正宗日本壽司。

晚市6點幾去食，等左幾個字以為好好食啦，點知性價比極低！又貴又細件又冇鮮味途中重要流左單，好彩我出趕先補番比我三文魚壽司勁薄+淡而無味帶子又唔鮮，蝦壽司又難食玉子壽司又切得薄，食完完全唔飽 （一人食左百幾蚊）要去格離掃街先飽得罪講句 格離爭x都好+抵食過佢未試過既可以唔洗試！食時旁邊重有外國人食，心諗呢間鋪真係影衰外國人心目中香港係美食天堂呢個名！以為香港日本野就係咁難食+貴最後行完街經過見到好多人排晒隊，真係想叫班人唔洗試！

立食嘅壽司小編好似冇食過，都幾新奇，所以就拉埋朋友一齊去試。入面環境唔錯，啲位唔會窄，夠鬆動。我地面前張枱就係咁嘅。師傅比野食我地就放喺上面，我地啲碟呀茶呀就喺下面張枱。呢度款色好多，壽司、軍艦、刺身、丼、拼盤、甜品等等都有，真係花多眼亂🤣佢地會提供一張表比客人填想食咩，仲留左兩行可以喺返同一張紙度加單，咁就唔怕亂或計錯數啦～三文魚籽軍艦啲魚籽瀉哂出黎，兩舊壽司嘅料用一舊飯餸，啱哂鍾意食餸唔食飯嘅人🤣迷你海膽飯好得意 海膽好新鮮，亦都比得好足，正呀🤣中吞拿魚腩刺身就唔洗講啦，好食到傻 肥瘦比例啱啱好，超滿足香蔥吞拿魚腩飯亦都好正，蔥好香口，吞拿魚蓉好肥美，份量亦都好足，冇欺場北海道特大珍寶帶子壽司好好食，個帶子勁大勁香，鮮味十足，好似即捉即食咁😂赤身唔會太瘦，都幾濕潤，正🤓三文魚腩壽司係限量架，好彩嗰仲食到，果然係好好味炙燒吞拿魚同帆立貝都好香呀，鍾食炙燒嘅朋友一定要叫🤣黎到食玉子好似好頹咁😂 但好好食啊！松葉蟹腳壽司好好食 小編好鍾意食蟹，啱哂🤣 連蟹柳呢啲假蟹都好鍾意食，呢度個蟹柳又厚又大條，好滿足我地仲叫左兩個雪葩食，一個蘋果一個椰子。蘋果嗰個會接緊雪葩質地啲，因為冰啲同清爽啲。

立食有試過，但立食壽司就第一次，好朋友話聽過人話好食我地就嚟試下。舖頭唔算大，平日八點幾嚟到，都多人排緊，下次既話會好啲到定等位。企得都幾寛落，下面好大個位可以放嘢。等咗半個鐘多啲入到去，見到師傅係你面前整更加想快啲食。一嚟就叫咗一堆先，師傅好快手，好快就俾到我地。壽司好似係築地食嗰啲咁，壽司飯已經有醬油係入面，飯份量比較細，相反上面既刺身就大舊好多，食落去根本上每夠都非常鮮甜，好好食。雖然咁高質，但價錢嚟講一啲都唔貴，其實只係同連鎖壽司既價錢唔差太多，但就有咁既質素，真係好抵食。我最鐘意既三文魚籽軍艦($20 for 1)，三文魚籽多到滿瀉，味道都好新鮮好好食。中吞拿魚腩刺身($128)，好高質！食落去入口即溶！大滿足海膽特盛($98)，海膽好新鮮，份量又好多！碎蔥吞拿魚腩魚生飯($168)，都好新鮮好好味。朋友最尾因為覺得太好食又encore咗個玉子壽司($9)同火炙三文魚腩($20)。呢度仲有甜品，我地四個人叫咗兩個雪葩($38 for one)，一個椰子味同一個蘋果味，兩個味道都好濃，唔錯！

起東京試過立食壽司之後意猶未盡🤤所以返到黎都要搵返間回味一下。香港開既立食壽司唔多，搵左一陣之後，就決定去呢旺角呢間試試🍣.佢既壽司款式都幾多，品質中上，價錢合理(其實同坊間果啲連鎖壽司店差唔多價錢但好食好多)，老闆以前起高級日本餐廳做過，對食品既介紹好詳盡，招呼好好幾有禮貌，係間有質素既壽司店😋😋.立食壽司呢種食法幾新奇有趣，基本上一落單就有師傳去為你準備，起你面前三兩下手勢就上得菜，快之餘又可以食到有質素既壽司，無論係自己一個抑或同朋友/男女朋友食都好適合，值得去試下呀！

立食，意指企係到食嘢。香港地地方細，企係度食慳位，餐廳又可以做多幾轉。同阿哥係旺角行街，夜晚揀左立鮨做晚餐。有壽司set叫，又可以單叫。我地兩樣都有叫。特別想講講以下既壽司。池魚壽司靚仔，魚油味豐富，中意食既人係香，唔中意食可能會覺得有少少腥。上面個啲黃色嘢好似係啲花，香口，有啲refreshing嘅感覺。火炙中吞拿魚腩壽司外面燒到岩岩好，少少燒焦味道係火炙嘅重點。肥美嘅魚腩，係唔會食厭嘅美道。大呑拿魚腩壽司粉紅顏色，夾雜著淡白色嘅脂肪條紋。入口即溶，係口腔內盤旋嘅感覺，係好難去忘記架。總結：企得到嘅人可以黎試下。壽司味道同賣相都唔錯，尤其係壽司上面嘅小點綴，為壽司添上新口感