立体派拉麵 (威靈頓街)

营业中

休息中

終於黎試中環嘅立体派拉麵，當然係點最出名嘅特級白湯拉麵，點左大Size，有三塊叉燒、溏心蛋、配搭大量蔥絲同埋筍。先試左一啖拉麵湯底，好濃縮嘅鮮味，鍾意濃味湯底嘅人可以黎試下。個麵無咩特別，最欣賞反而係叉燒，鍾意簿切嘅質感同味道，食落油膩感係零，好啱我口味！個碗睇落超級大，不過都食得哂，湯飲到最後覺得太鹹無飲太多。店鋪入口係威靈頓街，日日香鵝肉飯店對面，有塊「閒人免進」嘅路牌嘅巷仔落樓梯就見到，位置比較低調。星期六中午到訪，人流不多坐得幾舒服，服務員同其他熟客有講有笑，同埋有圍裙提供，態度幾好，有機會想再去試下另一款汁煮厚切叉燒醬油湯拉麵。

星期日去中環的好處，就係可以食到平時好多人排隊既野食呢碗就係特級白湯，一來到的時候真係俾個碗嚇親，係超大個。但可能真係因為個碗面積太大，所以啲拉麵好快凍，不過佢原本嚟嘅時候個碗係熱。先講湯底，我覺得係混合左雞同豚，都幾鮮味，又有啲奶奶地。不得不提係啲蘆筍，超好味。叉燒就一般般，有啲肥膩。拉麵硬度適中。另一碗好濃郁，有芫荽、芝士竹輪、蛋、蘆筍，同埋主角雞肉丸。認真個雞肉丸好好味😋 呢個係重口味人士之選慢煮叉燒，呢個我反而想一推，煮到林一林好入味

剛剛過咗食飯時間，唔使排隊就入到嚟。餐廳感覺環境好清幽，而且非常乾淨。位置比較獨特，位於中環一個小巷裏面，要行樓梯，唔多起眼。如果唔係朋友介紹，都冇留意到。餐廳都幾多特別嘅飲品同拉麵選擇唔知呢個係咪限定嘅呢？ ！所以今次就特別叫咗嚟試下。大和妃子雞免治肉丸辣味噌拉麵😂好長…… 湯底幾特別，比較辣，有少少麻。有啲似四川風味嘅感覺😂😂😂鍾意食芫荽嘅朋友可以叫呢三款芫荽拉麵我自己就叫咗白湯嘅拉麵，份量超級大，睇相可能唔係好覺。忍唔住拎隻手去比拼一下，應該有我兩隻半手咁大🤩夠晒份量。白湯味道好濃郁，唔會太油膩，拉麵嘅口感煙韌彈牙。連叉燒都好鮮味，肉質鮮嫩，糖心蛋都好入味。整體感覺非常好超級推薦呢個汁煮厚切叉燒，好好食㗎，入味得來，啲肉係好軟，有少少入口溶化嘅感覺。另外叫咗綠茶可樂同埋柚子汽水，感覺幾得意，初時都驚伏啦，點知原來都幾好飲

以前識左個男朋友佢好鍾意食拉麵，當時成日同佢周圍去搵拉麵食。呢一間立体派就係其中一間我地有食過既。佢既位置有少少隱匿，係條巷仔到既，好日式既裝修。見到出左幾款好重芫茜既拉麵，芫茜我都好鍾意！下次可以試下。今次我揀左大和妃子雞免治肉丸辣味噌拉麵 $158選用被為頂級美味既奈良縣特產大和妃子雞製成雞肉丸，湯底濃郁得黎少辣，估唔到個竹輪咬開竟然有芝士爆出黎！爭啲辣親個咀仔😂雖然重點唔係芫茜到，但佢既份量都唔少呀！仲有隻好流心既溏心蛋😋九味醬油湯拉麵 $98比起辣味噌拉麵呢個相對就清淡啲啦。湯底選用九種特級醬油調製而成，但一啲都唔咸！仲要配埋汁煮厚切叉燒，質感淋到不得了😋名古屋風雞翼 $48雞翼炸得脆，個醬汁甜甜地櫻花可樂 $28綠茶可樂 $28

今日朋友帶咗我過嚟食中環呢一間隱世拉麵🫣 立体派拉麵 地點真係有啲隱蔽 喺元益大廈地庫 不過都好易就搵到😌 坐低睇咗Menu 都有唔少拉麵嘅選擇咁喜歡食辣嘅我 見到呢一個辣味噌拉麵就好想試啦😋 同埋呢一個啲人話個湯碗大過個頭嘅拉麵 好適合打卡🤣 好快就落咗單啦 跟住店員就拎咗呢個圍裙俾我哋 好細心🤗 富士山櫻花可樂 $28富士川町柚子汽水 $28 柚子酸酸甜甜好清新 櫻花可樂好夠氣又好靚 兩個樽都好好打卡😇 唐揚脆炸雞 $48店員一拎上枱嘅時候真係好香 雞肉嫩滑多汁 炸得脆身香口 加咗檸檬汁再點少少蛋黃醬好夾 大和妃子雞免治肉丸辣味噌拉麵 $158嘩 好誇張多芫荽😂😂😂 喜歡食芫荽嘅朋友就有福啦😆 先試一啖佢嘅湯 辣度適中 我食開辣就覺得唔係好辣 但佢真係好濃郁同埋好香🤤 拉麵軟硬度適中 因為個湯濃郁所以每一條都可以掛住啲湯嚟食 好好味😋肉丸正常好似仲有少少雞軟骨喺入邊 芝士丸係爆漿 勁多芝士喺中間🤤重點推介！糖心蛋真係非常出色👍🏻 必食！ 特級白湯拉麵（大）$118呢個拉麵朋友叫咗大嘅份量 一拎上枱真係心入面嘩咗一聲😂 超大個碗 仲有3塊勁大嘅叉燒🤩 有少少煙燻過嘅叉燒好出色 白

港女我表示好鐘意食拉麵，今次俾我揾到呢間, 一於睇下佢咩料先❣️ 特級白湯拉麵 Ramen cubism white broth $118一黎到，見到好大個碗既拉麵! 無理由唔打下卡啦，好吸睛阿!即刻忍唔住試下個白湯，白雞湯味好濃旭，鮮甜!拉麵軟硬度做到岩岩好，仲索晒D 湯既味!三塊叉燒肉質好嫩好腍， 配埋青蔥加添令到更香更惹味。隻溫泉蛋超級好食， 仲索埋湯既精華!❣️ 大和妃子雞免治肉丸辣味噌拉麵 $158辣既味噌拉麵就更多重口味得多，岩晒我呢D鐘意食辣既人~味噌湯底個湯好濃郁，D麵索晒湯既精華!免治肉丸彈牙爽口，仲有爆漿芝士獅子狗!而且重點一定要配埋佢既大量芫荽芽菜，咁樣一齊食咬口仲令到個味道更出更惹味， 呢個組合無得輸呀! ❣️ 汁煮厚切叉燒 $58 呢個不得了，單單見到佢個賣相，已經好想食。 而我亦係唔邪惡既野都唔會食啦。重點係佢唔多肥膏!一放入口，勁林，做到入口即溶既感覺! 加埋酸酸甜甜地嘅秘製醬汁! 超入味。真心幸福既感覺又黎啦。❣️ 富士山柚子汽水 $28 + 富士山櫻花可樂 $282隻都唔錯呀! 有陣陣柚子同櫻花香味,唔算太甜~食完辣辣惹味拉麵，必需要飲下令口腔refresh番

看開飯網介紹，中環有間正拉面店，慕名而去，果然夠特別，首先位置特別，在威靈頓街，門口要落幾級樓梯才看到。鋪面好骨子，木材裝飾顯示出自然樸實之感覺，坐得很舒服，中午時間顧客不少，看看別人吃甚麼，我們就點甚麼。😛首先點了特級白湯拉面和大和妃子雞免治肉丸辣味噌拉面，好長的名字。🤣特級白湯拉面有三大塊叉燒，一只糖心蛋，出色制作，叉燒瘦多肥少，肉香鬆軟，怕肥的我連肥肉都食埋，拉面依韌，麵香四溢，連大量香蔥的白湯都想飲曬。😋大和妃子雞🐔拉面更特別，堆滿一大碗，兩個大雞肉丸，兩個爆芝士魚卷，一只糖心蛋，好多元西，正合我們兩個的意願。🤗🤗另外我們又點了厚切叉燒，兩支特式氣水，今日是最享受的拉面餐。非常滿足，下次再來試其他款。😋😋

幸得好友帶路，先識得黎食正正子拉麵喺大廈地庫既位置，感覺隱世而內裡係另一片和風嘅感覺朋友要咗佢哋呢款新出嘅大和妃子雞拉麵，而我就要咗呢度嘅極上特級雞白湯點餐之後發現枱面齊備清水同調味料等，店員仲細心為我地準備即棄圍裙以免客人食拉麵時整污糟衣物朋友嘅大和妃子雞拉麵率先到場朋友唔食芫茜所以就要求配菜上嘅芫茜分開另上呢碗拉麵用咗辣味味噌做湯底，朋友話係麻辣嘅感覺，可以刺激味蕾當中有兩大粒雞肉丸同芝士竹輪做配菜，仲有海量嘅芽菜韭菜同味付荀條我嘅特級白湯就非常吸睛，超大一碗！！！當中有三大塊慢煮叉燒同溏心蛋，整體味道都非常不錯我哋仲要咗一份厚切五花豚肉叉燒一齊分享～豚肉叉燒肉質鬆化軟淋，大滿足呢度仲供應好幾款富士山汽水架

特級白湯拉麵 🍜 ($118)寫住日本冠軍級拉麵大師林隆臣推薦無理由唔試下，雖然menu有寫個「大」字，估唔到佢個碗真係勁大，係平時嘅兩倍咁濟，真係嚇咗一跳🤩白湯雞味好濃郁，一開始嘅時候覺得偏清淡，愈食就愈發現啲雞味出哂黎，完全唔係味精個種鹹味，鮮甜得黎唔重口值得一薦👍🏻配埋三塊叉燒同一隻溫泉蛋♨️，全部都好滑嫩同鮮甜💕 麵質方面係set好咗，出到黎都唔錯，有彈性得黎都好軟滑🥢大和妃子雞免治肉丸辣味噌拉麵 🐥 ($158)辣味噌拉麵就重口好多，大約係譚仔五小辣，辣得幾過癮🌶 而個味噌湯底亦都非常濃厚，同時啲麵完全可以索哂啲湯底✨ 而主角免治肉丸有雞肉甜味亦都有啲咬口，漲卜卜cute得黎又好味😋有配爆漿芝士獅子狗，呢個配菜真係冇得輸😻仲有就係大量芫荽，呢個落order嘅時候，我哋都唔知會有咁多，上枱嘅時候嚇一嚇，好彩我哋都食芫荽🤣名古屋風雞翼🍗 ($48)呢個真係大推🙌🏻🙌🏻🙌🏻唔知名古屋風嘅雞翼原來係咁有風味🎏雞翼會沾滿醬汁，令雞翼變得惹味同甜甜地🍯，雖然係佢沾滿醬汁但都keep到外皮脆卜卜，而內裏肉質仲係滑嫩，值得100分💯柚子汽水/波子汽水🥤($28)另外叫咗兩款飲品，都正常發揮✅

好耐無嚟立體派，嚟到又係食番林隆臣配方既特級白湯拉麵。湯底用有機飼養京都丹波地雞同埋籠目昆布製成，無味精成碗奶白色好濃郁～ （如果可以再熱啲就正）勁大碗，仲有成三塊薄切慢煮叉燒同埋溏心蛋，叉燒肉質嫩腍鬆化但外圈一大圈肥仔肉就未能全部進食有啲可惜，好彩碗麵配有好多青蔥可以幫助下消滯解膩～筍絲出奇地幾好食又爽脆，幼身麵條略嫌缺乏咬口唔夠香。整體不過不失～最近立體派佢哋仲有一系列芫荽系列，各位荽人可以去挑戰一下。啤酒係凍杯，加分位👍🏻

重臨此店，外貌全非，但幸好出品還可以。兩點先食晏，入去坐低，餐牌都唔駛睇,來一個大白同醬油湯with濃厚义燒，再加炸雞同黑啤，结果飽到晚飯都冇食大白保持水準，只是今次食完有D口渴，仲記得第一次食家人係成碗湯飲哂。厚义燒腍嫩，入口即溶，只是肥瘦比例不夠黄金，大约1:9／2:8炸雞配上由餐廳特別引入的日本精釀啤酒品牌COEDO的手工黑啤，👍如林隆臣說，"啤酒跟拉麵是絕配。"今次重臨，比較可惜的是外牆壁畫冇晒，樓梯口放咗兩袋垃圾，除咗有圍桿，仲有人坐在樓梯食煙，未去過的，會以為係一條普通中環後巷不過也可以話有隱世食店的格局嘅睇你點睇啦。

大和妃子雞 免治肉丸辣味噌拉麵 $158 一上枱已經見到好多芫荽舖滿碗麵， 鍾意食芫茜+重口味人士，呢個辣味噌拉麵應該幾啱你，湯底非常濃，偏咸， 好重味噌味，辣味嘅湯底有幾惹味！我最鍾意就係佢嘅芝士竹輪🤩 一碗有兩條，芝士味好正！免治雞肉丸都好大份，好足料嘅感覺，推介一試特大碗濃郁白雞湯拉麵 $118雞湯好溫和，creamy奶白色，飲落成碗雞湯都係精華✨ 冇味精味，唔會好咸😋 記得要趁熱飲! 趁熱食!拉面面質軟硬適中，會掛到湯汁🙈 叉燒薄，而且大塊😋 份量都多👍 旁邊嘅糖心蛋都好好食

🍴 特級白湯拉麵呢到個碗好大，白湯即係雞湯🐓個味好濃，麵嘅硬度中等，幾彈牙😬叉燒簡單少少黑胡椒、鹽調味，食落完全唔肥🤣.🍴九味醬油湯拉麵 湯底由九種特級日本醬油調製而成🇯🇵超濃醬油味，醬油味好香😻厚切叉燒雖然啲肉望落好邪惡😈但煮到軟腍，入口即溶😚個肥我係完全接受到，食落好有口感👍而厚切叉燒醬汁甜甜哋，超MATCH‼️.🔖MENU 會不定時推出期間限定拉麵，近排有芫荽MENU🌱中意嘅人仔可以TRY TRY🤤. 💡本身諗著叫炸雞，但去果陣暫時未有炸物😭. 💡門口係巷仔行落去，勁隱蔽🏘真心好易MISS😛-💎推介指數: 💎💎💎💎💡性價比:✨✨✨✨🍴ENCORE指數: ⭐️⭐️⭐️⭐️（想試埋其他款拉麵😋)-

朋友介紹立体派嘅特級白湯拉麵，話湯底好鮮味，趁星期日就出去試下。餐廳雖然話喺威靈頓街，但其實係要行樓梯落去條巷仔，都幾容易行過龍。特級白湯係必嗌啦，另外嗌咗佢呢期推介嘅大和妃子雞免治肉丸辣味噌拉麵，同埋一個汁煮厚切叉燒。先講小食，汁煮叉燒真係超厚切，醬汁香濃，叉燒入口即融，水準有驚喜。特級白湯其實係雞白湯，味道係鮮甜嘅，拉麵係曲麵，個人鍾意食直麵多啲。至於大和妃子雞免治肉丸辣味噌拉麵賣相同風味都好似同雲南米線crossover咗，辣度可接受但偏刺激，兩粒肉丸大大粒好飽肚，海量嘅芫荽係幾搶fo嘅。飲品方面試咗抹茶汽水同穩穩陣陣嘅烏龍茶，兩樣都係支裝嘅，前者有抹茶味，糖漿偏甜；後者係正常烏龍茶，食完拉麵解膩必選。

員工態度惡劣，非繁忙時間都一定要人齊先入坐，一個人同兩個人都係坐一張枱，一個人就可以入坐，我等朋友就要門口企，但明明裡面就有幾張吉枱，而且無人排隊，餐廳有餐廳既做法但你同顧客講都可以比小小禮貌？