261
55
14
港铁中环站 D2 出口, 步行约3分钟 继续阅读
所有分店 (1)
电话号码
23990811
开饭介绍
由日本冠军级拉面大师林隆臣所开设的拉面店,其主打的白汤汤底混合日本米鸭、有机饲养京都丹波地鸡、日本各地近四十种味噌等熬制而成,香浓而不油腻。 继续阅读
营业时间
今日营业
11:00 - 22:00
星期一至日
11:00 - 22:00
付款方式
AlipayHK 支付宝 现金 八达通
其他资料
网上订座
赏订座积分
加一服务费
当面支付
有关奖赏计划
食记 (380)
小编今日喺去玩之前,就紧系要去医饱个肚先啦🍴。而今晚难得嚟到中环一带,点都一定要试吓中环呢区嘅拉面🍜,因为上网见呢度都有好多出名嘅日本拉面食㗎。今次小编就嚟到一条巷仔位隐藏咗既一间拉面店,行入去就会见到呢间「立体派拉面」🏠。而餐厅入面有一款拉面系以芫荽为主题🌿,但小编就对芫荽就冇太感兴趣,唔知大家会唔会锺意食芫荽呢种味道呢?✦✦✦✦✦✦✦✦✦✦✦✦✦✦🎈特级白汤(大) $118小编就决定叫咗另一款 - 白汤拉面🍜,仲要特登叫大款想试吓大碗拉面又有啲咩分别先,小编个人认为拉面嘅一般份量1.5倍到,入面同样都有叉烧、笋片同溏心蛋,不过大拉面就有一只溏心蛋🥚,配料都同样多啲。系味道方面虽然入口有少少苦涩味,但呢种味系由原汁原味猪骨熬出嚟先至有咁白既色亦有原味✨,虽然汤底出色,但亦未有太大令小编深刻既感觉😲。✦✦✦✦✦✦✦✦✦✦✦✦✦✦小编比较喜欢餐厅既室内环境,泛黄既灯光🌟,木质台櫈,同餐厅保持汤底自然原味既感觉好似。另外,就系芫荽拉面好特别,芫荽爱好者绝对要嚟一试👀,无乜日本餐厅可以食到呢款拉面,好新颖。而且餐厅位置系窄巷到,行大街未必易见🛣,细心搵一搵先会搵到,希望大家有机会尝试到啦🤲。✦✦✦✦✦✦✦✦✦✦✦✦✦✦ 继续阅读
(以上食记乃用户个人意见 , 并不代表OpenRice之观点。)
等级4 2021-01-30
270 浏览
喺香港食到嘅鸡汤拉面唔多,但间间都各有特色,之前介绍个好龙嘅鸡白汤鸟华亭,今次介绍嘅系嚟自日本大阪嘅冠军级拉面立体派。依间拉面之所以系冠军级系因为主理人系拉面大师林隆臣,拍住日本厨艺界领袖人物松村贵大。林隆臣系大阪塚本駅既排长龙人气旗舰拉面店「创作らーめんStyle林」,松村贵大喺日本拥有八个拉面品牌。-🍜 特级白汤(大) 💰118(👅: 9/10)呢款系唯一林隆臣推介既拉面小,有得拣大同小,大同细分别在叉烧数量同有冇蛋,而份量唔差太多,大既个碗好大,食落个份量正常,足够正常人食饱。食拉面第一样是会试佢个汤,师傅坚持用地道同天然既食材熬制汤底,汤底用肉汁丰腴既日本米鸭丶有机饲养既京都丹波地鸡同由昆布职人独家为林隆臣采摘既笼目昆布精制而成,所以鸡白汤饮落非常浓同鲜甜,温度足够,偏重味,个人觉得系可以接受既咸味,第一啖饮会有啲咸,但再饮会饮到鸡汤既味,饮落唔觉油腻,比起一般豚骨汤底冇咁油腻,几滑几香,有少少奶油嘅香味,我觉得系可以饮哂既鸡汤。面系偏粗,唔系九州个种细面,微曲,听讲两位拉面大师特别选用优质既日本小麦粉、鸡汤同鸡蛋自家手造心目中最理想既中等粗度面条,软硬度无得选择,传统日本拉面都系无得拣,不过硬度适中,食落爽口弹牙,我锺意食硬D既面不过只要佢唔系淋身既都可以接受。叉烧有三大片但切到好薄既慢煮叉烧,系豚肉叉烧而唔系鸡肉,质感唔算嫩滑但每块叉烧都入味,吸收晒白汤既精华。配料有豆苗、笋乾、京葱丝同溏心蛋。温泉蛋晶莹通透,蛋黄非常流心,蛋白够绵够淋,非常出色。-🌟价钱黎讲立体派定价系中价至中高价(88-118),118只有特级白汤大,以香港价钱黎讲算系可以接受,因为过左100之後系另一个关口,质素只论鸡白汤系香港可以再食既鸡汤拉面之一。不过呢家只有中环威灵顿街总店一间,要食就要特登黎但我觉得系可以接受,因为佢唔只一款拉面。除左特级白汤拉面出色之外,人气拉面仲有松村贵大系日本既招牌拉面之一「海体酱油汤」、仲有「地立浓汤」、「天方白汤」、「地立辣味浓汤」、「天方辣味白汤」。-👅味道: 8.5/10🍴环境: 7.5/10💰消费: $118 (服务费: 10%) 继续阅读
(以上食记乃用户个人意见 , 并不代表OpenRice之观点。)
等级4 2020-11-17
5977 浏览
约左老友系中环食拉面,星期一既晚上,都已经非常多人,可能大家不能到日本旅行,只可以在香港搵日本正宗口味。今日叫了两款拉面1) 特级白汤真是要逐样讲,首先是份量,系超级既大份。今次叫了(大),真系真材实料。白汤,好浓的鸡味,浓而不腻,而且好滑好香,但又唔会过咸。饮落去唔会觉得油或腻。 蛋,只温泉蛋其实相当不错。基本上拉面都有蛋,但今次只蛋真系好食。 面,面冇得拣软硬的,但反而更好,相信师傅准备既原味道。面身爽,弹牙,唔会觉得太硬。 叉烧,薄薄一片,但就吸收晒白汤的精华。每块都好入味 2) 鲭鱼汤香菇野菜海虾拉面一样好食,一样有惊喜 首先又讲讲汤底。鲭鱼汤比白汤清,但一样好香,有少少辣,但反而更开胃,而家天气又有一点凉,好岩而家食。 香菇野菜,食得出新鲜。海虾方面,虾是另上的,因为系冻盘。其实汤底带少少辣,但反而虾就系冻盘,好特别的配搭。虾本身带有酒味,好入味,单食都好好食。 另加了一个小食鸡软骨饺子新鲜炸起,里面配鸡软骨就更加脆,更加爽,香口。 整体来讲,食完唔会觉得油,觉得几好食。与一般拉面店有所不同。 继续阅读
(以上食记乃用户个人意见 , 并不代表OpenRice之观点。)
等级4 2020-11-16
2725 浏览
因为要系港岛区返学,有时都会搵下附近有咩好野食。见好多同学都会推介呢间拉面,而男友又钟意食拉面。所以就系返学前去食啦。上网睇先发现佢系一间由冠军级日本拉面师傅开既拉面店。小妹就点了鲭鱼汤香菇野菜海虾拉面,一上菜真系吓亲,估唔到份量咁足。海虾好大只,而且食得出既新鲜好料。食落弹牙仲有好香既酒味。至於个汤底就系用日本鲭鱼等各种海产熬制而成鲜甜十足。当中的配菜菇菌亦系「好野」黎,绝对唔hea 呀。而男友就点了海体酱油拉面,估唔到件叉烧肉咁如此厚身。食落肉汁鲜嫩,够份味之余又唔会腻。值得再食呀!海体酱油汤底仲唔会太咸,拉面较为软身,岩晒小妹呢d唔钟意食口感硬既人。至於小食方面,我地就点了唐扬脆炸鸡。炸鸡外脆内嫩,超多肉汁。最後仲点埋男友最钟意食既饺子。 呢款叫林隆臣饺子。饺子皮煎得好香脆,包裹既猪肉亦很新鲜,肉汁多。唔错!立体派拉面果然好有质素,唔怪得咁多同学都推荐啦!值得再光顾! 继续阅读
(以上食记乃用户个人意见 , 并不代表OpenRice之观点。)
等级2 2021-05-06
0 浏览
香港人钟意去日本玩,食日本嘢,但好似食来食去嗰几样,以拉面为例,太多香港拉面店都系猪骨汤底,虽然好味,但有时都想转吓口味㗎。之前喺日本(真系年几前🥲,唔知几时先可以再去!)食过鸡白汤拉面,只系路东京赤板一家唔山出名嘅小店,但一试难忘,可惜香港一直搵唔到鸡白汤拉面,直至最近同朋友讲开,佢介绍我试依家。店开在威灵顿街内小巷中,好唔显眼,唔专诚搵好难搵到。我周一下午午饭时去,有大约十人在前,等咗大概十分钟入到去。地方以拉面店仲要系中环算唔迫,坐低有水,因为想食个名古屋鸡翼,所以叫咗细白汤拉面。好快上面,D汤真系好正,面系有咬口嗰啲,我钟意,细面冇义烧,只有几片薄猪肉,猪肉冇乜特别,反而D笋几好味,连平日唔多食荀嘅都觉得几好,汤就饮嗮,之後又冇口乾喎!鸡翼$38 4只,ok lah,冇乜特别。总结食得过,鸡白汤拉面推👍 继续阅读
(以上食记乃用户个人意见 , 并不代表OpenRice之观点。)
您可能会有兴趣的...