大阪人气双子8字碗冷热盐味拉面抵港 拉面大师中环拉面店新口味(有片)
2019-06-26

食拉面又有新体验啦!呢间由日本拉面大师林隆臣开设嘅拉面店今年一月进驻中环,最近引入大师大阪店热卖嘅item双子碗拉面,除咗可以一次过试晒两款冷热盐味拉面,拉面碗外型仲够晒独特,食拉面之余可以顺便打埋个卡!


双.禁果之盐($138)

首先要讲吓个碗先,呢个双子8字碗系由大厨林隆臣构思,由京都匠人设计,由日本空运到港。因为呢个碗呈8字嘅关系,食客就可以一次过试晒两款冷热盐味拉面!


「禁果之盐」冷汤底拉面喺日本当地都好罕见,大师特别选用顶级鱼贝类配以佢嘅自家秘制酱油,面质弹牙,加上大量三文鱼子,炎炎夏日食真系好爽!


热汤底方面,海鲜盐酱汁以四种甲殻类精华制成,再加上手工海盐、清酒、帆立贝丶花蚬丶大蚬丶北海道产嘅真乌贼同乾贝等,啖啖鲜甜!

「禁果之盐」冷热盐味拉面($98)同时可以单点。


林隆臣特式辣味浓厚白汤杯面(换购价$25)

大师今次仲带埋佢嘅得意之作林隆臣特式辣味浓厚白汤杯面到港,呢个杯面喺日本赢得第十届全国「未来拉面」大奖冠军,汤底以顶级日本米鸭及豚肉制成,加上秘制香料,味道浓厚~而香港店限量300个,想食就要早啲去啦!

店内单次消费满港币300元,即可以换购价港币25元换购一个杯面,每人每次限换两碗,每天名额20个。


鲭鱼汤香菇野菜海虾拉面($98)

以日本鲭鱼熬制清汤底,加入虎虾、红椒丝、大葱、黄芽白、金针菇同冬菇提味,再加大量昆布,汤底鲜甜。呢款拉面每日下午五点半後限量供应20碗,又系嗰句,想食要趁早!


今次餐厅亦新出三款小食,包括自家制米麴柚子渍大根($28)、面豉香葱黑豚腩肉($38)、自家制番薯脆波波($38),叫返个配拉面食就完美啦~


另外林隆臣大师喺五月底亦喺大阪成功创立姐妹拉面品牌「纯至派RAMEN PURISM」,供应好多大师拿手、但香港店并未有供应嘅拉面,去开大阪嘅朋友可以去trytry佢!


立体派

地址: 中环威灵顿街27-29号元益大厦地库





文: Yanica

相、片: Tom Li


关键字
中环
拉面
日本
林隆臣
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】零食速报 每周新款零食、酒品点评
5天前
【2021生日优惠】持续更新!6月寿星送海鲜拼盘
2021-06-01
《优秀开饭热店大赏2021》赛果公布
2021-05-24
5月份好评餐厅十强
2021-06-04
一秒变出 招牌十八层海胆杯 佐敦小店全新体验 魔术X铁板烧
2021-06-11